مریم نواز کا نام ای سی ایل سے نکلا نہیں، نیب نے ایک اور مشکل کھڑی کر دی
باغی ٹی وی کی رپورٹ کے مطابق چودھری شوگرملز کیس میں مسلم لیگ ن کی رہنما مریم نواز کا نام ای سی ایل میں ڈالنے کی سفارش کر دی گئی ہے اس حوالہ سے نیب اسلام آباد نے وزارت داخلہ کو خط لکھ دیا ہے،نیب نے خط میں کہا ہے کہ چودھری شوگر ملز کیس میں مریم نواز کے خلاف تحقیقات جاری ہیں،مریم نواز کا بیرون ملک جانے کا خدشہ ہے، نام ای سی ایل میں ڈالاجائے
دوسری جانب مریم نواز نے ای سی ایل سے نام نکلوانے کے لئے عدالت میں درخواست دائر کر رکھی ہے،مریم نواز نے اپنے وکلا امجد پرویز اور اعظم نذیر تارڑ کے ذریعے لایور ہائیکورٹ میں نئی درخواست دائر کی جس میں موقف اپنایا گیا کہ مریم نواز کا نام بغیر نوٹس دئیے ای سی ایل میں شامل کیا گیا جو ای سی ایل میں نام شامل کرنے کے میمورنڈم کے منافی ہے۔
لیگی رہنما مریم نواز نے درخواست میں موقف اختیار کیا کہ اُن کے والد نواز شریف لندن میں زیر علاج ہیں اور انہیں اپنے والد کی صحت کے بارے میں تشویش ہے۔ درخواست میں نشاندہی کی گئی کہ عدالت نے حکومت کو سات دن میں مریم نواز کا نام ای سی ایل سے نکالنے کی درخواست کا فیصلہ کرنے کا حکم دیا تھا جو ختم ہوچکا ہے۔
مریم نواز نے درخواست میں کہا عدالتی مہلت ختم ہونے کے باوجود حکومت نے اُن کا نام ام ای سی ایل سے نکالنے کے بارے میں ابھی تک کوئی فیصلہ نہیں کیا۔ مریم نواز نے استدعا کی کہ اُن کا نام ای سی ایل سے خارج کیا جائے اور انہیں والد نواز شریف سے ملاقات کیلئے 6 ہفتوں کیلئے ایک مرتبہ بیرون ملک جانے کی اجازت دی جائے۔
مریم نواز کو والد نواز شریف کی تیمار داری کے لئے ضمانت منظور کی گئی تھی تا ہم نواز شریف لندن جا چکے ہیں، لاہور ہائیکورٹ نے فیصلہ سناتے ہوئے مریم نواز کی چودھری شوگر ملز میں درخواست ضمانت منظور کی تا ہم عدالت نے فیصلے میں یہ حکم بھی دیا کہ مریم نواز اپنا پاسپورٹ رجسٹرار لاہور ہائیکورٹ کو جمع کروائیں گے .عدالت نے اپنے فیصلے میں کہا کہ اگر مریم نواز پاسپورٹ جمع نہیں کروانا چاہتی تو 7 کروڑ روپے زرضمانت جمع کرنا ہو گا ، مریم نواز کا پاسپورٹ عدالت کے پاس ہے مریم پاکستان میں ہیں اور اب وہ لندن جانا چاہتی ہیں
کشمیریوں کی حمایت کب تک جاری رکھیں گے؟ گورنر پنجاب نے دبنگ اعلان کر دیا
باغی ٹی وی کی رپورٹ کے مطابق گورنر پنجاب چودھری سرور نے کہا ہے کہ آرمی ایکٹ قومی مفاد کا معاملہ تھا تمام سیاسی جماعتوں نے سمجھداری کا ثبوت دیا،سیاسی جماعتوں کو ملک و قوم کے مفاد میں قانون سازی پر تعاون کرنا چاہیے ،ایران امریکہ کشیدگی خطے کے امن کے لیے درست نہیں،وزیر اعظم نے پیغام دیا ہے کہ ہم کسی جنگ کا حصہ نہیں بنیں گے
گورنر پنجاب چودھری سرور کا مزید کہنا تھا کہ ایران امریکہ کشیدگی سے دنیا کو ناقابل تلافی نقصان ہو گا اسے روکنا چاہئے،جب تک مسئلہ کشمیر حل نہیں ہوتا کشمیریوں کی حمایت جاری رکھیں گے،دنیا بھر کے پاکستانیوں کو مسئلہ کشمیر پراکٹھا کیا گیا
گورنر پنجاب کا مزید کہنا تھا کہ پوری قوم پاک فوج کے ساتھ کھڑی ہے۔ آرمی ایکٹ کی پارلیمنٹ میں کثرت رائے سے منظوری قوم کی فتح ہے۔ تمام سیاسی جماعتوں نے قومی ذمہ داری کا ثبوت دیا ہے۔قومی سلامتی اور ملکی مفاد سے بڑھ کر کچھ نہیں ہے۔ بھارت کے پاکستان دشمن ایجنڈوں کو ہر محاذ پر شکست دیں گے۔
گورنر پنجاب کا مزید کہنا تھا کہ مریم نوازکے بارے میں فیصلہ کابینہ کرے گی ،وفاقی کابینہ نے اس پر فیصلہ کیا ہے، اب معاملہ عدالت میں ہے، عدالتی حکم کی تعمیل کریں گے،
گورنر پنجاب چودھری سرورکا مزید کہنا تھا کہ جتنی تیزی کیساتھ پاکستان میں معاشی شعبے میں ترقی ہو رہی ہے اسکی ماضی میں کوئی اور مثال نہیں ملتی۔ جب تحر یک انصاف اقتدار میں آئی تو ہر کوئی پاکستان کے دیوالیہ ہونے کا دعویٰ کر رہا تھا مگر وزیر اعظم عمران خان کی قیادت میں حکومت نے مشکل اور کامیاب پالیسیوں کے ذریعے پاکستان کو معاشی بحران سے باہر نکال دیا لیکن اسکے باوجود آج بھی پاکستان کو معاشی سمیت دیگر چیلنجز کا سامنا ہے جن سے نمٹنے کیلئے اقدامات کئے جا رہے ہیں۔
مبشر لقمان کو مفت میں رگڑا جا رہا ہے مبشر لقمان کا یوٹیوب والا پروگرام میں نے خود دیکھا ہے جس میں راۓ ثاقب اینکر پرسن مہمان بن کر آئے ہیں اب ایک پروگرام میں ایک مہمان جو کچھ کہتا ہے اس کاحق ہے اس کو آزادی رائے کا پورا اختیار ہے۔
مبشر لقمان کے پروگرام سے ایک دن پہلے سماء چینل کا 31 دسمبر کا پروگرام لائیو وِد ندیم ملک دیکھ رہی تھی جس میں اسد عمر اور زرتاج صاحبہ موجود تھے حریم شاہ کو کال پر لیا جاتا ہے اور وزارتِ داخلہ کے دفتر میں جانے کے بارے میں پوچھا جاتا ہے پاکستان کی حکومت ان دنوں صرف سرکس خانہ بن چکا ہے اس واقعے کے بعد تو اس لڑکی کو اصولاً حوالات میں ہونا چاہیے لیکن پیچھے ایک منسٹر دلال موجود ہو تو پھر قانون جوتی کی نوک پر ہوتا ہے حریم کی بات سننے کے بعد اسد عمر اور زرتاج گل سے اس بات پر جب رائے لی جاتی ہے تو صاف دیکھا جا سکتا ہے کہ ان کا رنگ اڑ جاتا ہے اور وہ خاندانی عورت ہونے کا کہہ کر اور پولیٹکس میں اپنے کوششوں کا حوالہ دے کر کوئی بھی رائے دینے سے انکار کرتی ہے یہاں صاف پتا لگتا ہے کہ دال میں کچھ کالا ضرور ہے اور اس بات کی کڑی مبشر لقمان کے پروگرام سے ملتی ہے اور زرتاج گل کی بوکھلاہٹ سمجھ میں آتی ہے اور پھر زرتاج صاحبہ کا جان بوجھ کر معصوم احتجاج کامران شاہد کے پروگرام میں کہ مبشر لقمان نے اس پر الزام لگایا ہے کہ زرتاج صاحبہ کے پاس کسی عورت کی وڈیوز ہے اور وہ اس نے لیک کی ہے بی بی جذباتی ہو کر رونے لگتی کہ وہ کسی کے ساتھ ایسا کرنے کا سوچ بھی نہیں سکتی بھئی پروگرام تو دیکھو کہ الزام مبشر لقمان نے نہیں لگایا رائے ثاقب نے بات کی تھی اب مبشر لقمان کے پروگرامز میں اس سے پہلے بہت سے سیاسی جماعتوں کے لوگ اور مختلف شعبہ ہائے زندگی سے تعلق رکھنے والے آکر کچھ بھی بولتے تھے اس سے اس کا کوئی لینا دینا نہیں تو یہاں وہ قصور وار کیسے ؟
زرتاج صاحبہ الزام یہ نہیں تھا کہ آپ نے کسی عورت کی ویڈیوز لیک کی ہے بات یہ ہے ک اس عورت کا دعویٰ ہے کہ اس کے پاس آپ کی ویڈیوز ہے پی ٹی آئی کے نائٹ ڈانس پارٹی میں بنا لی ہونگی اس نے اب رو دھو کر فیس سیونگ کرو۔
اب آتے ہیں فواد صاحب کی طرف پہلے تو یہ بندہ انتہائی بدتمیز ہیں وہ اس قابل ہی نہیں کہ سکول میں ٹیچر بن سکے پیشے کے اعتبار سے وکیل اور وزیر سائنس و ٹیکنالوجی عمران خان کے بلنڈرز میں سب سے بڑا بلنڈر آئے روز کسی نہ کسی کو تھپڑ مار رہے ہیں خاندانی لوگوں کا یہ شیوا نہیں اس بات پر وہ رپورٹ کرتے عدالت جاتے مبشر لقمان کے خلاف خیر مبشر لقمان کو میں زرا بھی قصور وار نہیں مانتی لیکن فواد صاحب نے قانون کو ہاتھ میں لینے کو بہتر جانا کیوں کہ ان کو پتا ہے کہ پاکستان کی عدالتوں کا خدا ہی حافظ ہے دوسرے ملک کے اخبار تو اِن کو امراء کی رنڈی لقب کا دے چکے ہے جو کے غلط نہیں ہے پاکستان میں قانون صرف طاقت وروں کی حفاظت اور غریب کو سزا دینے کے لئے ہے جس کو فواد جیسے بڑے لوگ پھاڑ کر نکل جاتے ہے۔
تیسری بات اس عورت کی سب کو کھیل سمجھ میں آگیا ہے ان کی ہر جگہ گھسنے ہر کسی تک رسائی کے پیچھے سوائے فیاض چوہان کے علاوہ کوئی اور نہیں ان کو صرف اس نے پلانٹ کیا سب سے پہلے ایسی جگہوں تک رسائی دے کر ویڈیو اپلوڈ کی جو عوام کی توجہ حاصل کرے اور عوام میں تشویش کی لہر دوڑائی گئی اور اپنے کام نکلوانے کے لئے ان کو بڑے بڑے مگرمچھوں کے بستر تک تب پہنچایا جب مشہور نہیں کروایا تھا اور ساتھ میں اُن کی وڈیوز بنوائی تاکہ وقت آنے پر کام آئے, اور اپنے سیاسی مخالفین یا جن کے ساتھ اختلافات تھے ان کو خراب کرنے کیلئے ان لڑکیوں کا استعمال کیا جیس کا ثبوت مبشر لقمان اور شیخ رشید ہے اور ساتھ میں جن کو خوش کرنا تھا اُن کو اِن لڑکیوں کے زریعے خوش کیا دنیا کا کوئی مرد تیار عورت کو نہیں چھوڑتا پھر اگر وہ ہمارے ٹھرکی رال ٹپکاتے سیاست دان اور بیوروکریٹس ہوں تو چھوڑنا ناممکن اس حریم بہتے گنگا میں سب نے دل کھول کر ہاتھ دھوئے بلکہ نہا لیے, تاریخ کی اوراق میں پی ٹی آئی کی پہلی حکومت کے وزراء اور ایک رنڈی والا باب نہایت سیاہ الفاظ میں لکھا جائے گا دعا ہے کہ اس لسٹ میں وزیراعظم کا نام نا ہو.
بینش علی خان
خیبر پختونخواہ کے بعد پنجاب میں بھی پولیو کے کیسز رپورٹ، وزیراعلیٰ کا بڑا حکم
باغی ٹی وی کی رپورٹ کے مطابق سندھ اور پنجاب میں پولیو وائرس کے مزید 2،2 نئے کیسز سامنے آگئے۔ خیبر پختونخواہ میں بھی پولیو کے دو نئے کیسز سامنے آ گئے،پنجاب انسداد پولیو پروگرام کے مطابق پنجاب کے ضلع ڈیرہ غازی خان کی 2 بچیوں میں پولیووائرس کی تصدیق ہوئی ہے ، گزشتہ سال دسمبر میں ان بچیوں کے نمونے لئے گئے تھے.
ترجمان ایمرجنسی آپریشن سیل کا کہنا ہےکہ دونوں کیسز کی تحقیقات دسمبر 2019 میں شروع ہوئیں تھیں۔ سندھ میں پولیو کے کیسز کی تعداد 34 ہوگئی۔ گزشتہ سال پنجاب بھر میں پولیو کے 6 کیسز سامنے آئے تھے۔
وزیراعلیٰ پنجاب نے ڈیرہ غازی خان میں پولیوکے کیس سامنے آنے کی خبر کا نوٹس لے لیا،وزیراعلیٰ عثمان بزدار نے پولیو کیس سامنے آنے پرانتظامیہ اور متعلقہ اداروں پر اظہار برہمی کیا،وزیراعلیٰ پنجاب نے صوبائی محکمہ صحت سے رپورٹ طلب کر لی.
وزیراعلیٰ پنجاب عثمان بزدار کا کہنا تھا کہ ڈیرہ غازی خان میں پولیو کے کیس سامنے آنا انتہائی تشویشناک امر ہے ،انسداد پولیو کےلیےاقدامات میں غفلت یا کوتاہی برداشت نہیں کروں گا،وزیر اعلیٰ پنجاب نے ہدایت کی کہ انسداد پولیو کے لیے مربوط اقدامات میں مزید تیزی لائی جائے .
خیبر پختونخواہ میں پولیو کے نئے کیسزسامنے آنے پر ایمر جنسی آپریشن سنٹر کے کوآرڈنیٹر عبدالباسط نے ہدایات جاری کرتے ہوئے کہا کہ انسداد پولیو مہم کو اور موثر بنائے تاکہ پولیو کا خاتمہ ممکن ہو سکے ای او سی کوآرڈنیٹرنے کہا کہ ہر بچے تک رسائی اور پولیو قطرے پلوانا ضروری ہے۔
محکمہ صحت خیبر پختونخوانے پولیو مہم کے دوران 5نقائص کی نشاندہی کردی،خیبر پختونخوامیں پولیو مرض کےاضافے کی بڑی وجہ پولیو عملہ قراردیا گیا ہے،رپورٹ میں کہا گیا کہ عملے کی جانب سے انکارکرنے والے والدین کی جعلی مارکنگ کی گئی ،ویکسی نیشن کیلئےزبردستی اقدام،مشروط سودہ بازی اورعلاقوں تک رسائی بھی وجوہات میں شامل ہیں، خیبر پختونخوا میں 2018 کے دوران 8 اور2019 میں 75 نئے کیسزسامنےآچکے ،پولیو مرض سے سب سے زیادہ متاثر ہونے والے علاقے بنوں اور لکی مروت ہیں،بنوں اور ڈی آئی خان میں 24،24، شمالی وزیرستان میں 8 اورتورغر میں 7 کیسزرپورٹ ہوئے.
صوبہ خیبر پختونخوا میں تقریباً 79 ہزار والدین ہی انسداد پولیو مہم میں بڑی رکاوٹ بن گئے ہیں۔ محکمہ صحت کے اعداد و شمار کے مطابق اب تک صوبے میں 79 پولیو کیسز سامنے آچکے ہیں جن میں اس سال کے اختتام تک مزید اضافے کا خدشہ ہے۔
رواں برس صوبے میں 79 ہزار والدین نے اپنے بچوں کو پولیو سے بچاؤ کے قطرے پلانے سے انکار کر دیا ،پشاور میں 42بچوں کے والدین کا انسداد پولیو کے قطرے پلانے سے انکارکیا،مردان میں8ہزار722اورکرم میں6ہزار504بچوں کے والدین نے انکار کیا،شمالی وزیرستان سے 6 ہزار 343 اورصوابی سے 3ہزار 470 بچوں کے والدین نے انکار کیا،
خیبرپختونخوامیں انسدادپولیو مہم کے دوران 67 لاکھ 47 ہزاربچوں کو قطرے پلانے کا ہدف تھا،ایک لاکھ 61 ہزار بچے مختلف وجوہات کی بنا پر حفاظتی قطرے پینے سے محروم رہے،82ہزار سےزائدبچے 3روزہ انسدادپولیومہم کےدوران گھروں میں موجودنہیں تھے
خیبر پختونخواہ کے محکمہ صحت کے حکام کا کہنا ہے کہ ماشوخیل واقعہ میں بے بنیاد منفی پروپیگنڈے نے پولیو پروگرام کو شدید دھچکا پہنچایا۔ پولیو ویکسین کے خلاف منفی پروپیگنڈے سے نمٹنے کیلئے محکمہ صحت نے باعث ایک بار پھر علما کرام اور اسکالرز سے تعاون مانگ لیا .
پرویز مشرف کی سزا کیخلاف لاہور ہائیکورٹ میں سماعت، عدالت نے کیا پوچھ لیا؟
باغی ٹی وی کی رپورٹ کے مطابق سزائےموت کیخلاف پرویزمشرف کی درخواستوں پرسماعت ہوئی، عدالت نے کہا کہ ٹرائل کورٹ نے کس سیکشن کے تحت مشرف پرفردجرم لگائی؟ ایڈیشنل اٹارنی جنرل اشتیاق اے خان نے فردجرم پڑھ کرسنائی، ایڈیشنل اٹارنی جنرل نے کہا کہ فردجرم میں لکھا گیا ایمرجنسی لگا کرآئین توڑاگیا،
فل بینچ نے پرویز مشرف کے وکیل سے کہا کہ آپ بتائیں آپ کا کیس کیا ہے ؟پرویز مشرف کے وکیل نے کہا کہ سابق وزیراعظم نے اپنی صوابدید پر کیس بنایا اور چلایا ،خصوصی عدالت کی تشکیل غیر قانونی ہے،پرویز مشرف نے خصوصی عدالت کی تشکیل اور انکوائری کے اقدام کو چیلنج کیا ہے ،
عدالت نے استفسار کیا کہ کیا آپ نے اپنا کیس پڑھا ہے کیا آپ نے تیاری کی ہے ؟جس پر پرویز مشرف کے وکیل نے کہا کہ اس وقت کے وزیر اعظم نواز شریف نے ذاتی بنیادپر کیس بنایا ،عدالت نے کہا کہ ہم صرف یہ دیکھیں گے کہ کیا جو کارروائی ہوئی وہ قانون کے مطابق تھی یا نہیں ،جسٹس مظاہر علی اکبر نقوی نے کہا کہ ہم یہاں اسپیشل کورٹ کے فیصلے کے خلاف اپیل نہیں سن رہے
لاہور ہائیکورٹ نےقانون دان علی ظفر کو روسٹرم پر طلب کر لیا ،عدالت نے کہا کہ ہم نے سوال اٹھایا ہے کہ کیا ایمرجنسی کا نفاذ غداری کے زمرے میں آتا ہے ؟ ایڈوکیٹ علی ظفر نے کہا کہ میرےعلم کے مطابق ایمرجنسی کا نفاذ غداری کے زمرے میں نہیں آتا جس پر عدالت نے کہا کہ اگر ایمرجنسی غداری کے زمرے میں نہیں آتی تو پھر یہ سارا معاملہ چلا کیسے ؟ جب ایمرجنسی لگائی گئی ملک کے حالات کیا تھے؟کیا ایمرجنسی ایک صوبے میں لگائی جاسکتی ہے یا پورے ملک میں ؟آئین کے تحت تو ایمرجنسی کا اختیار تو صدرکو ہے،نوٹیفکیشن سے نمایاں ہےکہ ایمرجنسی پرویز مشرف نے لگائی.
عدالت نے استفسار کیا کہ کیا آپ میں سے کوئی سنجیدگی سے یہ کیس لڑنے کو تیار ہے؟مشرف کےوکلا فیصلہ کرلیں کس نےدلائل دینےہیں، لاہورہائیکورٹ کے فل بنچ نےسماعت کچھ دیرکیلئےملتوی کردی
سابق صدر پرویزمشرف نے خصوصی عدالت کے قیام کوچیلنج کررکھا ہے.
درخواست گزار نے کہا کہ پرویز مشرف کیخلاف غداری کے استغاثہ کی سماعت کرنیوالی خصوصی عدالت کی تشکیل غیر آئینی ہے،پرویز مشرف کے خلاف غداری کا مقدمہ چلانے کے لئے وفاقی کابینہ سے منظوری نہیں لی گئی،سابق وزیراعظم نواز شریف نے اپنی صوابدید پر خصوصی عدالت قائم کی، خصوصی عدالت کے پراسیکیوٹر کی تعیناتی سمیت کوئی عمل قانون کے مطابق نہیں کیا گیا،
لاہور ہائی کورٹ میں سابق صدر کی جانب سے درخواست دائر کی گئی تھی ،درخواست میں حکومت،وزارت قانون،ایف آئی اے اور خصوصی عدالت کے رجسٹرارکوفریق بنایا گیا ہے، درخواست گزار پرویز مشرف نے درخواست میں کہا کہ خصوصی عدالت نے 19نومبرکوموقف سنے بغیرغداری کیس کافیصلہ محفوظ کیا،بیماری کی وجہ سےبیرون ملک مقیم ہوں،
درخواست میں پرویز مشرف نے استدعا کی کہ سپریم کورٹ کے فیصلوں کے مطابق کیس کودوبارہ سماعت کے لئےشروع کیا جائے ،
نو مسلم سکھ لڑکی کو بھائی کی خواہش کے برعکس عدالت نے کہاں بھجوا دیا
باغی ٹی وی کی رپورٹ کے مطابق نومسلم سکھ لڑکی عائشہ کی عمر کا تعین کرنے کی درخواست پر سماعت ہوئی، عدالت نے نومسلم سکھ لڑکی کو دس دن کے لئے دارالامان بھجوا دیا
عدالتی حکم پر لڑکی کے بھائی منموہن اور لڑکی نے کمرہ عدالت میں باہمی ملاقات کی ،ملاقات کے بعد لڑکی کے بھائی نے عدالت میں موقف دیا کہ میری بہن دباو میں ہے تھوڑی وقت دیا جائے۔عدالت نے نومسلم لڑکی سے استفسار کیا کہ بھائی کی ملاقات می کیا معاملہ طے پایا۔ جس پر لڑکی نے عدالت میں کہا کہ بھائی واپس جانے کےلئے اصرار کرتے رہے مگر میں واپس نہیں جانا چاہتی۔
عدالتی حکم پر نومسلم لڑکی عائشہ کو سخت سکیورٹی میں عدالت پیش کردیا گیا ،جسٹس سید مظاہر علی اکبر نقوی نےلڑکی کےبھائی منموہن سنگھ کی درخواست پر سماعت کی ،وکیل درخواست گزار نے کہا کہ جگجیت کور کو ملزم حسان نے اغوا کیا۔ ملزم کے خلاف ننکانہ صاحب میں اغوا کا مقدمہ درج ہے ،ملزم نے کم عمر سکھ لڑکی جگجیت کور کو زیادتی کی نیت سے اغوا کیا۔ بہن جگجیت کور کی عمر ساڑھے 15 سال ہے۔
وکیل نے مزید موقف اپنایا کہ علاقہ مجسٹریٹ ننکانہ صاحب کو جگجیت کور کی عمر کا تعین کرنے کی درخواست دے رکھی ہے۔علاقہ مجسٹریٹ عمر کا تعین کرنے کی درخواست پر کوئی فیصلہ نہیں کررہے۔ جگجیت کور کی عمر کا تعین کرنے کے لئے میڈیکل کروانے کا حکم دیا جائے۔
لاہوریوں ہر مہنگائی کا ایک اور ڈرون،میٹرو بس کے کرایہ میں ایک بار پھر اضافہ
باغی ٹی وی کی رپورٹ کے مطابق مہنگائی کے طوفان میں پستی ہوئی عوام کو پنجاب حکومت نے ایک اور جھٹکا دے دیا، پنجاب حکومت نے میٹروبس کا کرایہ 10روپے بڑھا دیا ،پنجاب کابینہ نے میٹروبس کے کرایے میں 10 روپے اضافے کی منظوری دے دی جس کے بعد میٹرو کا کرایہ 30 سے 40 روپے ہو گیا ہے،
پنجاب کابینہ کی منظوری کے بعد نوٹیفکیشن جاری کر دیا گیا۔ پنجاب کابینہ کی منظوری کے بعد کیبنٹ ونگ نے نوٹیفکیشن جاری کر دیا ۔ کیبنٹ ونگ کے نوٹیفکیشن جاری ہونے کے بعد ٹرانسپورٹ ڈیپارٹمنٹ کو بھی آگاہ کر دیا گیا۔
چند ماہ قبل بھی پنجاب حکومت میٹرو بس کے کرایہ میں دس روپے اضافہ کر چکی تھی تا ہم اب پھر دوبارہ دس روپے کا اضافہ کر دیا گیا ،میٹرو جب شروع ہوئی تھی تو اسکا کرایہ 20 روپے تھا، اب تک دو بار میٹرو کا کرایہ بڑھایا جا چکا ہے
واضح رہے کہ میٹرو بس سروس کا آغاز سابق وزیراعلیٰ پنجاب شہباز شریف کے دور میں کیا گیا تھا .میٹرو بس سروس 27 کلومیٹر طویل سڑک پر مشتمل ہے، جو گجومتہ سے شاہدرہ تک ہے۔ اس سے 27 کلومیٹر کا سفر ایک گھنٹے میں سمٹ آیا ہے۔۔ اس پر 27 بس اسٹیشن ہیں .لاہور میٹرو بس منصوبہ پر 29 ارب 42 کروڑ 42 لاکھ روپے خرچ ہوئے .
ریلوے پولیس کی ایک سالہ کارکردگی رپورٹ جاری،کتنے لاکھ قومی خزانے میں جمع کروائے؟
باغی ٹی وی کی رپورٹ کے مطابق ریلوے پولیس لاہور نے کارکردگی رپورٹ جاری کر دی، ریلوے ٹریفک پولیس لاہور ڈویژن نے سال 2019 میں بہترین کارکردگی کا مظاہرہ پیش کیا ہے۔ ریلوے ٹریفک پولیس لاہور ڈویژن کی سالانہ کارکردگی رپورٹ کے مطابق سال 2019 کے دوران ٹریفک قوانین کی خلاف ورزی کرنے والے 14807 افراد کے چالان کئے گئے اور چالانوں کی مد میں 1030600 روپے قومی خزانہ میں جمع کروائے گئے جبکہ ٹریفک قوانین کی خلاف ورزی کرنے والی 814 چھوٹی و بڑی گاڑیوں کو بند کیاگیا اور 30 ڈرائیوروں و کنڈکٹروں کے خلاف بھی قانونی کارروائی کی گئی۔
اس کے علاوہ ریلوے اسٹیشنوں اور اس کے آس پاس کے بازاروں میں غیر قانونی طور پر ریڑھیاں لگانے والوں اور ناجائز تجاوازات قائم کرنے والوں کے خلاف بھی قانونی کارروائی کی گئی ہے۔
ڈی آئی جی آپریشنز پاکستان ریلوے پولیس اظہر رشید خان نے ریلوے ٹریفک پولیس لاہور ڈویژن کی کارکردگی کو سراہا ہے اورکہا ہے کہ ریلوے ٹریفک پولیس ملک بھر میں ریلوے اسٹیشنوں اور اس سے ملحقہ علاقوں میں ٹریفک کوکنٹرول کرتی ہے جس کا بنیادی مقصد ریلوے مسافروں کو سہولت فراہم کرنا ہے تاکہ ریلوے مسافر بروقت ریلوے اسٹیشن تک پہنچ سکیں اور ان کے وقت کا ضیاع نہ ہو۔
انہوں نے مزید کہا کہ ریلوے ٹریفک پولیس کا کام نا صرف قانون کا نفاذ ہے بلکہ عوام کو ٹریفک اصولوں سے آگاہی دینا اور ان میں روڈ سیفٹی کا شعور پیدا کرنابھی ہے۔
فواد چودھری کی بدتمیزی، مبشر لقمان نے کیا اہم اعلان،ثاقب کھرل نے معافی کیوں مانگی؟ انکشاف کر دیا
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے فواد چودھری کی جانب سے بد تمیزی پر خاموشی توڑ دی، اپنے ویڈیو پیغام میں مبشر لقمان کا کہنا تھا کہ میں تحریک انصاف کے رہنما جہانگیر ترین سے گلے مل کر پیچھے ہو رہا تھا تو فواد چوہدری نے پیچھے سے آ کر اوئے کر کے آواز دی ،اس کے بعد انہوں نے اپنا ہاتھ گھما یا ۔فواد چوہدری کے ساتھ دو تین لوگ تھے سفید کپڑوں میں جنہوں نے آکر مجھے پکڑ لیااور دھکے دینے شروع ہو گئے تاکہ میں کوئی جواب نہ دے سکوں ۔
مبشر لقمان نے مزید کہا کہ وہاں پر عثمان بزدا ر بھی موجود تھے ،میں نے جا کر انہیں شکایت کی جس پرانہوں نے جواب دیاکہ ہم اس معاملے کو مکمل طور پر دیکھ کر تحقیق کرتے ہیں ،میں نے عثمان بزدار سے کہا تحقیق کیا کرنی ہے ،آپ بھی اس ہال میں موجود ہیں ،گورنر پنجاب اور محسن لغاری بھی ہیں ۔اس معاملے پر وزیراعظم سے بات ہوئی ہے ،انہیں ساری بات بتائی ہے جس پر وزیراعظم کا ایک جواب بھی آیا ہے جو کہ ان کی امانت ہے ،میں نجی پیغام کو لوگوں کے سامنے بیان نہیں کرسکتا ۔
مبشر لقمان کا مزید کہنا تھا کہ میں نے فوری طور پر پولیس کو رپورٹ کی ہے لیکن ابھی تک ایف آئی آر درج نہیں ہوئی،ہم قانونی طریقے سے دیکھیں گے کہ تھوڑے دنوں تک ایف آئی آر ہوتی ہے یا نہیں ا ور اگر ایف آئی آر درج نہیں ہوتی تو عدالت سے رجوع کریں گے ۔
مبشر لقمان نے مزید کہا کہ جب فواد چوہدری نے شادی میں میرے ساتھ بد تمیزی کی تو اِس کے بعد میری ٹیم نے میرے گھر بیٹھ کر جواب دینے کی پلاننگ شروع کی جہاں ثاقب کھرل بھی تھے ،اتنی دیر میں ثاقب کھرل میرے گھر سے اٹھ کر فواد چوہدری کے گھر گئے جو میرے گھر سے تین منٹ کی دوری پر ہے۔اس دوران میرے ایک پرڈیوسر نے ثاقب کھرل کو فون کر کے ملنے کا کہا تو ثاقب کھرل فواد چوہدری کے گھر سے اٹھ کر میرے پروڈیوسر سے ملے ،ثاقب کھرل نے میرے پروڈیوسر سے کہا کہ مجھ پر بہت دباؤ ہے ،میری بیوی نے فون کر کے کہا ہے کہ اگر فواد چوہدری سے معاملات ٹھیک نہیں کیے تو میں تمہیں طلاق دے دوں گی کیونکہ فواد چوہدری اور ثاقب کھرل کی بیویاں سہیلیاں ہیں ۔اس کے بعد ثاقب کھرل نے ٹوئٹ کر کے فواد چوہدری سے معافی مانگی ۔
مبشر لقمان کا مزید کہنا تھا کہ یہ لڑائی کوئی آج شروع نہیں ہوئی اس کو سات مہینے ہوئے ہیں اور آج تک مجھے پتہ چلا کہ ایک لوگوں نے کہا کہ آپ نے فواد چودھری یا اس کے پی اے کو کال کر کے غلط زبان استعمال کی جس پر میں نے کہا کہ ایک دو دن یا ایک ہفتے کو چھوڑ کر پچھلے سات مہینے میں کوئی کال دکھائیں جو میں نے انکو کی ہو، آپ کے پاس کال کا ریکارڈ نہیں ہو گا تو کال آنے کا ریکارڈ تو ہو گا، وہ تو ٹیلی فون کمپنی دے دی گی کہ اس نمبر سے کال آئی اور اسکا وقت کیا تھا ،یہ کوئی مشکل نہیں.
مبشر لقمان کا مزید کہنا تھا کہ بہانہ بنایا جا رہا ہے ایک انٹرویو کا جو میں نے ایک صحافی کا کیا نیو ٹی وی کے اینکر کا،اور یوٹیوب پر کیا، جس میں انہوں نے بڑے بڑے کلیم کئے ،وہ ان کے اپنے کلیم ہیں ، خود ساختہ کلیم ہیں کیونکہ میں نہیں کہہ رہا،وہ ان دو لڑکیوں کے جن کا آج کل بڑا چرچا ہے حریم اور صندل ،ان دونوں کے بہت قریب ہیں،وہ ان کی بات سنتی ہیں، باتیں ایکسچینج کرتی ہیں ،یہ انہوں نے مجھے کہا ،میں نہیں کہہ رہا،دیکھیں اس میں ایک مسئلہ سمجھنے کی کوشش کریں .خواتین سے مسئلہ چار مہینے پہلے شروع ہوا اور فواد چودھری سے سات مہینے پہلے،
مبشر لقمان کا مزید کہنا تھا کہ فواد چودھری سے جتنی میری دوستی رہی وہ بھی اوپن ہے میں نے کبھی چھپایا نہیں، ایک ٹائم آ یا کہ وزیر بننے کے بعد میرے اور فواد چودھری کے راستے جدا ہو گئے اسکی کئی وجوہات ہیں،بڑی وجہ یہ تھی کہ جب فواد چودھری نے مخالفت شروع کر دی جب انہوں نے ایم ڈی پی ٹی وی ارشد خان کی، ارشد خان کو عمران خان نے خود ایم ڈی پی ٹی وی لگایا تھا ،فواد چودھری نے یونین کو اکسایا اورکہا کہ پی ٹی وی پر قبضہ کر لو،ارشد خان کو نہ آنے دو جس پر میں نے چینل پر کئی پروگرام کئے اور ان پر تنقید کی ، آڑے ہاتھوں لیا، موصوف کی اطلاعات و نشریات کی پالیسیز پر کڑی تنقید کی،فواد چودھری نے آتے ہی کہہ دیا تھا کہ نیوز چینل تو غلط ہیں، ہمیں انکی ضرورت ہی نہیں، ہمیں فلمی چینل شروع کرنے ہیں، پی ٹی آئی وہ پارٹی ہے جو میڈیا اور سوشل میڈیا کی وجہ سے اقتدار میں آئی انہیں سمجھ ہی نہیں آئی کہ پورے کا پورا میڈیا اور سوشل میڈیا ان کے خلاف کیوں ہو گیا.
ٹک ٹاک سٹار حریم شاہ کے ساتھ فواد چوھدری کی ویڈیو آنے کے ممکنہ انکشاف کے بعد فواد چوھدری نے سینئر صحافی و اینکر پرسن مبشر لقمان پر ایک نجی تقریب میں اپنے غنڈوں کے ساتھ تشدد کیا جس پر مقامی تھانے میں اندراج مقدمہ کی درخواست دے دی گئی ہے تا ہم فواد چودھری اس دوران جھوٹ بولتے نظر آئے.
سوشل میڈیا صارفین کی جانب سے مطالبہ کیا جا رہا ہے کہ فواد چودھری کو وزارت سے ہٹایا جائے، صحافتی تنظیموں نے بھی اس واقعہ پر احتجاج ریکارڈ کروایا ہے اور فواد چوھدری کے خلاف احتجاج کا اعلان بھی کیا ہے،
ایک صارف نے لکھا کہ مبشر لقمان نے ایٹ لیسٹ یہ سچ قوم کے سامنے لاکر بہت بڑا جھاد کیا ھے اسپر پوری قوم کو مبشر کا شکرگزار بھی ھونا چاھئیے اور فواد چودھری کی غنڈہ گردی کے خلاف اوز بھی اٹھانی چاہئیے
ایک اور صارف نے لکھا کہ فواد چودھری کو اینکرز پرغصہ دیکھانے کی بجائے اپنے اعمال پرنظرثانی کرنی چاہئیے، اگر کردار مضبوط ہوگا توکوئی انگلی نہیں اُٹھائیگا،PTIکو بدکردارلڑکی نے نشانہ بنایا ہے جو مریم نواز کی بھی دوست ہے،مریم نواز تو بھارتی کالی دیوی ہےاس سے رقم لےکر بدنام کیاگیا ہے،ویڈیوزکا ذکرمریم نےبھی کیاتھا.
مختلف پارٹیاں بدلنے والے فواد چودھری جب سے حکومت میں آئے ہیں صحافیوں اور اپوزیشن کے خلاف بیانات ان کا وطیرہ بن چکا ہے یہاں تک کہ ایک نجی تقریب میں انہوں نے سینئر صحافی و اینکر پرسن سمیع ابراہیم کو تھپڑ مار دیا تھا,سمیع ابراہیم نے کہا تھا کہ ججز یکجہتی کے حوالہ سے تحریک شروع ہو رہی ہے جو حقیقت میں پاکستان اور پاک فوج کے خلاف ہے، اس تحریک کو انڈیا و امریکہ کی مدد حاصل ہو گی، اپوزیشن جماعتیں وکلاء کے ساتھ تحریک میں حصہہ لیں گی. ،سمیع ابراہیم نے یہ بھی دعویٰ کیا تھا کہ تحریک انصاف کے اندر سے لوگ تحریک انصاف کو چھوڑ دیں گے انہوں نے فواد چوہدری کے بارے میں کہا تھا کہ وہ پیپلز پارٹی سے رابطے میں ہیں اور وہ تحریک انصاف چھوڑنے والوں کی قیادت کریں گے.
سینئر صحافی و واینکر پرسن سمیع ابراہیم کو فواد چودھری کی جانب سے تھپڑ مارے جانے کے بعد وزیراعظم عمران خان نے سمیع ابراہیم سے رابطہ کیا تھا
صدر لاہور بار، مبشر لقمان اور فواد چودھری کے ذاتی مسئلے پر پارٹی بن گئے، وزیر کی چاپلوسی جاری
باغی ٹی وی رپورٹ کے مطابق مبشر لقمان اور فواد چودھری کے ذاتی مسئلے پر صدر لاہور بار کی ایسی پریس ریلیز کیا ثابت کرتی ہے؟ جبکہ اس کی کوئی وقعت بھی نہیں بس ٹویٹر پر ٹویٹ کرنے کے کام ہی آیا یہ کاغذ۔ لاہور بار کو کسی کی ذاتی لڑائی میں پارٹی بننے کی کیا ضرورت ہے؟ ابھی کچھ دن پہلے وکلا نے سرکار کے ظلم سہے ۔۔۔ مگر یہ نام نہاد لیڈران اپنے ذاتی مفاد کیلئے حکومتی چاپلوسی میں یہ بھی بھول جاتے ہیں کہ ان کی حرکتوں کی قیمت ہم سب کو اتارنی پڑتی ہے۔۔
معزز صدر لاہور بار صاحب 2 دن رہ گئے ہیں آپ کے عہدے کو آپ اس کے بعد آپ کو کسی نے پوچھنا نہیں ہم کسے کسے جواب دیں گے؟ کہ یہ کون لوگ ہیں جو انسان کو ، ملک کے شہری کو انصاف کے دروازے تک پہنچنے پر پابندی لگا دیتے ہیں۔
ابھی ڈاکٹرز سے لڑائی آپ کروا کے ہٹے ہی ہیں اب صحافیوں سے لڑوانا چاہتے ہیں؟ ۔۔ جسٹس سسٹم کس طرف جا رہا ہے۔اپنے مفادات کیلئے پورا معاشرتی سسٹم تباہ نہ کریں۔۔ اگر فواد صاحب سے آپ کا تعلق ہے تو وکالت کریں ان کی طرف سے مگر ایسے کسی اور کی لڑائی کا مہرہ بن کر محض اپنے کسی مفاد کی خاطر اس مقدس پیشے کا تقدس پامال نہ کریں۔۔۔
اور یاد رہے ہم ایسی کسی پریس ریلیز کو نہیں مانتے۔۔۔۔ اور ساتھ ایک سوال جو لاہور بار کے ممبر وفاقی وزیر نہیں ہیں ان کے مسائل کو آپ ذاتی مسائل کب سمجھیں گے؟
چاکراعظم خان۔۔
