Category: لاہور

مقبول اداکار علی عباس کا کہنا ہے کہ انہوں نے والد وسیم عباس کی دوسری شادی کے بعد پیش آنے والے حالات سے بہت کچھ سیکھا اور اسی لیے وہ خود ایک شادی میں خوش اور مطمئن ہیں۔

اداکار علی عباس نے حال ہی احمد علی بٹ کے پوڈکاسٹ میں اپنی ذاتی زندگی سے متعلق کھل کر بات کی،انہوں نے اپنے والد سینئر اداکار وسیم عباس کی دوسری شادی کے بعد ان کی زندگی میں پیش آنے والے چیلنجز پر روشنی ڈالی۔

انہوں نے بتایا کہ انہیں اداکاری کا شوق ہمیشہ سے تھا، انہوں نے مختلف شعبوں میں تعلیم حاصل کی جن میں اکنامکس، ایل ایل بی، بزنس اور نیشنل کالج آف آرٹس (این سی اے) سے اداکاری کی تعلیم شامل ہے، ان تمام ڈگریوں کے باوجود ان کا خواب صرف اداکاری ہی رہا۔

امریکی صدر ٹرمپ 18 ستمبر کو پاکستان آئیں گے

اداکار کے مطابق ان کے والد (وسیم عباس) نے ان کے اداکاری کے سفر میں کسی قسم کی کوئی مدد نہیں کی اور وہ خود بھی یہ نہیں چاہتے تھے کہ انہیں اپنے والد کی وجہ سے شوبز انڈسٹری میں کوئی کام ملے، کیونکہ ان کے نزدیک اصل خوشی اس کامیابی میں ہے جو اپنی محنت سے حاصل ہو، نہ کہ کسی کے سہارے سے۔

علی عباس نے بتایا کہ جب ان کے والد نے ساتھی اداکارہ صبا حمید سے شادی کی تو وہ تقریباً گیارہ یا بارہ برس کے تھے، صبا حمید اس وقت طلاق یافتہ تھیں اور ان کے دو بچے، میشا اور فارس بھی تھے، اس شادی کے بعد ان کے اور والد کے درمیان فاصلہ پیدا ہو گیا اور انہیں اپنے چھوٹے بہن بھائیوں کی ذمہ داری سنبھالنی پڑی کیونکہ ان کی والدہ شدید ذہنی دباؤ کا شکار تھیں۔

مون سون بارشوں سے آبی ذخائر بڑھ گئے

اداکار کے مطابق انہوں نے ہمیشہ مسئلے کا حصہ بننے کے بجائے حل بننے کا انتخاب کیا وقت کے ساتھ ساتھ انہیں احساس ہوا کہ اصل میں ان کے والد بھی اس صورتِ حال سے تکلیف میں تھے، اس کے بعد علی نے اپنے والد سے دوبارہ بات چیت شروع کی اور رفتہ رفتہ ان کے درمیان تعلق بہتر ہوتا گیا۔

انہوں نے کہا کہ اس تمام صورتحال میں ان کے اور ان کے والد کے درمیان فاصلے پیدا ہو گئے تھے لیکن بعد میں جب انہوں نے دو شادیوں کے بعد اپنے والد کی حالت دیکھی تو انہیں اندازہ ہوا کہ اصل متاثرہ فرد تو اُن کے والد تھے چاہے شادی کسی بھی وجہ سے ہوئی ہو، دو شادیاں ان کی زندگی پر گہرا اثر ڈال چکی تھیں، اسی لیے علی عباس نے اپنے والد سے دوبارہ بات چیت شروع کی۔

بارشیں،سیلابی صورتحال،پاک فوج کا ریسکیو آپریشن،10 افراد کو ہیلی پرریسکیو کر لیا

ان کا کہنا تھا کہ وہ اپنے والد کی پریشانیاں تو کم نہیں کر سکتے تھے لیکن انہیں سن ضرور سکتے تھے اور اسی دوران وہ اپنے والد کے ساتھ مزید قریب آگئے، وہ خود ایک شادی سے خوش ہیں اور فی الحال دوسری شادی کا کوئی ارادہ نہیں رکھتے، والد کی زندگی دیکھنے کے بعد تو وہ شاید کبھی ایسا فیصلہ نہ کر سکیں۔

پاکستان تحریک انصاف (پی ٹی آئی) کے بانی اور سابق وزیر اعظم عمران خان کی ہمشیرہ علیمہ خان کو ریاست مخالف سوشل میڈیا سرگرمیوں کے الزام پر نیشنل سائبر کرائم انویسٹی گیشن ایجنسی لاہور زون نے طلب کر لیا ہے۔

علیمہ خان کو 17 جولائی کو لاہور میں واقع این سی سی آئی اے دفتر میں ذاتی حیثیت میں پیش ہونے کی ہدایت کی گئی ہے۔ نوٹس میں کہا گیا ہے کہ ان سے ریاست مخالف الزامات کے دفاع میں ان کا بیان ریکارڈ کیا جائے گا۔نوٹس میں علیمہ خان پر سوشل میڈیا کے ذریعے ریاست مخالف سرگرمیوں میں ملوث ہونے کا الزام عائد کیا گیا ہے۔این سی سی آئی اے نے واضح کیا ہے کہ اگر علیمہ خان مقررہ تاریخ پر پیش نہ ہوئیں تو ان کے خلاف قانونی کارروائی کی جائے گی اور معاملے کو ضابطے کے مطابق آگے بڑھایا جائے گا۔

ذرائع کے مطابق معاملے پر مزید پیش رفت آئندہ ہفتے متوقع ہے۔

کراچی کے علاقوں میں زلزلے کے جھٹکے، شدت 3.4 اور 2.7 ریکارڈ

شام: سویدا میں جنگ بندی کا معاہدہ، ریاستی کنٹرول بحال

ڈیفنس کراچی سے جیل میں ایوارڈ لے چکی کروڑ پتی ماسی گرفتار

ایشیا کپ 2025: بھارت کو پاکستان کے خلاف کھیلنے کی اجازت

ایران مذاکرات چاہتا ہے، ہمیں کوئی جلدی نہیں: امریکی صدر

لاہور کے شاہدرہ ٹاؤن میں شہری مین ھول میں موٹرسائیکل سمیت گرگیا،موٹرسائیکل سوار کے گڑھے میں گرنے کی سی سی ٹی وی فوٹیج سامنے آگئی۔

مون سون بارشوں کے اسپل کی شدید بارشوں نے پنجاب بھر میں تباہی مچا رکھی ہے،جگہ جگہ بارشوں کا پانی کھڑا ہے،لاہور میں شاہدرہ ٹاؤن کے رسول پارک میں سیوریج کی کھدائی کے بعد طوفانی بارش کا پانی کھڑا ہوگیا تھا،شہری موٹرسائیکل پر گھر سے نکلتا ہے اور کھلے مین ہول میں گرجاتا ہے واقعے کی سی سی ٹی وی بھی سامنے آگئی جس میں شہری گرتے ہوئے دیکھا جا سکتا ہے،محلے داروں نے اپنی مدد آپ کے تحت شہری کو باہر نکالا اور ڈوبنے سے بچا لیا۔

https://x.com/Aadiiroy2/status/1945450632216809930

دوسری جانب شاہدرہ ٹاؤن کے علاقوں مسلم پارک، حسنین کالونی میں بارش کا پانی بدستور کھڑا ہے جبکہ راجپوت پارک، چاند خان شہید چوک، سراج پارک، پراچہ کالونی کےعلاقے بھی متاثر ہیں،جھلاراں روڈ، حق باہو روڈ ، رحیم بخش روڈ ، بخاری پارک و دیگر علاقوں میں بھی پانی جمع ہے۔

ایران دشمنوں کو بڑا دھچکا دینے کی صلاحیت رکھتا ہے،خامنہ ای

دوسری جانب لاہور سمیت پنجاب میں آج بھی بارش کی پیشگوئی کی گئی ہے۔

ترجمان پی ڈی ایم اے کے مطابق بالائی علاقوں میں بھی موسلادھاربارشوں کے امکانات ہیں جس حوالے سے کنٹرول روم سمیت ڈسٹرکٹ ایمرجنسی آپریشن سینٹرز کو الرٹ کر دیا گیا ہےترجمان پی ڈی ایم اے نے بتایا کہ لاہور ، راولپنڈی، فیصل آباد ،گوجرانوالہ، سرگودھا، ملتان اور ساہیوال میں بارش کا امکان ہے جب کہ بہاولپور، جہلم، اٹک، چکوال، مری، گلیات، میانوالی اور نارووال میں بھی بارش متوقع ہےاس کے علاوہ گجرات، سیالکوٹ، ٹوبہ ٹیک سنگھ، منڈی بہاءالدین میں بھی بارش کے امکان ہے جب کہ موسلا دھار بارش سے نشیبی علاقوں کے ندی نالوں میں طغیانی اور مری کے پہاڑی علاقوں میں لینڈ سلائیڈنگ کا خطرہ ہے۔

لاہور ایئرپورٹ کے کارگو ایریا مٰن آگ بھڑک اٹھی ،جس کو بجھانے کیلئے ریسکیو آپریشن جاری ہے۔

ریسکیو 1122 کے مطابق لاہور ائیرپورٹ کے کارگو ایریا میں اچانک آگ بھڑک اُٹھی، جس کے بعد ریسکیو 1122 کو فوری طور پر اطلاع دی گئی ابتدائی معلومات کے مطابق آگ کارگو ایریا میں لگی جس کے باعث وہاں ہنگامی صورت حال پیدا ہو گئی۔

اطلاع ملتے ہی ریسکیو 1122 کی ایمرجنسی وہیکلز فوری طور پر جائے حادثہ پر پہنچ گئیں، جہاں ریسکیو اہلکار آگ بجھانے میں مصروف عمل ہیں۔ ابتدائی طور پر ریسکیو کی 8 گاڑیاں موقع پر روانہ کی گئیں تاکہ آگ پر قابو پایا جا سکے اور کسی ممکنہ نقصان کو روکا جا سکے۔

حکام کے مطابق آگ پر قابو پانے کے لیے آپریشن جاری ہے جب کہ صورتحال کی مسلسل نگرانی کی جا رہی ہے فی الحال جانی یا مالی نقصان کی تفصیلات سامنے نہیں آئیں، تاہم فائر فائٹنگ ٹیمیں بھرپور کارروائی میں مصروف ہیں تاکہ کسی بھی بڑے سانحے سے بچا جا سکے۔