میڈیکل رپورٹس کو نہیں مانتا،اسٹریچر پرعدالت پیش کریں، جج نے کس بارے ایسا کہا؟

باغی ٹی وی کی رپورٹ کے مطابق احتساب عدالت لاہورمیں خواجہ برادران کے خلاف پیراگون اسکینڈل کیس کی سماعت ہوئی،عدالت نے خواجہ برادران کے جوڈیشل ریمانڈ میں 29 جنوری تک توسیع کردی،عدالت نے خواجہ برادران کو اجلاس میں جانے کی اجازت دے دی

عدالت میں قیصر امین بٹ کی بیماری کی تحریری رپورٹس جمع کروا دی گئی،پراسیکیوٹر نے کہا کہ قیصر امین بٹ بہت بیمار ہیں پیش نہیں ہوسکتے، جس پر عدالت نے کہا کہ میں رپورٹس کو نہیں مانتا،قیصر امین بٹ کو اسٹریچر پر لائیں،جوڈیشل مجسٹریٹ ہر بار عدالت چھوڑ کر قیصر امین کا بیان کروانے آتے ہیں،

آپ نے بحث مکمل کرنی ہے یا باہر جانا ہے؟ عدالت کے استفسار پر خواجہ سعد رفیق نے کیا کہا؟

لاہور کی احتساب عدالت نے 4 ستمبر کو مسلم لیگ ن کے رکن قومی اسمبلی خواجہ سعد رفیق اور ان کے بھائی خواجہ سلمان رفیق کے خلاف پیراگون ہاؤسنگ سوسائٹی میں بے ضابطگیوں پر دائر ریفرنس میں فرد جرم عائد کی تھی۔ خواجہ سعد رفیق اور خواجہ سلمان رفیق نے صحت جرم سے انکار کیا تھا۔

میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو

آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا

رحیم یار خان ٹرین حادثہ، عدالت میں ہوئی کیس کی سماعت، کس کو کیا طلب؟

باغی ٹی وی کی رپورٹ کے مطابق لاہورہائیکورٹ میں رحیم یار خان ریلوے حادثہ کیس کی سماعت ہوئی،عدالت نے فریقین کو نوٹس جاری کرتے ہوئے جواب طلب کرلیا،درخواست میں وفاقی حکومت اور وزارت ریلوے سمیت دیگر کو فریق بنایا گیا.

درخواست میں کہا گیا ہے کہ ٹرین حادثے میں 75 افراد جاں بحق،متعدد زخمی ہوئے ہیں،شیخ رشید حادثات کی روک تھام میں ناکام ہوچکے،حادثے کی انکوائری کیلئے جوڈیشل کمیشن تشکیل دیا جائے،

ٹرین حادثہ، تین بوگیوں میں کتنے مسافر سوارتھے؟ بکنگ کس نے کروائی؟ اہم خبر

ٹرین حادثہ، شیخ رشید نے کیا امداد کا اعلان

واضح رہے کہ رحیم یار خان میں افسوسناک واقعہ گزشتہ برس پیش آیا تھا ،ٹرین کی بوگیوں میں‌ آتشزدگی سے 73 مسافر جاں بحق ہو گئے تھے ،تیزگام ایکسپریس میں آگ بہاولپوراور رحیم یا ر خان کےدرمیان چنی گوٹھ کےمقام پر لگی ،تیز گام کراچی سےبراستہ لاہور راولپنڈی جار ہی تھی ،

وزیراعظم کی ٹرین حادثہ کے زخمیوں کو بہترین طبی امداد دینے کی ہدایت

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

ریلوے حکام کے مطابق تین بوگیوں میں 209 مسافر سوار تھے،آگ 2 اکانومی اورایک بزنس کلاس کے ڈبے میں لگی ، اکانومی بوگیوں میں مجموعی طور پر 156مسافر سوار تھے،بزنس بوگی میں 50 سے زائدافراد سوار تھے، بوگیوں کی بکنگ امیر حسین  کے نام سے ہوئی، امیرحسین نے حیدرآباد اسٹیشن سے بکنگ کرائی تھی ،

پاکستان بنگلہ دیش کرکٹ سیریز، سیکورٹی کے انتظامات ہوں گے کیسے؟ جان کر ہوں حیران

باغی ٹی وی کی رپورٹ کے مطابق پنجاب کے صوبائی دارالحکومت لاہور میں پاکستان بنگلہ دیش ٹی ٹونٹی کرکٹ سیریز کا پہلا میچ آج ہو گا، اس حوالہ سے لاہور پولیس نے سکیورٹی کے انتظامات مکمل کر لئے ہیں.

ڈی آئی جی آپریشنز رائے بابر سعید کا کہنا ہے کہ میچ کے دوران10ہزار سے زائد پولیس افسران اور جوان تعینات ہونگے۔ 17ایس پیز ،48 ڈی ایس پیز،134انسپکٹرزاور592اپر سب آرڈینیٹس فرائض سر انجام دیں گے۔ میچ کے سکیورٹی انتظامات کے حوالے سے پوری طرح تیار ہیں۔ پاکستان میں بین الاقوامی کرکٹ کی بحالی کے لئے لاہور پولیس بھرپور کردار ادا کررہی ہے۔ ٹیموں اور شائقین کو بھرپور سکیورٹی فراہم کریں گے۔

ڈی آئی جی آپریشنز نے مزید کہا کہ سکیورٹی انتظامات کے حوالہ سے تمام متعلقہ اداروں سے مکمل رابطہ میں ہیں۔ ٹیموں کی قیام گاہ، روٹ اورسٹیڈیم کے گردو نواح میں سرچ اینڈسویپ آپریشنز جاری ہیں۔کرکٹ میچز کاپر امن انعقاد یقینی بنانے کے لئے متعلقہ افراد سے ضمانتی مچلکے بھی لئے گئے ہیں۔ ڈولفن سکواڈ، ایلیٹ اور پیرو ٹیمیں مسلسل پٹرولنگ کریں گی، بلند عمارتوں پر سنائپرز تعینات ہونگے۔سی سی ٹی وی کیمروں کے ذریعے ٹیموں اور سٹیڈیم کے اطراف کی موثرمانیٹرنگ کی جائیگی۔

رائے بابر سعید کا مزید کہنا تھا کہ ٹریفک رواں رکھنا ترجیح ہو گی، کوشش ہے میچز کے دوران شہریوں کو کم سے کم دشواری کا سامنا کرنا پڑے۔ ممنوعہ اشیاء سٹیڈیم میں لانے پر مکمل پابندی ہے۔ شائقین کرکٹ کے لمحات سے بھرپور لطف اندوز ہونے کے لئے لاہور پولیس سے تعاون کریں۔ پارکنگ کیلئے مقامات مخصوص ہیں ،شائقین کو شٹل بس سروس کے ذریعے سٹیڈیم تک پہنچایا جائے گا۔ سکیورٹی انتظامات میں پاک آرمی اور رینجرز سمیت تمام متعلقہ اداروں کی بھرپور معاونت حاصل ہے۔پاکستا ن بنگلہ دیش کرکٹ سیریز کے تحت لاہور میں 24،25اور 27جنوری کو 03ٹی ٹونٹی میچز کھیلے جائیں گے۔

وزیراعلیٰ پنجاب نے کیا تھیلیسیمیا کی مریض طالبہ آمنہ محمود بارے اہم اعلان

باغی ٹی وی کی رپورٹ کے مطابق وزیراعلیٰ پنجاب سردار عثمان بزدار تھیلیسیمیا کی مریض طالبہ آمنہ محمود کی آواز بن گئے۔ وزیراعلیٰ نے طالبہ آمنہ محمود کی تعلیم کے اخراجات اٹھانے کا اعلان کرتے ہوئے کہا کہ پنجاب حکومت آمنہ محمود کے تعلیمی اخراجات برداشت کرے گی۔ آمنہ جہاں تک چاہے تعلیم حاصل کرے، حکومت پنجاب پوری معاونت کرے گی۔

وزیراعلیٰ عثمان بزدار نے آج تھیلیسیمیا اینڈ بون میرو ٹرانسپلانٹ سینٹر بہاولپور کے دورے کے دوران تھیلیسیمیا کی مریض طالبہ آمنہ محمود کی عیادت کی۔گورنمنٹ صادق ماڈل گرلز ہائی سکول بہاول پور میں زیر تعلیم میٹرک کی طالبہ آمنہ محمود نے وزیر اعلیٰ عثمان بزدار سے کہا کہ وہ مزید تعلیم حاصل کرنا چاہتی ہے لیکن وسائل اجازت نہیں دیتے، جس پر وزیر اعلیٰ عثمان بزدار نے باہمت طالبہ کی حوصلہ افزائی کی اور کہا کہ بیٹی آمنہ! آپ کے تعلیمی اخراجات حکومت پنجاب برداشت کرے گی۔

وزیراعلیٰ عثمان بزدار نے اسی وقت آمنہ کی خواہش پر متعلقہ حکام کو ہدایات دیں اورکہا کہ آمنہ میری اپنی بیٹیوں کی طرح ہے، اس کو زیور تعلیم سے آراستہ کرنا میرا فرض ہے۔

وزیراعلیٰ پنجاب سردار عثمان بزداربلوچستان سے واپسی پر اچانک بہاولپور پہنچ گئے۔ وزیراعلیٰ عثمان بزدارنے بہاول وکٹوریہ ہسپتال بہاولپور میں بننے والے تھیلیسیمیا اینڈ بون میرو ٹرانسپلانٹ سینٹر کے منصوبے کا بغیر پروٹوکول دورہ کیا۔وزیراعلیٰ عثمان بزدار نے تھیلیسیمیا اینڈ بون میرو ٹرانسپلانٹ سینٹر میں زیرعلاج بچوں کی عیادت کی اور ان کی خیریت دریافت کی۔ وزیراعلیٰ عثمان بزدار نے زیر علاج بچوں کے لواحقین سے سینٹر میں فراہم کی جانے والی طبی سہولتوں کے بارے میں استفسار کیا۔

۔وزیراعلیٰ عثمان بزدار نے سینٹر کی عمارت کے مختلف حصے دیکھے اور منصوبے پر کام کی رفتار مزید تیز کرنے کی ہدایت دیتے ہوئے کہا کہ تھیلیسیمیا اینڈ بون میرو ٹرانسپلانٹ سینٹر بہاولپور کیلئے 90 کروڑ روپے کے فنڈز فی الفور فراہم کئے جائیں گے اور بون میرو ٹرانسپلانٹ سینٹر کے منصوبے کو جلد آپریشنل کیا جائے گا۔ پنجاب حکومت بون میرو ٹرانسپلانٹ کے منصوبے کیلئے ترجیحی بنیادوں پر فنڈز مہیا کرے گی اور یہ منصوبہ ہر صورت اگلے مالی سال میں فنکشنل ہو جائے گا۔ منصوبے کیلئے ضروری مشینری اور آلات خریدے جائیں گے۔ بون میرو ٹرانسپلانٹ سینٹر کے منصوبے کیلئے وسائل میں کمی نہیں آنے دیں گے۔ اس منصوبے کی تکمیلسے جنوبی پنجاب سمیت دیگر علاقو ں کے مریضوں کو بہت سہولت ملے گی کیونکہ جنوبی پنجاب میں بون میرو ٹرانسپلانٹ کی سہولت موجود نہیں۔

وزیراعلیٰ عثمان بزدار کو بون میرو ٹرانسپلانٹ سینٹر بہاولپور کے منصوبے کے بارے میں بریفنگ دی گئی۔وزیراعلیٰ عثمان بزدار نے ہسپتال کے دورے کے بعد میڈیا سے گفتگو کرتے ہوئے کہا کہ اس منصوبے کا دورہ کرکے زمینی حقائق سے آگاہی حاصل کی ہے اور انشاء اللہ ہماری حکومت اس اہم منصوبے کو جلد مکمل کرے گی اور تھیلیسیمیا اور بون میرو کے مریضوں کو علاج معالجے کی معیاری سہولتیں میسر آئیں گی۔

وزیراعلیٰ عثمان بزدار نے سول ہسپتال بہاولپور کو نواب صادق محمد خان عباسی کے نام منسوب کرنے کے حوالے سے پوچھے گئے سوال کے جواب میں کہا کہ سول ہسپتال بہاولپورکو نواب صادق محمد خان عباسی کے نام سے منسوب کرنے کی تجویز مناسب ہے اور ہم سول ہسپتال بہاولپور کا نام نواب صادق محمد خان عباسی سے منسوب کرنے کا جائزہ لیں گے کیونکہ نواب صادق محمدخان عباسی کی بہاولپور کیلئے بہت خدمات ہیں۔

وزیراعلیٰ نے بہاولپور کے صحافیوں کیلئے جرنلسٹ کالونی کے قیام کا اعلان کرتے ہوئے کہا کہ اس ضمن میں جلد اقدامات کئے جائیں گے اور صحافیوں کو صحت انصاف کارڈ بھی دیں گے۔ وزیراعلیٰ پنجاب عثمان بزدار نے بہاولپور شہر کا بھی دورہ کیا اور شہر میں صفائی کی صورتحال کا جائزہ لیا۔

وزیراعلیٰ عثمان بزدار نے فوارہ چوک میں آٹے کے سیل پوائنٹ کا بھی اچانک دورہ کیا۔ وزیراعلیٰ نے ٹرسٹ پارک کی صفائی کی خراب صورتحال پر برہمی کا اظہار کیا اور کمشنر بہاولپور ڈویژن کو ہدایت کی کہ پارک کی صفائی کو بہتر بنایا جائے۔ وزیراعلیٰ نے سیل پوائنٹ پر شہریوں کو آٹے کی تقسیم کے عمل کا جائزہ لیا۔ وزیراعلیٰ عثمان بزدار نے کہا کہ پنجاب میں آٹے کا کوئی بحران نہیں۔ پنجاب میں آٹا وافر دستیاب ہے اور 20کلو آٹے کا تھیلہ 805روپے میں عوام کو فراہم کیا جارہا ہے۔میں خود آٹے کی دستیابی کیلئے فیلڈ میں جا کر زمینی حقائق کا جائزہ لے رہا ہوں۔پنجاب بھر میں آٹے کے سیل پوائنٹس کی تعداد میں اضافہ کیا گیا ہے اور آٹا سیل پوائنٹس عوام کی سہولت کیلئے قائم کئے گئے ہیں۔ محکمہ خوراک اورانتظامیہ کی کاوشوں سے صورتحال معمول پر ہے۔ کسی کو آٹے کی قیمت بڑھانے نہیں دیں گے۔

لاہور:اپوزیشن کی امیدوں کے چراغ گل ہوگئے،تحریک انصاف کے ناراض اراکین نے کمال کردیا،اطلاعات کےمطابق رکن پنجاب اسمبلی غضنفر عباس کاکہناہے کہ وزیراعلیٰ پنجاب عثمان بزدار سےملاقات میں اپنے تحفظات سے آگاہ کیاہے،انہیں کہا ہےکہ آپ کےاختیارمیں نہیں تووزیراعظم سے ملاقات کرائیں انہیں بتائیں گے۔

نہ توحکومت کمزورہے اورنہ ہی اتحادی چھوڑرہے ہیں ، حکومت وقت پورا کرے گی ،…

پاکستان تحریک انصاف کے رکن پنجاب اسمبلی غضنفرعباس کا کہنا ہے کہ وزیراعلی پنجاب عثمان بزدار کو بااختیار بنانے کے لیے گروپ بنایا گیا ہے، پنجاب میں اس وقت اختیارات چیف سیکرٹری اعظم سلیمان کے پاس ہیں، پنجاب میں حالیہ بیوروکریسی کے تبادلوں کے بعد وزیراعلی بے اختیار ہوگئے ہیں، پنجاب کا اختیار چیف سیکرٹری کے پاس ہے،سیاستدانوں کو دیوار کے ساتھ لگا یا جا رہا ہے،

بھارتی تفتیشی ادارے این آئی اے نے دیویندرسنگھ کومزید تحقیقات کے لیے دہلی منتقل…

ہم نے وزیر اعلیٰ پنجاب سے ملاقات کر کے اپنے تحفظات سے آگاہ کیا، وزیراعلی کو کہہ دیا ہےکہ آپ کے اختیار میں نہیں تو وزیراعظم سے ملاقات کرائیں انہیں بتائیں گے۔دوسری جانب پی ٹی آئی کے رکن پنجاب اسمبلی سردار شہاب کا کہنا تھاکہ وزیراعظم عمران خان جسے بھی وزیراعلی پنجاب نامزدکریں گے وہ قبول ہوگا۔

لاہور ہائیکورٹ میں‌”کیا” ہو رہا ہے؟ ہوم سیکرٹری جواب دیں، چیف جسٹس برہم

باغی ٹی وی کی رپورٹ کے مطابق لاہور ہائیکورٹ میں موبائل فون سنگز کی بندش کیخلاف درخواست پر سماعت ہوئی،چیف جسٹس مامون رشید شیخ نے ہائیکورٹ میں موبائل سنگنلز کی بندش پر برہمی کا اظہار کیا،چیف جسٹس مامون رشید شیخ نے ہوم سیکرٹری پنجاب،ایف آئی اے ڈائریکٹر اور ڈپٹی اٹارنی جنرل کو 28جنوری کو طلب کرلیا .

چیف جسٹس نے کہا کہ اتنے بڑے ٹاور لگنے کے باوجود ہائیکورٹ میں موبائل سگنلز نہیں آرہے ،ہوم سیکرٹری پنجاب بتائیں یہ ہائیکورٹ میں ہوکیا رہا ہے؟

چیف جسٹس مامون رشید شیخ نے اظہر صدیق ایڈووکیٹ کی درخواست پر سماعت کی ، درخواست گزار نے اپنی درخواست میں کہا کہ لاہور ہائیکورٹ کے احاطے میں موبائل فون کے سنگز نہیں آ رہے، وکلا اور سائلین کو موبائل فون کے سنگلز کی بندش سے بہت پریشانی کا سامنا ہے، موبائل فون سنگلز میں رکاوٹ آئین کرے آرٹیکلز کے منافی ہے،

درخواست گزار نے عدالت میں‌موقف اختیار کیا کہ موبائل فون کمپنیاں اور پی ٹی اے کی ذمہ دار صارفین کو رکاوٹ کے بغیر سنگلز کی فراہمی کو یقینی بنائے،درخواست گزار نے کہا کہ موبائل فون کے سنگلز میں رکاوٹ کو فوری طور ختم کیا جائے،

بلدیاتی الیکشن پنجاب میں ہوں گے کب؟ حکومت نے اعلان کر دیا

باغی ٹی وی کی رپورٹ کے مطابق پنجاب حکومت نے اپریل اور مئی میں بلدیاتی انتخاب کرانے کیلئے انتظاما ت مکمل کر لئے ہیں۔ حکومت پنجاب نے اپنے فیصلے سے باضابطہ طور پر الیکشن کمیشن آ ف پاکستان کو آگاہ کر دیا ہے۔

سیکٹریٹری بلدیات ڈاکٹرا حمد جاوید قاضی نے کہا ہے کہ پنجاب حکومت نے اپریل اور مئی میں بلدیاتی انتخابات کرانے کی تیار ی مکمل کر لی ہے۔جاوید قاضی کا کہنا ہے کہ اس حوالے سے الیکشن کمیشن کو خط بھی لکھ دیا گیا ہے . اب لیکشن کمیشن پر منصر ہے کہ الیکشن کی کیا تاریخ دی جاتی ہے

واضح رہے کہ لاہور ہائیکورٹ نے پنجاب حکومت کو الیکشن کروانے کا حکم جولائی میں دیا تھا، لاہور ہائیکورٹ میں لوکل گورنمنٹ ایکٹ 2019 کے خلاف درخواست پر سماعت ہوئی ،جس میں درخواست گزار کے وکیل نے کہا کہ منتخب بلدیاتی نمائندوں کو اپنی مدت پوری کرنے سے قبل نہیں ہٹایا جا سکتا، پنجاب حکومت نے آرٹیکل 140 اے کی خلاف ورزی کی ہے.عدالت نے بلدیاتی نمائندوں سے استفسار کیا کہ اب تک بلدیاتی نمائندوں نے عوام کے لئے کیا اقدامات کئے ؟

عدالت نے حکومت کو کہا کہ الیکشن کااعلان کریں،یہ بلدیاتی نمائندے الیکشن میں حصہ لیں گے،سرکاری وکیل نے کہا کہ ابھی بلدیاتی الیکشن کے شیڈول کااعلان نہیں کرسکتے۔

لوکل گورنمنٹ بل پنجاب اسمبلی سے منظور،مسلم لیگ ن ناکام

پنجاب میں نیا بلدیاتی نظام، لاہور ہائیکورٹ نے بڑا حکم دے دیا

واضح رہے کہ نیا بلدیاتی نظام پنجاب اسمبلی سے منطور ہو چکا ہے، مسلم لیگ ن نے بل پیش کرنے کے موقع پر ایجنڈےکی کاپیاں پھاڑ دی تھیں اور بھر پور احتجاج کیا تھا، تحریک انصاف اس بل کے پاس ہونے کو بہت بڑی کامیابی قرار دے رہی ہے . نئے ترمیمی بل کے تحت ناظمین اب چئیرمین کہلائیں گے، تمام ڈویژنل ہیڈکوارٹرز میں سٹی لوکل گورنمنٹس بنائی جائیں گی۔تحصیل کونسل چیئرمین اور میئر سٹی لوکل گورنمنٹ کے انتخابات جماعتی بنیاد پر جبکہ ویلیج و نیبر ہوڈ کونسل کے انتخابات غیر جماعتی بنیادوں پر ہوں گے

مسلم لیگ ق کے رہنما سپیکر پنجاب اسمبلی چودھری پرویز الہیٰ کے بیٹے مونس الہی نے سماجی رابطے کی ویب سائٹ ٹویٹر پراسمبلی سے منظور کردہ بلدیاتی نظام کوخیبر پختونخواکے نظام کا کاپی پیسٹ قراردے دیا .مونس الہیٰ کا کہنا تھا کہ پنجاب اور کے پی کے کا موازنہ نہیں کیا جاسکتا،دونوں صوبوں کی آبادی اوررقبے میں واضح فرق ہے،نئے بلدیاتی نظام میں ماضی کی طرح کئی نقائص ہیں،چارہزاریونین کونسل کی جگہ 24 ہزارولیج اور پنچایت کونسلزبہت زیادہ ہیں ،ایسے نظام سے انتظامی ڈھانچے اور مالی اخراجات میں چھ گنا اضافی ہوگا ،کم ازکم آٹھ ارب روپے سالانہ اور دیگر اخراجات ضائع ہوں گے

کرتارپور راہداری منصوبے کا کریڈٹ وزیراعظم کو نہیں بلکہ کس کو جاتا ہے؟ پنجاب اسمبلی میں بحث

باغی ٹی وی کی رپورٹ کے مطابق پنجاب اسمبلی کا اجلاس سپیکر پنجاب اسمبلی چودھری پرویز الہٰی کی زیر صدارت ہوا ،اجلاس میں کرتار پور راہداری منصوبے کا کریڈٹ لینے پر بحث ہوئی۔ بحث کے دوران تحریک انصاف کے رکن پنجاب اسمبلی مہندر پال سنگھ نے کہا کہ کرتار پور منصوبے کا اعلان وزیر اعظم عمران خان نے کیا تھا، اس منصوبے کا کریڈٹ وزیراعظم عمران خان کو جاتا ہے۔

سپیکر پنجاب اسمبلی پرویز الٰہی نے تحریک انصاف کے رکن اسمبلی کو مخاطب کرکے کہا کہ کرتار پور کی پہلی سڑک جس پر آپ چل کر آئے وہ ہم نے بنائی، اگر جنرل باجوہ کا ساتھ نہ ہوتا تو کرتار پور نہ بنتا ، جس کا کریڈٹ ہوتا ہے اس کو دیا جاتا ہے.

کرتارپور، وزیراعظم پہنچ گئے، سکھ برادری کی خصوصی تصاویر باغی ٹی وی پر

آج جپھی رنگ لے آئی،عمران خان وہ سکندر ہیں جو لوگوں کے دلوں میں راج کرتے ہیں،نوجوت سنگھ سدھو

وزیراعظم نے سدھو سے جو وعدہ کیا وہ پورا کر دیا، نورالحق قادری

خطے میں امن کیلئے وزیراعظم کی ہدایت پر تعمیر کئے گئے کرتار پور رہداری منصوبے کے اخراجات پاکستان نے ادا کیے، پاک بھارت معاہدے کے مطابق منصوبہ مرحلہ وار مکمل ہوگا، ابتدائی مرحلے میں پل اور سرنگ سمیت عمارت تعمیر کی گئی ہے، دوسرے مرحلے میں عمارت کی توسیع، یاتریوں کیلئے رہائشگاہیں تعمیر ہوں گی، کرتار پور آنیوالے یاتریوں کی سہولت کیلئے بازار بھی قائم کیا جائے گا۔

واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔

تحریک انصاف کے پنجاب میں ناراض اراکین نے کیا بڑا مطالبہ، کہا کریں گے نئے وزیراعلیٰ کی حمایت

باغی ٹی وی کی رپورٹ کے مطابق تحریک انصاف کے جنوبی پنجاب میں فارورڈ بلاک کے رکن غضنفرعباس چھینہ نے کہا ہے کہ ہم سے اپوزیشن سمیت کسی جماعت نے رابطہ نہیں کیا،وزیراعلیٰ پنجاب سے ناراض ہیں ہمیں فنڈزنہیں مل رہے،

سردار شہاب نے کہا کہ وزیراعلیٰ تبدیل ہوتاہے تووزیراعظم کے حکم کی تعمیل کریں گے، وزیراعظم وزیراعلیٰ پنجاب کیلئے جسے نامزدکریں گے قبول ہوگا، اگرفنڈزنہ ملے توپھرمستقبل بارے سوچنا پڑے گا،وزیراعظم عمران خان پرویزالہی سمیت کسی کو نیا وزیراعلی مقرر کردیں ہم اس کی حمایت کریں گے۔

حکمران جماعت کے لئے ایک اور مشکل کھڑی ہو گئی، ابھی تک اتحادی جماعتیں نہیں مانیں اور تحریک انصاف کے اپنے ہی اراکین نے فارورڈ بلاک بنا لیا،

فارورڈ بلاک پنجاب میں بنایا گیا ہے،تحریک انصاف کے متعدد ممبران پنجاب اسمبلی نے اپنی ہی حکومت پر دباؤ بڑھانے کا فیصلہ کرتے ہوئے فارورڈ بلاک بنا لیا ہے۔ نجی ٹی وی کے ذرائع کے مطابق تحریک انصاف کے مختلف حلقوں کے بیس ارکان اسمبلی نے یہ گروپ بنا کر حلف اٹھایا ہے کہ وہ ایک دوسرے کے ساتھ رہیں گے اور مل کر اپنے مطالبات منوائیں گے۔

پی ٹی آئی میں یہ فارورڈ گروپ جنوبی اور وسطی پنجاب کے بیس ارکان نے گروپ بنایا ہے۔ انہوں نے وزیراعلیٰ سردار عثمان بزدار سے اپنے حلقوں کے لیے فنڈز اور عوامی منصوبوں کا مطالبہ بھی کر دیا ہے۔ رکن پنجاب اسمبلی سردار شہاب کا اس حوالے سے کہنا تھا کہ ہم تحریک انصاف کے ساتھ ہیں اور ساتھ رہیں گے اور اسی پلیٹ فارم سے ہی آئندہ الیکشن لڑیں گے۔

سردار شہاب نے تصدیق کی کہ حلقوں کے مسائل کے حل کے لیے بیس ارکان نے گروپ بنایا ہے۔ ہم نے وزیراعلیٰ پنجاب عثمان بزدار سے ملاقات میں عوامی مسائل کے حل پر بات کی جبکہ یہ درست ہے کہ ہم نے اکٹھے رہنے کا حلف بھی اٹھایا ہے.

ان ہاؤس تبدیلی، حمزہ شہباز نے بڑا دعویٰ کر دیا

صحافیوں نے کیا پنجاب اسمبلی سمیت دیگر سرکاری تقریبات کے بائیکاٹ کا اعلان

باغی ٹی وی کی رپورٹ کے مطابق صحافیوں کے ساتھ ٹریفک وارڈنز اور سی ٹی او کی بدتمیزی کا معاملہ،پنجاب اسمبلی پریس گیلری کمیٹی نے اسمبلی کاروائی کا بائیکاٹ کردیا.

لاہور پریس کلب کی اپیل پر اسمبلی کاروائی کے ساتھ تمام سرکارئ تقریبات کی بائیکاٹ کا بھی اعلان کر دیاگیا، اسمبلی کاروائی اجلاس شروع ہونے سے قبل صحافیوں نے وزیر اطلاعات کو بھی بات کرنے سے روک دیا

پنجاب اسمبلی میں اپوزیشن لیڈر نے صحافیوں کے معاملے پر مکمل اظہار یکجہتی کا اعلان کیا، حمزہ شہباز کا کہنا تھا کہ صحافیوں کے ساتھ ٹریفک وارڈنز کا رویہ شرمناک ہے ارباب اختیار کو اس کا فوری نوٹس لینا چاہیے،

صحافیوں نے پنجاب اسمبلی کے احاطے میں پنجاب حکومت اور سی ٹی او لاہور کیخلاف احتجاج کیا اور شدید نعرے بازی کی،

پی سی بی ذمہ داران اور پی سی بی سیکورٹی کی جانب سے صحافیوں کے ساتھ نا زیبا سلوک پر پنجاب اسمبلی کے احاطے میں صحافی برادری نے احتجاج کیا،صحافیوں کو کوریج کے معاملے پر رکاوٹ پیدا کرنے پر شدید احتجاج کیا گیا،

لاہور پریس کلب کے صدر ارشد انصاری کے ساتھ افتخار نامی ٹریفک وارڈن اور ساتھی وارڈنز کی جانب سے بدتمیزی کرنے اور موبائل فون چھیننے کی شدید اور پرزور الفاظ میں مذمت کرتے ہوئے الیکٹرانک میڈیا رپورٹرز ایسوسی ایشن(ایمرا) کے صدر محمد آصف بٹ، سینئر نائب صدر جوادملک، نائب صدر عرفان ملک، سیکرٹری ایمرا سلیم شیخ، ایڈیشنل سیکرٹری نعمان شیخ، فنانس سیکرٹری ارشد چوہدری، سینئر جوائنٹ سیکرٹری کنور عزیراسے صحافت اورصحافیوں کی توہین قرار دیا ہے اورکہا ہےکہ پہلے وفاقی وزیرکی طرف سے یہ انداز اختیار کیا گیا ہے اورٹریفک وارڈنز کے ذریعے بدمعاشی کی تاریخ دہرائی جارہی ہے،

ٹریفک وارڈنز کی طرف سے صدر لاہور پریس کلب ارشد انصاری کے ساتھ بدتمیزی کرنے پر ایمرا کے جوائنٹ سیکرٹری قادر خواجہ،سیکرٹری انفارمیشن شفیق شریف، آفس سیکرٹری افضل سیال، ممبران گورننگ باڈی روباعروج، آصف خاور، ثاقب سلیم بٹ،منصوربٹ،ذمل خان اسرارخان نوین علی ، حامدخان،شاکراعوان،صادق بلوچ،احمرکھوکھر، محمدعبداللہ،برہان الدین، یار محمد، رانا وحید حسین،عباس حیدر، عرفان ڈوگر، سید عمران شمسی، ابوبکربلال،علی وقار، شکیل ملک اور محمد وقاص نے لاہور پریس کلب کے صدر ارشد انصاری کے ساتھ افتخار نامی ٹریفک وارڈن اور ساتھی وارڈنز کی جانب سے بدتمیزی کرنے اور موبائل فون چھیننے کی شدید اور پرزور الفاظ میں مذمت کی ہے

باغی ٹی وی کے مطابق ایمرا صدر محمد آصف بٹ نے آئی جی پنجاب پولیس سے مطالبہ کیا ہے کہ ٹریفک وارڈنز کی جانب صدر لاہور پریس کلب ارشد انصاری کے ساتھ بدتمیزی اور نازیبا رویہ اختیار کرنے والے ٹریفک وارڈنز کے خلاف سخت محکمانہ کاروائی کرتے ہوئے ان کے خلاف مقدمہ درج کیا جائے۔

آئی جی پنجاب پولیس بے لگام ٹریفک وارڈن افتخارسمیت اس کے ساتھیوں کو لگام ڈالیں۔ کیونکہ موجودہ سی ٹی او لاہور جب سے تعینات ہوئے ہیں تب سے صحافتی برادری کو ٹریفک وارڈنز کی جانب سے آئے روز بدتمیزی اور نازیبا رویہ کا سامنا کرنا پڑ رہا ہے۔ آئی جی پنجاب پولیس اس پر فوری طور پر نوٹس لیں اور ذمہ دار وارڈنز کے خلاف فوری طور پر محکمانہ کاروائی عمل میں لائیں۔

لاہور پریس کلب سے تعلق رکھنے والی تمام صحافتی تنظیموں اورشخصیات نے کہا ہے کہ ہم آئی جی پنجاب پولیس سمیت تمام ذمہ داران کو خبردار کرتے ہیں کہ اگر صدر لاہور پریس کلب ارشد انصاری کے ساتھ بدتمیزی اور نازیبا رویہ اختیار کرنے والے وارڈنز کے خلاف کاروائی عمل میں نہ لائی گئی تو ایمرا ، لاہور پریس کلب، پی یو جے اور پی ایف یو جے سمیت تمام صحافتی تنظیموں کے ساتھ ملکر آئی جی پنجاب پولیس سمیت تمام ذمہ داران کے دفاتر کا گھیراوکرے گی اور گھیراوتب تک جاری رہے گا جب تک ذمہ دار وارڈنز کے خلاف کاروائی عمل میں لانے سمیت آئندہ اس طرح کےواقعات کی روک تھام کے لئے موثر اقدامات نہیں کئے جاتے ہیں