Category: لاہور

پنجاب میں کرونا کے نئے کیسز آگئے

ترجمان پرائمری اینڈ سکینڈری ہیلتھ کئیر ڈیپارٹمنٹ، کورونا مانیٹرنگ روم کی جانب سے کورونا فراہم کردہ معلومات کے مطابق پنجاب سے کورونا وائرس کے مزید 78 کیس، تعداد 2108 ہو گئی۔لاہور: پنجاب میں کورونا وائرس سے صحتیاب ہونے والوں کی تعداد 34 ہے

695 زائرین سنٹرز، 744 رائے ونڈ سے منسلک افراد، 58 قیدیوں، 744 عام شہریوں میں کورونا وائرس کی تصدیق ہو چکی ہے

زائرین کی تفصیل
ڈی جی خان میں 220 زائرین، ملتان میں 457 زائرین، فیصل آباد میں 18 زائرین میں کورونا وائرس کی تصدیق ہوئی ہے

رائے ونڈ مرکز سمیت تبلیغی ارکان کی تفصیل
رائے ونڈ مرکز میں 455، شیخوپورہ 10، منڈی بہاوالدین میں 3، سرگودھا 16، وہاڑی 14، راولپنڈی میں 6، جہلم میں 10تبلیغی ارکان میں تصدیق ہوئی ہے.

ننکانہ میں 2، گجرات 9، رحیم یار خان 15، بھکر 1، خوشاب 4، راجن پور 1، حافظ آباد میں 31، سیالکوٹ 6، لیہ 17 بہاولنگر میں 8 تبلیغی ارکان میں کورونا کی تصدیق ہو چکی ہے

عام شہروں میں مریضوں کی تفصیل
عام شہروں میں سب سے ذیادہ لاہور میں کورونا وائرس کے 340 کنفرم مریض ہیں۔

ننکانہ 13، قصور 9، شیخوپورہ 1، راولپنڈی 63، جہلم 30، اٹک 1، گوجرانوالہ 39، سیالکوٹ 19، ناروال 6، گجرات میں 98 ،حافظ آباد 6، منڈی بہاوالدین 15، ملتان 4، وہاڑی 13، فیصل آباد 21، چینیوٹ 8، رحیم یار خان 3، سرگودھا میں 6
،میانوالی 10، خوشاب 1، بہاولنگر 9، بہاولپور 3، لودھراں 3، ڈی جی خان 18، لیہ اور اوکاڑہ میں ایک ایک کنفرم مریض ہے۔

تمام کنفرم مریض آئسولیشن وارڈز میں داخل ہیں۔ مریضوں کو مکمل طبی سہولیات فراہم کی جا رہی ہے۔عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں۔

ہاتھوں کی صفائی میں ہی سب کی بھلائی

پنجاب میں کرونا کے مریضوں میں اضافہ، لاہور میں ایک اور ہلاکت
باغی ٹی وی کی رپورٹ کے مطابق پنجاب میں کرونا وائرس کے مریضوں میں اضافہ ہوا، 26 نئے کیس سامنے آنے کے بعد مریضوں کی تعداد 2030 ہو گئی ہے

ترجمان پرائمری اینڈ سیکنڈری ہیلتھ کئیر کے مطابق لاہور کے جناح ہسپتال میں مغل پورہ کا رہائشی 42 سالہ نوید احمد جاں بحق ہو گیا۔
نوید احمد لوکل ٹرانسمیشن کیس ہے کوئی غیر ملکی سفر کیا نہ کسی کنفرم مریض کے رابطے میں آیا۔572 رائے ونڈ سے منسلک افراد، 49 قیدیوں، 714 عام شہریوں میں کورونا وائرس کی تصدیق ہوئی ہے

ترجمان پرائمری اینڈ سکینڈری ہیلتھ کئیر کے مطابق زائرین سنٹرز میں کل 695 کنفرم مریض موجود ہیں۔ زائرین کی تعداد میں سے ڈبل انٹری ختم کر دی گئی، دو دفعہ پازیٹو آنے والے کو مریض کو ایک ہی لکھا گیا ہے۔ ڈی جی خان میں 220 زائرین، ملتان میں 457 زائرین، فیصل آباد میں 18 زائرین میں کورونا وائرس کی تصدیق ہوئی ہے

ترجمان پرائمری اینڈ سکینڈری ہیلتھ کئیر کے مطابق تمام کنفرم مریض آئسولیشن وارڈز میں داخل ہیں۔ مریضوں کو مکمل طبی سہولیات فراہم کی جا رہی ہے۔عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں۔

کرونا وائرس، مایوس اپوزیشن نے قوم کو مایوس کیا،وزیراعلیٰ پنجاب کو دیا صوبائی وزیر نے چیک

باغی ٹی وی کی رپورٹ کے مطابق وزیر اعلیٰ پنجاب عثمان بزدار سے صوبائی وزیر راجہ راشد حفیظ نے ملاقات کی، صوبائی وزیر نے کورونا کنٹرول کے لئے 10لاکھ روپے کا چیک وزیراعلیٰ پنجاب کو پیش کیا

وزیراعلیٰ پنجاب عثمان بزدار کا کہنا تھا کہ آزمائش کے وقت متاثرہ لوگوں کی مددکا جذبہ قابل ستائش ہے،قوم نے ہمیشہ مشکل گھڑی میں دل کھول کر مدد کی ہے،فنڈ کی رقم دیانتداری کے ساتھ مستحق لوگوں تک پہنچائیں گے۔

وزیراعلیٰ پنجاب عثمان بزدار کا مزید کہنا تھا کہ مایوس اپوزیشن جماعتوں نے اہم قومی مسئلے پر عوام کو مایوس کیا ہے، کئی ماہ لندن بیٹھ کر مزے لوٹنے والوں کی زبان سے دکھی انسانیت کی بات کسی صورت نہیں جچتی۔ اپوزیشن جماعتیں کورونا وباء پر سیاست چمکانے سے گریز کریں۔

وزیراعلیٰ پنجاب کا مزید کہنا تھا وزیراعظم عمران خان کی قیادت میں وفاقی اور پنجاب حکومت نے عوام کی زندگیاں محفوظ بنانے کیلئے تمام ضروری اقدامات کئے ہیں۔اپوزیشن جماعتیں وزیراعظم عمران خان کی دانشمندانہ سوچ اور دور اندیش فیصلوں سے خائف ہیں یہ وقت سیاست کا نہیں بلکہ دکھی انسانیت کی بے لوث خدمت کا ہے.

کرونا وائرس کے ملک بھر میں‌وار جاری ہیں، کرونا وائرس کے پاکستان میں مریضوں کی تعداد 4072 جبکہ ہلاکتوں کی تعداد 58 ہو گئی ہے

نیشنل کمانڈ اینڈ کنٹرول سینٹر کے مطابق پاکستان میں‌اب تک کورونا کے 42 ہزار 159 ٹیسٹ کیے جاچکے ہیں۔ پنجاب میں کرونا کے 2030، سندھ میں 986، خیبر پختونخوا میں 527، گلگت بلتستان میں 212، بلوچستان میں 206، اسلام آباد میں 92 جبکہ آزاد کشمیر میں 19 کورونا وائرس کے مریض سامنے آ چکے ہیں۔

چین میں‌ کرونا وائرس کا پہلا مریض اب کس حال میں ہے ؟

کرونا کے وار جاری، 288 پولیس اہلکاروں میں ہوئی کرونا کی تشخیص

سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

کرونا وائرس سے سندھ میں 18، پنجاب میں 16، خیبرپختونخواہ میں 18، اسلام آباد میں ایک، بلوچستان میں 2 جبکہ گلگت بلتستان میں 3 افراد جان کی بازی ہارچکے ہیں۔ کرونا وائرس میں مبتلا 25 افراد کی حالت تشویشناک ہے جبکہ 467 افراد صحت یاب ہوچکے ہیں

بحریہ ٹاؤن میں‌ کرونا کے کتنے مریض؟ ملک ریاض نے مخیر حضرات سے کیا کی اپیل ؟

باغی ٹی وی کی رپورٹ کے مطابق بحریہ ٹاؤن کے مالک اور پاکستان کے معروف بزنس ٹائیکون ملک ریاض نے نجی ٹی وی سے گفتگو کرتے ہوئے کہا ہے کہ کرونا وائرس سے بچاؤ کے لئے بارہ کہو میں سپرے کیا، اسلام آباد کے دیگر علاقوں، بحریہ ٹاؤن، کراچی، پنڈی میں سپرے کیا، لاہور میں بھی کریں گے، سوا مہینے کے بعد دوبارہ سپرے کرنا پڑے گا ، این ڈی ایم اے ہمارے ساتھ ہے،

ملک ریاض کا مزید کہنا تھا کہ دو سے تین ہزار راشن پیک روزانہ تقسیم کر رہے ہیں، لوگوں کے گھرو میں پہنچا رہے ہیں، ایک ہسپتال لاہور میں کرونا کے مریضوں کے لئے وقف کر دیا ہے،لاہور میں ایک قرنطینہ سنٹر بھی بنا دیا ہے ،ڈاکٹر یاسمین راشد سے بات ہوئی ہے، امیر لوگوں سے درخواست کروں گا وہ جذبہ دکھائیں جنہوں نے 2005 میں دکھایا تھا.کرونا ٹھیک ہو گا تو انڈسٹری چلے گی،کرونا کے ہوتے ہوئے کچھ بھی ممکن نہیں ہو پائے گا. حکومت کے بڑے پروجیکٹ بھی کرونا کی وجہ سے بند پڑے ہیں.

واضح رہے کہ لاہور میں بحریہ ٹاؤن کے مالک ملک ریاض کے 26 ملازمین میں کورونا وائرس کی تصدیق کے بعد بحریہ ٹاؤن کے چند علاقوں کو سیل کر دیا گیا ہے۔

لاہور کے ڈپٹی کمشنر دانش افضل نے برطانوی نشریاتی ادارے سے گفتگو کرتے ہوئے کہا کہ جن افراد میں کرونا وائرس کی تصدیق ہوئی ان میں بحریہ ٹاؤن کے مالک ملک ریاض کے ذاتی ملازمین شامل ہیں جو بحریہ ٹاؤن میں ان کی رہائش گاہ میں کام کرتے ہیں۔ 40 افراد کا شک کی بنا پر ٹیسٹ کیا گیا تھا جن میں تاحال 26 سے زیادہ افراد میں کورونا کی تصدیق ہوئی ہے۔

ڈی سی لاہور کا مزید کہنا تھا کہ ان افراد میں بحریہ ٹاؤن کے مالک کی رہائش گاہ پر کام کرنے والے سکیورٹی گارڈ، مالی، ڈرائیور اور دیگر گھریلو ملازمین شامل تھے۔ تمام متاثرہ افراد کو ایکسپو سنٹر لاہور میں قائم فیلڈ ہسپتال منتقل کر دیا گیا تھا جبکہ ان افراد کے رابطے میں آنے والے افراد کو بحریہ ٹاؤن کے اندر ہی قرنطینہ میں رکھا گیا ہے۔

کرونا وائرس، تبلیغی جماعت کے اراکین کے حوالہ سے حکومت پنجاب نے کیا بڑا فیصلہ

تبلیغی جماعت میں شامل چینی باشندے میں کرونا کی تشخیص،مسجد کو سیل کر دیا گیا

تبلیغی اجتماع لاہور سے واپس جانیوالے شخص میں‌ کرونا وائرس کی تشخیص

تبلیغی جماعت کے ساتھ آنے والے غیر ملکی میں کرونا کی تشخیص، اسلام آباد میں مسجد سیل

تبلیغی جماعت کے ملک بھر میں کتنے اراکین قرنطینہ مراکز میں؟ 2 کی ہوئی کرونا سے موت

تبلیغی جماعت کے اراکین بارے غلط خبر دینے پرپولیس کی کاروائی، ایک صحافی، ایک ڈاکٹر گرفتار

پنجاب صوبائی محکمہ صحت کے ترجمان نے میڈیا کو بتایا کہ بحریہ ٹاؤن میں سامنے آنے والے ان افراد کے نمونے محکمہ صحت نے ہی لیے تھے، جنھیں ٹیسٹ کے لیے شوکت خانم لیبارٹری بھجوایا گیا تھا۔ کرونا سے متاثرہ افراد کی کل تعداد 26 ہے۔

کرونا وائرس،تبلیغی مرکز میں 9 ہلاکتیں،24 مریض،334 مشتبہ مریض،700 کو قرنطینہ کر دیا گیا

تبلیغی مرکز میں بنائے گئے قرنطینہ سنٹر میں 31 افراد میں ہوئی کرونا کی تشخیص

پنجاب کے ایک اور بڑے تبلیغی مرکز کو قرنطینہ سنٹر بنا دیا گیا،مختلف ممالک کے 391 افراد موجود

کرونا وائرس، ہسپتالوں پر تنقید کرنا اپوزیشن کے رکن اسمبلی کو مہنگا پڑ گیا،حکومت نے بھجوایا جیل

واضح رہے کہ پنجاب میں کرونا کے 2004 مریض ہیں، ترجمان پرائمری اینڈ سیکنڈری ہیلتھ کئیر کے مطابق 726 زائرین سینٹرز، 539 رائے ونڈ سے منسلک افراد، 49 قیدیوں، 690 عام شہریوں میں کورونا وائرس کی تصدیق ہو چکی ہے۔

پنجاب میں لاک ڈاؤن مزید سخت، توسیع کا فیصلہ

باغی ٹی وی: پنجاب، لاک ڈاؤن مزید سخت، توسیع کا فیصلہ صوبہ سب سے زیادہ متاثر، لاہور میں وباء پھیلنے کا خطرہ بڑھ گیا، کسی قسم کی نرمی کی بھی مخالفت، ملکی اور چینی ماہرین کی خفیہ رپورٹ میں حکومت کو انتباہ

لاہور کرونا کی صورتحال پر قابو پانے کیلئے دفعہ 144 کے تحت لگائے جانیوالے لاک ڈاؤن کو مزید سخت اور اس کا دورانیہ 30 اپریل تک بڑھانے کا فیصلہ کر لیا گیا ہے۔ ذرائع نے بتایا ہے کہ اس میں وزیر اعظم پاکستان اور وزیر اعلیٰ پنجاب کو قانون نافذ کرنے والے اداروں سمیت خفیہ ٹیموں اور چینی ماہرین نے الگ الگ اپنی رپورٹ میں کہا ہے کہ اگلے چند روز میں کرونا کا وار مزید سخت ہو سکتا ہے جس میں لاہور سب سے زیادہ متاثر ہونے کا خطرہ ہے اور اس میں لاہور سمیت صوبہ بھر میں لاک ڈاؤن کو ختم نہ کیا جائے اور نہ ہی اس میں نرمی کا مظاہرہ کیا جائے۔

مارکیٹوں، بازاروں اور دکانوں کے اوقات کار کو بڑھایا نہ جائے اور پہلے سے جاری لاک ڈاؤن کے حوالے سے ایس او پی پر سختی سے عمل کیا جائے اور اس میں لاک ڈاؤن کا دورانیہ اگلے 28 روز کے لئے بڑھایا جائے۔ چینی ماہرین سمیت قانون نافذ کرنے والے اداروں او رسپیشل برانچ کی پیش کردہ الگ لگ رپو ر ٹس میں اس بات کا بھی اشارہ کیا گیا ہے کہ لاک ڈاؤن کے دوران ناکوں پر موجود پولیس افسران اور اہلکاروں کو مکمل طو رپر کرونا کٹس فراہم کی جائیں اور مکمل احتیاطی تدابیر کاا ستعما ل کیا جائے۔ شہر کی اہم شاہراؤں، مارکیٹوں اور بازاروں سمیت اہم چوراہوں میں کلورین کا سپرے کروایا جائے۔ شہریوں کی نقل و حرکت اور فاصلے کو یقینی بنایا جائے۔ مساجد میں نماز اور بالخصوص جمعۃالمبارک کی نماز کے حوالے سے جاری ایس او پی پر سختی سے عملدرآمد کروایا جائے۔

ذرائع کا کہنا ہے کہ قانون نافذ کرنیوالے اداروں سمیت چینی ماہرین کی پیش کردہ رپورٹس پر وزیر اعلیٰ پنجاب نے وزیر اعظم پاکستان سے مشاورت کے بعد لاک ڈاؤن کے دورانیہ کو بڑھانے کا فیصلہ کر لیا ہے۔ ذرائع کا کہنا ہے کہ حکومت کی جانب سے دفعہ 144 کے تحت لگائے گئے لاک ڈاؤن 14 اپریل کو ختم نہیں کیا جا رہا ہے بلکہ اس کا دورانیہ مزید 28 روز کیلئے بڑھایا جا رہا ہے جس میں قانون نافذ کرنے والے اداروں نے 30 اپریل تک دورانیہ بڑھانے کا رپورٹ میں ذکر کیا ہے جبکہ چینی ماہرین اور سپیشل برانچ کی تیار کردہ رپورٹ میں لاک ڈاؤن کو مزید 28 روز کے لئے بڑھانے مشورہ دیا گیا ہے اور اس میں لاک ڈاؤن کو روزانہ کی بنیاد پردوپہر اور رات کے دورانیہ میں چھ گھنٹے کے لئے لاک ڈاؤن کو انتہائی سخت کیا جائے اور اس میں شہریوں کو سڑکوں، بازاروں اور مارکیٹوں میں آنے نہ دیا جائے۔ ماہرین نے اپنی رپورٹ میں یہ بھی کہا ہے کہ لاک ڈاؤن کو کامیاب کرنے سے کرونا وباکے پھیلاؤ پر قابو پایا جا سکتا ہے۔ اس حوالے سے لاہور پولیس کے سربراہ ذوالفقار حمید کا کہنا ہے کہ لاہور کے داخلی اور خارجی راستوں سمیت شہر کے 250 مقامات پر کی گئی ناکہ بندی میں سے 100 مقامات پر ناکوں کو اے کیٹگری میں تبدیل کر دیا گیا ہے جن کی نگرانی متعلقہ ایس ڈی پی او خود کریں گے جبکہ ڈویژن کے ایس پیز بھی ناکوں کا وزٹ کر کے رپورٹ پیش کریں گے۔

اسی طرح 50 ناکوں کو بی کیٹگری اور باقی ناکوں کو سی کیٹگری میں تقسیم کیا گیا ہے جس کے لئے ناکوں کی کیٹگریز کے حساب سے کرونا کٹس اور دیگر احتیاطی تدابیر کے ساتھ پولیس افسران، اہلکاروں کو الرٹ کر دیا گیا ہے اور انہیں نئے سرے سے ذمہ داریاں سونپ دی گئی ہیں اور اس میں اے کیٹگری کے 100 مقامات پر لگائے گئے ناکوں پر لاک ڈاؤن پر تعینات کئے گئے فوجی جوانوں کی خدمات بھی حاصل کی جا رہی ہیں جس میں فوج جوان اور پولیس کمانڈو سمیت پولیس کے افسران و جوان کرونا کٹس اور احتیاطی تدابیر کے ساتھ ناکوں پر انتہائی الرٹ اور آج سے لاک ڈاؤن روزانہ کی بنیاد پر چھ گھنٹے کے لئے سخت کیا جائے گا جس میں مارکیٹیں، بازاروں اور دکانیں پہلے سے طے شدہ ایس او پی کے مطابق کھلیں گی اور بند ہوں گی اور اس میں دفعہ 144 کی خلاف ورزی پر شورٹی بانڈز کی بجائے قانونی کارروائی کرنے کا حکم دیا گیا ہے۔

لاک ڈاؤن توسیع

بحریہ ٹاؤن میں بھی 28 افراد کے ٹیسٹ مثبت آ گئے

باغی ٹی وی : ذرائع کے مطابق لاہور شہر کی بڑی ہاؤسنگ سوسائٹی بحریہ ٹاؤن میں بھی کورونا وائرس کے مریض سامنے آ گئے بحریہ ٹاؤن کے علاقے میں 28 افراد کے مثبت ٹیسٹ آ گئے ہیں.

کنفرم مریضوں کو ہنگامی طور پر ایکسپو سینٹر کورنٹنینہ میں شفٹ کر دیا گیا .ذرائع کا دعوی ہے کہ 28 مریضوں میں معروف بزنس ٹائیکون کے ذاتی محافظ بھی شامل ہیں

واضح‌رہےکہ نیشنل کمانڈ اینڈ کنٹرول سنٹر کے مطابق ملک بھر میں کورونا وائرس سے مرنے والوں کی تعداد 56 ہوگئی،کورونا وائرس کے 429 مریض صحت یاب ہوگئے ہیں،سندھ میں کورونا کے مریضوں کی تعداد 986 ہے،پنجاب میں کرونا کے 2004 مریض ہیں،خیبرپختونخوا میں کورونا کے مریضوں کی تعداد 500 ہے،اسلام آباد میں کورونا کے مریضوں کی تعداد 83 ہے، گلگت بلتستان میں کورونا کے مریضوں کی تعداد 211 ہوگئی، بلوچستان میں کورونا کے مریضوں کی تعداد 202 ہے،آزاد کشمیر میں کورونا کے مریضوں کی تعداد 18 ہے،

سندھ میں کورونا سے 18، پنجاب میں 15 افراد جاں بحق ہوئے،خیبرپختونخوا میں کورونا سے 17 اور اسلام آباد میں ایک شخص جاں بحق ہوا،گلگت بلتستان میں کورونا سے 3 اور آزاد کشمیر میں ایک شخص جاں بحق ہوا،

کراچی میں گزشتہ 24 گھنٹوں کے دوران 45 افراد کورونا کا شکار ہوئے، کراچی میں ایک اور فرد کورونا کے باعث جان کی بازی ہار گیا،کراچی میں ہلاکتوں کی تعداد 16 ہوگئی،

محکمہ صحت پنجاب کے ترجمان کے مطابق پنجاب میں کورونا وائرس کے 86 مزید کیسز سامنے آگئے، پنجاب میں کورونا کیسز کی تعداد 2004 تک پہنچ گئی، ملتان، ڈیرہ غازی خان اور فیصل آباد میں زائرین کے 59 مزید کیسز آگئے،پنجاب میں متاثرہ زائرین کی تعداد 726 ہوگئی،