Category: لاہور

ریلوے شعبہ آئی ٹی کے سرور میں ٹیکنیکل خرابی واقع ہونے کے بعد دوسرے دن بھی بحالی کا کام جاری۔ہے چیف ایگزیکٹوآفیسر پاکستان ریلویز نثار احمدمیمن نے افسران کو خرابی دور کرکے فوری ٹکٹوں کا حصول یقینی بنانے پر زوردیا

تمام ریزرویشن آفسز ایک گھنٹہ تک بحال کردیئے جائیں گے اور مسافر اپنی ٹکٹ بک کراواسکیں گے۔ سرور میں خرابی مکمل طور پر جلد بحال کردی جائے گی۔ تاہم ریزرویشن سے ٹکٹ کا حصول یقینی بنایا جائے گا۔ ریلوے کا سرور میں ٹیکنیکل خرابی کی وجہ سے ٹکٹوں کے حصول میں مشکلات پر مسافروں سے معذرت کرتے ہیں

ٹرینوں کی ٹکٹ بکنگ کا عمل گزشتہ روز رک گیا تھا جسے اب تک ٹھیک نہیں کیا جا سکا۔ مسافروں کو ٹکٹوں کے حصول میں پریشانی کا سامنا ہے۔آئی ٹی سرور میں فنی خراب کے بعد ریلوے کی ٹکٹوں کے حصول سے متعلق ویب سائٹ بھی بند ہوگئی۔

ریلوے حکام کے مطابق لک بھر کے تمام ریلوے اسٹیشنز کا شعبہ آئی ٹی مفلوج ہوگیا ہے جبکہ آئی ٹی ماہرین کی ٹیم سرور میں ہونے والی خرابی کو دور کرنے لیے کوشاں ہیں۔
ریلوے حکام نے مسئلے کے حل کے لیے کوئی مقررہ وقت نہیں دیا۔واضح رہے کہ آئی ٹی سرور میں فنی خرابی کے باعث فی الحال ٹکٹوں کی بکنگ آن لائن ہو رہی ہے اور نہ ہی راویتی طریقے سے ٹکٹ کا حصول ممکن ہے

احتساب عدالت نے سیکرٹری صحت کو شہباز شریف کی میڈیکل رپورٹس فراہم کرنے کا حکم دے دیا۔ عدالت نے اپوزیشن لیڈر قومی اسمبلی شہباز شریف کی میڈیکل بورڈ تشکیل دینے کی درخواست پر تحریری حکم جاری کر دیا۔

لاہور کی احتساب عدالت کے ایڈمن جج جواد الحسن نے تین صفحات پر مشتمل فیصلہ جاری کیا۔ تحریری فیصلے میں کہا گیا کہ شہباز شریف کے ذاتی معالج پروفیسر عارف خان، پروفیسر عقیل باری اور پروفیسر طاہر نصر کو شامل کیا جائے، شہباز شریف کی درخواست کے مطابق برین ٹیومر اور کینسر کے مریض ہیں، لیگی رہنما کو میڈیکل رپورٹس فراہم کرنا قانونی حق ہے، شہباز شریف کی درخواست کو قانون کے مطابق نظر انداز نہیں کیا جا سکتا۔

شہباز شریف نے عدالت میں اپنے بیان میں کہا تھا کہ سالڈ ویسٹ مینجمنٹ میں جو کچھ کہا اس پر کسی نے اعتراض نہیں کیا ،نیب کو کرپشن نہیں ہر منصوبے میں بچت ملے گی ،یہ منی لانڈرنگ کیس میں قیامت تک میرے خلاف دھیلے کی کرپشن ثابت نہیں کرسکتے

شہباز شریف نے عدالت میں کہا کہ ابھی تک میرا میڈیکل بورڈ نہیں بن سکا،جیل والوں نے بتایا رپورٹس عدالت میں پیش کردیں، جس پر عدالت نے کہا کہ اس درخواست پر آج آرڈر کردوں گا،

شہباز شریف کا کہنا تھا کہ میرے خلاف کرپشن ثابت نہیں ہوئی، ڈیلی میل میں خبر شائع کر کے پاکستان کو بدنام کیا گیا، نیب کو کرپشن نہیں، ہر منصوبے میں پیسے کی بچت ملے گی،خبر شائع ہوئی تو برطانوی حکومت نے اتوار کو آفس کھول کر تحقیقات کیں، برطانیہ میں اتوار کی چھٹی اہم ہوتی ہے، برطانیہ میں اتوار کو دفاتر کھول کر تحقیقات کی گئیں،یہ الٹے بھی ہوجائیں تو بھی کرپشن ثابت نہیں کر سکتے،

فیروزوالہ شاہدرہ یونین آف جرنلسٹس اور پریس کلب کے الیکشن میں کس نے میدان مارا

باغی ٹی وی : فیروزوالہ شاہدرہ یونین آف جرنلسٹس اور پریس کلب کے الیکشن 2022-2021 میں صدر کے امیدوار ایم اے فرید نے میدان مار لیا ۔کوآرڈینیٹر گورنر پنجاب میاں وحید احمد نے کامیاب امیدواروں کا اعلان کیا اور اُن کو مبارک باد پیش کی ۔۔

تفصیلات کے مطابق فیروزوالہ شاہدرہ یونین آف جرنلسٹس اور پریس کلب کے الیکشن 2022_2021 کے سلسلے میں نجی ہال میں ووٹنگ کا عمل سنئیر صحافی چئیرمین سپریم کونسل رانا عبدالغفار کی زیر نگرانی اور کواڈینٹیر گورنر پنجاب میاں وحید احمد کی سرپرستی میں مکمل ہوا جس میں تمام ممبران نے اپنے حامیوں کے حق میں ووٹ کاسٹ کیے ۔کوآرڈینیٹر گورنر پنجاب میاں وحید احمد نے کامیاب امیدواروں کا اعلان کیا جس میں صدر ایم اے فرید نے 100 فیصد ووٹ حاصل کرنے کے بعد صدر منتخب جبکہ سنئیر نائب صدر عتیق مغل
سیکرٹری جنرل اختر محمود
فنانس سیکرٹری حافظ عباس علی رضا
سیکرٹری نشرواشاعت ۔فائز چغتائی ۔۔رانا اویس ۔ سمیت پورا پینل کامیاب اس موقع پہ کوآرڈینیٹر گورنر پنجاب میاں وحید احمد نے کامیاب امیدواران کو مبارک باد پیش کرتے ہوئیں کہا کہ پی ٹی آئی کو برسر اقتدار لانے میں میڈیا کا بہت بڑا کردار ہے جنہوں نے الیکشن میں وزیراعظم عمران خان کی آواز کو ملک کے ہر قصبے شہر کونے میں پہنچانے میں اپنا مثبت رول ادا کیا اور آج خوشی ہے کہ فیروزوالہ شاہدرہ میں ایسے صحافی منتخب ہوئیں جنہوں نے ہمشیہ مثبت صحافت کے فروغ کے لیے کام کیا اور اس امید کا اظہار کیا کہ نو منتخب عہدیدران علاقہ کی بہتری اور ترقی و خوشحالی کے لیے پہلے سے زیادہ محنت و لگن سے کام کریں گئے

میں ایک خط دینا چاہتا ہوں شہباز شریف، شہباز شریف نے چین کے سفیر کی جانب سے دیا گیا اعزازی خط عدالت میں پیش کردیا

۔شہباز شریف نے کہا کہ مجھے آج ہی یہ خط ملا ہے میں قید میں ہوں ، چین کے سفیر نے میرے نام خط لکھا اور میرے سی پیک اور منصوبوں کی تعریف کی، میرے سمیت پوری قوم کی عزت ہے
ایک قیدی کو چین کا سفیر خط لکھ رہا ہے جو کسی اعزاز سے کم نہیں، چین پاکستان کا بہترین دوست ہے ۔

میرے اوپر دوسال سے الزامات کی بوچھاڑ ہو رہی ہے ، اس کے باوجود چین کے سفیر میری تعریف کررہے ہیں، عدالت میں شہباز شریف نے چین کے سفیر کا خط پڑھنے پر پراسکیوشن نے اعتراض کردیا

۔پراسکیوٹر نے کہا کہ خط کا اس کیس سے کوئی لینا دینا نہیں ہے عدالتی وقت ضائع نہ کیا جائے ۔فاضل جج نے پراسکیوٹر کو جواب میں نے شہباز شریف کو پہلے کہا ہے کہ کیس کے متعلق بات کریں، میں قوم کو بتانا چاہتا ہوں ۔میرے منصوبوں کو دنیا مان رہی ہے ۔

ریلوے قوانین کی خلاف ورزی کرنے والے ٹک ٹاکرز کے خلاف پاکستان ریلوے پولیس کی کارروائی، ، ملزمان نے ریلوے پھاٹک نمبر 33 درمیان رائیونڈ اور جیا بھگا ٹک ٹاک ویڈیو بنائی، دونوں ملزمان کے خلاف تھانہ ریلوے پولیس رائیونڈ مقدمہ کا اندراج کر لیا گیا

ملزمان کے خلاف 120, 121, 129 ریلوے ایکٹ اور 186,290 PPC کے تحت مقدمات کا اندراج کیا گیا، اے آئی جی ایڈمن ملک محمد عتیق نے کہا کہ ملزمان نے ریلوے کی حدود میں قانون کی خلاف ورزی کی ۔عوام الناس سے گزارش ہے کہ وہ ریلوے قوانین کا احترام کریں ۔ اپنی زندگی سے پیار کریں اور ریلوے پولیس سے تعاون کریں۔

ریلوے پولیس کی غفلت سے ریلوے ٹریک پر ٹرینوں کے قریب خطرناک ٹک ٹاک بنانے والوں کی تعداد میں اضافہ ہورہا۔ چند روز کے دوران ریلوے ٹریک پر متعدد نوجوان ٹرین کی زد میں آکر جاں بحق ہوچکے۔ریلوے پولیس نے ریل گاڑی اور ریلوے پھاٹک پر ٹک ٹاک بنانے والوں کے خلاف کارروائی کا آغاز کر دیا ہے۔ اس سلسلے میں کارروائی کرتے ہوئے ریلوے پولیس نے ٹک ٹاک بنانے والے نو جوان اسرار گوندل کو گرفتار کر لی

لاہور ہائیکورٹ میں سابق وفاقی وزیر داخلہ چوہدری نثار کی جانب سے صوبائی اسمبلی کا حلف نہ اٹھانے کیخلاف درخواست پر سماعت۔عدالت نے جلد سماعت کی متفرق درخواست منظور کر لی۔
عدالت نے افس ہائی کورٹ کو ہدایت کہ کیس کو سماعت کے لیے شیڈول کے تحت لگایا جائے

درخواست میں وفاقی حکومت، الیکشن کمشن آف پاکستان سمیت دیگر کو فریق بنایا گیا ہے،منتخب نمائندوں کا حلف نہ اٹھانا عوامی نمائندگی قانون کے خلاف ہے اور یہ اقدام آرٹیکل 2 اے 17 اور 25 کی خلاف ورزی ہے،چوہدری نثار نے صوبائی نشست پر کامیابی حاصل کرنے کے بعد تاحال پنجاب اسمبلی میں حلف نہیں اٹھایا۔

درخواست گزار نے کہا کہ چوہدری نثار نے حلف نہ اٹھاکر ووٹرز کی تذلیل کی ہے،پنجاب اسمبلی میں چوہدری نثار کا حلقہ نمائندگی سے محروم ہوچکا ہے، عدالت چوہدری نثار کی کامیابی کو کالعدم قرار دے کر دوبارہ انتخاب کروانے کا حکم جاری کرے۔ عدالت الیکشن کمیشن کو انتخابات میں کامیابی حاصل کرنے والے اراکین اسمبلی کو حلف اٹھانے کا پابند کرے۔

منی لانڈرنگ کیس میں شہباز شریف اور حمزہ لاہور کی احتساب عدالت میں پیش ہوئے، اس موقع پر سکیورٹی کے سخت انتطامات کئے گئے۔

لاہور کی احتساب عدالت میں منی لانڈرنگ ریفرنس میں شہباز شریف سمیت دیگر کے خلاف کیس کی سماعت ہوئی۔ شہباز شریف اور حمزہ شہباز نے عدالت میں حاضری مکمل کروائی۔ فاضل جج نے شہباز شریف سے استفسار کیا کہ آپ کچھ کہنا چاہتے ہیں، جس پر لیگی رہنما نے کہا ایک خط دینا چاہتا ہوں۔

شہباز شریف نے چین کے سفیر کا خط عدالت میں پیش کر دیا اور کہا کہ مجھے آج ہی یہ خط ملا ہے، چین کے سفیر نے میرے نام خط لکھا اور میرے سی پیک منصوبوں کی تعریف کی، ایک قیدی کو چین کا سفیر خط لکھ رہا ہے جو کسی اعزاز سے کم نہیں، چین پاکستان کا بہترین دوست ہے، میرے اوپر الزامات کی دو سال سے بوچھاڑ ہو رہی ہے، اس کے باوجود چین کے سفیر میری تعریف کر رہے ہیں۔

عدالت میں شہباز شریف کے چین کے سفیر کا خط پڑھنے پر پراسکیوشن نے اعتراض کر دیا۔ پراسکیوٹر نے کہا کہ خط کا اس کیس سے کوئی لینا دینا نہیں، عدالتی وقت ضائع نہ کیا جائے۔ فاضل جج نے کہا شہباز شریف کو پہلے کہا ہے کہ کیس کے متعلق بات کریں۔ شہباز شریف نے کہا کہ قوم کو بتانا چاہتا ہوں کہ میرے منصوبوں کو دنیا مان رہی ہے۔