چونیاں: وزیراعلیٰچونیاں پہنچ گئے ، پولیس کارکردگی صفر ، ملزم کی نشاندہی کے لیے 50 لاکھ کا انعام مقرر کردیا ، وزیراعلیٰ پنجاب سردار عثمان بزدار نے کہا ہے کہ چونیاں میں بچوں کیساتھ بدفعلی اور قتل میں ملوث افراد کو جلد کیفر کردار تک پہنچایا جائے گا۔وزیراعلیٰ پنجاب نے متاثرہ خاندانوں سے ملاقات کی اور واقعے کے حوالے سے اعلیٰ حکام سے بریفنگ بھی لی۔
چھانگا مانگا میںمنعقدہ اجلاس ہوا۔وزیراعلی کو کیس پر ہونے والی پیشرفت سے آگاہ کیا گیا اور جے آئی ٹی کی تحقیقات سے بھی اپ ڈیٹ کیا گیا۔ اس موقع پر سردار عثمان بزدار نے ہدایات جاری کیں کہ مقتول بچوں کے ملزمان کو جلد سے جلد قانون کی گرفت میں لایا جائے۔ جن درندوں نے ہمارے پھول مسلے ہیں، وہ عبرتناک سزا کے حقدار ہیں۔
چونیاں واقعے سے متعلق وزیراعلیٰ پنجاب کا کہنا تھا کہ آئی جی کو ہدایت کی ہے جو افسر فارغ ہو رہے ہیں، ان کی پوسٹنگ دوبارہ نہیں ہوگی اور اس کیس میں کسی قسم کا دباؤ اور کوتاہی قبول نہیں کی جائے گی۔ ہم جو ایکشن لیں گے وہ سب کو نظر آئے گا۔کب نظر آئے گا یہ نہیںبتایا
ذرائع کےمطابق میڈیا سے گفتگو میں ان کا کہنا تھا کہ آج چونیاں میں اظہار افسوس کیلئے حاضر ہوا ہوں۔ واقعے میں ملوث افراد کیخلاف کارروائی ہو رہی ہے، انھیں جلد کیفر کردار تک پہنچائیں گے۔ انہوں نے ملزموں کی اطلاع دینے والے کو 50 لاکھ روپے کا انعام دینے کا اعلان کرتے ہوئے کہا کہ اس کا نام صیغہ راز میں رکھا جائے گا۔
وزیراعلیٰنے قصور میں بچوں کی حفاظت کو یقینی بنانے کے لیے قصور کے اندر چائلڈ پروٹیکشن سیل بنانے کا بھی حکم دیا ہے جبکہ چونیاں کو ہم سیف سٹی کے ساتھ منسلک کر رہے ہیں تاکہ مستقبل میں اس قسم کے واقعات کی روک تھام کیلئے مدد مل سکے۔
