Category: لاہور

لاہور کے داخلی راستے بابو صابو ناکے پر موبائلز سکواڈ نے ایک بڑی کارروائی کرتے ہوئے پبلک ٹرانسپورٹ میں سفر کرنے والے ایک مشتبہ جوڑے کو حراست میں لے لیا۔ ابتدائی تحقیقات میں انکشاف ہوا ہے کہ گرفتار ہونے والی لڑکی اپنے آشنا کے ساتھ مل کر میانوالی میں اپنے ہی گھر میں چوری کی واردات میں ملوث ہے۔

ڈی ایس پی موبائلز مبشر اعوان کے مطابق ناکے پر تعینات اہلکاروں نے جوڑے کو مشکوک حرکات کے باعث روکا اور چیکنگ کے دوران ان کے قبضے سے تین تولہ سونے کے زیورات اور چھ لاکھ روپے نقدی برآمد ہوئی۔ترجمان پولیس کا کہنا ہے کہ گرفتار لڑکی مصباح اور اس کا آشنا شہزاد، دونوں میانوالی کے رہائشی ہیں اور ان کے خلاف تھانہ موسیٰ خیل میانوالی میں مقدمہ درج ہے۔ دونوں ملزمان کو مزید تفتیش کے لیے تھانہ شیراکوٹ کے حوالے کر دیا گیا ہے۔ڈی ایس پی مبشر اعوان نے بروقت کارروائی کی اطلاع میانوالی پولیس کو فراہم کر دی ہے تاکہ مزید قانونی کارروائی عمل میں لائی جا سکے۔

ایس پی موبائلز ارسلان زاہد نے بتایا کہ شہر میں قائم ناکہ جات پر سکیورٹی سخت کر دی گئی ہے اور ای پولیس ایپ کے ذریعے مجرمان کی فوری شناخت کا عمل جاری ہے تاکہ جرائم پیشہ عناصر کے گرد گھیرا مزید تنگ کیا جا سکے۔

عوام سے اپیل کی گئی ہے کہ وہ مشکوک افراد یا سرگرمیوں کی فوری اطلاع قریبی پولیس اسٹیشن یا ہیلپ لائن پر دیں۔

خواتین،اوورسیز سمیت ایک لاکھ رجسٹریشن مکمل،خالدمسعود سندھو کی زیر صدارت اجلاس میں بریفنگ

پاکستان مرکزی مسلم لیگ کا "صلاحیت بڑھاؤ،اپنا کماؤ” پروگرام یکم مئی سے شروع ہو گا ،تیاریاں و انتظامات مکمل کر لئے گئے ہیں. ملک بھر میں آن لائن ڈیجیٹل کورس کروائے جائیں گے،یکم مئی سے دس مئی تک روزانہ رات نو بجے سے 11 بجے تک کلاسز ہوں گی. حاضری یقینی بنانے والے شرکا کو سرٹفکیٹ دیئے جائیں گے، "صلاحیت بڑھاؤ،اپنا کماؤ” پروگرام میں اب تک ایک لاکھ شہری ملک بھر سے رجسٹریشن کروا چکے ہیں.

ان خیالات کا اظہار مرکزی مسلم لیگ کے صدر خالد مسعود سندھو نے ایک اجلاس کے دوران بات چیت کرتے ہوئے کیا، اجلاس میں ڈیجیٹل روزگار پروگرام صلاحیت بڑھاؤ،اپنا کماؤ کی تیاریوں کے حوالہ سے جائزہ لیا گیا، اجلاس میں ترجمان مرکزی مسلم لیگ تابش قیوم، ملک وقاص سعید، زمان سیف، خنیس الرحمان و دیگر نے شرکت کی.اجلاس کے دوران بریفنگ میں بتایا گیا کہ ڈیجیٹل روزگار پروگرام کے سلسلہ میں ملک بھر میں ہزاروں کلاس رومز بنائے جا رہے ہیں ،خواتین کی بڑی تعداد نے بھی صلاحیت بڑھاؤ اپنا کماؤ پروگرام میں رجسٹریشن کروائی ہے،ایک لاکھ سے زائد رجسٹریشن ہو چکی ہے جبکہ فری کلاسز میں ملک بھر میں لاکھوں نوجوان ڈیجیٹل روزگار پروگرام کی کلاسز میں شریک ہوں گے. بیرون ملک مقیم پاکستانیوں نے بھی رجسٹریشن کروائی ہے.اجلاس میں دوران بریفنگ بتایا گیا کہ دس روزہ ڈیجیٹل روزگار پروگرام میں ای کامرس کیا ہے اور کیسے کام کرتی ہے؟،پراڈکٹ ریسرچ اینڈ سورسنگ،شاپیفائی پر آنلائن سٹور کیسے بنایا اور چلایا جاتا ہے؟،ڈیجیٹل مارکیٹنگ،آرڈر مینیجمنٹ اینڈ پارسلز ڈیلیوری سسٹم وغیرہ پڑھایا جائے گا

اس موقع پر خالد مسعود سندھو کا کہنا تھا کہ مرکزی مسلم لیگ کا صلاحیت بڑھاؤ ،اپنا کماؤ ڈیجیٹل روز گار پروگرام پاکستانی نوجوانوں میں حقیقی تبدیلی،انقلاب لائے گا، وطن عزیز میں مایوسیاں، انتشار کی سیاست کرنے کا دور ختم ہو چکا ہے، مرکزی مسلم لیگ نوجوانوں کو ہنر مند بنائے گی، دفاع وطن کے لئے افواج پاکستا ن کے شانہ بشانہ کھڑا کرے گی.

لاہور ہائیکورٹ ،زیر حراست ملزمان کے انٹرویوز پر توہین عدالت کی درخواست پر سماعت ہوئی

اینکرز حماد اسلم اور تہمینہ شیخ عدالت کے نوٹس پر عدالت کے روبرو پیش ہوئے ،عدالت نے اینکر تہمینہ شیخ، اینکر حماد اسلم اور ایس پی اے وی ایل ایس کو نوٹس جاری کرتے ہوئے جواب طلب کر رکھا تھا ،عدالت نے اینکر تہمینہ شیخ سے استفسار کیا کہ کیا آپ جواب لے کر آئے ہیں۔ تہمینہ شیخ نے کہا کہ ایڈیٹنگ کا الگ سے ڈیپارٹمنٹ ہوتا ہے ،عدالت نے کہا کہ آپ کا یہ پرائیویٹ چینل ہے، نجی چینل نے آپ کو اون نہیں کیا، اس خاتون کو ایکسیس دیتا کون ہے ،

عدالت نےیو ٹیوب کی ویڈیوز کے تھمنیل پر اظہار برہمی کیا اور کہا کہ انہیں آپ تھانوں میں جانے کیوں دیتے ہیں ،کیا دنیا میں کہیں بھی میڈیا کو ملزمان پر ایکسیس دی ہے ،کیا عدالتی آرڈر کے بعد ویڈیوز اپلوڈ کی گئی ہیں، عدالت نے وشال شاکر سے استفسار کیا کہ یہ بتائیں صرف ان دو کو کیوں ٹارگٹ کیا، وکیل درخواست گزار نے کہا کہ رات کو بھی انہوں نے اپلوڈنگ کی ہے،عدالت نے کہا کہ کیا آرڈر کے بعد ویڈیوز اپلوڈ کی گئی ہیں،عدالت کے حکم پر ویڈیوز کا لنک عدالت میں چلایا گیا ،عدالت نے کہا کہ جو تھمنیل بنا رہا ہے یہ اں کی ٹیم کا حصہ ہے ، تہمینہ شیخ نے کہا کہ سر یہ دو سال پرانا پروگرام ہے، پرانے پروگرام کو کٹ کر کے اپلوڈ کئے گئے ہیں،عدالت نے استفسار کیا کہ حماد کیا آپ نے آرڈر کے بعد ویڈیوز بنائی ،آپ تو اچھے جرنلسٹ ہو یہ کس کام میں پڑ گئے ہو, عدالت نے دونوں اینکرز کو جواب جمع کروانے کی ہدایت کی،دونوں اینکرز نے عدالت میں اپنا جواب جمع کروایا،جسٹس علی ضیا باجوہ نے ایڈوکیٹ وشال شاکر کی درخواست پر سماعت کی

درخواست میں ڈی آئی جی انوسٹیگیشن لاہور سمیت نجی ٹی وی کے اینکرز کو فریقین بنایا گیا ہے،درخواست میں کہا گیا ہے کہ ایس پی اے وی ایل ایس ٹی وی پر بیٹھ کر انٹرویو میں ملزمان سے تفتیش کر رہا ہے،عدالت ڈی آئی جی انوسٹیگیشن سمیت دیگر کے خلاف توہین عدالت کی کارروائی شروع کرے،