Category: لاہور

پانی زندگی ہے،کسان ڈیم توڑنے کو تیار ہیں،پاکستان کو بنجر نہیں بننے دیں گے،رہنماؤں کا اعلان

بھارتی آبی جارحیت کیخلاف مرکزی کسان لیگ نے اتوار 4 مئی کو مال روڈ لاہور پر احتجاج کا اعلان کر دیا، مرکزی کسان لیگ کے چیئرمین ذوالفقار علی اولکھ کا کہنا تھا کہ مودی نے سندھ طاس معاہدہ معطل کر کے پاکستان پر جنگ مسلط کر دی، پاکستان کے کسان دفاع وطن کے لئے جنگ لڑنے کو تیار ہیں،وطن عزیز کے چپے چپے کی حفاظت کریں گے، اتوار چار مئی کو مال روڈ پر کسان مارچ میں ہزار وں کسان شریک ہو کر افواج پاکستان کے شانہ بشانہ کھڑے رہنے کا اعلان کریں گے،

ان خیالات کا اظہار مرکزی کسان لیگ کے چیئرمین ذوالفقار علی اولکھ ،صدر محمد اشفاق ورک، پاکستان مرکزی مسلم لیگ لاہور کے سیکرٹری جنرل مزمل اقبال ہاشمی، مرکزی کسان بورڈ کے رہنما چوہدری اختر فاروق میو، ترجمان مرکزی مسلم لیگ تابش قیوم نے لاہور پریس کلب میں مشترکہ پریس کانفرنس کرتے ہوئے کیا.

ذوالفقار علی اولکھ کا کہنا تھا کہ پہلگام ڈرامے کے بعد مودی نے سب سے پہلا وار کسانوں پر کیا، سندھ طاس معاہدہ توڑنے کی بات کی گئی،پانی زندگی ہے، مودی نے کسان کی گردن پر وار کیا، اب پاکستان کے کسان ایک ہو چکے، پاکستانی زمینوں کو بنجر نہیں ہونے دیں گے، بھارت انسانیت دشمنی پر اتر چکا ہے،مرکزی کسان لیگ بھارتی آبی جارحیت کیخلاف چار مئی اتوار کو مال روڈ لاہور پر عظیم الشان کسان مارچ کا انعقاد کرے گی ، ہزاروں کسان مارچ میں شریک ہو کر مودی سرکار کو پیغام دیں گے کہ پانی کے تحفظ، وطن کے دفاع کے لئے پاکستان کا کسان افواج پاکستان کے شانہ بشانہ کھڑا ہے، ضرورت پڑی تو ہزاروں کسان ٹریکٹر لے کر واہگہ عبور کر کے بھارتی ڈیموں کو توڑ‌آئیں گے.

صدرمرکزی کسان لیگ اشفاق ورک کا کہنا تھا کہ بھارتی آبی جارحیت کیخلاف پاکستانی کسان متحد ہیں، حکومت اعلان کرے، پاکستان کے کسان واہگہ عبور کر کے ڈیم توڑنے کو تیار ہیں،پاکستان کو آباد کریں گے،زراعت کو آباد کریں گے، ہر پاکستانی بھارت کے خلاف جان قربان کو تیار ہے،

مرکزی مسلم لیگ لاہور کے سیکرٹری جنرل مزمل اقبال ہاشمی،کسان بورڈ پاکستان کے رہنما چوہدری اختر فاروق میو، مرکزی مسلم لیگ کے ترجمان تابش قیوم کا کہنا تھا کہ ہم اپنی نسلوں کو بچانے کے لیے نکلیں گے،مسئلہ صرف کسان کا نہیں پوری قوم کا ہے،اتوار 4 مئی کو 3 بجے مال روڈ پر کسانوں کے ساتھ پاکستانی عوام بھی جمع ہو گی،بھارت کو بھر پور پیغام دیا جائے گا، دشمن اگر جنگ چاہتا ہے تو ہم ہزار سال لڑنے کے لیے تیار ہیں ،سندھ طاس معاہدہ غلط تھا اسکے باوجود پاکستان نے قبول کیا

لاہور – شہر کے معروف تعلیمی ادارے کنیئرڈ کالج فار ویمن میں ایک افسوسناک واقعہ پیش آیا ہے، جہاں کمپیوٹر سائنس کی 21 سالہ طالبہ بالکونی سے گر کر جاں بحق ہوگئی۔ یہ واقعہ ادارے کی دوسری منزل پر پیش آیا، جس کے بعد کالج میں خوف و ہراس پھیل گیا۔

ریسکیو 1122 کے مطابق، اطلاع ملتے ہی امدادی ٹیمیں فوری طور پر جائے وقوعہ پر پہنچیں اور زخمی طالبہ کو اسپتال منتقل کرنے کی کوشش کی گئی، مگر وہ زخموں کی تاب نہ لاتے ہوئے دم توڑ گئی۔پولیس ذرائع کا کہنا ہے کہ ابتدائی تحقیقات کے مطابق طالبہ کو اچانک چکر آ گئے تھے جس کی وجہ سے وہ توازن برقرار نہ رکھ سکی اور بالکونی سے نیچے جا گری۔ متوفیہ کی شناخت ظاہر نہیں کی گئی، تاہم یہ تصدیق ہوئی ہے کہ وہ کمپیوٹر سائنس کی طالبہ تھی اور کچھ عرصے سے بیماری کا شکار تھی۔اہل خانہ کے مطابق، لڑکی کو اکثر دورے پڑتے تھے اور وہ علاج کے مراحل سے گزر رہی تھی۔ ان کا مزید کہنا تھا کہ وہ اس واقعے کو ایک حادثہ تصور کرتے ہیں اور کسی قسم کی قانونی کارروائی نہیں چاہتے۔

پولیس نے واقعے کی نوعیت کو مدنظر رکھتے ہوئے کیس کو "حادثاتی موت” قرار دیا ہے، تاہم ضابطے کی کارروائی مکمل کی جا رہی ہے۔

چیئرمین پی ٹی آئی بیرسٹر گوہر علی نے کہا ہے کہ ہم کہتے ہیں کہ ہم سب اکٹھے ہو کر بھارت کے خلاف جنگ لڑیں۔

راولپنڈی میں میڈیا سے گفتگو کرتے ہوئے بیرسٹر گوہر کا کہنا تھا کہ بھارت کے لیے پاکستانی فضائی حدود بند کرنا بہترین اقدام ہے، ہم نے نیشنل سیکیورٹی کونسل کے اعلامیے کی حمایت کی ہے، بھارت کے اقدامات کے مقابلے میں پاکستان نے جو بھی فیصلے کیے ہم حمایت کرتے ہیں،بانی پی ٹی آئی عمران خان سے ملاقات کرانے سے روکنا بالکل نامناسب ہے، ہائی کورٹ نے بانی پی ٹی آئی سے ملاقات کروانے کا حکم دیا تھا۔

بیرسٹر گوہر علی خان کا مزید کہنا تھا کہ 3 رکنی لارجر بینچ نے حکم دیا لیکن ایک عدالتی حکم پر عمل نہیں ہوا، آپ ایسے وقت میں ایک مقبول لیڈر سے ملاقات نہیں کرنے دے رہے، یہ بہت بڑی بدقسمتی اور عدالتی حکم کی کھلم کھلا خلاف ورزی ہے،چیف جسٹس سے درخواست کی کہ اپنے حکم پر عمل کرائیں۔

:صو با ئی دارالحکومت  لا ہور سے حج فلائٹ آپریشن 2025 کا  آغاز ہو گیا،  لاہور سے حج کی پہلی پرواز ائیر سیال پی ایف 7700  ،150 عازمین  کو لے کرساڑھے 8 بجے مدینہ منورہ روانہ ہو گئی۔صوبا ئی وزیر صحت خواجہ سلمان رفیق نے عازمین حج کو رخصت کیا۔ اس مو قع پر ڈائریکٹرحج محمد رضوان شریف،بریگیڈیئر سکندر اینٹی نارکوٹکس فورس  اور سول ایویشن کے اعلی حکام بھی مو جود تھے۔

حجاج کرام کی روانگی کے حوالے سے ایک پر وقارالوداعی تقریب کا بھی انعقاد کیا گیا۔ صوبائی وزیر خواجہ سلمان رفیق نے تقریب سے خطا ب کر تے ہو ئے کہا کہ میں پنجاب حکومت کی نمائندگی کر رہا ہوں ، وزیراعلی پنجاب مریم نواز شریف نے میری یہ ذمہ داری لگائی ہے،میں خوش نصیب ہوں کہ آپ سب کو سفر مقدس پر روانگی کے لئے الوادع کہنے آیا ہوں ۔ انہوں نے کہا کہ حج کے دوران دعائوں میں پاکستان کو لازمی یاد رکھیے گا،سعودی عرب کے قوانین سخت ہیں ، ہمیں قوانین کی پابندی کرنی ہے ۔ انہوں نے کہا کہ حج ایک مقدس فریضہ ہے،آپ قسمت والے لوگ ہیں  جنہیں اللہ نے اپنے گھر بلایا ہے ،اللہ پاک ہمارے ملک کو سلامت رکھے۔ ڈائریکٹر حج سینٹرل پنجاب محمد رضوان شریف  نے اپنے خطاب میں کہا کہ آج ہم اللہ کے مہمانوں کو مقدس سفر پر روانہ کر رہے ہیں،عازمین حج کو تمام سہولیات فراہم کی جا رہی ہیں ۔ آپ کی سہولت کے لیے بہترین انتظامات کئے گئے ہیں ،تربیتی پروگرامز کے ذریعے عازمین حج کو ٹریننگ دی گئی ،آپ کو تمام سہولتیں وہاں میسر ہوں گی ۔بریگیڈیئر سکندر اینٹی نارکوٹکس فورس نے کہا کہ اللہ نے آپ کو اس مقدس فریضے کے  لئے چنا ہے ،آپ سب آج ایک بہت مقدس سفر پر روانہ ہو رہے ہیں،ہمارا کام حجاج کرام کو با عزت طریقہ سے یہاں سے روانہ کرنا ہے ،ہمارا کام آپ کو سہولت فراہم کرنا ہے۔ انہو ں نے کہا کہ حکومت پاکستان ، سول ایویشن ، اینٹی نارکوٹکس سب کی کوشش ہے  کہ حجاج کرام کو مکمل تربیت فراہم کرکے روانہ کریں۔ہماری سب سے گزارش ہے، کہ اپنے ارد گرد لوگوں پر دھیان دیں،کسی اجنبی پر یقین نہ کریں ، کسی سے کوئی سامان نہ لیں ۔آپ کی سہولت کے لیے کاونٹرز قائم ہیں، آپ ذمہ داری کا ثبوت دیں۔

لاہور:مال روڈ پر رات گئے گرینڈ ہیلتھ الائنس دھرنے کے شرکا پر پولیس کا ایکشن سامنے آیا ہے

پولیس کی بھاری نفری نے لیڈیز پولیس کے ساتھ رات گئے مال روڈ پر آپریشن کلین اپ کردیا ،مال روڈ پر دھرنا دینے والے مردوں اور خواتین کو حراست میں لے لیا گیا ،آپریشن میں پولیس کی بھاری نفری نے حصہ لیا،3 پریزن وین بھی بلوائی گئیں ،مال روڈ پر آپریشن کرکے مظاہرین کے زیر استعمال کافی حصے کو خالی کرا لیا گیا،پولیس کی جانب سے مال روڈ پر گرینڈ ہیلتھ الائنس کے شرکا کی جانب سے لگائے گئے ٹینٹ بھی اکھاڑ دئیے گئے،رات گئے پولیس نے آپریشن کرکے مال روڈ کو کلیئر کردیا،گرینڈ ہیلتھ الائنس نے دعویٰ کیا ہے کہ پولیس نے ہمارے 52 سے زائد خواتین اور 25 سے زائد مرد حضرات کو گرفتار کیا ہے ،گرینڈ ہیلتھ الائنس کی جانب سے آج پورے پنجاب میں احتجاج کی کال بھی دی گئی ہیں

رکشہ ڈرائیورز کی بڑی تعداد نے شرکت کی، پاک فوج سے اظہار یکجتی
ملی رکشہ یونین پنجاب کے زیر اہتمام ریلوے اسٹیشن پر بھارتی جارحیت کے خلاف اور پاک فوج کے ساتھ یکجہتی کے لیے احتجاجی مظاہرہ ہوا۔ احتجاج میں رکشہ ڈرائیورز کی ایک بڑی تعداد نے بھرپور شرکت کی۔ رکشہ ڈرائیورز نے پاکستان زندہ باد، پاک فوج زندہ باد، مودی کا جو یار ہے غدار ہے غدار ہے کے نعرے لگائے۔ مظاہرین نے بھارتی وزیراعظم نریندر مودی کے خلاف شدید نعرے لگاتے ہوئے بھارتی حکومت کی جارحانہ پالیسیوں کی شدید الفاظ میں مذمت کی۔ اس موقع پر مظاہرین نے بھارتی وزیراعظم مودی کا پتلا بھی نذر آتش کیا۔

ملی رکشہ یونین پنجاب کے صدر، رانا شمشاد نے مظاہرین سے خطاب کرتے ہوئے کہا کہ پاکستان کا بچہ بچہ اپنے وطن کی حرمت پر کٹ مرنے کے لیے تیار ہے۔ بھارتی جارحیت کا ہر سطح پر بھرپور جواب دیا جائے گا۔ ہم پاک فوج کے شانہ بشانہ کھڑے ہیں اور ہر محاذ پر اپنی افواج کا بھرپور ساتھ دیں گے۔انہوں نے کہا کہ پوری قوم متحد ہے اور دشمن کی ہر سازش کو ناکام بنانے کے لیے سیسہ پلائی دیوار بن چکی ہے۔ شرکاءنے اس عزم کا اظہار کیا کہ وطن عزیز کی حفاظت کے لیے کسی قربانی سے دریغ نہیں کیا جائے ۔

بھارت میں پاکستانی یوٹیوب چینلز کی بندش،ترجمان مرکزی مسلم لیگ کی مذمت

مرکزی مسلم لیگ کا ڈیجیٹل روز گار پروگرام "صلاحیت بڑھاؤ،اپنا کماؤ” کی رجسٹریشن جاری،دو دن باقی