Category: لاہور

وزیراعلیٰ پنجاب مریم نوازشریف کے”اپنی چھت، اپنا گھر“ پراجیکٹ نے نئے ریکارڈ بنا دیئے اور تاریخ میں پہلی مرتبہ مختصر ترین مدت میں اتنے زیادہ گھر بننے کا ریکارڈقائم ہوا ہے۔وزیراعلیٰ مریم نوازشریف کی زیر صدارت خصوصی اجلاس منعقد ہوا جس میں ”اپنی چھت،اپنا گھر پروگرام“ میں جاری قرضوں کے حصول اور وصولی پر تفصیلی جائزہ لیا گیا۔اجلاس میں عوام کی دلچسپی کے پیش نظر مزید کمرشل بنک شامل کرنے کی تجویز پر غور کیا گیا ہے۔اجلاس کو بریفنگ میں بتایا گیا کہ پانچ ماہ میں 28219 گھرانوں کو 30 ارب کے بلاسود قرضے مل گئے ہیں۔ ”اپنی چھت، اپنا گھر“ پروگرام کے تحت 23ہزار500سے زائد گھر تکمیل کے آخری مراحل میں ہے۔وزیراعلیٰ مریم نواز شریف نے ”اپنی چھت،اپنا گھرپروگرام“ لون کا پراسیس مزید تیز کرنے کی ہدایت کی۔ وزیراعلیٰ مریم نوازشریف نے اپنی چھت، اپنا گھر پروگرام کے تحت گھروں کی تعمیر کا ٹارگٹ ہر صورت پورا کرنے کا حکم دیا۔ وزیراعلیٰ مریم نوازشریف نے کہا کہ”اپنی چھت،ا پنا گھر پروگرام“کے تحت لون کی تقسیم کے عمل میں حائل رکاوٹیں دور کی جائیں۔ کوئی حکومت پانچ سال میں اتنے گھر نہیں بنا سکی جتنے 5 ماہ میں بن چکے ہیں۔ وزیراعلیٰ مریم نوازشریف نے کہا کہ عوام کی خدمت ہی ہمارا واضح ویژن ہے۔ قائد محمد نوازشریف کے ویژن کے مطابق بے گھر افراد کواپنی چھت فراہم کرنے کیلئے کوشاں ہیں۔ ”اپنی چھت،اپنا گھر پروگرام“میرے دل کے بہت قریب ہے۔

پاکستان مرکزی مسلم لیگ کے سیکرٹری جنرل سیف اللہ قصوری نے کہا ہے کہ پاکستان سازشوں میں گھرا ہوا،وطن عزیز کی حفاظت و سلامتی کے لئے مرکزی مسلم لیگ کردار ادا کرتی رہے گی، اندرونی و بیرونی دشمنوں کی سازشوں سے ملک کو بچائیں گے،میڈیا کا کردار انتہائی اہم، میڈیا نوجوانوں کو مایوسیوں کی بجائے امید کی کرن دکھائے،بے روزگار نوجوانوں کے لئے اپنا کماؤ پروگرام شروع کر رہے ہیں.

ان خیالات کا اظہار انہوں نے مرکزی مسلم لیگ کے سنٹرل میڈیا سیل کے ذمہ داران کے اجلاس سے خطاب کرتے ہوئے کیا، اجلاس میں مرکزی مسلم لیگ کے جوائنٹ سیکرٹری انجینئر حارث ڈار، مرکزی ترجمان تابش قیوم،سیکرٹری جنرل لاہور مزمل اقبال ہاشمی،پنجاب و خیبر پختونخوا کے زونل میڈیا کوآرڈینٹرز، ضلعی ترجمانوں نے شرکت کی،اجلاس میں فیصلہ کیا گیا کہ پاکستان مرکزی مسلم لیگ ڈیجیٹل روزگار پروگرام صلاحیت بڑھاؤ "اپنا کماؤ” یکم مئی سے شروع کر رہی ہے،پروگرام کے تحت ملک بھر میں بے روزگار مردوخواتین کو ڈیجیٹل کورس کروائے جائیں گے اور انہیں ہنر مند بنایا جائے گا، اجلاس میں فیصلہ کیا گیا کہ ملک بھر میں ضلع و تحصیل کی سطح پر میڈیا ورکشاپس بھی کروائی جائیں گی.

سیف اللہ قصوری نے اجلاس سے خطاب میں کہا کہ پاکستان کے دشمن ملک کو غیر مستحکم کرنا اور قومی وحدت کو نقصان پہنچانا چاہتے ہیں، قیام امن کے لئے مرکزی مسلم لیگ میدان عمل میں ہے، اتحاد ویکجہتی سے ہی دشمنوں کی سازشیں ناکام بنائی جا سکتی ہیں، پاکستان کی سلامتی، خودمختاری اور استحکام کے تحفظ کے لیے مرکزی مسلم لیگ ہرممکن اقدام کرے گی، آج ملک کو جن چیلنجز کا سامنا ہے، ان سے نمٹنے کے لیے میڈیا کا کردار نہایت اہم ہے، میڈیا کو چاہیے کہ وہ نوجوان نسل کو مایوسی کی بجائے امید اور حوصلے کی راہ دکھائے۔

مرکزی مسلم لیگ کے ترجمان تابش قیوم کا کہنا تھا کہ مرکزی مسلم لیگ کی جانب سے نوجوانوں کے لیے "اپنا کماؤ پروگرام” شروع کیا جا رہا ہے، جس کا مقصد بے روزگار نوجوانوں کو باعزت روزگار کی فراہمی ہے۔ڈیجیٹل روزگار پروگرام صلاحیت بڑھاؤ "اپنا کماؤ” یکم مئی سے دس مئی تک جاری رہے گا، ملک بھر میں اس ضمن میں بے روزگار مردو خواتین کو تربیت دی جائے گی،ڈیجیٹل روزگار پروگرام نہ صرف معاشی استحکام کی طرف ایک قدم ہوگا بلکہ نوجوانوں کو خود کفالت کی راہ پر بھی گامزن کرے گا۔

معروف سوشل میڈیا پلیٹ فارم ٹک ٹاک پر “ رشتہ پکا” کے نام سے مقبول ہونے والی سامعہ حجاب ایک نئی تنازعہ کا شکار ہو گئی ہیں، جب ان کی مبینہ نازیبا ویڈیوز سوشل میڈیا پر وائرل ہو گئیں۔

سامعہ حجاب نے ان ویڈیوز کو جعلی قرار دیتے ہوئے واضح طور پر الزام لگایا ہے کہ یہ مواد ان کے سابق بوائے فرینڈ نے ذاتی دشمنی اور انتقامی جذبے کے تحت وائرل کیا ہے،اس ضمن میں سامعہ نے ویڈیو پیٍغام جاری کیا ہے جس میں انہوں نے کہا کہ وہ ان ویڈیوز کی مکمل تردید کرتی ہیں اور ان کا اس سے کوئی تعلق نہیں۔ سوشل میڈیا پر ان کی شہرت کو نقصان پہنچانے کے لیے دانستہ طور پر ان کے کردار کو نشانہ بنایا جا رہا ہے ،یہ تمام ویڈیوز ایڈیٹنگ اور جدید ٹیکنالوجی کے ذریعے تیار کی گئی ہیں تاکہ انہیں بدنام کیا جا سکے، میں اپنے تمام فالوورز سے درخواست کرتی ہوں کہ وہ ان جھوٹی اور بے بنیاد ویڈیوز پر یقین نہ کریں،میں اس معاملے کو قانونی طریقے سے اٹھاؤں گی اور جلد ہی ایف آئی اے سائبر کرائم ونگ میں درخواست دوں گی۔

مجھے گھنٹہ فرق نہیں پڑتا،مناہل ملک کانازیبا ویڈیو لیک ہونے پر جواب

برہنہ ویڈیو لیک،امشا رحمان نے ملزم کو معاف کر دیا

بابر اعظم کی ویڈیو لیک ہونے کا خطرہ؟

ایک اور پاکستانی ٹک ٹاکر کی نازیبا ویڈیو لیک

لاہور ہائیکورٹ نے تھانوں میں ملزمان کے انٹرویوز پر پابندی لگا دی۔

قصور میں مبینہ ڈانس پارٹی سے گرفتار ملزمان کی ویڈیو بنا کر سوشل میڈیا پر وائرل کرنے کے خلاف کیس کی سماعت جسٹس علی ضیاء باجوہ نے کی۔ عدالتی حکم پر ایڈووکیٹ جنرل پنجاب امجد پرویز اور ڈی آئی جی سکیورٹی عدالت میں پیش ہوئے،عدالت نے ریمارکس دیے کہ قانون کے مطابق انڈر کسٹڈی ملزمان کو میڈیا کے سامنے پیش نہیں کیا جا سکتا، آج کے بعد اگر کسی تھانیدار نے اس طرح کا انٹرویو میڈیا کو کرایا تو متعلقہ ایس پی ذمہ دار ہو گا، اگر کسی تھانے میں کسی کو گنجا کیا گیا، ایکسپوز کیا گیا یا ملزمان کی تذلیل کی گئی تو متعلقہ پولیس آفیسر کے پورٹ فولیو میں لکھا جائے گا کہ اس نے کیا کارنامہ سرانجام دیا ہے، لوگوں کی ٹنڈیں کرنے کی اجازت ہرگز نہیں دی جا سکتی، یہ قانون کے منافی ہے۔ پری میچور اس طرح کی ویڈیو جاری ہونے سے ملزم اور مدعی دونوں کا کیس خراب ہوتا ہے۔

پراسیکیوٹر جنرل پنجاب نے عدالت کو بتایا کہ سینئر صحافی اور کورٹ رپورٹرز کے صدر محمد اشفاق کو عدالتی معاون مقرر کیا گیا تھا۔ جسٹس علی ضیاء باجوہ نے اشفاق سے سوال کیا کہ یہ ملزمان کے انٹرویوز کیسے ہوتے ہیں؟ محمد اشفاق نے جواب دیا کہ یہ انٹرویوز پولیس ہی کرواتی ہے اور زیادہ تر یوٹیوب چینلز ایسے انٹرویوز کرتے ہیں جبکہ کچھ چینلز کے علاوہ مین سٹریم میڈیا ایسے انٹرویوز نہیں کرتا،

ایڈووکیٹ جنرل امجد پرویز نے عدالت میں مؤقف اختیار کیا کہ آئین کا آرٹیکل 14 شہریوں کے تحفظ کی بات کرتا ہے۔ جس پر جسٹس علی ضیاء باجوہ نے ریمارکس دیے کہ شہریوں کا تحفظ ریاست کی ذمہ داری ہے۔ایڈووکیٹ جنرل پنجاب نے عدالت کو بتایا کہ اس درخواست کے دائر ہونے سے پہلے ہی مریم نواز نے قصور واقعہ کا نوٹس لے لیا تھا اور واقعے کی تحقیقات کے لیے کمیٹی بھی بنائی گئی تھی۔ ایڈیشنل آئی جی اسپیشل برانچ نے تحقیقاتی رپورٹ عدالت میں پیش کی، جسٹس علی ضیاء باجوہ نے سوال کیا کہ رپورٹ کے نتائج کیا ہیں؟ جس پر بتایا گیا کہ ایس ایچ او اور دو کانسٹیبل اس سارے معاملے میں قصوروار پائے گئے ہیں،عدالت نے ایڈووکیٹ جنرل پنجاب کو ہدایت کی کہ وہ پولیس کی سوشل میڈیا پالیسی کو سپروائز کریں اور اس حوالے سے پولیس کو گائیڈ لائنز دیں۔ عدالت نے ایڈیشنل آئی جی کو بھی میڈیا کو انٹرویو دینے سے متعلق گائیڈ لائنز جاری کرنے کی ہدایت کی۔

جسٹس علی ضیا باجوہ نے ریمارکس دیے کہ کوئی خاتون کیمرہ اٹھا کر پولیس اسٹیشن چلی جاتی ہے، اس کے ویڈیو کے گرافک ایسے ہوتے ہیں کہ انسان فیملی کے ساتھ بیٹھ کر وہ کانٹینٹ نہیں دیکھ سکتا،اس طرح کا رویہ اور انٹرویوز پراسیکیوشن کے کیس کو خراب کرتے ہیں،پراسیکیوٹر جنرل پنجاب نے عدالت کو بتایا کہ سب سے پہلے اس طرح کے انٹرویوز اور ویڈیوز کا نقصان پراسیکیوشن کو ہوتا ہے۔ آج کل آفیشلز زیادہ لائکس لینے اور منافع کمانے کے لیے پیجز وغیرہ بناتے ہیں، ہم ایڈووکیٹ جنرل آفس، پراسیکیوٹر جنرل آفس اور پولیس مل کر قانون سازی کے لیے تیار ہیں۔

عدالت نے استفسار کیا کہ قصور واقعے کے وقت تھانے میں جب ویڈیو بنی تو کیا ایس ایچ او تھانے میں موجود تھا؟ ایڈیشنل آئی جی سپیشل برانچ نے بتایا کہ جی بالکل، ایس ایچ او تھانے میں موجود تھا،س پر جسٹس علی ضیاء باجوہ نے کہا کہ اس سے زیادہ ادارے کی تذلیل کیا ہو سکتی ہے، اور حیرانی ہے کہ وہ آزاد پھر رہا ہے۔جسٹس علی ضیاء باجوہ نے ویڈیو بنانے والے پولیس افسران پر شدید برہمی کا اظہار کیا۔ عدالت نے متعلقہ ایس ایچ او سے مکالمہ کرتے ہوئے سوال کیا کہ "آپ لوگوں کے منہ پر فلیش لائٹ مار رہے تھے؟”ایس ایچ او نے مؤقف اختیار کیا کہ "وہ صرف پولیس ریکارڈ کے لیے تھا۔” اس پر عدالت نے سخت ردعمل دیتے ہوئے ریمارکس دیے: "کونسا قانون اس بات کی اجازت دیتا ہے کہ پولیس ریکارڈ کے لیے ایسی ویڈیو بنائیں؟ آپ میں اتنی جرات کیسے آئی،دورانِ سماعت ایس ایچ او کے وکیل نے مؤقف اختیار کیا کہ قصور ڈانس پارٹی دراصل ڈی پی او کا پرسنل سٹاف آفیسر (پی ایس او) کروا رہا تھا، اور اس حوالے سے ان کے پاس ایک کال بھی موجود ہے۔ اس بات کی تصدیق ایڈیشنل آئی جی اسپیشل برانچ نے بھی کی، جنہوں نے بتایا کہ پی ایس او نے پیغام دیا تھا کہ کچھ لوگ برتھ ڈے پارٹی منانے آ رہے ہیں،ایڈیشنل آئی جی سپیشل برانچ نے عدالت کو بتایا کہ پی ایس او اور دو اہلکاروں کو معطل کر دیا گیا ہے۔ عدالت نے ڈی آئی جی آپریشنز کو ہدایت کی کہ وہ آئندہ سماعت پر اپنی سوشل میڈیا پالیسی عدالت میں جمع کروائیں۔ مزید سماعت 25 اپریل تک ملتوی کر دی گئی۔

پولیس یونیفارم کی تضحیک کے معاملے میں ٹک ٹاکر کاشف ضمیر کو گرفتار کر لیاگیا ہے

پولیس ذرائع کاکہنا ہے کہ کاشف ضمیر کو لاہور سے باہر سے گرفتار کیاگیا، ٹک ٹاکرکو لاہور منتقل کیا جارہا ہے، کاشف ضمیر کے خلاف تھانہ قلعہ گجر سنگھ میں مقدمہ درج ہے،پولیس کا کہنا ہے کہ ٹک ٹاکر کے خلاف پیکا ایکٹ کی دفعات کے تحت مقدمہ درج تھا۔

سوشل میڈیا پر پولیس یونیفارم کی تضحیک کرنے کے معاملہ پیش آیا تھا، ٹک ٹاکر کاشف ضمیر نے سوشل میڈیا پر پولیس وردی کا تمسخر اڑایا، پولیس کی جانب سے ٹک ٹاکر کاشف ضمیر اور پولیس اہلکار کے خلاف 2 مقدمات درج کرلئے گئے۔ایف آئی آر کے مطابق کاشف ضمیر نے پولیس کی وردی پہنے اہلکار کے ہمراہ سوشل میڈیا پر ویڈیوز اور تصاویر شیئر کیں جن میں قانون نافذ کرنے والے ادارے کی ساکھ مجروح کرنے والی حرکات کی گئیں تھیں۔مقدمات میں پیکا ایکٹ سمیت دیگر سنگین دفعات شامل کی گئیں۔ ویڈیو میں دکھایا گیا کہ کاشف ضمیر نے تقریب میں پولیس اہلکار کو نوٹوں سے بھری تھال تھمائی تھی، پولیس حکام کے مطابق سوشل میڈیا پر وائرل ہونے والی ویڈیوز میں دیکھا جا سکتا ہے کہ ٹک ٹاکر نے پولیس کا مذاق اڑایا بلکہ قانون کی بالادستی کو چیلنج کرنے کی کوشش بھی کی۔اس واقعے کے بعد فوری کارروائی عمل میں لائی گئی، ایف آئی آر میں مزید کہا گیا ہے کہ اس طرح کی حرکتیں عوام میں پولیس کے وقار اور اعتماد کو ٹھیس پہنچاتی ہیں، جو قانونا ناقابل قبول اور قابل سزا جرم ہے۔

پنجاب اسمبلی کے اسپیکر ملک احمد خان نے کہا ہے کہ ہمارے ایم پی ایز، جو قانون سازی کرتے ہیں، انہیں مصنوعی ذہانت (اے آئی) کے بارے میں کچھ بھی نہیں پتا۔

انہوں نے ایک نجی یونیورسٹی کی تقریب سے خطاب کرتے ہوئے کہا کہ اے آئی اب وقت کی ایک اہم ضرورت بن چکی ہے، اور ہمیں اپنی کامیابی کے لئے اس کا ایجنڈا طے کرنا ہوگا۔ملک احمد خان نے مزید کہا کہ اگر ہم نے اے آئی کو اپنی زندگیوں میں شامل نہ کیا تو ہم دنیا سے پیچھے رہ جائیں گے۔ ان کا کہنا تھا کہ اس نئی ٹیکنالوجی کے فوائد کو سمجھنا اور اسے صحیح طریقے سے استعمال کرنا ہماری ترقی کے لیے ضروری ہے۔

انہوں نے اس موقع پر یہ بھی ذکر کیا کہ حالیہ تحقیقوں سے پتہ چلا ہے کہ انسانوں نے ایسی ٹیکنالوجی بھی تیار کی ہے جسے اب کوئی کنٹرول نہیں کر سکتا۔ اس تناظر میں، انہوں نے اس بات پر زور دیا کہ اے آئی کے استعمال کے حوالے سے آگاہی اور شعور پیدا کرنا ضروری ہے تاکہ ہم اس سے فائدہ اٹھا سکیں اور اس کے خطرات سے بچ سکیں۔ملک احمد خان نے اختتاماً کہا کہ اس وقت ہمیں اے آئی اور دیگر جدید ٹیکنالوجیز کے بارے میں جلد سے جلد آگاہی حاصل کرنی ہوگی تاکہ ہم عالمی سطح پر کامیاب رہ سکیں۔

سموگ کے تدارک سے متعلق کیس میں لاہور ہائیکورٹ نے کہا کہ موٹر سائیکل رکشوں کوروکنا ضروری ہے ورنہ پورے شہر میں پھیل جائیں گے،موٹر سائیکل رکشے بنانے والی کمپنیوں کو بند کردینا چاہئے،موٹر سائیکل رکشہ کمپنیوں کو 3ماہ میں ریگولیٹ ہونے کا وقت دیں۔

لاہور ہائیکورٹ میں سموگ کے تدارک سے متعلق کیس میں عدالت نے استفسار کیا کہ مال روڈ پر بیٹھے مظاہرین کا کیا ایشو ہے؟عدالت نے وکیل پنجاب حکومت کو ہدایت کی کہ مظاہرین کا معاملہ دیکھیں اور کسی اور جگہ بٹھائیں،عدالت نے کہاکہ مظاہرین کے باعث ٹریفک مسائل بڑھ گئے،لاہور ہائیکورٹ نے کہاکہ پی ایس ایل کی وجہ سے بھی ٹریفک بند کردی گئی،دنیا کو سکیورٹی مسائل کا تاثر نہ دیں،10سال سے یہی ہو رہا ہے سکیورٹی بہتر نہیں ہوئی،کھلاڑیوں کو سکیورٹی دیں، پورا شہر بند نہ کریں،پورا شہر بند ہونے سے دنیا کو تاثر جاتا ہے کہ ملک غیرمحفوظ ہے،10منٹ ٹریفک رکنے سے آلودگی کئی گنا بڑھ جاتی ہے،آنے والے دنوں میں گرمی کی شدت بڑھے گی،سی ٹی او لاہور نے کہاکہ اس سے پہلے بھی اہم ایونٹس پر سڑکیں بند نہیں کیں،غیرملکیوں کو ایسی سکیورٹی پر کوئی اچھا تاثر نہیں جاتا، ایسی صورتحال میں غیرملکی بھی واپس جا کر شکر ادا کرتے ہیں، لاہور ہائیکورٹ نے کہاکہ ہمیں علم ہے آپ کے ہاتھ بندھے ہیں،سی ٹی او لاہور نے کہاکہ بھکاریوں کیخلاف کارروائی جاری ہے،موٹر سائیکل رکشوں پر پابندی کیلئے سمری بھجوا دی ہے،عدالت نے کہاکہ موٹر سائیکل رکشوں کوروکنا ضروری ہے ورنہ پورے شہر میں پھیل جائیں گے،موٹر سائیکل رکشے بنانے والی کمپنیوں کو بند کردینا چاہئے،موٹر سائیکل رکشہ کمپنیوں کو 3ماہ میں ریگولیٹ ہونے کا وقت دیں،سی ٹی او لاہور نے کہاکہ موٹر سائیکل رکشہ اور لوڈر رکشوں کو اجازت دینا جرم ہے،موٹر سائیکل رکشہ کے حادثے میں 10افراد جاں بحق ہو چکے ہیں،عدالت نے کہا کہ موٹر سائیکل رکشوں کو کنترول کرنا ضروری ہے،عدالت نے آئندہ سماعت پر وزیراعلیٰ کو بھجوائی گئی سمری کی رپورٹ طلب کرلی۔

وزیر تعلیم پنجاب کا مختلف امتحانی سنٹرز کا دورہ، بوٹی مافیا کا ایک اور نیٹ ورک پکڑ لیا ۔بحریہ ٹاؤن کی بااثر شخصیت کے بچے کو نقل کروانے والا امتحانی عملہ علی رضا آباد ہائی سکول سے گرفتار کر لیا گیا

وزیر تعلیم رانا سکندر حیات نے رائیونڈ روڈ کے مختلف امتحانی سنٹرز کا دورہ کیا جہاں انہوں نہم جماعت کے جاری امتحانی عمل اور دیگر امور کا جائزہ لیا۔ وزیر تعلیم نے مخبری پر گورنمٹ بوائز ہائی سکول علی رضا آباد میں نقل کرتے طالب علم کو رنگے ہاتھوں پکڑ لیا۔ امتحانی سنٹر میں امیدوار ابوبکر ہاشمی گاڑی میں بیٹھ کر پرچہ حل کر رہا تھا۔ سنٹر کا عملہ اور پرنسپل بھی امیدوار کی سرپرستی میں ملوث نکلا، وزیر تعلیم نے کہا کہ امیدوار نجی ہاؤسنگ سوسائٹی بحریہ ٹاؤن کے مالک کے پی ایس او عمران ہاشمی کا بیٹا ہے جس کی گاڑی سنٹر کے اندر آ کر بچے کو پیپر حل کرواتی تھی۔ وزیر تعلیم نے پرنسپل سمیت سنٹر کا پورا عملہ گرفتار اور تبدیل کروا دیا۔ ایف آئی آر بھی درج کروا دی گئی۔ وزیر تعلیم نے ملوث عملہ کے خلاف محکمانہ کاروائی کا حکم دیتے ہوئے پیڈا ایکٹ لگانے اور ملازمت سے برخاست کرنے کی بھی ہدایت کی۔

صوبائی وزیر تعلیم رانا سکندر حیات نے معاملے کی مخبری کرنے والے ٹیچر کو 4 بیسک تنخواہیں اور تعریفی سند دینے کا اعلان بھی کیا۔ وزیر تعلیم نے کہا کہ شخصیت طاقتور ہو یا کمزور، بوٹی مافیا کے خلاف زیرو ٹالیرنس ہے۔ اس ضمن میں کسی طالبعلم کو کسی کا حق مارنے کی اجازت نہیں دی جائے گی۔ نقل مافیا کا آخر تک پیچھا کریں گے