Category: لاہور

لاہور جلسے کیلیے پی ڈی ایم کا اجلاس طلب،اہم فیصلے متوقع

باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ لاہور جلسے کی تیاریاں شروع کردی ہیں حکومت کیخلاف فیصلہ کن مرحلےکی تیاریاں شروع کردیں،

مریم اورنگزیب کا کہنا تھا کہ حکومت کی طرف سے اینٹ کا جواب پتھر سے دیاجائے گا ، پی ڈی ایم کی مقامی قیادت کا اجلاس ہوگا جس میں جلسہ کی تیاریوں کے حوالہ سے اہم فیصلے کئے جائیں گے ،اجلاس میں جے یو آئی ف کے رہنما غفور حیدری بھی شریک ہوں گے ،اجلاس میں 13 دسمبر کو لاہور میں پی ڈی ایم جلسے سے متعلق مشاورت ہوگی ،اجلاس 13 دسمبر کو لاہور میں جلسے کے انتظامات کا جائزہ لے گا ،حکومت کی جانب سے ممکنہ رکاوٹوں کامقابلہ کرنےکےلیے حکمت عملی تیار کی جائے گی

ضلعی انتظامیہ نے پی ڈی ایم کو لاہور کے گریٹر اقبال پارک میں جلسے کی اجازت دینے سے انکار کر دیا ہے۔ اپوزیشن اتحاد نے 13 دسمبر کو لاہور میں جلسہ کرنے کا اعلان کر رکھا ہے۔

پی ڈی ایم کو سینیٹر فیصل جاوید نے دیا بڑا چیلنج،کہا اس مقام پر جلسہ کریں سرکاری میڈیا پر بھی نشر کرا دینگے

ملتان ،حالات کشیدہ، کینٹینر لگ گئے، اپوزیشن کا ہر حال میں جلسہ کرنیکا اعلان

بطور جانشین مشن کو آگے بڑھانے کا ذمہ دار ہوں،بلاول

مریم نواز ملتان کیلئے روانہ،کہا جلسہ ہونے سے پہلے سے ہی کامیاب ہوگیا

آصفہ بھٹوکراچی سے ملتان روانہ، کون ہے ہمراہ؟

آصفہ بھٹو مریم نواز پر پہلے روز ہی بازی لے گئی

پی ڈی ایم وائرس کا بھی مقابلہ کریں گے،مریم نواز کی سیاست بارے فردوس عاشق کا بڑا دعویٰ

ملتان میں پی ڈی ایم رہنماؤں پر مقدمے، بلاول کے ترجمان برس پڑے

رات گئے اس طرح کی گرفتاری ….بلاول کا صفدر کی گرفتاری کے 11 گھنٹے بعد مریم سے رابطہ،کیا کہا؟

مریم نواز ایک بار پھر نیوز کانفرنس سے اٹھ کر چلی گئیں

مولانا فضل الرحمان کی زیر صدارت پی ڈی ایم کا اہم اجلاس جاری،مریم سمیت کون کون شریک؟

کیپٹن ر صفدر کی درخواست ضمانت پر عدالت نے فیصلہ سنا دیا

مریم نواز کو اندر کون ڈالے گا؟. اہم سوال اٹھ گیا

پی ڈی ایم کا گوجرانوالہ میں جلسے پر مقدمہ درج

پی ڈی ایم جلسہ ،ایس او پیز کی خلاف ورزی پر مقدمہ، عدالت کا بڑا حکم

حکومت کوعوام نظرنہیں آتی، جلسہ کیا نظر آئے گا،مولانا فضل الرحمان

مسلم لیگ (ن) نے کے رہنما رانا مقبول، سابق مئیر لاہور کرنل ریٹائرڈ مبشر جاوید، رکن صوبائی اسمبلی سمیع اللہ خان، راجہ خرم اور امتیاز الہیٰ نے ڈپٹی کمشنر کو مینار پاکستان پر جلسے کی درخواست دی تھی۔ تاہم ڈپٹی کمشنر لاہور مدثر ریاض ملک نے موجودہ تناظر میں جلسے کی اجازت دینے سے صاف صاف انکار کر دیا۔ ان کا کہنا تھا کہ جلسہ ہونا ہے یا نہیں اس کا فیصلہ پنجاب حکومت نے کرنا ہے۔ یہ سابق حکومت کا ہی فیصلہ ہے کہ گریٹر اقبال پارک میں جلسے نہیں ہو سکتے۔

ڈپٹی کمشنر لاہور کا کہنا تھا کہ انتظامیہ نے حکومت کی گائیڈ لائنز پر عمل درآمد کرنا ہے۔ یہ کس طرح ممکن ہے کہ اپوزیشن کی جانب سے کورونا وائرس ایس او پیز پر عمل ہوگا۔

ڈپٹی کمشنر کی جانب سے جلسے کی اجازت نہ ملنے پر ردعمل دیتے ہوئے سابق مئیر لاہور کرنل ریٹائرڈ مبشر جاوید کا کہنا تھا کہ مینار پاکستان میں علامہ خادم حسین رضوی کا جنازہ اور منہاج القرآن کا اجتماع ہو چکا ہے۔ حالیہ ایونٹس کو دیکھتے ہوئے مسلم لیگ ن کو بھی اجازت ملنی چاہیے۔

بابر اعظم پر الزام عائد کرنیوالی خاتون نے اب کس پر ہراساں کرنے کا الزام لگا دیا؟

باغی ٹی وی کی رپورٹ کے مطابق قومی کرکٹ ٹیم کے کپتان بابراعظم پر الزامات عائد کرنے والی خاتون حامیزہ نے مقامی عدالت میں ایک اور درخواست دائر کر دی ہے۔

خاتون حامیزہ کی طرف سے لاہور کی عدالت میں ایک اور درخواست دائر کی گئی ہے جس میں مؤقف اپنایا گیا ہے کہ بابر اعظم کے خلاف مقدمے کی درخواست پر بابر اعظم کے والد، بھائی، ایس ایچ او تھانہ ڈیفنس اے اور دیگر افراد ہراساں کر رہے ہیں۔ بابر اعظم کا خاندان مقدمے کی درخواست واپس لینے کے لیے دباؤ ڈال رہا ہے۔متاثرہ خاتون کے وکیل کا کہنا ہے کہ عدالت نے پولیس سے رپورٹ طلب کرتے ہوئے حامیزہ کو ہراساں کرنے سے روک دیا ہے۔

قبل ازیں پاکستان کرکٹ ٹیم کے کپتان کیخلاف اندراج مقدمہ کے لیے ہامزہ نے سیشن کورٹ سے رجوع کیا تھا،ایڈشنل سیشن جج نعمان محمد نعیم نے ایس ایچ او نصیر آباد سے رپورٹ طلب کر لی ،عدالت نے ہراسان کرنے سے روکنے کا حکم دیتے ہوئے ایس پی کمپلینٹ سے 5 دسمبر کو جواب طلب کرلیا

حامزہ مختیار نے سیشن کورٹ میں اندراج مقدمہ، ہراسان کرنے سے روکنے اور ہرجانے کی درخواست دائر کی ، دائر درخواستوں میں بابر اعظم،محمد اعظم، فیصل اعظم کامل اعظم اور محمد نوید کو فریق بنایا گیا ہے،درخواست میں‌موقف اپنایا گیا کہ سی سی پی او لاہور کو اندارج مقدمہ کی درخواست دی لیکن عملدرآمد نہیں ہوا، بابر اعظم کیخلاف جنسی ہراساں، فراڈ اور ہرجانے کے دعویٰ کی درخواست کی گئی ،درخواست میں تھانہ نصیر آباد پولیس کوبابر اعظم کیخلاف مقدمہ درج کرنے کی استدعا کی گئی ہے

بوگس چیک میں مطلوب اشتہاری مفرور کی گرفتاری ، لاہور پولیس کی بڑی کامیابی

باغی ٹی وی رپورٹ : ایس ایچ او نواں کوٹ کے مطابق لاہور پولیس نے فیصل آباد اور بہاولپور پولیس کو مطلوب 48 لاکھ روپے کے بوگس چیک کے 03مفرور اشتہاری پکڑ لیے . نواں کوٹ پولیس نے 03مفرور اشتہاری مجرمان جنید، خلیل اور انور کو گرفتار کیا۔

اشتہاری مجرم خلیل کے خلاف تھانہ کینٹ بہاولپور میں 38 لاکھ روپے کے بوگس چیک کا مقدمہ درج تھا۔مجرم جنید کے خلاف تھانہ ریل بازار فیصل آباد میں 05 لاکھ روپے کے بوگس چیک کا مقدمہ درج تھا۔مجرم محمدانور کے خلاف تھانہ گلبرگ فیصل آباد میں 05 لاکھ روپے کے بوگس چیک کا مقدمہ درج تھا۔۔

مفرور اشتہاری مجرمان کو متعلقہ پولیس کے حوالے کر دیا گیا۔جرائم پیشہ افراد کے خلاف کاروائیاں جاری رکھیں گے۔

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

وفاقی تحقیقاتی ادارے (ایف آئی اے) کے سائبر کرائم ونگ نے نارووال میں کارروائی کرتے ہوئے چائلڈ پورنوگرافی میں ملوث ریاض نامی نوجوان کو گرفتار کرلیا۔

ایف آئی اے حکام نے بتایا کہ برازیل حکومت نے ملزم سے متعلق معلومات پاکستان کو دی تھیں، انٹرپول کے ذریعے ملنے والی معلومات کی روشنی میں ملزم کو گرفتار کرلیا گیا۔

ایف آئی اے کے مطابق ملزم سے 600 سے زائد بچوں کی فحش ویڈیوز برآمد ہوئی ہیں۔ ملزم کا لیپ ٹاپ اور دوسری ڈیوائسز تحویل میں لے کر انہیں پنجاب فرانزک لیبارٹری بھجوایا گیا ہے تاکہ ان کی جانچ پڑتال کرکے مزید معلومات اور شواہد مل سکیں۔

ایف آئی اے حکام نے بتایا کہ ملزم چائلڈ پورنو گرافی کے عالمی گروہ سے رابطے میں تھا اور اس کے خلاف مقدمہ درج کر کے عدالت سے چار روزہ ریمانڈ حاصل کر لیا ہے۔

واضح رہے کہ کچھ عرصہ قبل اسلام آباد سے بھی انٹرنیشنل ڈارک ویب کے سرغنہ سہیل ایاز کو گرفتار کیا گیا تھا جسے گزشتہ دنوں عدالت نے معصوم بچوں کے ساتھ زیادتی، اغواء ،پورن وڈیو بنانے کا جرم ثابت ہونے پر 3 بار پھانسی اور 3 بار عمر قید کی سزا سنائی ہے۔

پولیس ٹریننگ سینٹرز میں جدید کورسز کوشامل کر لیا گیا

باغی ٹی وی رپورٹ :آئی جی پنجاب انعام غنی کی زیر صدارت پولیس فورس کے ٹریننگ امور سے متعلق سنٹرل پولیس آفس میں اہم اجلاس ہوا جس میں‌ فیصلہ کیا گیا کہ تمام ٹریننگ اداروں میں تربیتی کورسز کے دوران کورونا ایس او پیز کی پاسداری کو ہر صورت یقینی بنایا جائے.ٹریننگ سنٹرز میں دہشت گردی، ہنگامی صورتحال، بچوں اور خواتین پر تشدد کی روک تھام کے حوالے سے شارٹ ٹرم کورسز پر بطور خاص توجہ دی جائے۔
صوبے کے تمام ٹریننگ سنٹرز آر اینڈ ڈی برانچ کی معاونت سے ریسرچ پربھی کام جاری رکھیں۔ طلباء و طالبات کیلئے سی پی او سے شروع ہونیوالے انٹرن شپ پروگرام کا دائرہ کار ٹریننگ سنٹرز تک بڑھایا جائیگا۔

ادوران کورسززیر تربیت اہلکاروں کو ایف آئی آرز اورضمنیاں لکھنے کے حوالے سے بطور خاص تربیت دی جائے۔ پنجاب پولیس کے آئی ٹی پراجیکٹس کی ٹریننگ کالجز کے آئی ٹی پروگرامز کے ساتھ انٹی گریڈیشن کا کام جلد مکمل کیا جائے۔ تربیتی اداروں میں درکار لیکچررزکی دستیابی کیلئے محکمہ تعلیم سے ڈیپوٹیشن پر لیکچررزکے حصول کیلئے سمری تیار کی جائے۔

تربیتی اداروں میں ٹرانسفر کئے گئے سٹاف کو اضلاع سے فی الفور ٹریننگ کالجز اور سکولز میں بھجوایا جائے۔اجلاس میں ایڈیشنل آئی جی ٹریننگ کنور شاہ رخ، ڈی آئی جی ٹریننگ ڈاکٹرسلیمان سلطان رانا، کمانڈنٹ پولیس ٹریننگ کالج سہالہ عباس احسن، کمانڈنٹ پولیس ٹریننگ کالج ملتان گوہر ممتاز بھٹہ،اے آئی جی ٹریننگ تنویر احمد طاہر،احمد نواز چیمہ، پرنسپل پولیس ٹریننگ سکول فاروق آباد،عامرعبداللہ خان نیازی،پرنسپل پولیس ٹریننگ سکول سرگودھا،عامر خلیل، پرنسپل پولیس ٹریننگ سکول راولپنڈی،طارق عزیز ایس پی لیگل،پرنسپل پولیس کالج لاہوراور عائشہ بٹ، ایس پی پرنسپل پولیس کالج لاہور سمیت دیگر افسران بھی موجود تھے۔

شہباز شریف کی جانب سے پیرول پر رہائی میں توسیع کی درخواست

باغی ٹی وی کی رپورٹ کے مطابق قومی اسمبلی میں قائد حزب اختلاف شہباز شریف اور حمزہ شہباز نے پیرول پر رہائی میں توسیع کے حوالہ سے حکومت سے رجوع کر لیا

مسلم لیگ ن نے اس حوالہ سے درخواست محکمہ داخلہ پنجاب کو دے دی ہے، عطااللہ تارڈ کی جانب سے جمع کرائی گئی درخواست میں موقف اپنایا گیا کہ شہباز شریف اور حمزہ شہباز سے افسوس کیلئے بہت سارے لوگ آنا چاہتے ہیں۔ اس لئے پیرول میں رہائی میں مزید توسیع کی جائے

یاد رہے شہباز شریف اور حمزہ کی پیرول پر رہائی کی مدت کا آج آخری روز ہے۔ مسلم لیگ ن کی جانب سے دونوں رہنماوں کو 14 روز کے لئے پے رول پر رہا کرنے کی درخواست کی گئی تھی تاہم پنجاب کابینہ اور وزیراعلیٰ پنجاب کی جانب سے 5 روز کے لئے رہائی کی منظوری ملی۔ پنجاب حکومت نے پاکستان پریزن رولز 1978 کے سیکشن 545 بی کے تحت پے رول پر رہائی کی اجازت دی۔

دوسری جانب شہباز شریف کی والدہ کی وفات پر تعزیت کے لئے آنے والے افراد کا سلسلہ جاری ہے، برطانوی ہاؤس آف لارڈز کے سابق رکن لارڈ نذیر نے پاکستان مسلم لیگ (ن) کے صدر اور قائد حزب اختلاف شہباز شریف سے ملاقات کی ہے،لارڈ نذیر نے قائد حزب اختلاف سے ان کی والدہ کی وفات پر تعزیت کی ،لارڈ نذیر نے مرحومہ کے ایصال ثواب کے لئے فاتحہ خوانی اور اہل خانہ کے لئے صبر جمیل کی دعا کی

گورنر پنجاب چودھری سرور کا شہباز شریف سے ٹیلیفونک رابطہ ہوا، گورنر پنجاب نے شہباز شریف سے والدہ کے انتقال پر اظہار تعزیت کیا، ڈپٹی چیئرمین سینیٹ کی اپوزیشن لیڈر شہباز شریف سے ملاقات ہوئی، سلیم مانڈوی والا نے شہباز شریف سے والدہ کے انتقال پر تعزیت کی

یونیورسٹی میں گندے انڈے بیٹھے ہیں، تمام کو جیل بھیج کرکمیشن بنائیں گے،عدالت کا بڑا حکم
باغی ٹی وی کی رپورٹ کے مطابق لاہورہائیکورٹ نے نئے ممبران پنجاب بار کونسل کی ڈگریوں کیمرحلہ وار تصدیق کرانے کی ہدایت کر دی

عدالتنے وائس چانسلر کو ذاتی طور پر وکلا کی ڈگریوں کی تصدیق کرانے اوررپورٹ دینے کا حکم دے دیا،عدالت نے آئندہ سماعت پر ڈگریوں کی بابت رپورٹ پیش کرنے کی ہدایت کر دی

لاہور ہائیکورٹ کے چیف جسٹس محمد قاسم خان نے ریمارکس دیتے ہوئے کہا کہ اگر کسی نے ڈگری معاملہ میں چالاکی دکھائی تو وی سی اور رجسٹرار کو نہیں چھوڑیں گے،جس نے عدالت میں غلط رپورٹ دی تھی انکو نہیں چھوڑیں گے ،یونیورسٹی حکام نے عدالت کا تماشا بنا رکھا ہے،جعلی ڈگریاں کس طرح منسوخ ہوں گی؟

وکیل یونیورسٹی نے عدالت میں کہا کہ ڈگریوں کی منسوخی سے متعلق 8دسمبر کو اجلاس میں فیصلہ کریں گے، عدالت نے کہا کہ تمام ممبران پنجاب بار کو نسل کی ڈگریاں چیک کریں اگر یونیورسٹی حکام نے اپنی اصلاح نہ کی تو توہین عدالت کی کارروائی ہوگی،پیش کردہ رپورٹ سے ظاہر ہوتا ہے کہ یونیورسٹی میں جرائم پیشہ افراد بیٹھے ہوئے ہیں، یونیورسٹی میں گندے انڈے بیٹھے ہیں، میں تمام کو جیل بھیج کر کمیشن بنائیں گے

لاہورہائیکورٹ نے نئے ممبران پنجاب بار کونسل کی ڈگریوں کی مرحلہ وار تصدیق کرانے کی ہدایت کر دی

ڈاکٹرعمارجان نظر بندی کیس، لاہور ہائیکورٹ نے بڑا حکم دے دیا

باغی ٹی وی کی رپورٹ کے مطابق لاہور ہائی کورٹ میں حقوق خلق موومنٹ کے رہنما ڈاکٹرعمارجان کی نظربندی کے خلاف درخواست پر سماعت ہوئی

عدالت نے درخواست پر ڈی سی لاہور کو نوٹس جاری کرتے ہوئے دو ہفتوں میں جواب طلب کر لیا ،عدالت نے درخواست گزار کی نظر بندی کے آرڈر پرعمل درآمد روکتے ہوئے درخواستگزار کو نظر بند کرنے سے روک دیا ،عدالت نے آرڈر میں کہا کہ بادی النظر میں نظر بندی کا آرڈر قانون کے خلاف ہے ۔ایڈشنل ایڈووکیٹ جنرل پنجاب ملک عبدالعزیز اعوان نے درخواست کی مخالفت کی ۔

سرکاری وکیل نے عدالت میں کہا کہ درخواستگزار کے خلاف دو مقدمات ہیں ،جس پر لاہور ہائیکورٹ کے چیف جسٹس نے ریمارکس دیتے ہوئے کہا کہ محض مقدمات کی بنا پر نظر بند نہین کیا جا سکتا ۔وکیل درخواستگزار نے کہا کہ
قانون کا غلط استعمال کیا جاتا ہے ۔ درخواستگزار کو سیاسی بنیادوں پر انتقامی کاروائی کا نشانہ بنایا جا رہا ہے

عدالت نے استفسار کیا کہ درخواستگزار کیا کرتا ہے جس پر وکیل نے عدالت کو بتایا کہ وہ پروفیسر ہے۔

چیف جسٹس محمد قاسم خان نے ڈاکٹر عمار جان کی درخواست پر سماعت کی ،درخواست گزار کی جانب سے حناء جیلانی۔ سلیمان اکرم راجہ ایڈووکیٹس پیش ہویئں ۔درخواست میں وفاقی حکومت ۔ڈپٹی کمشنر لاہور سمیت دیگر کو فریق بنایا گیا ہے ،وکیل درخواست گزار نے کہا کہ درخواست گزار کو نقص امن عامہ کا خدشہ ظاہر کرنے کی بنیاد پر ایک ماہ کے لئے نظر بند کیا گیا ہے ۔ڈپٹی کمشنر کے پاس ایسا کوئی مواد نہیں جیسے ظاہر ہو کہ درخواست گزار نقص امن عامہ کا باعث بن سکتا یے۔ درخواست گزار کسی تشدد یا ریاستی اداروں کے خلاف کارروائی میں ملوث نہیں ۔عدالت ڈپٹی کمشنر کی جانب سے درخواست گزار کو نظر بند کرنے کا اقدام کالعدم قرار دے ۔