سیشن کورٹ لاہورنے رانا ثنااللہ کو جیل میں گھر کا کھانا دینے کی درخواست پر فیصلہ سنا دیا

رانا ثناء اللہ نے منشیات سمگلنگ سے کتنی پراپرٹی بنائی؟ رپورٹ جاری

باغی ٹی وی کی رپورٹ کے مطابق عدالت نےانسٹیٹیوٹ آف کارڈیالوجی کے ایم ایس کو رانا ثنااللہ کا میڈیکل کرنے کا حکم دے دیا ،عدالت نے حکم دیا کہ ہسپتال کا ایم ایس رانا ثناء اللہ کا میڈیکل معائنہ کرکے رپورٹ جمع کروائے کہ رانا ثنااللہ کو گھر کا پرہیزی کھانا دینے کی ضرورت ہے یا نہیں ،عدالت نے حکم دیا کہ ایک ہفتے میں رپورٹ جمع کروائی جائے.

رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

ڈیوٹی سیشن جج لاہور امجد علی شاہ نے رانا ثنااللہ کی درخواست پر فیصلہ سنایا

جیل حکام کی جانب سے عدالت میں کہا گیا تھا کہ رانا ثناء اللہ کو بہترین کھانا دیا جا رہا ہے، رانا ثناء اللہ کا جیل میں روزانہ چیک اپ ہوتا ہے اور اسی بنیاد پر کھانا دیا جاتا ہے، جیل حکام نے اپنی رپورٹ میں یہ بھی کہا کہ رانا کی طبیعت بالکل ٹھیک ہے. رانا ثناء اللہ کے وکیل فرہاد علی شاہ نے عدالت میں موقف اپنایا تھا کہ رانا ثناء اللہ کی صحت ٹھیک نہیں اس لئے انہیں گھر کا کھانا جیل میں دینے کی اجازت دی جائے،.عدالت نے وکیل کو متعلقہ فورم پر رجوع کرنے کا حکم دیتے ہوئے کہا کہ اس ضمن میں جیل حکام سے رابطہ کیا جائے.

وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر

واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسر ہیں ،رانا ثنااللہ کو منشیات فروشوں کے مخصوص سیل میں رکھا گیا ہے ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .

رانا ثناء اللہ کے پروڈکشن آرڈر کا ایک بار پھر مطالبہ آ گیا

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی

وزیراعلیٰ پنجاب سردار عثمان بزدار نے کہا ہے کہ وزیراعظم عمران خان نے اپنے خطاب میں کشمیریوں کا مقدمہ جرات،بہادری اور مدلل انداز میں پیش کیا ہے،

باغی ٹی وی کی رپورٹ کے مطابق وزیراعظم عمران خان نے دنیا کے سامنے مسئلہ کشمیر کی حقیقت بیان کی ہے، وزیراعلی نے کہاکہ وزیراعظم عمران خان نے معصوم کشمیریوں کی ترجمانی کا حق ادا کیا ہے، مودی سرکارکی مکاری اور عیاری دنیا کے سامنے بے نقاب ہو چکی ہے، انہوں نے کہاکہ مسئلہ کشمیر پر عمران خان کاجرات مندانہ موقف بھارت کو جھکنے پر مجبور کردے گا،

انہوں نے کہاکہ وزیر اعظم عمران خان ہی واحد لیڈر ہیں جو مسئلہ کشمیر کے حل کی فہم و فراست رکھتے ہیں، وزیراعلیٰ نے کہاکہ کشمیری عوام کو کبھی تنہا نہیں چھوڑیں گے، جمعہ کے روز کشمیری عوام کے ساتھ بھرپور یکجہتی کا اظہار کریں گے، قوم کشمیریوں کیلئے جو ق درجوق باہر نکلے گی،

لاہور کے تھانہ باٹاپورکے علاقہ میں 35 سالا نوجوان کو پیٹرول چھڑک کر آگ لگانے کا واقعہ پیش آیا ہے،

باغی ٹی وی کی رپورٹ‌ کے مطابق جس نوجوان کو آگ لگائی گئی وہ سرگودھا کا رہائشی ہے، نعیم نامی یہ نوجوان کام کی غرض سےلاہورآیا، متاثرہ نوجوان کا کہنا ہے کہ وہ نجی ہاؤسنگ سوسایٹی میں سیکیورٹی گارڈکی نوکری کررہاتھا، نوکری کی نوعیت پسند نہ آئی تومالکان سےگھرواپس جانےکاکہا، مالکان نےگھرجانےسےمنع کیااورپٹرول چھڑک کرآگ لگادی،

متاثرہ شخص کا کہنا ہے کہ اس دوران کوئی بھی شخص بچانےنہ آیابلکہ وڈیوبناتےرہے، وہاں سےجان بچاکر بھاگا اورخود ہی سیدھا سروسز ہسپتال آیاجہاں اسے علاج معالجہ کی سہولیات فراہم کی جارہی ہیں،

وزیراعلیٰ پنجاب سردار عثمان بزدار سے آج تمام مکاتب فکر کے جید علمائے کرام و مشائخ عظام نے ملاقات کی ہے، محکمہ اوقاف و مذہبی امور اتحاد بین المسلمین کمیٹی پنجاب کے زیر اہتمام 90 شاہراہ قائداعظم پر ہونے والی ملاقات میں کشمیر کی صورتحال، محرم الحرام میں اتحاد و یگانگت اور مذہبی ہم آہنگی کے فروغ کیلئے اقدامات پر تفصیلی بات چیت ہوئی،

باغی ٹی وی کی رپورٹ کے مطابق وزیراعلیٰ خود فرداً فرداً علمائے کرام و مشائخ عظام کی نشستوں پر گئے اور ان سے مصافحہ کیا، وزیراعلیٰ کی زیر صدرت علمائے کرام و مشائخ عظام کے اجلاس میں بھارت کی جانب سے مقبوضہ کشمیر کی خصوصی حیثیت تبدیل کرنے اور کشمیری عوام پر ظلم و ستم کی شدید مذمت کی گئی اورنہتے کشمیری بہن بھائیوں سے مکمل یکجہتی کا اظہارکیاگیا، اجلاس میں مقبوضہ کشمیر میں بھارتی فائرنگ سے شہید ہونے والے کشمیریوں کو خراج عقیدت پیش کیا گیاجبکہ دفاع وطن کی خاطر اپنی قیمتی جانوں کا نذرانہ پیش کرنے والے پاک فوج کے بہادر افسروں اور جوانوں کی عظیم قربانیوں کو زبردست الفاظ میں خراج عقیدت پیش کیا گیا، اجلاس میں شہداء کے درجات کی بلندی اور کشمیری عوام کی بھارتی تسلط سے آزادی کیلئے خصوصی دعا کی گئی۔صوبائی وزیر اوقاف پیر سید سعیدالحسن شاہ نے دعا کرائی، اجلاس کے دوران علمائے کرام و مشائخ عظام نے امن و امان کی فضا برقرار رکھنے اور اتحاد و اتفاق کیلئے ہر ممکن تعاون کی یقین دہانی کرائی،

وزیراعلیٰ پنجاب نے علمائے کرام و مشائخ عظام سے گفتگو کرتے ہوئے کہا کہ علمائے کرام اور مشائخ عظام کا احترام ہماری روایات کا حصہ ہے، علمائے کرام کے فیوض و برکات کی وجہ سے پاکستان میں دہشت گردی اور انتہا پسندی جیسی مشکل صورتحال پر قابو پانا ممکن ہوا، ملک قوم کے اتحاد و یکجہتی کے لئے خدمات سرانجام دینے والے جیدعلمائے کرام کو سلام پیش کرتا ہوں۔علمائے کرام نے ملک و قوم کی خاطر ہمیشہ اپنی خدمات پیش کیں اور مشکل وقت کو ٹالنے میں اپنا بھرپور حصہ ڈالا۔پاکستان کی یکجہتی،سلامتی اور استحکام میں علمائے کرام کا کردار ہماری ملکی تاریخ کا روشن باب ہے۔علمائے کرام اور مشائخ عظام نے فرقہ وارانہ عصبیت سے پاک اسلامی اور فلاحی معاشرے کے قیام کیلئے قابل تحسین کردار ادا کیاہے اور محرم الحرام کے دوران تمام مکاتب فکر کے علمائے مذہبی رواداری کا مظاہرہ کرتے ہیں،

انہوں نے کہاکہ اتحاد و یگانگت کی فضا قائم کرنے کیلئے حکومت کے ساتھ علمائے کرام کی مشترکہ کوششیں ان کی عظمت کا منہ بولتا ثبوت ہے۔ انہوں نے کہا کہ سرحدی صورتحال کے پیش نظر سماج دشمن عناصر داخلی امن وامان کے درپے ہیں۔ دہشت گردی کا مسئلہ پاک فوج، پولیس اور دیگر قانون نافذ کرنے والے اداروں کی کاوشوں سے بہت حد تک کم کیاجاچکا ہے لیکن موجودہ صورتحال کے تناظر میں دہشت گردی کے خدشے کو یکسر مستردنہیں کیاجاسکتا۔حکومت پنجاب صورتحال کی احساسیت کے حوالے سے ان امو رپر خصوصی توجہ دے رہی ہے اورحکومت اس ضمن میں علمائے کرام اور مشائخ عظام کی مشاورت کو انتہائی قدر کی نگاہ سے دیکھتی ہے۔ مجھے یقین ہے کہ ہمارے جید علمائے کرام ماضی کی طرح آج بھی قوم کو مایوس نہیں کریں گے،

وزیراعلیٰ نے کہا کہ مودی سرکار کے ہاتھ مقبوضہ کشمیر کے بے گناہ شہریوں کے خون سے رنگے ہوئے ہیں۔کشمیریوں کی قربانیوں سے صبح آزادی طلوع ہونے کا وقت قریب ہے۔بھارت نے کشمیر کی تسلیم شدہ متنازع حیثیت کو ختم کرکے عالمی برادری کو ڈھٹائی کا پیغام دیاہے۔سرحدی صورتحال تناؤ کی کیفیت سے گزر رہی ہے اور ہمیں متحد ہو کر دشمن کی مکاری کا مقابلہ کرنا ہے۔ حکومت پنجاب علمائے کرام،مشائخ عظام او رمدارس کے طلباء کی دینی خدمات کو قدر کی نگاہ سے دیکھتی ہے۔ علمائے کرام وطلبہ کی فلاح و بہبود کے لئے تمام ممکنہ اقدامات کرنے کیلئے حکومت سرگرم عمل ہے۔ ہم علمائے کرام اور دینی مدارس کے طلبہ کے لئے بھی صحت انصاف کارڈ سکیم شروع کررہے ہیں۔ علمائے کرام اور طلبہ اپنا بلکہ اہل خانہ کا معیاری نجی ہسپتالوں سے مفت علاج کراسکیں گے۔ وزیراعظم عمران خان کی قیادت میں پاکستان تحریک انصاف کی حکومت مدارس اور مدارس سے وابستہ سٹیک ہولڈرز کی فلاح و بہبود کیلئے ایسے تاریخی اقدامات کرے گی جن کی ماضی میں مثال نہیں ملتی۔اس موقع پر صوبائی وزیر قانون راجہ بشارت نے گفتگو کرتے ہوئے کہا کہ علمائے کرام کے مطالبات پر عملدرآمد کیا جائے گا۔ پنجاب حکومت علمائے کرام کیلئے آسانیاں پیدا کرے گی۔ دشمن کے ناپاک عزائم مل کر ناکام بنائیں گے۔صوبائی وزیر اوقاف پیر سید سعیدالحسن شاہ نے کہا کہ وزیراعلیٰ عثمان بزدار نے محرم الحرام میں مذہبی ہم آہنگی کے فروغ کیلئے خصوصی اقدامات کئے ہیں اور امید ہے کہ محرم الحرام کے دوران امن و امان کی فضا برقرار رہے گی۔اتحاد بین المسلمین کمیٹی پنجاب کا اجلاس ہر تین ماہ بعد ہوگا،

وزیراعلیٰ سے ملاقا ت کرنے والوں میں متحدہ علمائے بورڈ کے سربراہ مولانا طاہر محمود اشرفی، حافظ فضل الرحیم اشرفی، مولانا ڈاکٹر حسین اکبر، مولانا ضیاء الحق نقشبندی،مولانا ڈاکٹر محمد سبطین اکبر، مولانا زبیر احمد، پیر سید محمد عثمان نوری،مولانا عبدالخبیر آزاد، پیر سید حبیب الحق شاہ، خواجہ قطب الدین فریدی،، ڈاکٹر علامہ محب النبی طاہر، صاحبزادہ سید محمد ضیاء محی الدین گیلانی، مولانا فیض رسول، مولانا مفتی محمد رمضان سیالوی، مولانا محمد اقبال رضوی، مولانا ظفراللہ شفیق، مولانا مفتی محمد اسحاق ساقی، مولانا غلام مصطفی ثاقب، علامہ محمد رشید ترابی، علامہ محمد افضل حیدری، مولانا شفیق احمد پسروری، مولانا عبدالرحمن لدھیانوی، مولانا محمد نعیم بٹ، مولانا محمد یوسف انور، مولانا عبدالوہاب روپڑی اور دیگر علمائے کرام و مشائخ عظام شامل تھے۔صوبائی وزراء محمد بشارت راجہ، پیر سید سعیدالحسن شاہ، محمد ہاشم ڈوگر، عنصر مجید خان نیازی، چیف سیکرٹری، انسپکٹر جنرل پولیس، ایڈیشنل چیف سیکرٹری داخلہ،پرنسپل سیکرٹری وزیراعلیٰ، سیکرٹریز اوقاف، اطلاعات، سپیشل مانیٹرنگ یونٹ کے سربراہ اور متعلقہ حکام بھی اس موقع پر موجود تھے۔

مولانا فضل الرحمان کی جانب سے اکتوبر میں اسلام آباد کے گھیراؤ کا اعلان کرنے کے بعد شہباز شریف کی کمر درد ٹھیک ہو گئی، شہباز شریف نے پارلیمانی پارٹی کا اجلاس طلب کر لیا،کشمیریوں کے حق میں بھی بیان دے دیا

باغی ٹی وی کی رپورٹ کے مطابق مولانا فضل الرحمان نے اعلان کیا ہے کہ اکتوبر میں حکومت کے خلاف اسلام آباد کا گھیراؤ کریں گے تا ہم تاریخ کا فیصلہ رہبر کمیٹی کرے گی، مولانا کے اعلان کے بعد کمر درد میں مبتلا شہباز شریف صحتیاب ہو گئے،شہباز شریف نے پارلیمانی پارٹی کا اجلاس بھی طلب کر لیا جس میں حکومت کے خلاف دھرنے کے حوالہ سے مشاورت کی جائے گی.

قائد حزب اختلاف شہبازشریف نے مقبوضہ جموں وکشمیر میں مظالم کی شدید مذمت کی ہے، شہباز شریف نے کہا ہے کہ مقبوضہ کشمیر کے نہتےعوام مودی کےنازی ازم کےتحت گھروں میں قید ہیں ،مودی حکومت اتنی خوفزدہ ہےکہ کشمیریوں کےنماز پڑھنے پر بھی پابندی ہے ،مقبوضہ کشمیرمیں جاری ظلم تاریخ کے سیاہ ترین ادوار کی بربریت کو پیچھے چھوڑ گیا ہے،

شہباز شریف کا کہنا تھا کہ کشمیریوں سےعہدہے،ان پرظلم کی وجہ بننےوالےایک دن کٹہرےمیں ہونگے ،مقبوضہ کشمیر کےعوام کو دیوارسے لگانے کےخطرناک نتائج برآمد ہوں گے،نہتے کشمیریوں کے قتل عام کے نتیجے میں کئی برہان مظفروانی پیدا ہوں گے ،مقبوضہ کشمیرمیں اخبارات وجرائدپرپابندیوں نےبھارتی جمہوریت کومحض ڈھونگ ثابت کردیاہے،مقبوضہ کشمیراوربھارت میں اقلیتوں ،نہتوں ،بےگناہوں پرظلم کرنیوالےایک دن کٹہرےمیں ہونگے ،ظلم،نفرت،تشدد کےنتیجےمیں بھارتی جنونی ٹولےکیخلاف دنیابھرمیں نفرت کی آگ پھیل رہی ہے،

واضح رہے کہ شہباز شریف کمر درد کی وجہ سے عدالت میں بھی پیش نہیں ہوئے تھے، نیب نے بھی شہباز شریف کو طلب کر رکھا تھا شہباز شریف نیب میں بھی پیش نہیں ہوئے تھے

پنجاب کے صوبائی وزیر اطلاعات میاں اسلم اقبال نے کہا ہے کہ مودی کو ایوارڈ دینے پر مایوسی ہوئی ہے، اسلامی ممالک کو ایک ہونا چاہیے ،

کشمیرکی آزادی کا سورج جلد طلوع ہوگا. صوبائی وزیر اطلاعات پنجاب

باغی ٹی وی کی رپورٹ کے مطابق لاہور میں میڈیا سے گفتگو کرتے ہوئے میاں اسلم اقبال نے کہا کہ مودی نے آر ایس ایس کے ذریعے کشمیر میں مسلمانوں کا قتل عام شروع کیا ہے،کشمیر صرف پاکستان کا مسئلہ نہیں پوری امت مسلمہ کا مسئلہ ہے ،بدقسمتی سے امت مسلمہ کے درمیان اتحاد کا فقدان ہے .ملک کی خارجہ پالیسی ناکام نہیں ہوئی،ہر ملک کا اپنا معاملہ ہوتا ہے

وزیراعظم عمران خان کشمیر بارے قوم سے کریں گے آج خطاب

میاں اسلم اقبال کا مزید کہنا تھا کہ اپوزیشن مسئلہ کشمیر پر بھی سیاست چمکانے سے باز نہیں آئی، بلاول بھٹو کو کشمیر پر بیان بازی سے پہلے حقائق جان لینے چاہئیں۔ کشمیر کو اقوام متحدہ میں اٹھانے کا کریڈٹ بھی موجودہ حکومت کو جاتا ہے،

بھارت نے جنگ مسلط کی تو نئی دہلی میں جاکر ختم کریں گے، فردوس عاشق اعوان

صوبائی وزیر نے مزید کہا کہ ان شا ءاللہ جلد ہی پنجاب حکومت کی ایک سال کی کارکردگی پر تفصیلی پریس کانفرنس کروں گا،وزیراعلیٰ کی اجازت سے کوئی بھی وزیر اپنی کارکردگی کے حوالے سے پریس کانفرنس کر سکتا ہے ،

ثابت ہوگیا بھارت دنیا سے حقائق چھپا رہا ہے، شاہ محمود قریشی

جج ارشد ملک کی مبینہ ویڈیو اسکینڈل معاملہ،لاہور ہائی کورٹ کی انتظامی کمیٹی کا اجلاس شروع ہو گیا

جج ارشد ملک ویڈیو سیکنڈل، لاہور ہائیکورٹ میں ہو گا آج اہم اجلاس

باغی ٹی وی کی رپورٹ کے مطابق اجلاس کی صدارت چیف جسٹس لاہور ہائی کورٹ سردار محمد شمیم کر رہے ہیں ،اجلاس میں جج ارشد ملک کے ویڈیواسکینڈل کا جائزہ لیا جارہاہے ،جسٹس مامون الرشید، جسٹس قاسم خان، جسٹس مظاہرعلی اکبر، جسٹس امین الدین، جسٹس امیر بھٹی اور جسٹس شہزاد احمد بھی اجلاس میں شریک ہیں.

جج ارشد ملک ویڈیو کیس، مریم نواز نے ایف آئی اے کو کیا جواب دیا؟ جان کر ہوں حیران

واضح رہے کہ احتساب عدالت کے سابق جج ارشد ملک کی ویڈیو کے حوالہ سے دائر درخواستوں کے فیصلے میں کہا ہے کہ متعلقہ ویڈیو اور اس کے اثرات سے متعلق یہ موقع نہیں کہ عدالت مداخلت کرے ،جج ارشد ملک ویڈیواسکینڈل کیس کافیصلہ 15 پیراپرمشتمل ہے ،

فیصلہ میں کہا گیا ہے کہ ویڈیو سے متعلق فوجداری اپیل اسلام آباد ہائی کورٹ میں زیرسماعت ہے،ایف آئی اے پہلے ہی اس کیس کی تحقیقات کررہی ہے ،بالخصوص متعلقہ ویڈیو کاتعلق اسلام آباد میں زیر التوا اپیل سے ہے.

دوران سماعت چیف جسٹس نے کہا تھا کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،

واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی.