Category: لاہور

لاہور : گڈ گورننس یا سستی کا مظاہرہ پنجاب حکومت کو وفاق سے 13 میگا پراجیکٹس پر تاحال کلیئرنس نہ مل سکی، شہر سمیت صوبہ بھر کے 62 ارب روپے کے منصوبوں پر منظوری التواء کا شکار ہے۔ پنجاب حکومت ذرائع کے مطابق شہر میں سیوریج کے سب سے بڑے منصوبے لاریکس کالونی تا گلشن راوی منصوبہ وفاق میں تاحال التواء کا شکار ہے، جس کیلئے پنجاب حکومت نے منظوری چند ماہ قبل دی، دستاویزات کے مطابق پنجاب سسٹین ایبل ڈویلپمنٹ گول کے تحت جاری منصوبوں کے لیے فنڈز کا منظوری نہ مل سکی۔

ذرائع کے مطابق لاہو رشہر میں بی آر بی کینال پرویسٹ واٹر ٹریٹمنٹ پلانٹ کی تعمیر، رینوایبل انرجی ڈویلپمنٹ پروگرام اور نوزائیدہ بچوں کی صحت کے پروگرام میں پنجاب کا حصہ دینے کے لیے پراجیکٹ کی منظوری نہ ہو سکی، پنجاب ریونیو موبلائزیشن، لینڈ ریکارڈ مینجمنٹ انفارمیشن سسٹم کا منصوبہ بھی کلیئر نہیں کیا گیا۔

یہ بھی معلوم ہوا ہے کہ ان پراجیکٹس میں بابو صابو میں ویسٹ واٹر ٹریٹمنٹ پلانٹ ، شاہی قلعہ میں ثقافتی ورثہ کی حفاظت اور تعمیراتی کام میں توسیع کا کنسیپٹ پیپر بھی التواءکا شکار ہے۔ پی اینڈ ڈی بورڈ حکام کے مطابق پنجاب حکومت تمام میگا منصوبوں کی منظوری پی ڈی ڈبلیو پی کے اجلاس میں دے چکی ہے۔

لاہور : لاہور شہر میں ڈولفن پولیس کی کارکردگی کے حوالے سے اس ہفتے کی رپورٹ جاری کردی گئی ہے جس کے مطابق اس ہفتے ڈولفن پولیس نے قدرے بہتر کارکردگی دکھائی ہے. تفصیلات کے مطابق اس ہفتے ہیلپ لائن 15 پر موصولہ تمام576کالز پر فوری ریسپانس عمل میں لایاگیا۔

باغی ٹی وی ذرائع کے مطابق 150 گاڑیوں،01 لاکھ 22 ہزارسے زائد موٹر سائیکلوں اور80 ہزار سے زائد اشخاص کی چیکنگ عمل میں لائی گئی۔
دورانِ کارروائی01 کار،33موٹر سائیکلیں،36موبائل فونزاور01لاکھ 62 ہزار روپے سے زائد نقدی برآمد کی گئیں‌ ، تفصیلات کے مطابق دوران گشت ملزمان سے29 پسٹلز،02 رائفلز،09 میگزین اورگولیاں برآمد کیں

رپورٹ کے مطابق مختلف علاقوں میں کمیونٹی پولیسنگ کو فروغ دیتے ہوئے89 افراد کی مدد کی ،کوائف مکمل نہ ہونے پر10 وہیکلز،88موٹر سائیکلوں کو تھانوں میں بند اور197 اشخاص کے خلاف قانونی کارروائی کی گئی جبکہ جعلی نمبرپلیٹس والی03 گاڑی اور09 موٹرسائیکلوں کے خلاف کارروائی عمل میں لاکر مقدمات درج کئے گئے۔
ون ویلنگ میں 36،ہوائی فائرنگ 02، آتش بازی میں 08 اورپتنگ بازی ایکٹ کی خلاف ورزی پر06 ملزمان کو گرفتار کیا۔دورانِ پٹرولنگ19عادی مجرمان کو بھی گرفتار کیا گیا۔ دوسری طرف ڈی آئی جی آپریشنز لاہور اشفاق خان نے تاکید کی ہے کہ ڈولفن سکواڈ اورپی آر یوکے جوان دوران محرم موثر پٹرولنگ کے ذریعے امن و امان یقینی بنائیں

چک جھمرہ : اسے انصاف چاہیے ، کس کو انصاف چاہیے ؟ تفصیلات کے مطاب تھانہ چک جھمرہ کےعلاقے188رب نلےوالاکی رہائیشی بیوہ رفیعہ زوجہ عالم سےنلےوالاکےرہائشی منظورجٹ عرف کانٹا نےسواتین لاکھ روپےہتھیالیۓجوکہ اس بیوہ خاتون کی عمربھرکی جمع پونجی تھی بیوہ عورت نےان پیسوں سےاپنی دو یتیم بیٹیوں کی شادیاں کرناتھیں اس عورت نےرقم واپسی کامطالبہ کیاتومنظورجٹ دھمکیاں دینےلگ گیا

ذرئع کے مطابق اس بیوہ عورت کےپاس چیک اوراشٹام بھی ہےجومنظورنےاسےدیےتھے ، بیوہ رفیعہ بی بی نےاپنےبیان میں کہاہےکہ سابق چئیرمین مسلم لیگ ن یوسی 12رانااعظم نےمجھےرقم واپس نہ مانگنےاور قانونی کاروائی منظورکےخلاف نہ کرنےکیلیۓفون کالز کے ذریعے مجھےسنگین نتائج کی دھمکیاں دیں بعد میں گھر میں‌آکر وہ دھمکیاں دینے لگا ، چک جھمرہ کی اس بیوہ عورت نےکہاکہ میرےپا س دھمکی آمیزکالزکی ریکارڈنگ بھی موجودہےجورانااعظم نےدیں مجھےبیوہ عورت نےیہ بھی انکشاف کیا کہ رانااعظم بااثرہےمیرےخلاف تھانہ چک جھمرہ میں اس نےمنظورکومدعی بنواکردرخواست بھی دلوادی جبکہ اس سےپہلےبوگس چیک کےحوالےسےمیں نےمنظورجٹ کےخلاف اندراج مقدمہ کی تھانہ چک جھمرہ میں درخواست دےرکھی ہے

باغی ٹی وی ذرائع کے مطابق بیوہ خاتون رفعیہ نے اپنی دکھ بھری داستان سناتے ہوئے کہا ہے کہ کل اسے رانااعظم کی ایماءپرتھانہ چک جھمرہ میں تعینات سب انسپیکٹرسیداکمل جمال شاہ نےگالیاں نکالیں اور اس کی بےعزتی کی کہ تم مقدمہ کے لیے دی ہوئی درخواست واپس لو ، بیوہ عورت نےکہاکہ مجھےبااثرافرادسےجان کاخطرہ ہےمجھےتحفظ فراہم کیاجاۓاورمیری رقم واپس کروائی جاۓمیرامقدمہ درج کیاجاۓمیری آئی جی پنجاب ۔وزیراعلی پنجاب سی۔پی۔اوفیصل آباد ۔آر۔پی۔اوفیصل آبادسےانصاف اوردادرسی کی اپیل ہے

عارف والا:بھارتی آبی جارحیت کے نتیجے میں رات گئے دریائے ستلج میں پانی کے بہاؤ سے عارف والا کے مقام پر ڈھولا بند ٹوٹ گیا ،جس کے باعث متعدد دیہات اور سیکڑوں ایکڑ اراضی زیر آب آ گئی۔درجنوں دیہات زیر آب آگئے ہیں‌اور اس بند کو دوبارہ مرمت کرنے کے لیے کام جاری ہے

عارف والا سے تفصیلات کے مطابق بھارتی آبی جارحیت کے باعث عارف والا کے مقام پر دریائے ستلج میں پانی کے بہاؤ سے ڈھولا بند ٹوٹ گیا۔ بند ٹوٹنے کے نتیجے میں متعدد دیہات اور سیکڑوں ایکڑ اراضی زیر آب آ گئی۔ ریسکیو کے مطابق بستی مینگل آبادی اور بستی محمد حسین کھرل میں بھی پانی داخل ہو سکتا ہے ،جبکہ تحصیل کی متعدد بستیوں کا زیر آب آنے کا بھی خدشہ ہے۔

ضلعی حکام کی طرف سے کہا گیا ہے کہ بند ٹوٹنے کے فوری بعد ریسکیو کی امدادی ٹیمیں موقع پر پہنچ گئیں ہیں اور مقامی لوگوں نے نقل مقانی شروع کر دی ہے ۔مقامی لوگوں کے مطابق بند پہلے ہی خستہ حالی کا شکار تھا ،تاہم انتظامیہ اور ریسکیو 1122 کی جانب سے بند کی مرمت کا کام شروع کر دیا گیا ہے۔

لاہور : قرآن کریم سے محبت کرنے والوں کے لیے خوشخبری ، حافظ عبدالسلام بن محمد کی "تفسیر القرآن الكريم ” سے بھر پور مستفید ہونے کے لیے ایک اسی ایپ متعارف کرا دی ہے کہ جس کے استعمال کے بعد تشنگی نہیں رہے گی،تفصیلات کے مطابق حافظ عبد السلام بن محمد کی "تفسیرالقران الکریم ” بڑی تیزی سے مقبول ہوئی تھی اور اس کے مقبول ہونے کی وجہ اس کی بہت سی خوبیان تھیں

باغی ٹی وی کے مطابق حافظ عبد السلام بن محمد کی "تفسیرالقران الکریم ” کی تیار کی گئی ایپ موبائل ایپلیکیشن ہے اور اس کا پیٹرن بہت خوبصورت ہے ، اس ایپ کی یہ بھی خصوصیت ہے کہ اس میں‌کاپی ،پیسٹ اور شیئر کرنے کے آپشن موجود ہیں‌، اس ایپ میں لفظ اور آیت نمبر تلاش کرنے کی سہولت بھی موجود ہے،

حافظ عبد السلام بن محمد کی "تفسیرالقران الکریم ” کی تفسیر کی ایپ میں اردو ترجمہ وتفسیر خوبصورت نستعلیق فونٹ کے ساتھ ہے ، گوگل پلے سٹور سے مفت ڈاون لوڈ کرنے کی سہولت بھی اس ایپ میں فراہم کی گئی ہے. اس ایپ کی یہ بھی خصوصیت ہے کہ اسے انسٹال کرنا بھی بہت آسان ہے

ایپ انسٹال کرنے کے لیے یہاں کلک کریں

لاہور : وزیراعظم عمران خان کا ویژن کام کرنے لگا ، پنجاب میں میگا منصوبوں کیلئے بیوروکریسی کی نئی حکمت عملی، میگا پراجیکٹ کی منظوری سے قبل پی سی ون کے دستاویزات کی تصدیق کیلئے نیب کو بھیجا جائے گا۔

ذرائع کے مطابق کرپشن فری پنجاب کے لیے سب سے پہلے کسی بھی پراجیکٹ کی منظوری نیب کی اجازت سے مشروط کر دی جائے گی۔ ذرائع نے بتایا ہے کہ اس فیصلے سے سیاسی مداخلت کا بھی خاتمہ ہوگا۔ وزیراعلیٰ پنجاب کی سربراہی میں ہونیوالے اجلاسوں میں بعض افسران نے تحفظات ظاہر کئے تھے کہ اتھارٹیز کو میرٹ پر فنڈز جاری کئے جائیں۔

ذرائع کے مطابق گزشتہ دور حکومت میں کمپنیوں میں بڑے پیمانے پر بے ضابطگیاں ہوئیں اب بیوروکریسی کوئی رسک نہیں لے سکتی۔ دوسری جانب ذرائع کا کہنا ہے کہ میگا منصوبوں کیلئے مالیت کا تخمینہ لگایا جائے گا کہ کتنے مالیت سے بڑھنے والے منصوبے کے دستاویزات کی تحقیقات نیب سے کرائی جائیں۔

لاہور:ایل ڈی اے کی ملکیتی جائیدادوں کو ایک سے دس سال کی مدت تک لیز پر دینے کے لئے قواعد کی منظوری ۔ اس سلسلے میں لاہور ڈویلپمنٹ اتھارٹی کی گورننگ باڈی کا نواں اجلاس وائس چیئرمین ایس ایم عمران کی زیرصدارت منعقد ہوا ۔ جس میں لاہور میں‌ عمارتوں کو کرائے پر دیئے جانے کے معاملات پر بحث کی گئی

ایل ڈی اے ذرائع کے مطابق اس کرایہ داری نظام کی شفافیت کو یقینی بنانے کے لئے تمام جائیدادوں کے حقوق کرایہ دار ی نیلام عام کے ذریعے فروخت کئے جائیں گے۔لیز ہولڈرسے جائیداد کا کرایہ ہرسال ایڈوانس وصول کیاجائے گا اور کرایہ کی شرح میں سالانہ دس فیصد اضافہ کیاجائے گا۔اسی طرح ایل ڈی اے کی رہائشی سکیموں میں واقع مفادعامہ کی جگہوں کی الاٹمنٹ بھی نیلام عام کے ذریعے کی جائے گی جبکہ سرکاری ادارے اپنے دفاتر کے قیام کے لئے یہ پلاٹ ریزرو قیمت پر حاصل کرسکیں گے ۔