Category: لاہور

پاکستان مسلم لیگ(ن) کی پارلیمانی پارٹی کا اجلاس بدھ کو وزیراعلی پنجاب مریم نوازشریف کی صدارت میں منعقد ہوا جس میں درج ذیل متفقہ قرارداد منظور کی گئی۔

اجلاس بھارت کی پاکستان کے خلاف جارحیت اور بلاجواز جنگ مسلط کرنے کی شدید الفاظ میں مذمت کرتا ہے جس میں معصوم بچوں، خواتین سمیت پاکستان کے عام شہریوں، مساجد کو شہید کیاگیا۔ اجلاس اپنے تمام شہدا کو عقیدت کے پھول پیش کرتا ہے، اْن کے اہل خانہ کے حوصلے اور صبر کو خراج تحسین اور غازیوں کو سلام پیش کرتا ہے۔ اجلاس اپنی بہادر مسلح افواج کو سلام پیش کرتا ہے جس نے 6 اور 7 مئی اور پھر 10 مئی کو آپریشن بنیان مرصوص کے ذریعے دشمن کا جدید ہتھیاروں اور جنگی جنون کا غرور خاک میں ملا دیا۔ اجلاس چیئرمین جوائنٹ چیفس آف سٹاف کمیٹی جنرل ساحرشمشاد مرزا، چیف آف آرمی سٹاف جنرل سید عاصم منیر، فضائیہ کے سربراہ ائیر چیف مارشل ظہیر احمد بابر سدھو، بحریہ کے سربراہ ایڈمرل نوید اشرف سمیت پاک فوج کے افسران، جوانوں، انٹیلی جنس اداروں کو خراج تحسین پیش کرتا ہے جن کی عسکری مہارت اور دفاع وطن کے بے مثال جذبے سے پاکستان اور چوبیس کروڑ پاکستانی سربلند ہوئے۔

اجلاس پاکستان مسلم لیگ (ن) کے قائد جناب محمد نوازشریف کو خراج تحسین پیش کرتا ہے جنہوں نے تاریخ کے اس نازک اور فیصلہ کن مرحلے پر وفاقی حکومت کی راہنمائی کی اور اپنے تجربے کی روشنی میں مسلسل مشاورت سے دفاع وطن اور قومی مفادات کے تحفظ میں اپنا گراں قدر حصہ ڈالا۔ اجلاس وزیراعظم محمد شہبازشریف کو زبردست خراج تحسین پیش کرتا ہے جنہوں نے ملک کو دیوالیہ ہونے سے بچانے، معاشی اور سیاسی استحکام لانے اور بھارت کی مسلط کردہ جنگ کے دوران دفاع وطن کے تقاضے نبھانے میں تاریخی قائدانہ کردار ادا کیا، سیاسی اور عسکری قیادت کے ساتھ بہترین نظم پیدا کرکے پاکستان کو دنیا میں سربلند کیا۔ بھارت کی اشتعال انگزیوں کے باوجود نہایت تدبر، حوصلے اور ضبط وتحمل سے بروقت اور درست فیصلے کئے۔ عوام کے جذبات کی بھرپور ترجمانی کی اور عسکری، عوامی اور سیاسی وجود کو یکجان کرکے پوری قوم کو ایک وحدت بنادیا۔جلاس خاص طورپر بری فوج کے سربراہ جنرل سید عاصم منیر کی بے مثال عسکری قیادت، بھارتی کو جنگ کے میدان میں شکست دینے کی بہادری، بہترین عسکری حکمت عملی کی تیاری پر فیلڈ مارشل کا اعلی ترین عسکری اعزاز دینے کو سراہتا ہے۔ غیرمعمولی عسکری اعزاز پر جنرل سید عاصم منیر کو مبارک دیتے ہوئے سمجھتا ہے کہ یہ اجتماعی طورپر افواج پاکستان کی بہادری کے اعتراف کا مظہر ہے۔

اجلاس وزیراعلی پنجاب مریم نوازشریف کو خراج تحسین پیش کرتا ہے جنہوں نے عوامی اور انتظامی محاذ پر بروقت فیصلے کئے۔ ایک طرف قوم کا جذبہ بڑھایا، بھرپور عوامی حمایت سے مسلح افواج کے جذبے بڑھائے، پولیس، رینجرز، ضلعی انتظامیہ، ہسپتال اور دیگر اداروں کو ہنگامی حالات کے لئے بروقت مستعد اور تیار کیا۔ پنجاب کے مختلف علاقوں میں بھارتی جارحیت کا نشانہ بننے والے عوام کی بروقت طبی امداد کے لئے بہترین انتظامات کئے۔ اجلاس امتحان کی اس گھڑی میں وزیراعلی پنجاب مریم نوازشریف کے تدبر اور قائدانہ صلاحیتوں کو بھرپور سلام پیش کرتا ہے۔ اجلاس پاکستان کے عوام کو سلام پیش کرتا ہے جو آزمائش کی گھڑی میں ایک وجود بن گئی۔ تمام سیاسی جماعتوں کو سراہتی ہے جنہوں نے فروعی اختلافات بالائے طاق رکھے۔اجلاس میڈیا کو خراج تحسین پیش کرتا ہے جس نے بھارتی جھوٹ کو بے نقاب کیا اور پوری دنیا ہی نہیں خود بھارت کے عوام سے اپنی پیشہ ورانہ قابلیت کا اعتراف کرایا۔ اجلاس خضدار میں سکول بس پر دہشت گردوں کے بہیمانہ حملے کی شدید ترین الفاظ میں مذمت کرتے ہوئے متاثرہ اور غمزدہ خاندانوں سے دلی ہمدردی کا اظہار کرتا ہے۔ اجلاس میں شہداء کے درجات کی بلندی اور اہل خانہ کے لئے صبرجمیل کی دعا کی۔

وزیراعلیٰ پنجاب مریم نواز شریف کی زیرِ صدارت پاکستان مسلم لیگ (ن)کی پارلیمانی پارٹی کا اجلاس منعقد ہوا۔ پاکستان مسلم لیگ (ن) پارلیمانی پارٹی کے اجلاس میں آپریشن بنیان مرصوص کے شہدا کے لئے فاتحہ خوانی کی گئی۔ وزیراعلیٰ مریم نواز شریف نے ارکان اسمبلی کوپہلے جامع اور منفردبیوٹی فکیشن پلان اور ہر پراجیکٹ کے بارے میں خودتین گھٹنے طویل بریفنگ دی۔اجلاس میں گفتگو کرتے ہوئے وزیراعلیٰ مریم نوازشریف نے بتایا کہ بیوٹی فکیشن پلان کے تحت ہر ڈسٹرکٹ کے بازاروں میں لٹکتے بے ہنگم بجلی کے تار انڈر گراؤنڈ کیے جائیں گے۔ ہر ڈسٹرکٹ اور تحصیل میں ریڑھی بازار قائم ہوگا اور مختلف شہروں میں کینالز کوبھی سجایا جائے گا۔ بیوٹی فکیشن پلان کے تحت بازاروں کی ری ماڈلنگ، انفراسٹرکچر میں بہتری لائی جائے گی اور فوڈ سٹریٹ بھی قائم کی جائیں گی۔ وزیراعلیٰ مریم نواز شریف نے پارلیمانی پارٹی کے اجلاس میں ارکان اسمبلی سے انکی نشستوں پر جا کر ملاقات کی اور ارکان اسمبلی سے حال احوال دریافت کیا۔ ارکان اسمبلی نے آپریشن بنیان مرصوص کی کامیابی پر مبارکباد پیش کی۔ ارکان اسمبلی نے قائد محمد نواز شریف، وزیر اعظم محمد شہباز شریف اورفیلڈ مارشل سید عاصم منیر کو زبردست خراج تحسین پیش کیا۔ ارکان اسمبلی نے بیک وقت 80 سے زائدبڑے ڈویلپمنٹ پراجیکٹ شروع کرنے پر وزیراعلیٰ مریم نوازشریف کا شکریہ ادا کیا۔

وزیراعلیٰ مریم نواز شریف نے پاکستان مسلم لیگ(ن) کی پارلیمانی پارٹی اجلاس میں صوبہ بھر میں نئے پراجیکٹس لانے کے اعلانات کیے۔ صوبہ بھر میں پنجاب ڈویلپمنٹ پلان لانے کا اعلان کیا۔ 60-شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ کیا گیا۔ وزیراعلیٰ مریم نواز شریف نے پنجاب کے 800 گاؤں کو بتدریج ماڈل ویلج بنانے کا اعلان کیا۔ ارکان اسمبلی کی مشاورت سے دیہات میں 400کلو میٹر چھوٹی رابط سڑکوں کی تعمیر و توسیع کا اعلان کیا۔ وزیراعلیٰ مریم نوازشریف نے اگلے سال سے سڑکوں کی تعمیر و توسیع کیلئے ڈھائی سو ارب کے فنڈز دینے کا اعلان کیا۔اجلاس میں 1100 الیکٹرک بسیں پنجاب کے تمام اضلاع کو دینے کا اعلان کیا۔ سال کے آخر تک ایک لاکھ گھروں کی تعمیر کا ہدف مکمل کرنے کے عزم کا اعادہ کیا گیا۔ فیصل آباد اور گوجرانوالہ میں میٹرو بس سروس جلد شروع کرنے کا اعلان کیا۔ لاہور کینال روڈ پر اے آر ٹی ٹرانسپورٹ پراجیکٹ بھی جلد شروع کرنے کا اعلان کیا۔ وزیراعلیٰ مریم نوازشریف نے پنجاب بھر میں نادار اور ضرورت مندوں کے لئے راشن کارڈ جلد لانچ کرنے کا اعلان کیا۔ ہر بڑے شہر میں واسا قائم کرنے کا اعلان کیا۔ہرڈویڑن میں سینٹر آف ایکسی لنس کنڈرگارٹن کیمپس بنانے کا اعلان کیا۔

وزیراعلیٰ مریم نوازشریف نے پارلیمانی پارٹی کے اجلاس سے خطاب کرتے ہوئے کہا کہ جو وعدہ کروں گی پورا کروں گی۔ تجاوزات کے خاتمے سے صوبہ بھر میں بازار کھلے اور عوام خوش ہیں۔ پنجاب کے دور دراز علاقوں میں پانی کی فراہمی یقینی بنائیں گے۔ ستھرا پنجاب کو روز بروز بہتر سے بہترین بنانے کی کوشش کررہے ہیں۔ شہروں کے بعد پہلی مرتبہ گاؤں کو بھی صفائی پروگرام میں شامل کیا گیا۔ وزیراعلیٰ مریم نوازشریف نے کہا کہ کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا۔ ارکان اسمبلی میرے بہن، بھائیوں کی طرح اور آنکھیں اور کان کے مترادف ہیں۔ انہوں نے کہا کہ جرائم پیشہ افراد کے خلاف بے رحمانہ آپریشن کرینگے۔ شرپسند عناصر پنجاب میں بدامنی پھیلانے کی کوشش کرتے ہیں۔ سی ٹی ڈی کو مضبوط بنا یا، صوبہ بھر میں کومبنگ آپریشن ہورہے ہیں۔ چند ماہ میں پنجاب کے سب شہر سیف سٹی ہونگے۔ پنجاب میں مؤثر اینٹی نارکوٹکس فورس کو متحرک کردیا گیا۔ بے زبان جانوروں کے تحفظ کی بھی مؤثر مہم جاری ہے۔ وزیراعلیٰ مریم نوازشریف نے کہا کہ 8ہزار پر مشتمل پیرا فورس انسداد تجاوزات،پرائس کنٹرول اور دیگر امور کے لئے کام شروع کرنے کے لئے تیار ہے۔لاہور ڈویلپمنٹ پلان کے تحت6 ہزار گلیاں، سیور اور واٹر ٹینک وغیرہ بن رہے ہیں۔ عوام کا پیسہ اب عوام پر ہی خرچ ہورہا ہے۔ ایک ایک پیسہ عوام کی امانت ہے، سوچ سمجھ کر خرچ کرنا ہے۔ نیک نیتی سے کام کررہے ہیں اللہ تعالیٰ ضرور اجر دے گا۔ رمضان پیکج کی شفافیت کی ماضی میں مثال نہیں ملتی۔ وزیراعلیٰ مریم نوازشریف نے کہا کہ عوام کے ساتھ ساتھ کاشتکاروں کا مفاد بھی پیش نظر ہے۔ لاہور میں 450 کلومیٹر تک سیور لائن ڈالی جارہی ہے۔ عوام کی خدمت میں معاونت کرنے والی ٹیم کا بھی شکریہ ادا کرتی ہوں۔معاون خصوصی برائے سیاسی اموررانا ثنا ء اللہ نے وزیر اعلیٰ مریم نواز شریف کے عام آدمی کی بھلائی کے اقدامات کو سراہا۔ سپیکر پنجاب اسمبلی ملک محمد احمد خان نے وزیر اعلیٰ مریم نواز شریف کا شکریہ ادا کیا۔ اجلاس میں رکن پنجاب اسمبلی ارشد وڑائچ مرحوم اور ایم پی اے فیصل کے والد مرحوم کے لئے بھی دعا مغفرت کی گئی۔

لاہور -20 مئی(اے پی پی)عسکری جنگ جیت چکے اب معاشی جنگ جیتنے کی ضروت ہے ،گولڈن رنگ ممالک کے ساتھ تجارت کو فروغ دینا وقت کا تقاضا ،ڈیجیٹل اور گرین معیشت کی طرف منتقلی اہمیت کی حامل، مسلح افواج نے اپنا حق ادا کر دیا بطور قوم ہمیں اپنا کردار ادا کرنا ہو گا۔

ان خیالات کا اظہار مقررین نے منگل کے روز نثار عثمانی آڈیٹوریم،لاہور پریس کلب میں "پاک بھارت کشیدگی: گولڈن رنگ ریجن پر اثرات اور پاکستان کے لیے مواقع” کے عنوان سے منعقدہ بحث و مباحثہ پینل سے خطاب کرتے ہوئے کیا- گولڈن رنگ اکنامک فورم(جی آر ایس ایف)، پاکستان چائنہ جوائنٹ چیمبر آف کامرس اینڈ اندسٹری (پی سی جے سی سی آئی) اور قومی خبر رساں ایجنسی ایسوسی ایٹڈپریس آف پاکستان(اے پی پی)کے زیر اہتمام "پاک بھارت کشیدگی: گولڈن رنگ ریجن پر اثرات اور پاکستان کے لیے مواقع” کے عنوان سے منعقدہ بحث و مباحثہ پینل سے خطاب کرتے ہوئے کیا –

پینلسٹس میں لیفٹننٹ جنرل(ر)سکندر افضل، حسنین رضا مرزا، ریٹائرڈ ایمبیسیڈر نذیر حسین، ڈاکٹر راغب علی اور ابرار احمد شامل تھے ، کمپیئررکے فرائض سینئر تجزیہ نگار مبشر لقمان نے سر انجام دیئے جبکہ تاجر تنظیموں کے رہنمائوں اعزازی سفیر برائے سی پیک عامر علی، کمرشل ایمبیسیڈر برائے پاک چین جوائنٹ چیمبر آف کامرس محمود عربی ،صحافیوں ،طلبہ و طالبات اور مختلف مکتبہ فکر سے تعلق رکھنے والے افراد کی کثیربھی اس موقع پر موجود تھی -بحث و مباحثہ پینل میں حالیہ پاک بھارت جنگ کے بعد گولڈین ریجنل ممالک جن میں چین، روس، ترکی، ایران، پاکستان اور وسطی ایشیائی ریاستیں وغیرہ شامل ان پر جنگ کے اثرات اور پاکستان کو اس جنگ کی جیت سے کیا مواقع حاصل ہو سکتے ہیں اور حکومت کو آئندہ کے لیے کیا اقدامات بروئے کار لانے چاہیں پر سیر حاصل گفتگو کی گئی۔

لیفٹننٹ جنرل(ر) سکندر افضل نے کہا کہ جنگیں مسائل کا حل نہیں ہوتیں ،پاکستان ایک امن پسند ملک ہے ، لیکن اگر کوئی ملک کی طرف میلی آنکھ سے دیکھے گا تو اس کا بھرپور جواب دینا بھی جانتے ہیں ،دنیا نے 10 مئی کو دیکھا کہ کسی طرح پوری قوم نے مسلح افواج کے ساتھ مل کر دشمن کو دھول چٹائی۔انہوں نے کہاکہ پہلگام واقعہ کو بنیاد بنا کر بھارت نے رات کی تاریکی میں سویلین پر حملہ کر کے بچوں کو شہید کیا ،ہم نے صبر و تحمل کا مظاہرہ کیا لیکن جب دشمن باز نہ آیا تو پھر 5 گھنٹوں میں ہی اس کو وہ سبق سکھایا کہ وہ سیز فائر پر مجبور ہو گیا۔انہوں نے کہاکہ اب جبکہ ہم عسکری جنگ جیت چکے ہیں اب ہمیں معاشی جنگ جیتنی ہے ،جس کے لیے بطور قوم ہمیں اپنا اپنا کردار ادا کرنا ہو گا،پاکستان کو معاشی استحکام اور ترقی کے لیے فوری، درمیانی اور طویل مدتی اقدامات کرنے کی ضرورت ہے،ہمیں توانائی ، تعیلم اور ٹیکنالوجی میں خود کفالت حاصل کرنا ہو گی، ہمیں اپنی زراعت کو جدید خطور پا استوار کرنے کی ضرورت ہے ، پاکستان ایک فاتح کے طور پر دنیا کے نقشہ پر ابھرا ہے اور سفارتی تنہائی سے نکل آیا ہے ، سلامتی کونسل اور او آئی سی میں بھارتی پراپیگنڈہ کا بھرپور جواب دینا ہے ،جس کے لیے میڈیا کو بھی اپنا بھرپور کردار ادا کرنا چاہیے۔انہوں نے کہاکہ ہمیں ایران ،چین ،ترکی ،آذربائیجان ،افغانستان سمیت خطے کے ممالک سے تجارت کو مزید فروغ کر خطے میں ایک مضبوط معاشی قوت بن سکتے ہیں ۔

حسنین رضا مرزا نے کہا کہ اب روایتی جنگوں کا دور ختم ہو چکا ہے ،ہمیں اپنی اس جیت کو کیش کرنے کی ضروت ہے ،جس ملک کو دنیا کمزور تصور کرتی تھی اس ملک نے چند گھنٹوں میں اپنے سے کئے گناہ زائد وسائل رکھنے والے ملک کو شکست دی،ہمیں ایک مضبوط سفارتکاری کے ذریعے اپنے اس امیج کو دنیا کے سامنے پیش کر کے بھارتی پراپیگنڈے کو مات دینا ہو گی، دنیا اب ہماری طرف متوجہ ہے ہمیں اس سنہری موقع سے فائدہ اٹھاتے ہوئے اس جنگی جیت کو معاشی جیت میں تبدیل کرنا ہے ،جس کے لیے باہمی تعلقات اور تجارت کا فروغ نہایت اہمیت کا حامل ہے،جن ممالک نے اس جنگ میں کھل کر ساتھ دیا ان کے ساتھ تعلقات کو مزید بہتر کرنے کی ضرورت ہے۔انہوں نے کہا اب وقت ہے کہ ہماری تاجر برادری کو آگے آنا ہو گا اور حکومت کے شانہ بشانہ ملکی معیشت میں بہتری کے لیے اپنا حصہ ڈالنا ہو گا۔ ریٹائرڈ ایمبیسیڈر نذیر حسین نے کہا کہ دنیا پاکستانیوں کو عزت کی نگاہ سے دیکھتی ہے ،جنگ میں جیت کے بعد ہمارا مورال اور بلند ہوا ہے ،اب ہمیں امن کے قیام اور پالیسوں کے تسلسل پر توجہ مرکوز کرنے کے ساتھ ساتھ گولڈن رنگ پلیٹ فارم کو استعمال کرتے ہوئے اس میں شامل 11 ممالک کے ساتھ تجارتی روابط بڑھانے ہوں گے،کرنسی کو مستحکم رکھنے کے لیے زرمبادلہ کے ذخائر میں اضافہ، بین الاقوامی مالیاتی اداروں سے ریلیف یا قرضوں کی ری اسٹرکچرنگ،متاثرہ صنعتوں کو سہولتیں دینا، سبسڈی، ٹیکس میں نرمی،برآمدات میں اضافہ کے لیے نئی منڈیاں تلاش کرنا، گولڈن رنگ ممالکچین، روس، وسطی ایشیا، ایران، ترکی سے تجارتی معاہدے ، سیاحت کو فروغ دینا اور اوورسیز پاکستانیوں کو سرمایہ کاری کی دعوت دینا وقت کی دے کر ہم معاشی اہداف حاصل کر سکتے ہیں۔انہوں نے قومی خبررساں ایجنسی ایسوسی ایٹڈ پریس آف پاکستان کی طرف سے اس طرح کے پینل ڈسکشن کے انعقاد پر شکریہ ادا کیا اور اسے خوش آئند قرار دیا۔

ڈاکٹر راغب علی نے کہا کہ پاکستان مسلح افواج نے قلیل وقت میں 250 ملین ڈالرکے قیمتی جہازوں کو مار گرایا جس کی مثال عسکری محاذ پر تاریخ میں دیکھنے کو نہیں ملتی ہے،اس سے نہ صرف چین کی ٹیکنالوجی کی دھاک بیٹھی ہے بلکہ پاکستانی مہارت بھی دنیا کے سامنے ابھر کر آئی ہے، جنگ اب ختم ہو چکی ، دشمن اب دوبارہ ایسی غلطی نہیں کرے گا،بس اب ہمیں معاشی معاملات کو مزید بہتر کرنا ہو گا جس کیلئے علاقائی تعلقات بہت ضروری ہیں، عالمی ہمدردی اور سفارتی حمایت حاصل کرنے کے لیے میڈیا کو بھی اپنا کردار ادا کرنا چاہیے۔

ابرار احمد نے کہا کہ جنگ کی جیت کا جشن منانے کے بعد اب آگے بڑھنا ہو گا، سارک یا دیگر علاقائی تجارتی بلاکس میں فعال کردار ادا کرنا ہے ،ہمیں ڈیجیٹل کرنسی کی طرح آنا ہو گا ،ٹھوس معاشی پالیسں ترتیب دے کر ہم معاشی قوت بن سکتے ہیں ،ہمیں سنٹرل ایشیائی ممالک کے ساتھ ہیومن ریسورسز معاملات کو بہتر کرنا چاہیے جہاں 300 ارب ڈالر کی تجارت کے مواقع موجود ہیں ۔تقریب کے آخر میں سوال و جواب کا سیشن منعقد ہوا جس میں مقررین نے شرکاء کے سوالوں کے جوابات دیئے۔

آپریشن بنیان مرصوص کی کامیابی کے بعدبھارتی پراکسیز کے ممکنہ حملوں کو روکنا ہو گا، خالد مسعود سندھو

پاکستان مرکزی مسلم لیگ کے رہنماؤں نے بلوچستان کے علاقے خضدار میں اسکول بس پر حملے کی مذمت کرتے ہوئے کہا ہے کہ بنیان مرصوص کی کامیابی کے بعد بھارت رسوائی کم کرنے کے لئے پاکستان میں دہشت گردی کروا رہا ہے، بھارتی سرپرستی میں معصوم بچوں کو نشانہ بنانا بزدلانہ اور انسانیت سوز عمل ہے،پاکستان کے عوام بھارتی سازشوں و دہشت گردی سے خوفزدہ نہیں ہوں گے، بنیان مرصوص کی کامیابی نے قوم کے حوصلے بلند کر دیئے ہیں

ان خیالات کا اظہار پاکستان مرکزی مسلم لیگ کے صدر خالد مسعود سندھو، جوائنٹ سیکرٹری قاری محمد یعقوب شیخ، ڈپٹی سیکرٹری جنرل حافظ خالد نیک،ترجمان تابش قیوم و دیگر نے خضدار اسکول بس پر حملے کے ردعمل میں گفتگو کرتے ہوئے کیا، مرکزی مسلم لیگ کے رہنماؤں کا کہنا تھا کہ بھارت اپنی داخلی ناکامیوں کو چھپانے کے لیے بلوچستان میں عدم استحکام پیدا کر رہا ہے اور ہر محاذ پر ناکامی کے بعد اس کے ایجنٹ نرم اہداف کو نشانہ بنا رہے ہیں،بھارت کی ریاستی سرپرستی میں کی جانے والی دہشتگردی نہ صرف پاکستان بلکہ عالمی امن کے لیے بھی خطرہ بن چکی ہے، معصوم بچوں پر حملے انسانیت کے خلاف کھلی جنگ ہیں، جن پر عالمی برادری کو فوری نوٹس لینا چاہیے

مرکزی مسلم لیگ کے رہنماؤں کا کہنا تھا کہ آپریشن سندور کو افواج پاکستان نے بنیان مرصوص شروع کر کے”تندور” میں بدلا، اب مودی سرکار سے قوم جواب مانگ رہی ہے اور بھارتی حکومت پاکستان کو دہشت گردی کے ذریعے عدم استحکام سے دوچار کرنا چاہتی ہے، لیکن مودی کی یہ خواہش پوری نہیں ہو گی،پاک فوج اور قوم متحد ہیں، اور بھارتی دہشتگردی کو ہر محاذ پر شکست دی جائے گی،رہنماؤں نے حملے میں شہید بچوں کے اہلخانہ سے تعزیت کا اظہار اور زخمیوں کی جلد صحتیابی کےلئے دعا کی ہے.

گورنمنٹ ملی دارالاطفال گرلز ہائی سکول راجگڑھ میں اسٹوڈنٹس کونسل کے انتخابات کا انعقاد انتہائی جوش و جذبے کے ساتھ کیا گیا۔ انتخابات میں معروف صحافی و کالم نگار ممتاز اعوان کی بیٹی، ام حبیبہ، نے صدر کے عہدے پر کامیابی حاصل کی۔

سکول کی پرنسپل ڈاکٹر شوکت اقبال کی زیر نگرانی ہونے والے اس انتخابی عمل میں، طالبات نے بڑھ چڑھ کر حصہ لیا اور شفافیت کے ساتھ ووٹنگ کی۔ انتخابات میں طالبات کی بھرپور دلچسپی اور جوش و خروش نے اس موقع کو یادگار بنا دیا۔ام حبیبہ نے صدر کے عہدے کے لیے اپنی انتخابی مہم کو کامیاب بناتے ہوئے بھاری اکثریت سے فتح حاصل کی۔ ان کے کامیاب انتخاب کے بعد سکول میں ایک حلف برداری کی تقریب کا انعقاد کیا گیا جس میں نو منتخب عہدیداران نے حلف اٹھایا۔ اس تقریب میں سکول کی تمام طالبات نے شرکت کی اور ایک دوسرے کو خوشی کے موقع پر مبارکباد دی۔

حلف برداری کی تقریب میں سکول کی پرنسپل ڈاکٹر شوکت اقبال اور اساتذہ نے نو منتخب عہدیداران کو مبارکباد دی اور ان کی کامیابی کے لیے نیک تمناؤں کا اظہار کیا۔ پرنسپل ڈاکٹر شوکت اقبال نے اس موقع پر کہا کہ یہ انتخابات طالبات کی قائدانہ صلاحیتوں کو اجاگر کرنے کا بہترین موقع ہیں اور ان سے یہ توقع رکھی جاتی ہے کہ وہ اپنے کردار سے سکول کی ترقی میں اہم حصہ ڈالیں گی۔ ام حبیبہ نے صدر کا انتخاب جیتنے پر کہا کہ وہ سکول کی ترقی کے لیے بہترین اقدامات اٹھائیں گی اور طالبات کے مسائل کو ترجیح دیں گی تاکہ سکول کی مجموعی بہتری کی طرف قدم بڑھایا جا سکے،سکول کونسل کی کوشش ہو گی کہ سکول کے تمام معاملات سکول میں ہی حل ہو جائیں اگر معاملات حل نہ ہوئے تو وزیر تعلیم پنجاب اور وزیراعلیٰ پنجاب کو خطوط لکھ کر سکول کے مسائل بارے آگاہ کیا جائے گا.

گولڈن رنگ اکنامک فورم، اے پی پی کے اشتراک سے لاہور پریس کلب میں منعقدہ پینل ڈسکشن سے مقررین نے خطاب کرتے ہوئے کہا ہے کہ پاکستان نے بھارت کو منہ توڑ جواب دیا جس کے بعد خطے میں پاکستان کی حیثیت تبدیل ہو گئی، کل پاکستان سے کوئی بات نہیں‌کرنا چاہتا تھا آج سب تیار ہیں، پاکستان کی بزنس کمیونٹی کو آگے بڑھ کر پاکستان کا ایمبسڈر بننا ہو گا، وزارت خارجہ والے اپنا کام احسن انداز میں کر رہے ہمیں گریف ممالک کے ساتھ مارکیٹ بہتر کرنی ہو گی.

ان خیالات کا اظہارچیئرمین گریف لیفٹینٹ جنرل ر سکندر افضل،صدر گریف انجینئر حسنین مرزا،صدر پاکستان-چین مشترکہ چیمبر آف کامرس اینڈ انڈسٹری ایمبیسڈر ر نذیر حسین،راغب،سابق چیئرمین، پاکستان کیمیکل مینوفیکچرنگ ایسوسی ایشن ابرار احمد، سینئر صحافی و اینکر پرسن مبشر لقمان نے لاہور پریس کلب میں پاک بھارت جنگ گولڈن رِنگ ریجن پر اثرات اورپاکستان کے لیے مواقع ،کے عنوان پرپینل ڈسکشن سے خطاب کرتے ہوئے کیا،

لیفٹینٹ جنرل ر سکندر افضل کا کہنا تھا کہ انڈیا کیا کر سکتا ہے یا کیا نہیں کر سکتا وہ ہی جانتا ہے ہمیں یہ ہی سکھایا جاتا ہے کہ ہم نے تیار رہنا ہے، پاکستانی افواج تیار رہتی ہیں، جنگیں اب آپ گھر بیٹھ کر بھی لڑ سکتے ہیں، ضروری نہیں کہ آمنے سامنے کھڑے ہوں، ہماری تیاری جاری رہنی چاہئے، جنگ پانچ گھنٹے کی ہو یا چار کی ، نیتجہ دیکھا جاتا ہے،تیاری مسلسل چلتی رہتی ہے، کچھ ایسی چیزیں ہوتی ہیں جو عوام کے سامنے نہیں لائی جاتیں،

سینئر صحافی و اینکر پرسن مبشر لقمان کا کہنا تھا کہ پاکستان کی فتح کی سب کو مبارک ہو،مودی کا جنگی جنون ملیا میٹ کر دیا گیا ہے، افواج پاکستان نے بھارت کو منہ توڑ جواب دیا ہے،مودی میں اتنی ہمت نہیں ہے کہ وہ دوبارہ پاکستان کی طرف آئے،پاکستان کے ڈپلومیٹس کو زیادہ محنت نہیں‌کرنی پڑے گی، بھارتی میڈیا نے اپنے ملک کو جتنا کمزور کیا اتنا کسی ملک نے نہیں کیا، پاکستانی میڈیا نے ذمہ دار کردار ادا کیا ،

گولڈن رنگ اکنامک فورم کے صدر انجینئر حسنین مرزا کا کہنا تھا کہ ایک الگ ڈومین ہے جس بارے ہم نے کشیدگی کے بعد بات نہیں کی، ہم نے جنگ کے بعد کا فائدہ کیسا اٹھانا ہے، پاکستان کے بارے میں دنیا کی رائے بدلی ہے، پاکستان جسے پہلے کمزور ملک سمجھا جاتا تھا لیکن دس مئی کے تین چار گھنٹوں کے بعد پاکستان دنیا میں پھر ابھر کر سامنے آیا ہے، پاکستان سے ممالک اب ایک مختلف لیول پر بات کریں گے ،ہمیں اس چیز کو "کیش” کرنا ہے، پاکستان کو ممالک سے بات کرنی ہے، اپنی اکنامک کی صورتحال کو بہتر کرنا ہے،ترکی،آذر بائیجان کھل کر پاکستان کی حمایت میں کھڑے ہوئے، فوج نے جو کام کرنا تھا وہ کر دیا اب ہم نے اکنامک وفود ممالک میں بھیجنے ہیں یہ ہمارا کام ہے،پوری دنیا میں ہمیں وفود بھیجنے ہوں گے،بزنس کمیونٹی کو اب کام کرنا ہو گا، فرق بزنس کمیونٹی کو پڑنا ہے، ہمیں موقع ملا ہے پاکستان دنیا میں ابھرا ہے، خطے میں تبدیلی رونماہوئی ہے، اس ساری صورتحال کا پاکستانی بزنس کمیونٹی کو فائدہ اٹھانا چاہئے،تاجروں کو اپنے وفودخود بھیجنے چاہئے، ہمیں پاکستان کا ڈپلومیٹ بھی بننا ہے، اور بزنس مین بھی بننا ہے،

ایمبیسڈر ر نذیر حسین کا کہنا تھا کہ یہ چار پانچ گھنٹے کی جنگ تھی اس نے مسئلہ بڑا آسان کر دیا، پہلے جو ہماری بات نہیں سنتے تھے وہ اب بلا رہے ہیں کہ آئیں بات کریں،لوگ پاکستان کو بہت عزت سے دیکھتے ہیں، پاکستان کو اپنی فارن پالیسی بدلنی ہو گی، چین کے ساتھ ہمارے اچھے تعلقات ہیں،سٹیل مل کراچی میں بننے جا رہی اس میں سندھ حکومت کا وفاقی حکومت کا بھی کردار ادا ہو گا، ترکی نے ڈرون بھیجے ،آذر بائیجان کھل کر پاکستان کے ساتھ کھڑا ہوا، فارن پالیسی کے حوالہ سے اب مزید بہتریاں لانی ہو ں گی،یورپی یونین کو دیکھیں وہ کہاں سے کہاں پہنچ گئے، اس خطے میں‌پاکستان حالیہ کشیدگی کے بعد ابھر کر سامنے آیا،ہم خطے میں امن کے لئے کام کر رہے ہیں،11 مالک کی میڈیا کی ایسوسی ایشن ہونی چاہیے، پاکستان کی ٹاپ کی آرگنائزیشن میڈیا کوایک کرے، تمام 11 ممالک سے میڈیا کمپنی کو ملکر ایک پلیٹ فارم ہونا چاہئے،عزت بزنس مین کی بھی ہو گی اور ڈپلومیٹ کی بھی، اسلام آباد اکیلاکچھ نہیں کر سکتا، موسمیاتی تبدیلی، ویزہ،سیکورٹی سمیت کافی سارے مسائل ہیں

راغب کا کہنا تھا کہ اس جنگ میں چینی ٹیکنالوجی نے بہت دھاک بٹھائی ہے،ہمارا دل چاہتا ہے کہ بار بار سنیں کہ کس طرح پاکستانی افواج نے بھارتی فوج کو دھول چٹا دی،جنگ کے خاتمے کے بعد اب اصل کام شروع ہوا ہے،پاکستان کے پاس سیز فائر کا پہلے دن سے ہی آپشن تھا، اگر سیز فائر ہوا ہے تو یہ بھارت کی درخواست پر ہوا ہے، سیز فائر اتنی جلدی ہوتے نہیں ہیں، یو کرین روس کو دیکھ لیں ، اب اتنے عرصے بعد سیز فائر کی طرف جا رہے، غزہ اسرائیل کو دیکھ رہیں لیکن پاکستان نے تین چار گھنٹے انڈیا کو اتنا دھویا کہ وہ سیز فائر پر مجبور ہوئے.کرکٹ میں بھی پاکستان ہار جائے تو ہم تنقید کرتے ہیں اپنے ہی کھلاڑیوں پر یہاں تو مشینوں کی جنگ تھی، چین نے پاکستان کو سپورٹ کیا اور امریکہ نے مخالفت نہیں کی، سب سے پہلے پاکستان کو ریجن میں جو وزن ملا ہے ہم ایران، بنگلہ دیش، افغانستان کے ساتھ پرانے والے تعلقات بحال کریں ، پاکستان کو ایس ای او میں اہم کردار لینا چاہئے،جو بھی پاکستان کو چاہئے وہ گریف سے مل سکتا ہے پاکستان کو گریف ممالک کے ساتھ ،11 ممالک کے ساتھ تعلقات مزید بہتر اور فائدہ اٹھائے،

ابرار احمد کا کہنا تھا کہ سنٹرل ایشیا کے ممالک کے ساتھ تعلقات بہتر ہونے چاہئے،تین ارب ڈالر کی ٹریڈ ہم سنٹر ل ایشیا ممالک سے کر سکتے ہیں، پراپر بینکنگ اور بزنس ریلیشن شپ نہ ہونے کی وجہ سے یہ نہیں ہو پا رہا، پاکستان کو کچھ پالیسی کے حوالہ سے ممالک کے بارے میں فیصلہ کرنا چاہئے، تاکہ ممالک کے ساتھ بزنس بہتر ہو، چین کے ساتھ ہماری اچھی تجارت ہو رہی ہے،