Category: لاہور

انٹرنیشنل ہیومن رائٹس موومنٹ کے مرکزی وصوبائی عہدیداران نے کہا ہے کہ بھارت انسانیت اورانسانی حقوق کاباغی ہے۔بھارت میں مسلمانوں سمیت کسی اقلیت کوانتہاپسندہندوﺅں کے شر سے پناہ نہیں ملتی۔ہندوگائے ،بندراورسانپ سمیت مختلف جانوروں کی پوجاجبکہ انسانوں بالخصوص مسلمانوں کاقتل عام کرتے ہیں۔عہدحاضر میں انتہاپسندہندوﺅں سے بڑاکوئی دہشت گرد نہیں ہے۔اگراقوام متحدہ متعصب نہیں تو اپنے چارٹر کی پاسداری نہ کرنیوالے بھارت سمیت دوغلے ممبرز کونکال باہرکرے ۔معتوب ومغلوب کشمیریوں کوبندوق کی نوک پریرغمال بنانا اورانہیں مذہبی رسومات ادانہ کرنے دینا ناقابل فہم اورناقابل برداشت ہے۔جموں وکشمیر میں مسلسل کرفیو نے کشمیریوں کوخوراک،ادویات اورپانی سمیت بنیادی ضروریات زندگی سے محروم کردیا ۔بھارت کے اندر سے با شعور ہندو بھی کشمیریوں کے حق میں آوازیں اٹھارہے ہیں، مودی سرکار کی طرف سے آرٹیکل370پرشب خون کوبھارتی سپریم کورٹ میں چیلنج کردیا گیا ہے ،اگروہاں عدلیہ آزاد ہوئی تو یقینامودی کوخفت اٹھاناپڑے گی ۔

باغی ٹی وی کی رپورٹ کے مطابق انٹرنیشنل ہیومن رائٹس موومنٹ کے مرکزی صدر محمدناصراقبال خان ،مرکزی سیکرٹری جنرل محمدرضایڈووکیٹ ،مرکزی چیف آرگنائزراشفاق احمدکھرل ایڈووکیٹ سپریم کورٹ،مرکزی سینئر نائب صدورتنویرخان، مخدوم وسیم قریشی ایڈووکیٹ ،میاں محمداشرف عاصمی ایڈووکیٹ،مرکزی ایڈیشنل سیکرٹری جنرل سلطان حسن بٹ ،مرکزی نائب صدر ممتازاعوان ، صدرپنجاب محمدیونس ملک،صدرشیخوپورہ عمران حیدر،نوشادحمید،کامران رفیق،ملک شکیل اعوان ،چوہدری غلام حسین ، مرزاشعیب حمید ایڈووکیٹ ،چوہدری اصغر شریف ایڈوووکیٹ ،رضوان احمد خان ایڈووکیٹ اورمحمدعلی سمیت مختلف مقررین نے لاہورہائیکورٹ چوک میں معتوب ومغلوب کشمیریوں کے حق میں جبکہ متعصب بھارت کی بدترین بربریت کیخلاف پرامن احتجاجی مظاہرے سے خطاب کر رہے تھے .

۔مظاہرین نے اپنے ہاتھوں میں بینرز اورسٹیمرز اٹھائے ہوئے تھے ۔بینرز اورسٹیمرز پر کشمیریوں سے اظہاریکجہتی جبکہ بھارتی انسانیت سوز ظلم وستم سے اظہار نفرت اور مذمت کیلئے نعرے درج تھے ۔مقررین نے مزید کہا کہ دنیا بھرمیں مسلمانوں کوتختہ مشق بنایاجارہا ہے ،اس ظلم وبربریت پراقوام متحدہ کی مسلسل خاموشی نے اس کے وجودکوسوالیہ نشان بنادیا ہے۔ مقتدرقوتوں کی طرف سے بھارت کی مذمت اورسکیورٹی کونسل کے ممبرز کااظہارتشویش کافی نہیں ،جس طرح اسلامی ملکوں میں نقب لگاکرمسیحی ملک بنائے گئے اس طرح بھارت کاجموں وکشمیر پرغاصبانہ قبضہ ختم کیاجائے ۔انہوں نے کہا کہ اگردنیا نے دوہرامعیارترک نہ کیا توانسانیت کواس کی بھاری قیمت چکاناپڑے گی ۔دنیا میں امن ایک خواب بن کررہ جائے گا،دنیا دوایٹمی ملکوں کے درمیان تصادم کی متحمل نہیں ہوسکتی۔

نیب نے چوھدری شوگر ملز کیس میں شہباز شریف کو طلب کر لیا، شہباز شریف کو نیب نے ہدایت کی ہے کہ وہ 23 اگست کو پیش ہوں اور تمام دستاویزات اور ریکارڈ ہمراہ لائیں

باغی ٹی وی کی رپورٹ کے مطابق نیب نے مسلم لیگ ن کے صدر شہباز شریف کو ایک بار پھر طلب کر لیا، شہباز شریف کو 23 اگست کو طلب کیا گیا ہے، شہباز شریف سے چودھری شوگر ملز کیس کی تحقیقات کی جائیں گی.نیب کی جانب سے ہدایت کی گئی ہے کہ وہ تمام دستاویزات اور ریکارڈ کے ساتھ تفتیشی ٹیم کے سامنے پیش ہوں ۔

نیب نے چوہدری شوگر ملز کیس میں مریم نواز اورسابق وزیراعظم نواز شریف کے بھتیجے عباس شریف کو گرفتار کیا تھا ، جس کے بعد احتساب عدالت نے گرفتار مریم نواز اور عباس شریف کو 21 اگست تک جسمانی ریمانڈ پر نیب کے حوالے کردیا تھا۔ نیب پراسیکیوٹر نے عدالت میں بتایا تھا کہ 2008 میں مریم نواز کے نام پر11 ملین کے شیئر تھے، مریم نوازچوہدری شوگرملزکی ڈائریکٹرہیں، مریم نوازکے84لاکھ روپے کے شیئر تھے، جو بڑھ کر 41 کروڑ ہوگئے

دوسری جانب نیب نے شہباز شریف کے بیٹے حمزہ شہباز کو بھی چوھدری شوگر ملز کیس میں شامل تفتیش کر لیا ہے اور دستاویزات مانگ لی ہیں، نیب نے حمزہ شہباز کے خلاف تحقیقات کا آغاز کر دیا ہے.

نیب میں حمزہ شہباز کیخلاف رمضان شوگر مل، منی لانڈرنگ اور آمدن سے زائد اثاثہ جات کیس کی انکوائری ہو رہی ہے، حمزہ شہباز کی آئندہ پیشی پر نیب اپنی رپورٹ احتساب عدالت میں جمع کرائے گا۔

کشمیری رہنما یاسین ملک کی اہلیہ نے خطاب کرتے ہوئے کہا کہ بھارت خطے کو ایٹمی جنگ کی طرف لے جارہا ہے.

باغی ٹی وی رپورٹ کے مطابق حریت رہنما یاسین ملک کی اہلیہ مشال ملک نے لاہور چیمبر آف کامرس میں تقریب سے خطاب کرنے ہوئے کہا ہے کہ بھارت اس خطے کو ایٹمی جنگ کی طرف لے جارہا ہے،بھارت مقبوضہ کشمیر میں سفاکانہ اقدامات کر رہا ہے،بھارت اس وقت کشمیر کے اندر وہ کچھ کر رہا ہے جس کا مہذب معاشرے میں تصور بھی نہیں‌کیا جاسکتا. کشمیری عوام اس وقت بنیادی سہولیات سے بالکل محروم ہیں.انہوں نے کہا کہ مسلسل کرفیو اور ناکہ بندی کی وجہ سےوادی کے اندر زندگی بالکل مفلوج ہو کر رہ گئی ہے.بھارت اب اس حد تک چلا گیا ہے جہاں سے آگے صرف خود کشی اور موت ہے.بین الاقوامی برادری کو کشمیریوں کی

لاہور پریس کلب اور لاہور رنرزگروپ کے زیراہتمام مقبوضہ کشمیر میں بھارتی جارحیت کے خلاف اور مظلوم کشمیری عوام سے اظہاریکجہتی کے لئے ریس کورس پارک سے لاہورپریس کلب شملہ پہاڑی تک ” یکجہتی دوڑ ” کا انعقادکیاگیا۔

باغی ٹی وی کی رپورٹ کے مطابق دوڑ کی قیادت پاکستان ریلوے سپورٹس بورڈ کے نائب صدرعمران نذیراور ڈویژنل سپرنٹنڈنٹ ریلوے حنیف گل نے کی۔ یکجہتی دوڑ میں طلبہ ، کھلاڑی، صحافی، وکلائ، اکاﺅنٹس اور دیگر شعبوں کے نمائندوںنے شرکت کی۔ شرکاءنے کشمیربنے گا پاکستان، پاکستان زندہ باد، نریندرمودی مردہ باد، فاشزم مردہ باد کے نعرے لگائے اور کشمیرکا پرچم لہراکراظہاریکجہتی کیا۔

اس موقع پر لاہور پریس کلب کے قائم مقام صدر ذوالفقارعلی مہتو نے ” یکجہتی دوڑ ” کے شرکاءکو لاہور پریس کلب آمد پر خوش آمدید کہا۔ انھوںنے ریلی کے شرکاءسے خطاب کرتے ہوئے کہاکہ کشمیر پاکستان کی شہ رگ ہے، ہندوستان اور اس کے حواری کسی بھول میں ہیں کہ وہ بزورطاقت کشمیر پرغاصبانہ قبضہ کرلیں گے،ہم پاکستانی حکومت ،فوج اور عوام کے ساتھ مل کر کھڑے ہیں اور کسی صورت غاصب انڈیاکومن مانی کرنے نہیں دیں گے، پاکستان کی فوج آخری گولی اور آخری فوجی تک اور پاکستانی عوام خون کے آخری قطرے تک حق کے لئے لڑیں گے اور ملک کے صحافی اس جنگ کا ہراول دستہ ہوںگے۔

ریلی میں پاکستان ریلویزسپورٹس بورڈ کے نائب صدرہمدان نذیر، ڈی ایس ریلوے لاہور رنزگروپ محمد حنیف،گل کے علاوہ علی سعید، اسحاق نبی، ملک عظمت عباس، عبدالصمد خان، عبدالرحمن، سعد، احسن، ظہیر بشیر، سعد سلطان، محمد وقاص یونس، علی عثمان، امتنان یونس، محمد عثمان ودیگر افراد نے بڑی تعداد میں شریک تھے۔اس موقع پر پاکستان ریلویزسپورٹس بورڈکے نائب صدرہمدان نذیر اورڈی ایس حنیف گل نے خطاب کرتے ہوئے کہاکہ ہم سول سوسائٹی کی نمائندگی کرتے ہوئے بھارت پرواضح کردیناچاہتے ہیںکہ دنیابھرمیں پاکستان سے تعلق رکھنے والے تمام مکاتب فکر اس بات پر متفق ہیں کہ کشمیر ہرطرح سے پاکستان کا اٹوٹ انگ ہے چاہے وہ جغرافیائی طورپرہویا نظریاتی طورپر اور اس حقیقت سے دنیاکی کوئی طاقت انکار نہیں کرسکتی، مقبوضہ کشمیر میں جس طرح انسانی حقوق کی دھجیاں بکھیری جارہی ہیں اس پردنیاکو فی الفورنوٹس لیناچاہیے ورنہ یہاں بھڑکنے والی آگ ساری دنیا کو نگل لے گی۔ انھوںنے مزیدکہاکہ کئی دہائیوںسے اس پر بہت باتیں ہوچکی ہیں اب عمل کا وقت ہے اور ہم واشگاف الفاظ میں ہندوستان کو بتادیناچاہتے ہیں کہ وہ جس فورم پر بھی عملی طورپرہمارے مقابلے پر آئے گا ہم اسے منہ توڑ جواب دیں گے۔

انھوں نے کہاکہ اگلے مرحلے میں لاہور پریس کلب سے واہگہ بارڈرتک نریندرمودی حکومت کے خلاف اور کشمیری عوام سے یکجہتی کے لئے” یکجہتی دوڑ ” منعقدکی جائے گی۔ لاہورپریس کلب کی جانب سے ” یکجہتی دوڑ ” کے شرکاءکی تواضع چائے سے کی گئی۔

جماعت اسلامی کے امیر سراج الحق نے اعلان کیا ہے کہ مقبوضہ کشمیر کی صورتحال پر جماعت اسلامی اپنے اگلے لائحہ عمل کا اعلان 25 اگست کو کرے گی، ٹرمپ کا کشمیر پر ثالثی کا بیان ایک سازش تھی ہمیں امریکہ اور اقوام متحدہ سے زیادہ امیدیں وابستہ نہیں کرنی چاہیں،

باغی ٹی وی کی رپورٹ کے مطابق سراج الحق نے اتوار کو پنجاب کے ضلع نارووال میں ایک مقامی ہال میں کنونشن سے خطاب کرتے ہوئے کہا کہ آج انڈیا نے کشمیر کو جیل خانہ بنا رکھا ہے۔ سری نگر ظلم و جبر کا نیا کربلا ہے ،انڈیا کی فائرنگ اور بزدلانہ حملوں سے ہماری مائیں بہنیں اور بچیاں ، مساجد میں نمازی اور طالب علم تک محفوظ نہیں،وہ پکار رہے ہیں کہ ہمیں موت قبول ہے لیکن غلامی کی زندگی قبول نہیں، کشمیر کا ہر بچہ آزادی کے لیئے کٹ مرنے کو تیار ہے،

سراج الحق کا مزید کہنا تھا کہ انڈیا کا وزیر دفاع کہتا ہے کہ ہمارے پاس ایٹم بم موجود ہے لیکن جب ہم آگے بڑھے تو اسے ایٹم بم چلانے کا موقع نہیں ملے گا،مودی کی آواز اور اس کے ہتھکنڈے ختم ہو جائیں گے۔

سراج الحق نے موجودہ حکومت کو بھی تنقید کا نشانہ بنایا اور کہا کہ حکومت نے ایک سال کے 365دنوں میں 365غلطیاں کی اور یو ٹرن لیے ،اسکی ترقی کا پہہ مخالف سمت چلتا رہا، قوم کو مایوسیوں اور یو ٹرن کے علاوہ کچھ نہ مل سکا ،روپیہ کاغذ کا ٹکرا بن کر رہ گیا ایک کروڑ نوکریاں ملنے کی بجائے مزید پانچ لاکھ لوگ بے روزگار ہو گئے، 25اگست کو پشاور میں اپنے اگلے لائحہ عمل کا اعلان کرے گی۔

سراج الحق کا مزید کہنا تھا کہ بھارتی ایٹم بم سےزیادہ طاقتورہمارے 22کروڑعوام ہیں، شہداکی قربانیوں سےکشمیرآزادہوگا، اب تک کوئی ایسااسلحہ نہیں بناجو ایمان کوکمزورکرے، کشمیریوں کی جدوجہد آزادی جلد کامیابی سے ہمکنار ہو گی

وزیرمملکت ماحولیاتی تبدیلی زرتاج گل نے پلانٹ فار پاکستان کی تقریب سے خطاب کرتے ہوئے کہا ہے کہ پاکستان کی مٹی سونا اگلتی ہے اور قدرتی حسن سے مالامال ہے ۔ ہم نے اس ملک کی قدر نہیں کی ہماری زراعت کی پیداوار کی صلاحیت کم ہو گئی ہے۔
رنگ گورا کرنے کیلئے کاسمیٹکس کا استعمال کیسا ہے؟ زرتاج گل نے کیا اہم انکشاف
انہوں نے کہا کہ بلوچستان میں قحط سالی ہے پانی کی سطح مزید نیچے چلی گئی ہے ۔ سابق وزیر اعلی ٹوپی پہن کر سیلاب میں سلیفیاں کھنچواتے رہے اس سے تبدیلی نہیں آئی۔

انہوں نے مزید کہا کہ پاکستان موسمی تبدیلیوں سے متاثرہونےوالے ممالک میں شامل ہے۔ موسمی تبدیلیوں کے مضراثرات سے نمٹنے کیلئے سب کو کردار ادا کرنا ہو گا۔

پاکستان میں خطرہ ہے چاروں موسم ختم ہو رہے ہیں کوئی اقدامات نہ کئے تو اگلے پینتیس سال میں بہار اور خزاں کاموسم ختم ہو جائے گا ۔

وزیرمملکت نے کہا کہ چھتیس لوگ کراچی میں سیلاب اور بارش کی نذر ہو گئے ، ہیٹ ویو سے تین ہزار لوگ کراچی میں جاں بحق ہوئے کیونکہ اندھا دھند کالونیز بنائی گئیں۔کراچی میں بارہ ہزار ٹن گند ہوتا ہے۔ گند ہم پھینکیں تو ترکی کی کمپنی کیوں اٹھائے ۔

زرتاج گل نے کہا کہ سیلاب کےلئے سیون پوائنٹ ایٹ بلین بجٹ رکھا ہے۔چھانگا مانگا میں زمین کو واگزار کروا کر ہریالی لگائی ۔پاکستان میں پرندے نایاب ہو چکے ہیں بے دریغ جو ان نایاب پرندوں کا قتل کرتے ہیں ان پر پابندی لگائی جائے۔

انہوں نے وزیراعلی پنجاب سے اپیل کی کہ کے پی کی طرح پنجاب میں پولی تھین بیگ فری بنائیں۔