Category: لاہور

لاہور۔(اے پی پی)لاہور ہائیکورٹ نے سیشن جج اختر بہادر خان کو سپیشل جج کسٹم کورٹ راولپنڈی تعینات کردیا۔چیف جسٹس لاہور ہائیکورٹ کی منظوری کے بعد رجسٹرار نے نوٹیفیکیشن جاری کر دیا۔جس کے مطابق اختر بہادر خان کو تین سال کے لیے تعینات کیا گیا ہے۔جج اختر بہادر خان کو 23 ستمبر تک چارج سنبھالنے کی ہدایت کی گئی ہے۔

اینٹی کرپشن اسٹیبلشمنٹ پنجاب نےایک سال کی کارکردگی رپورٹ جاری کردی،

باغی ٹی وی کی رپورٹ کے مطابق اینٹی کرپشن پنجاب نے اگست 2019 تک ایک سال میں 108 ارب روپے کی ریکوری کی، اینٹی کرپشن نےاگست 2019میں ایک ارب63کروڑروپےکی ڈائریکٹ ریکوری کی، اینٹی کرپشن نےایک سال میں تقریباً103ارب43کروڑکی لینڈریکوری کی، اینٹی کرپشن پنجاب کو26ہزار588شکایات موصول ہوئیں،21ہزار656شکایات کاازالہ کیاگیا، اینٹی کرپشن نےایک ہزار19چالان، 280 چھاپوں کے دوران ایک ہزار 821 افراد کو گرفتار کیا،

اینٹی کرپشن نےایک سال کےدوران40عدالتی مفروروں اور257اشتہاریوں کوگرفتارکیا

لاہور۔(اے پی پی)صوبائی وزیر ہاؤسنگ میاں محمود الرشید نے کہا ہے کہ مولانافضل الرحمن کا لاک ڈاؤن ناکام ہو گا کیونکہ وہ اور ان کی سیاست الگ تھلگ ہو گئی ہے، مولانا فضل الرحمن اپنے حلقے میں ہار گئے اور کے پی کے میں دو تہائی اکثریت سے پی ٹی آئی اکثریت میں آئی، مولانا فضل الرحمن اپنی بچی کچی سیاست کو بچانے کیلئے ہاتھ پاؤں مار رہے ہیں،حکومت لاک ڈاؤن سمیت ہر طرح کی صورتحال سے نمٹنے کیلئے تیار ہے۔ان خیالات کا اظہار انہوں نے شجر کاری مہم کے تحت علامہ اقبال ٹاؤن لاہور میں پودا لگانے کے موقع پر کیا۔ انہوں نے کہا کہ وزیر اعظم پاکستان کی کلین گرین کی مہم کے سلسلے میں ملک میں کروڑوں درخت لگائے جارہے ہیں جس میں ہر مکتبہ فکر کے لوگ بھرپور شرکت کررہے ہیں اور اس مہم کے تحت اگلے دو سے تین سالوں میں ماحولیاتی تبدیلی ضرور آئے گی۔ اس موقع پر ڈائریکٹر پی ایچ اے جاوید حامد، ڈپٹی ڈائریکٹر ظہیر الحسن‘ وی سی پی ایچ اے حافظ ذیشان رشید،چیئرمین سنابل الخیر حافظ شفیق نے بھی پودے لگائے۔ انہوں نے کہا کہ شجر کاری مہم کے تحت علامہ اقبال ٹاؤن میں تین ہزار پودے لگائے جائیں گے۔صوبائی وزیر ہاؤسنگ نے کہا کہ شجر کاری مہم کو فروغ دینے کے لیے پرائیویٹ سیکٹرز بھی حکومت کے شانہ بشانہ کھڑے ہیں اور جمعیتہ سنابل الخیر کی جانب سے علامہ اقبال ٹاؤن میں شجرکاری مہم کا آغاز اس سلسلہ کی کڑی ہے۔ انہوں نے کہا کہ ہر دو ماہ بعد شوشہ چھوڑا جاتاہے کہ عثمان بزدار کو تبدیل کیاجارہاہے، عمران خان نے دو ٹوک کہہ دیا عثمان بزدار کہیں نہیں جارہے ہم سب مل کر کام کریں گے، اب عثمان بزدار کی تبدیلی کے پروپیگنڈے کو دم توڑ دینا چاہئے جن لوگوں پر کیسز ہیں ان کے خلاف قانون حرکت میں آرہا ہے‘ نیب سمیت تمام اداروں کو آزاد کر دیا ہے ان پر کسی قسم کا دباؤ نہیں، کرپشن کرنے والوں کو گرفتار کیاجائیگا۔انہوں نے کہا کہ عبد العلیم خان اور سبطین خان بھی گرفتار ہوئے حالانکہ یہ دونوں حکومت کا حصہ ہیں۔ انہوں نے کہا کہ پروڈکشن آرڈر کا جاری ہونا ہر اسمبلی اجلاس میں ضروری نہیں ہے،پروڈکشن آرڈر کاماضی میں اور اب بھی غیر ضروری استعمال کیاگیا۔

لاہور۔(اے پی پی) شہنشاہ قوالی و موسیقار حاجی مقبول احمد صابری کی 8 ویں برسی ہفتہ کے روز منائی گئی۔ صوفیانہ کلام کے ذریعے دنیا بھر میں شہرت کمانے والے غلام فرید صابری کے چھوٹے بھائی حاجی مقبول صابری (مرحوم) المعروف چاند میاں وارثی کی 8 ویں برسی کے موقع پرانکے صاحبزادے شمائل مقبول صابری قوال نے اپنی رہائش گاہ پر ان کے ایصال ثواب کیلئے قرآن خوانی کا اہتمام کیا۔

پیپلز پارٹی کے مرکزی رہنما قمر الزمان کائرہ نے کہا ہے کہ خورشیدشاہ پر500ارب روپےکاکیس ڈالا گیاہے،

باغی ٹی وی کی رپورٹ کے مطابق لاہور میں پریس کانفرنس سے خطاب کرتے ہوئے انہوں نے کہاکہ خورشیدشاہ پر جائیداد کی کہانی فرضی ہے، کرپشن بہانہ اورسندھ حکومت نشانہ ہے، میڈیا کی آزادی کے حق میں ہیں، پشاورمیں کیس نہیں بنتےنہ ہی لوگ پکڑےجاتےہیں، اپوزیشن کی قیادت کو ٹارگٹ کیاجارہاہے، اپوزیشن کوگرفتارکرکےکیاپیغام دیاجارہاہے؟ کیا پنجاب میں کرپشن کے کیسز نہیں؟ سندھ حکومت کو گرانا آسان نہیں،

قمر الزمان کائرہ نے کہاکہ مرادعلی شاہ کوگرفتارکیاگیاتووہ جیل میں بھی وزیراعلیٰ سندھ رہیں گے،

گورنرپنجاب چوہدری سرورکی وزیراعلیٰ پنجاب سردارعثمان بزدارسےملاقات ہوئی ہے،

باغی ٹی وی کی رپورٹ کے مطابق ملاقات میں ترقیاتی منصوبوں اورچونیاں واقعہ پرپیش رفت کےحوالےسے تبادلہ خیال کیا گیا، اس موقع پر گفتگو کرتے ہوئے وزیراعلیٰ پنجاب نے کہاکہ مشتبہ افرادکےڈی این اےٹیسٹ فرانزک سائنس ایجنسی میں کروائےجارہےہیں، اپنے بچوں کومحفوظ مستقبل دینےکےلئےہرطرح کےوسائل فراہم کریں گے، ایسےواقعات کی روک تھام کےلئےموثرقانون سازی کی جائےگی، کیس میں متاثرہ خاندانوں کوانصاف دلانےکےلئےآخری حدتک جائیں گے، مقدمےمیں انسداددہشت گردی کی دفعہ شامل کردی گئی ہے، ملزم قانون کی گرفت سےنہیں بچ پائیں گے،

سردار عثمان بزدار نے کہاکہ پنجاب حکومت مقتول بچوں کےغمزدہ خاندانوں کوہرممکن سپورٹ فراہم کرےگی، وزیراعلیٰ اورگورنر پنجاب کی طرف سے مقبوضہ کشمیرمیں انسانی حقوق کی خلاف ورزیوں کی شدیدمذمت کی گئی،

ڈپٹی کمشنر لاہور صالحہ سعید کوان کے عہدے سے ہٹا دیا گیا ہے۔ وزیراعلیٰ پنجاب نے ڈپٹی کمشنر لاہور کو ہٹانے کی منظوری دے دی ۔

ڈینگی آگیا، ڈینگی چھاگیا، پوراملک ڈینگی کی زد میں، دوا کے ساتھ اب دعا کی بھی ضرورت ، اللہ کے لشکروں میں سے ایک لشکر

ذرائع کے مطابق ڈپٹی کمشنر لاہور ڈینگی کو کنٹرول کرنے میں ناکام رہیں۔ واضح رہے کہ ڈپٹی کمشنر راولپنڈی علی رندھاوا کو بھی ڈینگی کی وجہ سے تبدیل کیا گیا تھا۔

یاد رہے کہ مچھر سے پھیلنے والا جان لیوا مرض ڈینگی بے قابو ہوتا دکھائی دے رہا ہے۔ افوسناک امر ہے کہ ملک کی سب سے بڑی صوبائی حکومت سمیت شہری انتظامیہ کی جانب سے تاحال ہنگامی بنیادوں پر وہ اقدامات اٹھتے دکھائی نہیں دے رہے ہیں جس کے حالات متقاضی ہیں۔ ناکافی اقدامات کے باعث ہر گزرتا دن مریضوں کی تعداد میں اضافے کا سبب بن رہا ہے۔

وزیراعظم عمران خان کی مشیر برائے اطلاعات فردوس عاشق اعوان نے کہا ہے کہ مودی کو گجرات کا قصائی کہا جاتا ہے ۔ امریکی صدر ٹرمپ کو انسانیت کے قاتل مودی سے اجتناب کرنا چاہیے۔

وزیراعظم نے ملک کو دیوالیہ ہونے سے بچایا ،فردوس عاشق اعوان

وزیراعظم عمران خان کے دورہ امریکہ کے حوالے سے مشیر اطلاعات نے کہا کہ وزیراعظم کادورہ امریکاخصوصی اہمیت کاحامل ہے۔ وزیراعظم مختلف ممالک کے سربراہوں سے ملاقات کریں گے ۔ وزیراعظم امریکی صدرسے ملاقات بھی کریں گے۔ وزیراعظم جنرل اسمبلی میں عالمی ضمیرکوجھنجھوڑیں گے۔ وزیراعظم پاکستان کامثبت تشخص دنیا کے سامنے اجاگر کریں گے۔

وزیراعظم کے دورہ سعو دیہ کے متعلق گفتگو کرتے ہوئے فردوس عاشق اعوان کا کہنا تھا کہ وزیراعظم نے سعودی قیادت کومقبوضہ کشمیرکی صورتحال سے آگاہ کیا۔ وزیراعظم نے سعودی آئل تنصیبات پرحملے کی مذمت کی۔وزیراعظم کی ملاقاتوں کا محورمسئلہ کشمیر رہا۔

فردوس عاشق اعوان نے مزید کہا کہ مقبوضہ کشمیرمیں انسانی حقوق کی پامالی جاری ہے۔ جب تک بھارت مقبوضہ کشمیرسے محاصرہ ختم نہیں کرتا مذاکرات نہیں ہوسکتے۔

انہوں نے مزید کہا کہ مودی نے عمران خان کے واشنگٹن جلسے کی نقل کرنے کی کوشش کی لیکن مودی کا جلسہ کامیاب نہیں ہو گا۔سلامتی کونسل کارکن بننے کابھارتی خواب کبھی پورانہیں ہوگا۔