Category: لاہور

سپیکر پنجاب اسمبلی چودھری پرویزالٰہی نے اسمبلی اجلاس فلیٹیز ہوٹل میں طلب کر لیا
باغی ٹی وی :سپیکر چودھری پرویزالٰہی نے پنجاب اسمبلی اجلاس 5 جون بروز جمعہ 3 بجے فلیٹیز ہوٹل میں طلب کر لیا . سپیکر چودھری پرویزالٰہی نے رولز 235 اور 2(1)(f) کے تحت کرسٹل اور رائل گرینڈ ہالز کو اسمبلی چیمبر ڈکلیئر کر دیا گیا:
اس سلسلے میں کوویڈ- 19 کے ایس او پیز کے مطابق اسمبلی ارکان کا سیٹنگ پلان تیار کیا گیا ہے.انہوں نے ہدایت کی ہے کہ تمام سیاسی جماعتیں اپنے ارکان کے کورونا ٹیسٹ یقینی بنائیں.

وزیراعلیٰ پنجاب کا کورونا وائرس سے شہید ہونیوالی لیڈی ڈاکٹرثناء فاطمہ کو خراج عقیدت

باغی ٹی وی :وزیراعلیٰ پنجاب سردار عثمان بزدار نے کورونا وائرس سے شہید ہونیوالی لیڈی ڈاکٹرثناء فاطمہ کو خراج عقیدت کرتے ہوئے کہا ہے کہ
ڈاکٹرثناء فاطمہ نے جرات اورقربانی کی لازوال مثال قائم کی۔ڈاکٹرثناء فاطمہ جیسے لوگ طب کے شعبے کی شان ہیں۔
قوم کا ہر فردشہید ڈاکٹرثناء فاطمہ کو سلام پیش کرتا ہے۔

انہوں نے کہا کہ ڈاکٹر اورپیرا میڈیکل سٹاف کورونا کے خلاف جنگ میں ہمارا ہراول دستہ ہیں۔ڈاکٹروں اورپیرا میڈیکل سٹاف کی خدمات کو خراج تحسین پیش کرتے ہیں۔
واضح‌ رہے کہ پنجاب کے صوبائی دارالحکومت لاہور میں کرونا وائرس کا شکار لیڈی ڈاکٹر جان کی بازی ہار گئی

پنجاب کے محکمہ صحت نے اس ضمن میں تصدیق کر دی ہے، لیڈی ڈاکٹر ثناء فاطمہ کا کورونا ٹیسٹ مثبت آیا تھا جس کے بعد انہیں ہسپتال میں داخل کروا دیا گیا وہ مقامی ہسپتال میں زیر علاج تھیں۔

محکمہ صحت کے مطابق لیڈی ڈاکٹر پرائیویٹ ہسپتال میں کورونا کے مریضوں کے علاج پر تعینات تھیں، لیڈی ڈاکٹر کو 20 مئی کو ہسپتال منتقل کیا گیا۔ پنجاب کے محکمہ صحت کے مطابق آج صبح خاتون ڈاکٹرجان کی بازی ہار گئیں

ڈاکٹر ثنا پتھالوجسٹ تھیں اور فاطمہ میموریل میڈیکل کالج سے گریجویٹ تھیں

وزیراعلیٰ پنجاب کی زیر صدارت اجلاس ٹڈی دل کے تدارک کے لئے کیے اہم قدامات

باغی ٹی وی : وزیراعلیٰ پنجاب سردار عثمان بزدار کی زیر صدارت اجلاس ہوا جس میں ٹڈی دل کے تدارک کے لئے کیے جانے والے اقدامات کا جائزہ لیا گیا
چیف سیکرٹری،سینئر ممبر بورڈ آف ریونیو،پرنسپل سیکرٹری وزیراعلیٰ،سیکرٹری زراعت،سیکرٹری اطلاعات،ڈی جی پی ڈی ایم اے اورمتعلقہ حکام نے اجلاس میں شرکت کی . وزیراعلیٰ پنجاب سردار عثمان بزدارنے ٹڈی دل کے خاتمے کی مہم کیلئے اپنا ہیلی کاپٹر وقف کردیا.پنجاب کے متاثرہ اضلاع میں ٹڈی دل کی سرویلنس کیلئے ہیلی کاپٹر کو استعمال میں لایاجاسکے گا۔محکمہ زراعت اورپی ڈی ایم اے حکام کو ہیلی کاپٹراستعمال میں لانے کیلئے ہدایات جاری کردی ہیں۔ متعلقہ محکموں اوراداروں کو ٹڈی دل سے فصلوں کو بچانے کیلئے 24گھنٹے الرٹ رہنے کا حکم دیا ہے .
وزیر اعلیٰ عثمان بزدار نے ہدایت جاری کیں کہ جون اورجولائی میں ٹڈی دل کے ممکنہ حملے کے حوالے سے پیشگی تیاریاں کی جائیں۔
اینٹی ٹڈی دل سکواڈ کو میدان میں اتاردیاگیاہے۔

اس کے علاوہ وزیراعلیٰ عثمان بزدار نے ٹڈی دل سے ہونے والے نقصانات کا تخمینہ لگانے کی ہدایت بھی کی ہے
انہوں نےکہا کہ ٹڈی دل کے غیر معمولی پھیلاؤ کو روکنے کیلئے ہرممکن اقدام کیا جائے۔پنجاب حکومت نے ٹڈی دل کے خاتمے اورفصلوں کو بچانے کیلئے ایک ارب روپے کے وسائل فراہم کیے ہیں۔وفاقی حکومت کے تعاون سے فضائی سپرے بھی کیا جارہا ہے۔
جامع لائن آف ایکشن کے ذریعے ٹڈی دل کو کنٹرول کرنے کیلئے تسلسل کیساتھ اقدامات جاری رکھے جائیں۔میں نے خود راجن پوراوربھکر کے دورے کر کے صورتحال کا جائزہ لیا ہے۔تین لاکھ ایکڑ سے زائد رقبے پر سپرے کیاجاچکا ہے۔

17متاثرہ اضلاع میں ٹڈی دل کی موثر نگرانی کا عمل جاری ہے۔اینٹی ٹڈل دل سکواڈکی گاڑیاں متاثرہ علاقوں میں سپرے کررہی ہیں۔
حکومتی اقدامات سے عوام خصوصاً کسانوں کو آگاہ رکھاجائے۔ کورونا کے ساتھ”ٹڈی دل“ کے چیلنج سے بھی عزم اورجامع حکمت عملی کے ساتھ نمٹ رہے ہیں۔ٹڈی دل کو کنٹرول کرنے کیلئے روزانہ کی بنیاد پر سرویلنس کر کے رپورٹ وزیراعلیٰ آفس جمع کرائی جائے۔
دیگر صوبوں کے ساتھ مشاورت کی جائے اورایک دوسرے کے تجربے شیئر کیے جائیں۔

مراد راس ڈنگر ڈاکٹر، ڈگری جعلی ہو سکتی ہے،اساتذہ کے معاشی قتل عام کا ذمہ دارمراد راس، کاشف مرزا کے سنگین الزامات

باغی ٹی وی کی رپورٹ کے مطابق صدر آل پاکستان پرائیویٹ اسکولز ایسوسی ایشن لاشف مرزا نے پریس کانفرنس کرتے ہوئے کہا کہ سب سے پہلے ملک میں لاک ڈاون صوبوں سے شروع کیا گیا ،ڈھائی کروڑ بچہ پہلے ہی اسکولوں سے باہر، 5 کروڑ وبا کی وجہ سے گھر میں ہیں

کاشف مرزا کا کہنا تھا کہ ساڑھے 7 کروڑ بچے اسوقت ملک میں اسکول نہیں جارہے ،حکومت نے کہا کہ 31 مئی تک چھٹیاں ہوں گی ، حکومت نے ہمارے دفاتر بند کروادیے جس سے ٹیچرز کو تنخواہیں نہیں دے سکے ،15 لاکھ ٹیچرز اسکولوں کے لاک ڈاون کی وجہ سے متاثر ہوئے ہیں ،ساڑھے سات کروڑ بچوں کو ان لائن تعلیم دینے کی بات کی گئی ،فلاپ پراجیکٹ کے ذریعے بچوں کو لالی پاپ دے رہے

کاشف مرزا کا مزید کہنا تھا کہ امیروں کے بچے گھروں پر ٹیوٹر لگوا کر پڑھارہے ہیں،امریکہ، یورپ، بھارت، آسٹریلیا میں اسکول کھل گئے ہیں ،استاد کا معاشی قتل کرنے میں وزیرتعلیم مراد راس کا ہاتھ ہے، پوری دنیا میں 17 سال سے کم عمر کسی بچے کی وفات نہی‍ں ہوئی ،حکومت کو کہا اسکول کھولنے کے لیے ایس او پی دے مگر نہ دیے ،ہم نے خود انٹرنیشنل سٹینڈرڈ کے مطابق ایس او پی بنادیے ہیں

کاشف مرزا کا مزید کہنا تھا کہ حکومت ہمارے ساتھ ایس او پیز پر مزاکرات کرے ،ہم حکومت سے مطالبہ کررہے ہیں کہ یکم جون سے اسکولوں کو کھولا جائے ،اسکول نہیں کھولنا تو نہ کھولیں، 15 لاکھ اساتذہ کو تنخواہیں ادا کردیں ،بچوں کی پڑھائی کا فیصلہ والدین پر چھوڑ رہے ہیں

کاشف مرزا کا مزید کہنا تھا کہ مراد راس کو پتا نہیں کیا مسئلہ ہے، 7 سیکرٹری بدلے جاچکے ہیں ،مراد راس حکومت کی بدنامی کا باعث، تعلیم دشمن ہے ،چیف جسٹس لاہور ہائی کورٹ نے کہا کہ احساس پروگرام کے تحت اساتذہ کو تنخواہیں دیں ،99 فیصد اسکولوں کے دفاتر بند ہونے کی وجہ سے فیسیں جمع نہیں ہورہی ،ایلیٹ بچوں کے اسکول کھلے ہیں ،حکومت نوٹیفیکیشن پر چلتی ہے، ٹویٹ پر نہیں چلتی،فیسیں وصول کرنے کے لیے دفاتر کھولے تو اسکولوں پر پرچے کروائے گئے

کاشف مرزا کا کہنا تھا کہ مراد راس کی ڈگری چیک کروائیں، مراد راس ڈنگر ڈاکٹر ہیں، کہیں انکی ڈگری جعلی تو نہیں؟ مراد راس وزیر ہیں، ڈگری جعلی ہوسکتی ہے، چیک کروانی چاہیے

باغی ٹی وی کی رپورٹ کے مطابق پنجاب میں کرونا مریضوں میں اضافہ ہوا ہے

ترجمان پرائمری اینڈ سیکنڈری ہیلتھ کئیر کے مطابق پنجاب میں کورونا وائرس کے 927 نئے کیس، تعداد 22964 ہو گئی۔ لاہور میں 428 نئے کیس، کل تعداد 10329 ہو گئی،ننکانہ 1، شیخوپورہ 119، جہلم 1، گوجرانوالہ 26، سیالکوٹ میں 29نئے کیس سامنے آئے۔ ناروال1، گجرات 37، حافظ آباد 77منڈی 2، ملتان 98، خانیوال 1، وہاڑی 9، فیصل آباد میں 39 نئے کیس سامنے آئے۔

ترجمان پرائمری اینڈ سیکنڈری ہیلتھ کئیر کے مطابق ٹوبہ 1، رحیم یار خان 7، سرگودھا 15، خوشاب 1، بہاولنگر6، بہاولپور 5، لودھراں 2، ڈی جی خان 5، لیہ 6، ساہیوال 5اوکاڑہ 2اور پاکپتن میں 4نئے کیس سامنے آئے۔

ترجمان پرائمری اینڈ سیکنڈری ہیلتھ کئیر کے مطابق کورونا وائرس سے29 مزید اموات ہوئیں جس کے بعد پنجاب میں اموات کی کل تعداد 410 ہو چکی ہے،اب تک 223074 ٹیسٹ کیے جا چکے ہیں۔ کورونا وائرس کو شکست دینے والوں کی تعداد6338 ہو چکی ہے۔

ترجمان پرائمری اینڈ سکینڈری ہیلتھ کئیر نے عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔ کورونا وائرس کی علامات ظاہر ہونے پر فورا 1033 پر رابطہ کریں۔

https://login.baaghitv.com/wp-content/uploads/2020/05/Daily-Sitrep-28-05-2020.pdf

باغی ٹی وی کی رپورٹ کے مطابق عظمیٰ خان تشدد کیس میں عظمیٰ کے وکیل حسان نیازی نے کہا ہے کہ عظمیٰ تشدد کیس میں تاحال کوئی گرفتاری نہیں، کہیں انہیں فرار تو نہیں کروا دیا ؟

سماجی رابطے کی ویب سائٹ ٹویٹر پر ٹویٹ کرتے ہوئے حسن خان نیازی ایڈوکیٹ نے کہا ہے کہ پولیس ابھی تک ملک ریاض کی بیٹیوں کو گرفتار کرنے میں ناکام ہے. اور یہ افواہ چل رہی ہے کہ ملک ریاض کی بیٹیاں پاکستان سے فرار ہو گئی ہیں

So police fails to arrest daughters of malik riaz. And rumour is they’ve flown out from Pakistan. Thank you punjab Govt thank you punjab police. And well done people, While u discuss character of #uzmaKhan the criminals seem to have gotten safe passage. #ArrestAmberMalik

— Hassaan Niazi (@HniaziISF) May 28, 2020

حسان نیازی ایڈوکیٹ کا مزید کہنا تھا کہ پنجاب حکومت ،پنجاب پولیس کا شکریہ ،اور ویلڈن عوام،جب عظمیٰ خان کے کردار پر گفتگو کرتے ہیں تو ایسا لگتا ہے کہ مجرموں نے محفوظ راستہ حاصل کر لیا ہے۔ انہوں نے مطالبہ کیا کہ امبر ملک کو گرفتار کیا جائے

واضح رہے کہ ملک ریاض کی بیٹی کے بارے میں سوشل میڈیا پر افواہیں گردش کر رہی ہیں کہ وہ لندن پہنچ گئی ہے اس ضمن میں ابھی تک اس افواہ کی تصدیق نہیں ہو سکی تا ہم کچھ لوگوں کا دعویٰ ہے کہ وہ لندن میں ہے اور جلد اسکا لندن سے انٹرویو نشر کیا جائے گا

واضح رہے کہ عظمیٰ تشدد کیس میں پولیس نے کاروائی کا اعلان کرتے ہوئے ملک ریاض کی بیٹی آمنہ عثمان زوجہ ملک عثمان کے خلاف مقدمہ درج کرلیا ہے ،ذرائع کے مطابق یہ مقدمہ تھانہ ڈیفینس سی لاہور میں درج کیا گیا ہے

اس مقدمے میں آمنہ عثمان ملک ، اورملک ریاض کی بیٹیوں کومورد الزام ٹھہرایا گیا ہے، جس میں کہا گیا ہےکہ عظمیٰ خان لاہور میں اپنی رہائش گاہ میں موجود تھیں کہ آمنہ عثمان ملک اورملک ریاض کی دونوں بیٹیاں مسلح گارڈز کے ساتھ اس کے گھرمین گھس آئیں اورتشدد کرنے کے ساتھ ساتھ برا بھلا بھی کہا ، عظمیٰ خان کی طرف سے اس درخواست میں کہا گیا ہےکہ آمنہ عثمان ملک نے اسکو دھمکیاں بھی دیں ہیں

ایف آئی آر میں کہا گیا ہےکہ ملک ریاض کی بیٹیاں طاقت کے بل بوتے پرہمارے گھرآئیں اورآتے ہی ہمیں تشدد کا نشانہ بنانا شروع کردیا گیا

عظمی تشدد کیس ، ‏خان صاحب اسی غنڈہ گردی کے خلاف تو کھڑے ہوئے تھے، اب موقع ہے ہاتھ ڈال دیں اشرافیہ پر، عمران خان

عظمی تشدد کیس ،پاکستان ملک ریاض کی جاگیر نہیں، میڈیا آواز بلند کرے، پولیس جلد انہیں گرفتار کرے۔ جاسمین منظور

ملک ریاض کی بیٹی نے شوہر کے ساتھ رنگ رلیاں منانے والی اداکاراؤں کو آگ لگانے کیلئے مٹی کا تیل ڈال دیا

ملک ریاض کی بیٹی شوہر کے ساتھ رنگ رلیاں منانے والی اداکاراؤں کے ساتھ غصے میں آ گئیں جس پر انہوں نے دو اداکاراؤں عظمیٰ خان اور ہما خان پر مٹی کا تیل ڈالا ہے، ملک ریاض کی بیٹی نے مٹی کا تیل ڈرانے کے لئے ڈالا ہے یا آگ لگانے کے لئے واضح نہیں ہو سکا

جب تک قانون کے مطابق سخت سزا نہیں دی جائے گی، قوم کرنل کی بیوی اور ٹھیکیدار کی بیٹی جیسے ٹرینڈ بناتی رہے گی۔ اقرار

ملک ریاض کے باپ سے پیسے لے کر نہیں کھاتا، کوئی آسمان سے نہیں اترا کہ بات نا کی جائے، اینکر عمران خان

عظمیٰ تشدد کیس پر کمزور ترین ایف آئی آر بنائی گئی ، حسان نیازی کا شیریں مزاری سے تعاون کا مطالبہ

عظمیٰ تشدد کیس، مجھے خریدنے کیلئے بڑی بڑی آفرز کی جا رہی ہیں ، نہیں بکوں گا، حسان نیازی

عظمیٰ خان کی پریس کانفرس چینلز نے کیوں نہ ‌دکھائی، طاقتور لوگ اثر انداز ہوگئے.

عظمیٰ سسٹرز تشدد کیس میں ملک ریاض کی بیٹی ملوث، ثبوت سامنے آ گئے

ملک ریاض کی فیملی کے تشدد و دھمکیوں کی ایک اور ویڈیو منظر عام پر

عظمیٰ تشدد کیس، پولیس مجرموں کو گرفتار کرے، سزا ملے تا کہ عبرت کا نشان بنیں، اعجاز چودھری

‏شادی شدہ کامیاب مرد سے پیسے کی خاطر جسمانی تعلق رکھنا عورت کی تذلیل ہے۔ فرح سعدیہ

‏خواتین کو جب اعتکاف کی مبارکباد دینے جائیں تو صرف مٹھائی لے کر جائیں. شفاعت علی

سوشل میڈیا پر تیل ڈالنے کی ویڈیو وائرل ہو چکی ہے،ملک ریاض کی بیٹی ، اپنے نجی محافظوں کے ساتھ زبردستی معروف ماڈل عظمہ خان کے گھر داخل ہوئی ، انہوں نے ماڈل پر پٹرول پھینک دیا اور اس کی بہن ہما خان اور عظمیٰ خان کو مبینہ طور پرجلانے کی دھمکی بھی دی۔

ملک ریاض کی بیٹی کی جانب سے اداکاراؤن پر تیل ڈالنے اور انہیں آگ لگانے کی دھمکی پر اداکارائیں خوفزدہ ہو گئیں،ملک ریاض کی بیٹی کے ساتھ موجود ایک خاتون ان اداکاراؤں کو دھمکیاں بھی دے رہی ہے

باغی ٹی وی کی رپورٹ کے مطابق پاکستان نے ٹڈی دل کو مرغیوں کی خوراک بنا دیا

پاکستانی سائنسدانوں نے کیڑوں کو پروٹین اور آمدنی میں تبدیل کرنے کے لئے کامیابی سے کوشش کی ہے، پچیس سال سے زیادہ عرصے تک ٹڈی نے بھارت اور پاکستان میں تباہی مچا رکھی تھی، پاکستان ایک پائلٹ پروجیکٹ فصلوں کو تباہ کرنے والے کیڑوں کو کیڑے مار دوائیوں کے ذریعے مار رہا ہے جس سے ماحول کو نقصان پہنچتا ہے

حالیہ دنوں میں ٹڈی دل کے بھاری طوفان بھارتی جے پور میں آسمان پر نظر آئے اور اس دوران آسمان پر ٹڈی دل کے علاوہ کچھ نظر نہیں آ رہا تھا۔ نیو یارک ٹائمز کی خبر کے مطابق ، راجستھان کے سب سے بڑے شہر کے ایک رہائشی کا کہنا ہے کہ ٹڈی دل کسانوں کے لئے بہت بڑا خطرہ ہے کیونکہ کسان پہلے ہی کرونا لاک ڈاؤں سے متاثر ہیں

پاکستان کے مشرقی صوبوں میں سردیوں سے قبل ٹڈی دل نے حملے کئے، توقع کی جا رہی ہے ہے کہ موسم گرما کے وسط تک اس میں مزید اضافہ ہوگا۔ پاکستان کی حکومت نے ٹڈیوں پر قابو پانے کے لئے ایک نیشنل ایکشن پلان کی منظوری دی تھی اور تقریبا 300،000 لیٹر کیڑے مار دوا کا ہوائی چھڑکاؤ ہورہا ہے۔

پاکستان کے صوبہ سندھ میں پلانٹ پروٹیکشن کے تکنیکی شعبہ کے ڈائریکٹر طارق خان نے خبردار کیا ہے کہ مئی کے آخر اور جون اور جولائی میں ٹڈی دل کی بڑے پیمانے پر نقل مکانی متوقع ہے

ایک کسان غلام سرور پنھور کا کہنا تھا کہ تڈی دل کے لاکھوں کیڑوں نے چند ہی گھنٹوں میں اس کی کپاسکی فصلیں کھا لیں۔ دن میں ٹڈیوں نے ہماری فصلوں پر حملہ کیا ، چمگادڑ ہمارے آم کے باغات پر رات کے وقت حملہ آور ہوتے ہیں اورکرونا وائرس دن رات ہمارے گھروں میں حملہ کرتے ہیں ، ہم کہاں جائیں گے؟ کسان غلام سرور سندھ کے ضلع حیدرآباد میں 300 ایکڑ کے دو فارموں کے مالک ہیں۔

پشاور میں یونیورسٹی آف ایگریکلچر کے ایک جانوروں کے ماہر حیاتیات سہیل احمد نے خبردار کیا ہے کہ حکومت کی جانب سے استعمال ہونے والے کیڑے مار دوا انسانوں کے لئے اور جنگلی حیات کے لئے زہریلی ہیں۔ اس وقت کوئی محفوظ کیڑے مار دوا استعمال نہیں کی جا رہی۔ یہ کیمیائی سپرے ماحول کے لئے زہریلے ہیں اور یہ انسانوں ، جنگلات کی زندگی اور مویشیوں کو متاثر کریں گے۔

ٹڈیوں کے حملوں میں اضافے کے بعد پاکستان کے ضلع اوکاڑہ میں ایک جدید پائلٹ پروجیکٹ نے ایک بہترین حل پیش کیا ہے جس میں کاشتکار ٹڈیوں کو چکیوں کے ذریعے اعلیٰ پروٹین چکن فیڈ میں بدل کر پیسہ کماتے ہیں

یہ وزارت قومی فوڈ سیکیورٹی اینڈ ریسرچ میں سول ملازم ، محمد خورشید اور پاکستان زرعی تحقیقاتی کونسل کے ایک بائیوٹکنالوجسٹ جوہر علی کا مشورہ تھا جس پر کام کیا گیا،علی کا کہنا ہے کہ ایسا کرنے پر ہمارا مذاق اڑایا گیا تھا – کسی نے نہیں سوچا تھا کہ لوگ واقعی ٹڈیوں کو پکڑ کر بیچ سکتے ہیں۔

خورشید کا کہنا ہے کہ وہ مئی 2019 میں یمن میں ایک مثال سے متاثر ہوئے تھے۔ اس جنگ سے متاثرہ ملک میں قحط کا سامنا کرنا پڑتا ہے اور بہتر یہی ہے کہ ٹڈیوں کو فصل کھانے سے پہلے ہی کھا لو۔

ٹڈی دل کو پکڑنے اور بیچنے کے لئے انہوں نے ضلع اوکاڑہ کا انتخاب کیا ، کیونکہ یہ پاکستان کے صوبہ پنجاب کا ایک بہت زیادہ آبادی والا دیہی علاقہ ہے۔ انہوں نے دیپالپور کے پیپلی پہاڑ جنگل میں تین روزہ آزمائشی پروجیکٹ قائم کیا ، جہاں فروری 2020 کے وسط میں ٹڈیوں کے ایک جم غفیر کی اطلاع ملی تھی۔ جنگل کے علاقے کو اس لئے منتخب کیا گیا تھا کیونکہ اس میں کیڑے مار دوا سے آلودہ ہونے کا امکان کم تھا۔

ٹڈیوں کو پکڑو اور پیسہ کماؤ کا نعرہ لگاتے ہوئے کسانوں کو ایک کلو ٹڈی پر 20 روپے دینے کی پیشکش کی گئی،کسانوں نے ٹڈیوں‌ کو پکڑنا شروع کر دیا،اور تقریبا 20 ہزار پاکستانی روپوں کی ٹڈیاں پروجیکٹ کو فروخت کی گئیں، بعد میں ان کی چکن فیڈ بنائی گئی

ہائی ٹیچ فیڈ کے جنرل منیجر جو پاکستان میں سب سے بڑے مرغی اور جانوروں کی خوراک بنانے والا ادارہ ہے کی رفم نے پانچ پفتوں کی تحقیق کے بعد مرغیوں کی ٹڈیوں سے بنی فیڈ کھلائی جس کے نتائج مثبت نکلے اور مرغیوں‌کو کوئی مسئلہ نہیں ہوا،ادارے کا کہنا تھا کہ
اگر ہم ان ٹڈیوں کو بغیر سپرے کے پکڑ لیں تو ان کی حیاتیاتی قیمت زیادہ ہے اور ان میں مچھلی ، پولٹری اور یہاں تک کہ دودھ کے کھانے میں بھی استعمال کرنے کی اچھی صلاحیت موجود ہے۔

پاکستان میں ایک اندازے کے مطابق 1.5 بلین مرغیوں کے علاوہ مچھلی کے متعدد فارموں کی پرورش کی جا رہی ہے – یہ سب ممکنہ طور پر اعلی پروٹین ٹڈی کھانا خرید سکتے ہیں۔

ٹڈیوں کو خشک کرنے اور پروسیسنگ لاگت 30 روپے فی کلو ہے۔ چونکہ پاکستان سویا بینوں کی درآمد کرتا ہے ، اسے غیر ملکی زرمبادلہ کے اخراجات میں بھی خاطر خواہ بچت نظر آتی ہے۔