وزیراعظم آزاد کشمیر لاہور کا دورہ مختصر کر کے آزاد کشمیر روانہ ہو گئے

باغی ٹی وی کی رپورٹ کے مطابق وزیراعظم آزاد کشمیر راجہ فاروق حیدر لاہور کے دورے پر تھے، وہ زلزلے کے بعد دورہ مختصر کر کے آزاد کشمیر روانہ ہوگئے، راجہ فاروق حیدر میر پور جائیں گے جہاں ریسیکو و ریلیف آپریشن کا جائزہ لیں گے، وہ ہسپتالوں میں زخمیوں کی عیادت کریں گے اور جاں‌ بحق افراد کے لواحقین سے تعزیت کریں گے

آرمی چیف جنرل قمر جاوید باجوہ نے زلزلہ سے متاثرہ علاقوں میں امدادی کاروائیوں کی ہدایت کی ہے، انہوں نے سول انتظامیہ کی مدد کے لئے ریسکیو آپریشن میں مدد کی ہدایت کی ہے، آرمی چیف نے کہا کہ آرمی کے ڈاکٹرز میر پور مدد کے لئے پہنچیں، پاک فوج کے جوان میر پور میں ریسکیو کام کریں،

آرمی چیف کے حکم کے بعد پاک فوج کےدستے،ایوی ایشن اورمیڈیکل ٹیمیں روانہ ہو چکی ہیں،

لاہور میں زلزلے کے شدید جھٹکے محسوس کئے گئے

باغی ٹی وی کی رپورٹ کے مطابق لاہور میں زلزلے کے شدید جھٹکے محسوس کئے گئے، زلزلہ چار بجکر 2 منٹ پر آیا، زلزلے کے جھٹکے تیس سیکنڈ تک محسوس کرتے رہے، زلزلہ اتنا شدید تھا کہ عمارتیں لرزنے لگ گئیں، لاہور کے کئی مقامات سے شہری گھروں سے باہر نکل آئے اور کلمہ طیبہ کا ورد شروع کر دیا.

باغی ٹی وی کے نمائندگان کے مطابق اسلام آباد، راولپنڈی، گوجرانوالہ، چکوال، جہلم، سیالکوٹ سمیت دیگر شہروں میں بھی زلزلے کے جھٹکے محسوس کئے گئے،.پشاور،ہری پور اورسوات،چنیوٹ ،حافظ آباداورفیصل آباد ،پشاور،نوشہرہ،مردان،ہری پور اورسوات ،مری ،اوکاڑہ ،ڈسکہ نارووال اور شاہ کوٹ ،جھنگ،ظفروال،شکرگڑھ،سیالکوٹ،صفدرآباد،راولاکوٹ میں بھی زلزلے کے جھٹکے محسوس کئے گئے

چیئرمین نیب اور ڈی جی نیب ملتان کےخلاف توہین عدالت کی درخواست پرسماعت ہوئی

باغی ٹی وی کی رپورٹ کے مطابق لاہور ہائیکورٹ کے جسٹس علی باقرنجفی کی سربراہی میں2رکنی بنچ نے درخواست پر سماعت کی، عدالت نے چیئرمین نیب اور ڈی جی نیب ملتان کو نوٹس جاری کرکےجواب طلب کرلیا،

درخواست گزار نے کہا کہ وفاقی وزیر برائے منصوبہ بندی و ترقیات خسرو بختیار اور صوبائی وزیر ہاشم جواں بخت کے آمدن سے زائد اثاثے کے خلاف عدالت سے رجوع کیا تھا،عدالت نے درخواست فیصلے کے لیے نیب حکام کو بجھوا دی تھی،عدالتی حکم کو 4ماہ گزر جانے کے باوجود درخواست پر فیصلہ نہیں کیا گیا،

وفاقی وزیرخسرو بختیار اور صوبائی وزیرہاشم جواں بخت پر اثاثے چھپانے کا الزام عائد کیا گیا ہے، ہاشم جواں بخت پر اتحاد شوگر ملز، میگا پراجیکٹس اور ڈی ایچ اے لاہور میں کرپشن میں ملوث ہونے کا الزام ہے،

وزیر اطلاعات و صنعت پنجاب میاں اسلم اقبال نے کہاہے کہ موجودہ حکومت کو ورثے میں ملنے والے قرضوں کے بوجھ اور مسائل کے انبار حل کئے جا رہے ہیں انشاء اللہ آنے والے چار برس ترقی و خوشحالی کی نوید ثابت ہوں گے اور عام آدمی کی مشکلات کم سے کم کرنے کیلئے ٹھوس بنیادوں پر کام جاری ہے۔ اسی طرح موجودہ حکومت عوامی مسائل کے حل کیلئے دن رات کوشاں ہے۔

باغی ٹی وی کی رپورٹ کے مطابق ان خیالات کا اظہار انہوں نے یہاں اپنے ڈیرہ نیو مزنگ میں منعقدہ کھلی کچہری کے موقع پر میڈیا سے گفتگوکرتے ہوئے کیا۔ میاں اسلم اقبال نے کہاکہ وزیراعظم عمران خان کی قیادت میں تحریک انصاف کی حکومت ملک کو مستحکم بنیادیں دینا چاہتی ہے اسی لئے روایتی طریقہ کار سے ہٹ کر کرپشن کے خاتمے اور لانگ ٹرم پالیسیز متعارف کرائی جا رہی ہیں۔انہوں نے کہاکہ بعض عناصر اپنے مخصوص سیاسی مقاصد کیلئے منفی پراپیگنڈا میں مصروف ہیں عوام بخوبی جانتے ہیں کہ نوازلیگ اور پیپلزپارٹی نے اپنے ادواراقتدار میں ملک کے ساتھ کیا کھلواڑ کیا، قومی خزانہ کس بے دردی سے لوٹا اور اپنوں کو کیسے نوازا؟

کشمیر پاکستان کی شہ رگ، اس کیلئے ہم کسی بھی حد تک جائیں گے، میاں اسلم اقبال

میاں اسلم اقبال نے کہاکہ عمران خان نے اپنی انتخابی مہم میں قوم سے کئے ہوئے احتساب کے وعدے کو پورا کیا ہے اور کسی دباؤ میں آئے بغیر بلاامتیاز اور بے لاگ احتساب یقینی بنایا جا رہا ہے۔انہوں نے کہاکہ احتسابی عمل کے بارے میں دانستہ افواہیں پھیلائی جا رہی ہیں جبکہ نوازلیگ اور پیپلزپارٹی اپنا بویا ہوا کاٹ رہی ہے اور انہیں قومی دولت کا لوٹا ہوا ایک ایک پیسہ واپس کرنا ہوگا۔میاں اسلم اقبال نے کہاکہ اپوزیشن کو اقتدار کا غم کھائے جا رہا ہے لیکن انہیں مزید چار سال عوامی مینڈیٹ کاانتظارکرنا ہوگا۔

فضل الرحمان کا ایجنڈا دوسروں کے کندھے پررکھ کربندوق چلانا ہے ،میاں اسلم

میاں اسلم اقبال نے کھلی کچہری میں پولیس سمیت لوگوں کی مختلف محکموں سے متعلق شکایات سنی۔انہوں نے یقین دلایاکہ ڈینگی کی موجودہ صورتحال پر جلد قابو پالیاجائے گا۔انہوں نے لوگوں سے بھی اپیل کی کہ وہ ماحول کو صاف ستھرا رکھنے اور ڈینگی کی افزائش روکنے کیلئے حکومتی سرگرمیوں میں ہاتھ بٹائیں۔

میاں اسلم اقبال نے کہاکہ پنجاب حکومت وزیراعلیٰ سردار عثمان بزدار کی قیادت میں پوری طرح متحرک ہے اور ڈینگی سے نمٹنے کیلئے تمام وسائل بروئے کار لائے جا رہے ہیں۔لوگوں کی شکایات پر موقع پر احکامات جاری کرتے ہوئے صوبائی وزیر اطلاعات و صنعت میاں اسلم اقبال نے کہاکہ جائز مسائل کا حل ہر شہری کا بنیادی حق ہے اور سرکاری افسران کو عام آدمی کی دادرسی کیلئے فوری کارروائی کرنا چاہیے تاکہ لوگوں کو غیرضروری پریشانی کا سامنا نہ کرناپڑے۔اس موقع پر سائلین کی بڑی تعداد نے کھلی کچہری کے انعقاد کو سراہا اور مسائل کے حل میں ذاتی دلچسپی لینے پر صوبائی وزیر میاں اسلم اقبال کا شکریہ ادا کیا

وزیراعظم آزاد کشمیر راجہ فاروق حیدر نے کہا ہے کہ ہم نے اپنی غلطیوں کے باعث مسئلہ کشمیر پر اپنا کیس کمزور کیا

باغی ٹی وی کی رپورٹ کے مطابق پنجاب یونیورسٹی لاہور میں طلبا سے خطاب کرتے ہوئے وزیراعظم آزادکشمیر راجہ فاروق حیدر نے کہا کہ پاکستان لاکھوں قربانیوں کے باعث و جود میں آیا،1949میں معاہدہ کراچی کے 3فریق تھے ،معاہدہ کراچی میں حکومت آزادکشمیر کا کوئی کردار نہیں،ماضی میں امریکی صدور کہا کرتے تھے سرحدیں تبدیل نہیں ہوسکتیں،جب تک آزادکشمیرکے کردارتعین نہیں کیا جائے گابھارت کومقبوضہ کشمیرسے نہیں نکالا جاسکتا.

بھارتی آرمی چیف کی گیدڑ بھبکیوں پر پاک فوج کا کرارا جواب

راجہ فاروق حیدر کا مزید کہنا تھا کہ کشمیر میں رائے شماری کا مطالبہ انوکھا نہیں ہے ،دشمن چاہتا ہے ہم میں نظریاتی اختلافات پیدا ہوں،نائن11کے بعد ہمیں استعمال کیا گیا ، پاکستان کو بھارت کے مقابلے میں اخلاقی برتری حاصل ہے ،پاکستان نے ہمیشہ کشمیر میں رائے شماری کی حمایت کی،انسانی حقوق کی خلاف ورزیوں پرکسی نےبھارت کی حمایت نہیں کی،جن ملکوں کے اپنے انسانی حقوق نہیں وہ ہمیں کیا ووٹ دیں گے؟

پاکستان نے بھارتی آرمی چیف کے بیان کو بے بنیاد قراردے کرمستردکردیا

وزیراعظم آزاد کشمیر نے مزید کہا کہ مقبوضہ کشمیر میں ایک مسئلہ سیاسی اور دوسراانسانی ہے ،جو بھارت کے بس میں تھا اس نےمقبوضہ کشمیر میں کیا،مسئلہ کشمیر پر ایک زمانے میں کلنٹن اور اوباما نے بھی بات کی تھی ،ہم نے اپنی غلطیوں کے باعث مسئلہ کشمیر پر اپنا کیس کمزور کیا،مسئلہ کشمیر میں استصواب رائے کا مطالبہ کا کوئی انوکھا واقعہ نہیں ،عمران خان سے کہا مسئلہ کشمیر یو این لے جائیں ہم آپکےساتھ ہیں،

شہبازشریف،حمزہ،سلمان اورنصرت شہبازکےخلاف وعدہ معاف گواہوں کی ضمانت کی درخواستیں منظورکر لی گئیں

باغی ٹی وی کی رپورٹ کے مطابق لاہورہائیکورٹ کے 2رکنی بنچ نے آفتاب محمود اورشاہدرفیق کی درخواستیں منظور کیں،وعدہ معاف گواہوں کی 10،10لاکھ روپےکے 2،2ضمانتی مچلکوں کے عوض درخواستیں منظور کی گئیں

درخواست گزار نے عدالت میں موقف اختیار کیا تھا کہ شہباز شریف اور دیگرکی کرپشن سے متعلق وعدہ معاف گواہ بن کر بیانات ریکارڈ کروا دیے ہیں، حمزہ شہباز سمیت دیگر کی کرپشن میں سہولت کار کا کردار ادا کیا، عثمان انٹرنیشنل نامی کمپنی سے رقوم شریف فیملی کے اراکین کو منتقل کیں،برطانیہ سمیت دیگرممالک کے جعلی افراد کے نام پر کالا دھن سفید کیا،

واضح رہے حمزہ شہباز اور سلمان شہباز منی لانڈرنگ کیس میں گرفتار آفتاب محمود اور شاہد رفقی کی وعدہ معاف گواہی کی درخواست چیئرمین نیب نے منظور کر لی ہے، لاہور کی احتساب عدالت میں منی لانڈرنگ کیس کی سماعت ہوئی تونیب نے گرفتار ملزمان آفتاب محمود اور شاہد رفیق کو عدالت میں پیش کیا

نیب نے دوران سماعت عدالت کو بتایا کہ گرفتارملزمان آفتاب محمود اور شاہد رفیق وعدہ معاف گواہ بن گئے ہیں،چیئرمین نیب نے ملزموں کی وعدہ معاف گواہ بننے کی درخواست منطور کرلی ہے ،عدالت نے ملزمان کو نیب تحویل میں دینے کی درخواست منظور کرلی ،

وعدہ معاف گواہ بننے والے ملزمان آفتاب محمود اور شاہد رفیق کا مجسٹریٹ کے سامنے بیان ریکارڈ ہو گا۔

دونوں ملزمان نے ایک ارب کے لگ بھگ منی لانڈرنگ کی، ملزم آفتاب محمود کے بیان کے مطابق اس نے یوکے و دیگر کمپنیوں سے شریف فیملیز کو بھاری رقوم منتقل کیں،آفتاب محمود نے اعتراف کیا کہ اس نے بے نامی افراد کے نام پر ٹی ٹیز بھی بھجوائیں،

شہباز شریف فیملی منی لانڈرنگ میں ایسی پھنسی کہ اب بچنا مشکل

شریف فیملی مشکلات کا شکار،شہباز شریف کے بعد کس کی جائیداد ضبط ہونے جا رہی ہے؟

واضح رہے کہ اس سے قبل مشتاق چینی حمزہ شہباز کا فرنٹ مین بھی وعدہ معاف گواہ بنا تھا جس نے بیان ریکارڈ کروایا تھا کہ حمزہ شہباز کے فرنٹ مین مشتاق چینی نے نیب کو 2 نجی بنکوں کے ذریعے 37 ٹرانزیکشن سے متعلق نیب کو ریکارڈ فراہم کیا۔ 2 بنکس اکاونٹ کے زریعے 50 کروڑ 44 لاکھ 4 ہزار 899 روپے کی غیر ملکی ترسیلات موصول ہوئیں، سلمان شہباز کے اکاونٹ میں 60 کروڑ 30 لاکھ 54 ہزار بذریعہ چیکس منتقل کیے۔مشتاق چینی کا دفعہ 164 کا بیان ریکارڈ کیا گیا ،نیب لاہورمشتاق چینی کا دفعہ 164 ریکارڈ کروانے کے بعد واپس روانہ ہوگئی .

لاہور۔(اے پی پی)پاکستان ویٹرنز کرکٹ ایسوسی ایشن کے زیر اہتمام جاری 20ویں نیشنل سینئرز کرکٹ کپ کے کوارٹر فائنل میچوں میں واہ پاور نے راولپنڈی رائل کو 4 وکٹوں جبکہ واہ کاریگر نے گجر خان کو 2 وکٹوں سے ہراکر سیمی فائنل کیلئے کوالیفائی کرلیا۔ اوول کرکٹ گراؤنڈ پر کھیلے گئے کوارٹر فائنل میچ میں راولپنڈی رائل نے پہلے کھیلتے ہوئے مقررہ 30 اوورز میں 6 کھلاڑیوں کے نقصان پر 213رنز بنائے۔ جواد حمید نے 67، شہزاد کیانی 40، راحیل فاروقی 29 اور تاج خان نے 42 رنز ناٹ آؤٹ بنائے۔ واہ پاور کی طرف سے محمد وسیم نے 2/25 اور عامر مجید نے 2/41 وکٹ حاصل کیں۔ جواب میں واہ پاور نے 29.2 اوورز میں 6 کھلاڑیوں کے نقصان پر مطلوبہ سکور پوراکرلیا۔ یعقوب وسیم نے 88، یوسف خان 36اور نصیر نے 24رنز ناٹ آؤٹ بنائے۔ جواد حمید نے 2/32 وکٹ حاصل کیں۔ گجر خان اسٹیڈیم میں کھیلے گئے میچ میں گجر خان نے پہلے کھیلتے ہوئے مقررہ 30 اوورز میں 9 کھلاڑیوں کے نقصان پر 199رنز بنائے۔ عالم گیر خان نے 42، رضوان مجید 37 اور احتشام آزاد نے 32 رنز بنائے۔ واہ گاریگر کی طرف سے جاوید نے 2/28 اور آفتاب احمد نے 2/35 وکٹ حاصل کیں۔

لاہور۔(اے پی پی)محکمہ موسمیات کے مطابق آئندہ 24گھنٹوں کے دوران صوبائی داراحکومت لاہور سمیت ملک کے بیشتر علا قوں میں موسم گرم و مرطوب ر ہے گا ، تا ہم گوجرانوالہ ڈویژن،راولپنڈی، اور کشمیر میں چند مقامات پرتیز ہواؤں اور گرج چمک کے ساتھ بارش کا امکان ہے،گزشتہ24گھنٹوں کے دوران ملک کے بیشتر علاقوں میں موسم گرم مرطوب وخشک رہا،منگل کے روز لاہور شہر کا درجہ حرارت زیادہ سے زیادہ37اور کم سے کم35سینٹی گریڈ ریکارڈ کیا گیا جبکہ صبح کے وقت ہوا میں نمی کا تنا سب77فیصد تھا۔

عوام کے جائزکام میں کسی کو رکاوٹ ڈالنے نہیں دوں گا،

باغی ٹی وی کی رپورٹ کے مطابق وزیراعلیٰ پنجاب عثمان بزدار نے کہا ہے کہ حکومت عوامی فلاح کے وہ کام کررہی ہے جو ماضی میں کوئی حکومت نہ کرسکی ،تعلیم،صحت اورپینے کے صاف پانی کی فراہمی کے منصوبوں میں جنوبی پنجاب کو ترجیح دی گئی ہے،جنوبی پنجاب کی محرومیاں دورکرنے کےلیےعملی اقدامات کیے ہیں

مہنگائی پر قابو پا کر عوام کو ریلیف دیا جائے، وزیراعلیٰ پنجاب کی کابینہ کو سعودی عرب سے ہدایت

وزیراعلیٰ پنجاب کا مزید کہنا تھا کہ ڈینگی کے مرض پر قابو پانے کےلیےسیاسی و انتظامی مشینری کو متحرک کردیا ہے ،کرپشن کرنے والوں کیلیے پنجاب میں کوئی جگہ نہیں،مختصر عرصے میں مختلف شعبوں میں اصلاحات کر کے نئی مثال قائم کی ہے،کرپٹ عناصر کی وجہ سے وطن عزیز آگے بڑھنے کی بجائے پیچھے گیا،

وزیراعلیٰ پنجاب کی حرم نبوی کے امام سے ملاقات، روضہ رسول پر حاضری

”کشمیر بنے گا پاکستان” کا نعرہ جلد حقیقت بننے والا ہے۔ چودھری پرویز الہیٰ کا یوم دفاع پر پیغام

سپیکر پنجاب اسمبلی چودھری پرویزالٰہی کا ملتان کے صحا فیوں کے لیے ایک اور بڑا قدم

لاہور ہائیکورٹ میں تھانوں میں موبائل پرباپندی کےخلاف درخواست پرسماعت نہ ہو سکی

باغی ٹی وی کی رپورٹ کے مطابق جسٹس مامون رشید کی اسلام آباد اجلاس میں شرکت کے باعث سماعت بغیر کارروائی کے ملتوی کر دی گئی،عدالت نے درخواست گزار کو تصاویری ثبوت کیس کا حصہ بنانے کی ہدایت کررکھی ہے

گزشتہ سماعت پر لاہور ہائیکورٹ میں تھانوں میں موبائل فون پر پابندی کے حوالہ سے درخواست کی سماعت ہوئی ،جسٹس مامون الرشید شیخ نے درخواست پر سماعت کی ،درخواست گزارنے کہا کہ پولیس نے تھانوں میں موبائل فون پرپابندی لگا رکھی  ہے،عدالت کےحکم پرمختلف تھانوں کی تصاویرلے آئےہیں ،عدالت نے استفسار کیا کہ یہ کس کس تھانےکی تصاویرہیں ؟  درخواست گزار نے بتایا کہ یہ تصاویرتھانہ ہربنس پورہ لاہور، بھیرہ،راولپنڈی کی ہیں،تھانوں میں ایس ایچ او کےتحریری حکم آویزاں ہیں،

عدالت نے حکم دیا کہ تصاویری ثبوت کو کیس کا حصہ بنایا جائے، عدالت نے تصاویرکودرخواست کیساتھ منسلک کرکے 24ستمبرکو پیش کرنے کا حکم دیتے ہوئے سماعت ملتوی کر دی

گریڈ ایک سے سولہ کے ملازمین موبائل دفتر نہیں لا سکتے، پابندی لگ گئی

درخواست گزار نے عدالت سے درخواست میں استدعا کہ کہ ہائیکورٹ میں موبائل فون پرپابندی نہیں ،تھانوں میں کیوں؟موبائل فونزکے بجائے تھانے پیسےلے جانے پرپابندی لگائی جائے

آئی جی موبائل فون کی بجائے بٹوہ تھانے لے جانے پر پابندی لگاتے،سینیٹ کی قائمہ کمیٹی برہم

پولیس تشدد روکنے کی بجائے آئی جی پنجاب کا انوکھا حکم نامہ، سمارٹ فون پر لگائی پابندی

دوسری جانب پنجاب پولیس کے ترجمان نایاب حیدر نے کہا ہے کہ موبائل فون سے کام متاثر ہوتا ہے اس لئے تھانوں میں موبائل کے استعمال پر پابندی لگائی .

باغی ٹی وی کی رپورٹ کے مطابق عوام سے بدسلوکی،تشدد کے واقعات سامنے آنے کے بعد محکمہ پولیس کی نئی منطق سامنے آئی،پولیس رویے میں تبدیلی کے بجائےموبائل فون پرپابندی لگادی گئی ، پنجاب کے تھانوں میں موبائل فون لے جانے پرپابندی عائد کر دی گئی،

موبائل فون کی دکان پر پی ٹی اے سے لائسنس کی تجویز

شناختی کارڈز،موبائل سم اوربینک اکاونٹ کیلیے بائیو میٹرک کی شرط ختم

سائلین،میڈیا،پولیس ملازمین تھانےموبائل فون نہیں لے جاسکتے ،تھانےمیں آنیوالوں کےموبائل فون گیٹ پرجمع ہوں گے ،ایس پی،ایس ایچ او،محرورکوفون استعمال کرنے کی کھلی چھوٹ ہو گی ، اس ضمن میں اے آئی جی آپریشنز نےمراسلہ جاری کردیا ہے

دوسری جانب ترجمان پولیس نایاب حیدرکا کہنا ہے کہ موبائل فون سےکام متاثرہوتا ہے .