Category: لاہور

رانا ثناء اللہ پر فرد جرم عائد نہ ہو سکی، عدالت پیشی کے موقع پر عورت مارچ بارے کیا کہا؟

باغی ٹی وی کی رپورٹ کے مطابق مسلم لیگ ن کے رہنما رکن قومی اسمبلی رانا ثناء اللہ نے انسداد منشیات عدالت میں پیشی کے موقع پر میڈیا سے گفتگوکرتے ہوئے کہا کہ منشیات فروشوں کو میرے خلاف بیان دینے کیلیے مجبور کیا گیا،ریکارڈ کیا گیا بیان ہمیں فراہم نہیں کیا گیا،شہبازشریف مارچ کے آخر تک وطن واپس آئیں گے،شہبازشریف واپس آکر اپنا کردار ادا کریں گے،

رانا ثناء اللہ نے مزید کہا کہ ملک میں لوگوں کے کاروبار متاثر ہو گئے،مارچ میں نوازشریف کا علاج ہو جائے گا،شہبازشریف واپس آئیں گے،خواتین کو ان کے حقوق ملنے چاہئیں ،مارچ ہونا چاہیے،اسلام نے خواتین کو حقوق دیئے ہیں خواتین کے حقوق کے حق میں ہیں ،مارچ ہونا چاہیے حق ملنا چاہیے ،

قبل ازیں انسداد منشیات عدالت میں رانا ثناء اللہ کے کیس بارے سماعت ہوئی،انسداد منشیات کی خصوصی عدالت کے جج شاکر حسن نے کیس کی سماعت کی،عدالت نے گواہوں کے بیانات کی درخواست پر فریقین کے وکلا کو بحث کیلیے طلب کرلیا،رانا ثنااللہ نے گواہوں کے بیانات کی کاپی فراہم کرنے کی درخواست دائر کردی

عدالت میں رانا ثنااللہ کے شریک ملزم عثمان فاروق نے نئے وکیل کا وکالت نامے جمع کروا دیا،فاضل جج نے کہا کہ ملزمان پر فردجرم عائد کرنی ہے جس پر وکلا نے کہا کہ ہمیں تمام کیس پڑھنا ہے اس کے بعد فردجرم عائد کی جائے،پراسیکیوٹر نے کہا کہ ملزمان کے وکلا فرد جرم عائد کرنے سےمتعلق عدالتی وقت ضائع کررہے ہیں،فرد جرم عائد ہو اور دودھ کا دودھ پانی کا پانی ہو

عدالت نے کیس کی سماعت 28 مارچ تک ملتوی کر دی

ملزموں کو ترقیاں ملنے پر وزیراعظم کو مبارکباد دینے کیلئے الفاظ نہیں مل رہے:ڈاکٹر طاہرالقادری
باغی ٹی وی کی رپورٹ کے مطابق قائد تحریک منہاج القرآن ڈاکٹر محمد طاہرالقادری نے کہا ہے کہ عمران خان کے دور حکومت میں ڈاکٹر توقیر شاہ سمیت سانحہ ماڈل ٹاؤن کے تمام ملزم اور چھوٹے بڑے کردار پہلے سے بہتر عہدوں پر تعینات ہو چکے ہیں، سابق دور حکومت میں سانحہ کے ملزم حکومت بدلنے پر اپنی گرفت ہونے کے خوف میں مبتلا تھے آج پرکشش تعیناتیاں ملنے پر وہ بے خوف ہیں۔سانحہ ماڈل ٹاؤن کے ملزمان کو ترقیاں ملنے اور شاندار تبدیلی پر وزیراعظم کو مبارکباد دینے کے لیے الفاظ نہیں مل رہے،

ان خیالات کا اظہار انہوں نے گزشتہ روز سانحہ ماڈل ٹاؤن کیس کے حوالے سے قانونی پیشرفت کا جائزہ لینے کے لئے منعقدہ خصوصی اجلاس کے دوران گفتگو کرتے ہوئے کیا۔سانحہ ماڈل ٹاؤن کیس کے وکلاء نے انہیں اے ٹی سی، لاہور ہائی کورٹ اور سپریم کورٹ میں زیر التواء اپیلوں اور استغاثہ پر بریفنگ دی۔

ڈاکٹر طاہر القادری نے کہا کہ عمران خان بطور اپوزیشن رہنما اپنے جلسوں، بیانات اور پریس کانفرنسوں میں سانحہ ماڈل ٹاؤن کے ملزمان کو سزا دلوانے کی بات کرتے تھے،حکومت ملنے کے بعدمظلوموں کو انصاف دینا دور کی بات سانحہ ماڈل ٹاؤن کے ظلم کے خلاف احتجاج کرنے والے سوا سو کارکنوں کو انہی کے دور حکومت میں سزائیں سنائی گئیں او روہ پانچ سال اور سات سال کے لیے جیلوں میں بند اور ناکردہ گناہوں کی سزابھگت رہے ہیں۔

ڈاکٹر طاہرالقادری نے کہا کہ تبدیل شدہ دور حکومت میں کرپشن کیسز میں سزا یافتہ مشکوک دولت مند مریضوں کو ریلیف دینے کے لیے چھٹی والے دن بھی دفاتر کھل جاتے ہیں مگر سلطان جیسے بیمار غریب قیدی ڈاکٹرز کی واضح ہدایات کے باوجود علاج کی اجازت کے لیے مہینوں رلتے ہیں۔

خرم نواز گنڈا پور کا کہنا تھا کہ ڈاکٹر توقیر شاہ 14 بے گناہوں کے قتل کا مرکزی کردار ہے، سانحہ ماڈل ٹاؤن کے مرکزی کردار ڈاکٹر توقیر شاہ کی تعیناتی پر حیرت ہے:سانحہ ماڈل ٹاؤن کے کرداروں کو موجودہ دور میں بھی اہم عہدوں سے نوازا جا رہا ہے، باقر نجفی رپورٹ کے مطابق توقیر شاہ نے سانحہ ماڈل ٹاؤن میں رابطہ کار کا کردار ادا کیا:

واضح رہے کہ وفاقی سیکریٹری قومی صحت ڈاکٹر اللہ بخش ملک کو عہدے سے ہٹادیا گیا توقیر شاہ ایڈیشنل سیکریٹری انچارج وزارت قومی صحت مقرر کر دئئے گئے توقیر شاہ شہبازشریف کے سیکریٹری تعینات رہے ان پر سانحہ ماڈل ٹاون کا اہم کردار ہونے کا الزام ہے

میرا جسم میری مرضی، طاہر اشرفی بھی میدان میں آ گئے، عورت مارچ منتظمین کو دی "دعوت”

باغی ٹی وی کی رپورٹ کے مطابق پاکستان علماء کونسل کے سربراہ علامہ طاہر محمود اشرفی نے کہا ہے کہ پاکستان علماء کونسل عورت مارچ کے منتظمین کو خواتین کو وراثت کا حق دینے، ان کی تعلیم کی راہ میں رکاوٹوں ، جہیز اور گھریلو تشدد کے خاتمے کیلئے مذاکرات کی دعوت دیتی ہے،

علامہ طاہر اشرفی کا مزید کہنا تھا کہ اسلامی اور پاکستانی اقدار کے خلاف نعروں سے ملک میں صورتحال کشیدہ ہورہی ہے،پاکستان کی نظریاتی اساس اور معاشرتی اقدار کو پامال کرنے والےملک و قوم کےخیرخواہ نہیں ہوسکتے،اسلامی جمہوریہ پاکستان میں’’ میرا جسم میری مرضی ‘‘جیسے بیہودہ نعروں کی اجازت نہیں دی جاسکتی، ایسی سوچ اور ذہنیت رکھنے والے لوگ فکری انتشار کا شکار اور معاشرے میں اضطراب پیدا کرنےکی کوشش کر رہے ہیں،ملک میں اس نئے فتنے کی وجہ سے تصادم کی کیفیت پیدا ہوچکی ہے.

علامہ طاہر محمود اشرفی نے مزید کہا کہ جسم اللہ کی امانت ہے،اس پر اللہ ہی کی مرضی چلے گی ،اس کے علاوہ جو بات بھی کی جائے گی وہ اللہ کی نافرمانی اور بغاوت ہوگی،میرا جسم میری مرضی کابیہودہ نعرہ لگانے اور اس کی حمایت کرنے والوں کو کبھی اس بات کی توفیق نہیں ہوئی کہ وہ عورت کے وراثت میں حق کی بات کریں،جہیز کی لعنت پر آواز اٹھائیں،عورت کی تعلیم و تربیت کی بات کریں۔

علامہ طاہر محمود اشریف کا مزید کہنا تھا کہ ’’میرا جسم میری مرضی‘‘ کا نعرہ لگانے والے چند افراد عورتوں کے حقوق کے نام پر بےراہ روی کا راستہ کھولنے کی کوشش کر رہے ہیں، جو ان شاء اللہ پاکستان جیسے معاشرے میں ممکن نہیں۔ نظریہ پاکستان ، ہماری تہذیب اور کلچرسے بیزارچند عناصرناصرف معاشرتی اقدار کو پامال کر رہےہیں بلکہ ہمارے مضبوط خاندانی نظام کی جڑوں کو کاٹنے کے درپے ہیں،انہیں کسی صورت ایسے بیہودہ پروگراموں کے انعقاد کی اجازت نہیں دی جاسکتی جس سے ہماری اقدار پامال ہوں ،اس تصادم کی کیفیت کو ختم کرنے کے لیے پوری قوم کو متحدہوکر سیسہ پلائی ہوئی دیوار بن جانا چاہیے ،

اسلام آباد ہائی کورٹ نے ’عورت مارچ‘ کو رکوانے کے خلاف دائر کی گئی اسلام آباد کے 8 شہریوں کی درخواست کو ناقابل سماعت قرار دے کر اسے خارج کردیا۔

خیال رہے کہ خواتین رہنماؤں نے لاہور سمیت اسلام آباد، کراچی، حیدرآباد، سکھر، راولپنڈی اور دیگر شہروں میں عالمی یوم خواتین کے موقع پر 8 مارچ کو عورت مارچ منعقد کرنے کا اعلان کر رکھا ہے اور پاکستان میں گزشتہ 2 سال سے ان مارچ کا انعقاد کیا جا رہا ہے۔

اس سال ’عورت مارچ‘ شروع ہونے سے قبل ہی اس پر بحث شروع ہوگئی ہے اور جہاں کئی افراد اس مارچ کی حمایت کر رہے ہیں، وہیں کچھ افراد اس کی مخالفت بھی کر رہے ہیں۔

عورت مارچ کی حمایت کرنے والے افراد کا ماننا ہے کہ ’عورت مارچ‘ خواتین کی خودمختاری اور حقوق کے لیے اہم قدم ہے جب کہ اس کی مخالفت کرنے والے افراد کا مؤقف ہے کہ یہ مارچ معاشرے میں بگاڑ پیدا کرنے، خواتین کو بے راہ روی اختیار کرنے اور فحاشی پھیلانے کا سبب ہے۔

گزشتہ سال پہلی مرتبہ پاکستان کے مختلف شہروں میں ’عورت مارچ‘ منعقد ہوا تھا جس میں بڑی تعداد میں خواتین شامل ہوئی تھیں اور ان مارچ میں شامل خواتین کی جانب سے اٹھائے گئے بینرز پر سخت تنقید کی گئی تھی۔

کراچی سے لے کر لاہور اور اسلام آباد سے حیدرآباد تک ہونے والے عورت مارچ میں خواتین نے درجنوں منفرد نعروں کے بینر اور پلے کارڈز اٹھا رکھے تھے جن میں کچھ بینرز پر مختلف طقبہ ہائے زندگی سے تعلق رکھنے والے افراد نے تنقید بھی کی تھی۔

لاہور:نوکریاں ہی نوکریاں‌ : پنجاب پولیس کی 10 ہزار 633 خالی اسامیوں پر بھرتیوں کا فیصلہ،اطلاعات کےمطابق حکومت پنجاب نے پنجاب پولیس کی 10 ہزار 633 خالی اسامیوں پر بھرتیوں کا فیصلہ کیا ہے ، وزیراعلیٰ پنجاب نے نئی بھرتیوں کی منظوری دے دی ہے۔

ذرائع کے مطابق لاہور سمیت صوبہ بھر سے رواں برس ریٹائر ہونیوالوں اور پہلے سے خالی اسامیوں کی تفصیلات طلب کی گئی تھیں۔ ایوان وزیراعلیٰ کی جانب سے گرین سگنل ملنے پر قواعد و ضوابط کی روشنی میں کام کو آگے بڑھایا جائیگا۔

ذرائع کے مطابق اس حوالے سے بہت جلد خالی آسامیوں کے اشتہارات دے دیئے جائیں گے ، ادھر رواں سال31 دسمبر تک ریٹائرڈ ہونیوالے ملازمین کی فہرستیں الگ سے فراہم کرنیکا حکم دیا گیا ہے۔ اس کے علاوہ پٹرولنگ اور آپریشنل امور کے لیے 548 گاڑیاں خریدی جائیں گی۔

کنگ آف کامیڈی امان اللہ کی نماز جنازہ کونسے معروف عالم دین پڑھائیں گے؟
باغی ٹی وی کی رپورٹ کے مطابق معروف کامیڈین امان اللہ کی نماز جنازہ شام7بجےپیراگون سوسائٹی میں ادا کی جائے گی،

کامیڈین امان اللہ کی نماز جنازہ مولانا طارق جمیل پڑھائیں گے، پہلے نماز جنازہ کا وقت نماز عصر کے بعد کا طے کیا گیا تھا، لیکن اب وقت میں تبدیلی کی گئی ہے، اب نماز جنازہ مغرب کی نماز کے بعد ادا کی جائے گی، نماز جنازہ معروف عالم دین اور تبلیغی جماعت کے رہنما مولانا طارق جمیل پڑھائیں گے

واضح رہے کہ امان اللہ کی وفات آج دن کو ہوئی وہ مقامی ہسپتال میں زیر علاج تھے،وزیراعظم عمران خان نے معروف کامیڈین امان اللہ کے انتقال پر گہرے دکھ کا اظہار کیا۔ عمران خان نے مرحوم کے درجات کی بلندی، لواحقین کے صبر کی دعا کی۔ وزیراعظم کا کہنا تھا مرحوم امان اللہ سٹیج، مزاحیہ اداکاری اور ڈرامہ انڈسٹری کا قیمتی اثاثہ تھے۔

خیال رہے امان اللہ 1950کو لاہور میں پیدا ہوئے، وہ پاکستانی سٹیج کے ایک مشہور و معروف مزاحیہ اداکار ہیں جو سٹیج کے سب سے پرانے اداکاروں میں سے ایک تھے۔

معروف کامیڈین امان اللہ کی وفات پر وزیراعظم سمیت اہم رہنماؤں کا تعزیت کا اظہار

کرونا وائرس، صورتحال خراب ہوئی تو کیا پابندی لگائیں گے؟ یاسمین راشد بول پڑیں

باغی ٹی وی کی رپورٹ کے مطابق وزیرصحت پنجاب ڈاکٹریاسمین راشدکی زیرصدارت آج پنجاب ہیلتھ فیسیلیٹیزمینجمنٹ کمپنی میں اہم اجلاس منعقد ہوا،جس میں سپیشل سیکرٹری محکمہ پرائمری اینڈسیکنڈری ہیلتھ کئیراجمل بھٹی اورایڈیشنل سیکرٹری ڈویلپمنٹ عمرفاروق ودیگرافسران نے شرکت کی۔

وزیرصحت ڈاکٹریاسمین راشدنے اجلاس میں پنجاب کے مختلف سرکاری ہسپتالوں کی اپ گریڈیشن اورترقیاتی منصوبوں پر جاری پیش رفت کاجائزہ لیا۔سپیشل سیکرٹری اجمل بھٹی اورایڈیشنل سیکرٹری عمرفاروق نے صوبائی وزیرکوجاری ترقیاتی منصوبوں پرجاری پیش رفت کی تازہ صورتحال بارے آگاہ کیا۔

ترقیاتی منصوبوں میں مدراینڈچائلڈہسپتال میانوالی، ساٹھ بستروں پرمشتمل ہسپتال راولپنڈی، دوسوبستروں پرمشتمل مدراینڈ چائلڈہسپتال لیہ کی تعمیر، دوسوبستروں پرمشتمل ہسپتال راجن پورکی تعمیر، مدراینڈ چائلڈہسپتال ملتان کی تعمیر، میانوالی قریشیاں رحیم یارخان دیہی صحت مرکزکی ساٹھ بستروں پرمشتمل تحصیل ہیڈکوارٹرزہسپتال میں منتقلی کیلئے اپ گریڈیشن اوردیگرمنصوبہ جات شامل ہیں۔

صوبائی وزیرصحت ڈاکٹریاسمین راشدنے افسران کوترقیاتی منصوبوں کومقررہ وقت پرہرصورت مکمل کرنے کی ہدایت کردی۔ صوبائی وزیر صحت ڈاکٹریاسمین راشد نے کہاکہ مختلف اضلاع میں ہسپتالوں کی تعمیرکے بعدہزاروں مریضوں کوبہترین طبی سہولیات حاصل ہوں گی۔ پنجاب میں کئی دہائیوں سے نئے ہسپتال نہ بننے کی وجہ سے سرکاری ہسپتالوں میں مریضوں کارش دوگنا ہو چکاہے۔ انہوں نے کہاکہ سرکاری ہسپتالوں کی اپ گریڈیشن سے مریضوں کیلئے طبی سہولیات میں اضافہ کررہے ہیں۔ پنجاب کے سرکاری ہسپتالوں میں آنے والے مریضوں کی آسانی کیلئے تمام تروسائل بروئے کارلائے جارہے ہیں۔

قبل ازیں وزیر صحت پنجاب یاسمین راشد نے پریس کانفرنس کرتے ہوئے کہا ہے کہ کرونا وائرس کی روک تھام کے لئے نئی ٹیکنیکل ٹیم بنا دی ہے، جو ہر چار گھنٹے بعد اپنی رپورٹ دے گی، صورتحال خراب ہوئی تو اس ٹیم کی سفارشات پر عوامی اجتماعات اور سکول کالجز بند کرنے پر غور کیا جائے گا۔

یاسمین راشد کا کہنا تھا کسی بھی وبا کی صورتحال روزانہ تبدیل ہوتی ہے، 82 ممالک میں کرونا وائرس پہنچ چکا ہے، اٹلی، ایران، عراق، چین میں کرونا کے کیسز زیادہ ہیں، چین میں 3 ہزار سے زائد اموات ہو چکی ہیں، چین میں ہلاکتوں کی تعداد کم، دیگرممالک میں زیادہ ہوگئی ہیں، پاکستان میں اب تک 6 کیس سامنے آئے ہیں، کرونا وائرس کا چھٹا کیس کراچی سے رپورٹ ہوا۔

یاسمین راشد کا کہنا تھا سب کو ماسک پہننے کی ضرورت نہیں ہے، صحت مند افراد کیلئے ماسک ضروری نہیں، متاثر افراد اور تیمارداری کرنیوالوں کیلئے ماسک ضروری ہے۔ یورالوجی ہسپتال راولپنڈی، طیب اردوان ہسپتال مظفر گڑھ کو مختص کر دیا، 10 ہزار سے زائد افراد کو تربیت دی جاچکی ہے، وائرس کا پھیلاؤ بہت جلد ہوتا ہے، اموات کی شرح 3 فیصد سے زیادہ نہیں، ہاتھ جتنی بار دھوئیں بہتر، چہرے کو ہاتھ نہ لگائیں۔

کرونا وائرس،پاکستان نے کی ایران کے ساتھ ریل سروس معطل، شیخ رشید کا بڑا اعلان

پاکستان میں وائرس ایران سے آیا، کتنے مزید مشتبہ مریض ہیں؟ ڈاکٹر ظفر مرزا کی بریفنگ

ایران میں پھنسے رشتے داروں کو واپس لانے کے لئے شہری عدالت پہنچ گیا،عدالت نے کیا کہا؟

واضح رہے کہ پاکستان میں کرونا وائرس کے مریضوں کی تعداد 6 ہو گئی ہے،وزیراعظم عمران خان کے معاون خصوصی برائے صحت ڈاکٹر ظفر مرزا کی زیر صدارت ایمرجنسی کور گروپ کا اجلاس منعقد ہوا جس میں وفاقی سیکرٹری ہیلتھ ڈاکٹر سید توقیر حسین شاہ ‘ ایگزیکٹو ڈائریکٹر این آئی ایچ ‘ پاک فوج کے نمائندے اور دیگر ماہرین شامل تھے۔ اجلاس میں موجود صورتحال میں ملک میں کرونا وائرس سے بچاؤ کیلئے کئے گئے اقدامات کا جائزہ لیا گیا۔

ڈاکٹر ظفر مرزا نے کہا کہ اب تک 7 لاکھ 60 ہزار سے زائد مسافروں کی سکریننگ کی گئی ہے’ کورونا وائرس سے نمٹنے کے لئے ہر ممکن اقدامات کو یقینی بنایا جارہا ہے۔ کورونا وائرس سے بچاؤ کیلئے وفاق ‘صوبے اور تمام ادارے مکمل تیار ہیں۔ ہم سب کو ملکر عوام کو تحفظ فراہم کرنے کیلئے بھر پور کردار ادا کرنا ہوگا

خلیل الرحمان قمر سے معاہدہ منسوخ ،سوشل میڈیا صارفین نے جیو بائیکاٹ کا اعلان کر دیا

باغی ٹی وی کی رپورٹ کے مطابق نجی ٹی وی جیو کی جانب سے خلیل الرحمان قمر سے معافی مانگنے اور کنٹریکٹ منسوخ کرنے کی خبر کے بعد سوشل میڈیا صارفین نے جیو ٹی وی کے بائیکاٹ کا اعلان کر دیا

سوشل میڈیا ویب ٹویٹر پر صارفین کی جانب سے جیو ٹی وی کے بائیکاٹ کے لئے دو الگ الگ ٹرینڈ چلائے گئے جو چوبیس گھنٹے سے زائد وقت میں ٹاپ تھری میں رہے. صارفین نے خلیل الرحمان قمر کے ساتھ کنٹریکٹ کا معاہدہ منسوخ کرنے پر غم و غصہ کا اظہار کیا اور جیو کے بائیکاٹ کا اعلان کیا.

ایک‌ صارف نے لکھا کہ اگر آپ سچے پاکستانی ہو پاکستان میں بے بےحیائی اور گندگی کے خلاف ہوتوبےحیائی کو سپورٹ کرنے والے جیو چینل پر لعنت بھیج کر مکمل بائیکاٹ کرکے اپنی حب الوطنی کا ثبوت دیتے ہوئے کمنٹ میں ڈن لکھیں

اگر آپ سچے پاکستانی ہو پاکستان میں بے بےحیائی اور گندگی کے خلاف ہوتوبےحیائی کو سپورٹ کرنے والے جیو چینل پر لعنت بھیج کر مکمل بائیکاٹ کرکے اپنی حب الوطنی کا ثبوت دیتے ہوئے کمنٹ میں ڈن لکھیں

— صدف حسین (@khankicheeti1) March 5, 2020

ایک اور صارف نے لکھا کہ اس وقت پاکستان میں ٹاپ ٹرینڈ
#BoycottGeo
چل رہا ہے اور یہ کھلم کھلا تھپڑ ہے کہ خلیل الرحمٰن کی جیت ہوئی میرا جسم میری مرضی والے فسادی ہار گئے…قوم کو پاگل بنانے کے دن گنے اب

اس وقت پاکستان میں ٹاپ ٹرینڈ#BoycottGeo
چل رہا ہے اور یہ کھلم کھلا تھپڑ ہے کہ خلیل الرحمٰن کی جیت ہوئی میرا جسم میری مرضی والے فسادی ہار گئے…

قوم کو پاگل بنانے کے دن گنے اب#WeRejectMeraJismMeriMarzi

— کاشف مشتاق کلیم (@KashifMKaleem) March 6, 2020

ایک اور صارف نے لکھا کہ میرا خیال ہے جو جو ایکٹر اور جو چینل خلیل صاحب کا اس معاملے پر بائیکاٹ کرے عوام کو ان سب کا بائیکاٹ کر دینا چاہیے…… عوام کی بھرپور حمایت حاصل خلیل الرحمٰن قمر کو…..

میرا خیال ہے جو جو ایکٹر اور جو چینل خلیل صاحب کا اس معاملے پر بائیکاٹ کرے عوام کو ان سب کا بائیکاٹ کر دینا چاہیے…… عوام کی بھرپور حمایت حاصل خلیل الرحمٰن قمر کو….. #BoycottGeo#merajismmerimerzi#KhalilUrRahmanQamar #WeRejectMeraJismMeriMarzi#BycottGeoNews

— Abdullah Yousaf Pti (@Abdullahmr981) March 6, 2020

ایک اور صارف نے لکھا کہ سب سے مودبانہ گزارش ہے کے جیو گروپ کو ان فالو کر کے رپوٹ کرو۔
نہ رہے گا بانس نہ بجے گئ بانسری ۔

سب سے مودبانہ گزارش ہے کے جیو گروپ کو ان فالو کر کے رپوٹ کرو۔
نہ رہے گا بانس نہ بجے گئ بانسری ۔#BoycottGeo#BycottGeoNews #WeRejectMeraJismMeriMarzi pic.twitter.com/Rz3pMQxOfn

— Abid Ashraf🍁 (@AbidAshraRajput) March 6, 2020

https://twitter.com/hamzabutt61/status/1235785758709071873

سوشل میڈیا صارفین کی جانب سے ٹویٹر پر جیو ٹی وی کے بائیکاٹ کے لئے پوسٹرز بھی شیئر کئے گئے. صارفین کی جانب سے جیو کے ٹویٹر اکاؤنٹ کا انفالو کرنے کی مہم بھی شروع کی گئی ہے، بڑی تعداد میں صارفین جیو کو انفالو کر رہے ہیں. جیو ٹی وی نے گزشتہ روز کہا تھا کہ سوشل میڈیا صارفین نے معاہدہ منسوخی کے فیصلے کو سراہا ہے جس کا اندازہ آج اسے ٹویٹر سے ہو گیا، ٹویٹر پر ایک وقت میں دو ٹرینڈ جیو بائیکاٹ کے پینل پر ہیں اور اس سے جیو کی انتظامیہ پریشان دکھائی دیتی ہے

واضح رہے کہ گزشتہ روز جیو انٹر ٹیمنٹ کی جانب سے کہا گیا تھا کہ یہ ایک غیر خصوصی معاہدہ ہے جو کہ خلیل الرحمان قمر نے دیگر چینلز کے ساتھ بھی کر رکھا ہے۔جیو خیالات کے تبادلے پر یقین رکھتا ہے ،ہم جیو اور جینے دو کی پالیسی پر عمل پیرا ہیں ،خلیل الرحمان قمر نے نہ صرف ایک خاتون کو گالیاں دیں بلکہ اپنی غلطی پر معافی مانگنے سے بھی انکار کیا اس لیے جیو کی انتظامیہ نے ان کے ساتھ معاہدہ ختم کرنے کا فیصلہ کیا ہے۔

ڈراما نویس خلیل الرحمٰن قمر نے 3 مارچ کی شب نجی ٹی وی ’نیو‘ کے پروگرام ’آج عائشہ احتشام کے ساتھ‘ عورت مارچ پر بحث کے دوران معروف خاتون سماجی رہنما ماروی سرمد کے خلاف نازیبا زبان کا استعمال کیا تھا جس پر انہیں خوب تنقید کا نشانہ بھی بنایا گیا

خلیل الرحمان قمر vs ماروی سرمد | مبشر لقمان بھی میدان میں آگئے۔

خلیل الرحمٰن قمر نے براہ راست پروگرام میں بات کرتے ہوئے ماروی سرمد کو ’گھٹیا عورت‘ کہنے سمیت ان کے خلاف انتہائی نامناسب زبان استعمال کی تھی اور انہیں ’جسم کے طعنے‘ بھی دیے تھے۔

ماروی سرمد کے خلاف ایسی زبان استعمال کیے جانے پر کئی سیاستدانوں، اداکاروں، سماجی رہنما اور دیگر افراد نے بھی خلیل الرحمٰن قمر کے رویے کی مذمت کی اور سوشل میڈیا پر مہم چلائی کہ ڈراما نویس کا بائیکاٹ کیا جائے اور انہیں کسی پروگرام میں نہ بلایا جائے

تم بکواس بند کرو،تمہارے جیسے تھرڈ کلاس سے بات نہیں کرنا چاہتی، فردوس عاشق اعوان نے ٹی وی شو میں کس کو کہہ دیا؟

تم بکواس بند کرو،تمہارے جیسے تھرڈ کلاس سے بات نہیں کرنا چاہتی، فردوس عاشق اعوان نے ٹی وی شو میں کس کو کہہ دیا؟

باغی ٹی وی کی رپورٹ کے مطابق ٹی وی ٹاک شوز میں غیر پارلیمانی زبان کے استعمال پر سوشل میڈیا پر بحث جاری ہے، خلیل الرحمان قمر اور ماروی سرمد کی گفتگو پر برپا ہونے والا طوفان بدتمیزی ابھی تھما نہیں تھا کہ ایک اور ویڈیو سامنے آ گئی

نجی ٹی وی کے ٹاک شوز میں وزیراعظم کی معاون خصوصی برائے اطلاعات ڈاکٹر فردوس عاشق اعوان کو فون پر لیا گیا تھا جبکہ مسلم لیگ ن کے رہنما عطاء اللہ تارڑ مہمان تھے، ویڈیو رضا رومی نے سماجی رابطے کی ویب سائٹ ٹویٹر پر شیئر کی ہے،

ٹاک شو کی ویڈیو میں عطاء اللہ تارڑ کہتے ہیں کہ میں کر رہا ہوں ناں جس پر ڈاکٹر فردوس عاشق اعوان کہتی ہیں کہ تم بکواس بند کرو تمہارے جیسے تھرڈ کلاس سے میں بات بھی نہیں کرنا چاھتی،تم اپنا منہ بند کرو اس کے بعد ڈاکٹر فردوس عاشق اعوان نے کال کاٹ دی

عطاء اللہ تارڑ کا کہنا تھا کہ وزارت میں ہوتے ہوئے آپ ایسی باتیں کر رہی ہیں ایک وزیر کو ایسی باتیں زیب نہیں دیتی،

تم بکواس بند کرو تمہارے جیسے تھرڈ کلاس سے میں بات بھی نہیں کرنا چاھتی pic.twitter.com/LJNCCho45Y

— Raza Ahmad Rumi (@Razarumi) March 5, 2020

واضح رہے کہ ڈراما نویس خلیل الرحمٰن قمر نے 3 مارچ کی شب نجی ٹی وی ’نیو‘ کے پروگرام ’آج عائشہ احتشام کے ساتھ‘ عورت مارچ پر بحث کے دوران معروف خاتون سماجی رہنما ماروی سرمد کے خلاف نازیبا زبان کا استعمال کیا تھا جس پر انہیں خوب تنقید کا نشانہ بھی بنایا گیا

خلیل الرحمٰن قمر نے براہ راست پروگرام میں بات کرتے ہوئے ماروی سرمد کو ’گھٹیا عورت‘ کہنے سمیت ان کے خلاف انتہائی نامناسب زبان استعمال کی تھی اور انہیں ’جسم کے طعنے‘ بھی دیے تھے۔

ماروی سرمد کے خلاف ایسی زبان استعمال کیے جانے پر کئی سیاستدانوں، اداکاروں، سماجی رہنما اور دیگر افراد نے بھی خلیل الرحمٰن قمر کے رویے کی مذمت کی اور سوشل میڈیا پر مہم چلائی کہ ڈراما نویس کا بائیکاٹ کیا جائے اور انہیں کسی پروگرام میں نہ بلایا جائے

کنگ آف کامیڈی، امان اللہ چل بسے

باغی ٹی وی کی رپورٹ کے مطابق معروف کامیڈین امان اللہ وفات پا گئے ،وہ پھیپھڑوں کی مرض میں لاحق تھے اوروہ کئی روز سے لاہور بحریہ ٹاؤن ہسپتال میں ایڈمٹ تھے

امان اللہ کی عمر 70 برس تھی، ان کو کنگ آف کامیڈی بھی کہا جاتا ہے، امان اللہ اور مستانہ کی جوڑی نے اسٹیج ڈراموں میں دھوم مچائی ،سلجھے ہوئے انداز میں اپنے اندازے کامیڈی سے لوگوں کو محفوظ کرنے والا، لوگوں کے چہروں پر ہنسی لانے والے کردار کا اختتام ہوگیا.امان اللہ نے سینکڑوں ڈراموں میں کام کیا،

امان اللہ کے گھر والوں نے ان کے انتقال کی تصدیق کردی ہے۔امان اللہ خان کے انتقال پر ملک کی تمام سیاسی ، سماجی اور شوبز شخصیات نے گہرے دکھ اور رنج کا اظہارکیا ہے۔

پی ایس ایل میچز کی وجہ سے سارا لاہور کیوں بند ہو جاتا ہے؟ پی سی بی جواب دے ، عدالت نے لیا نوٹس

باغی ٹی وی کی رپورٹ کے مطابق لاہور ہائیکورٹ نے پی ایس ایل میچز کے دوران ٹریفک جام کا نوٹس لے لیا

جسٹس شاہد کریم نے لاء آفیسر کو 13 مارچ کو پی سی بی اور تمام متعلقہ حکام سے ہدایات لیکر پیش ہونے کا حکم دے دیا،عدالت نے پی سی بی اور سی ٹی او کو جوڈیشل واٹر کمیشن کیساتھ کل میٹنگ کر کے آئندہ سماعت پلان پیش کرنے کا حکم دے دیا

جسٹس شاہد کریم نے کہا کہ گھنٹوں گھنٹوں ٹریفک جام رہتی ہے، جو ہزاروں شہری پہ ایس ایل میچز کی وجہ سے مشکلات کا شکار ہوتے ہیں وہ اہم ہے، پی ایس ایل میچز کی وجہ سے سارا لاہور بند ہو جاتا ہے اور آلودگی بڑھ جاتی ہے، حکومت کو خیال ہی نہیں کہ کروڑوں روپے کا نقصان ہو رہا ہے،

عدالت نے کہا کہ میچز کرانے کا یہ مطلب نہیں ماحولیاتی آلودگی کو نہ دیکھا جائے،جنریٹرز چلا کر کروڑوں کا ریونیو استعمال کیا جاتا ہے،

واضح رہے کہ پی ایس ایل کے میچز لاہور سمیت مختلف شہروں میں ہو رہے ہیں، پی ایس ایل میچیز کے دوران سیکورٹی کے لئے مختلف شاہراہوں کو بند کیا جاتا ہے اور ٹریفک کو متبادل روٹ دیا جاتا ہے جس کی وجہ سے شدید ٹریفک جام ہو جاتی ہے.