Category: لاہور

مرکزی مسلم لیگ کے ترجمان تابش قیوم نے کہا ہے کہ کشمیر کے ساتھ بیوفائی کرنے والوں کو تاریخ کبھی معاف نہیں کرے گی، کشمیر پاکستان کی شہہ رگ تھی ،ہے اور رہے گی، کشمیر پر ریاست بیرونی دباؤ میں آنے کی بجائے اصولی مؤقف اختیار کرے، کشمیریوں کی جدوجہد آزادی رائیگاں نہیں جائے گی

ان خیالات کا اظہار انہوں نے آل پاکستان رائیٹرز ویلفیئر ایسوسی ایشن کے زیر اہتمام یکجہتی کشمیر کانفرنس سے خطاب کرتے ہوئے کیا،اس موقع پر بانی صدر اپووا ایم ایم علی، سینئر وائس چیئرمین ملک یعقوب اعوان سمیت دیگر موجود تھے،تابش قیوم کا کہناتھا کہ کشمیر کی وادیوں میں آزادی کے لیے نوجوانوں نے قربانیاں دیں آج انکو خراج تحسین پیش کرنے کا دن ہے، حالات جو بھی ہوں لیکن کشمیر کے ساتھ بیوفائی کی گئی، شہدا کی تحریریں پڑھ کر یقین ہوتا ہے کہ ان کی قربانیاں رائیگاں نہیں جائیں گی ،کشمیرایک فلیش پوائنٹ ہے،ضرورت اس بات کی ہے کہ ریاست اپنی پالیسیوں کی اصلاح کرے، بیرونی دباؤ، غلط فہمیاں ختم کرے، آزادی کشمیر کی جدوجہد کی حمایت کرنے والوں پر پابندیاں لگا کر تحریک کشمیر کو کمزور کیا گیا،مقبوضہ کشمیر میں سیدہ آسیہ اندرابی ایک خاتون ہونے کے باوجود ڈٹ کر کھڑی ہیں،اور ہم یہ سمجھتے رہے کہ کشمیر کا نام لیں گے تو قرضہ نہیں ملے گا،اب حالات دیکھ لیں دشمن کشمیر تک نہیں رکا،بلوچستان خیبر پختونخوا میں موجود ہے،دشمن نے کشمیر تو دور آپ کے وجود کو بھی تسلیم نہیں کیا،پہلگام فالس فلیگ آپریشن کا بہانہ بنا کر بھارت نے پاکستان کی مسجدوں پر حملے کئے تو مسلح افواج نے بنیان مرصوص شروع کیا ،پھر دشمن کی حیثیت دیکھ لی ،پاکستان کے مقابلے میں بھارت کی فوج کچھ بھی نہیں،ضرورت اس امر کی ہے کہ کشمیر کے حوالہ سے عالمی سطح پر حکومت کام کرے، بیرون ممالک میں کشمیر ڈیسک بنائے جائیں، تعلیمی اداروں میں تحریک بنا کر کشمیر پر قوم کو متحد کیا جائے.


لاہور میں دو دہائیوں بعد بسنت منائے جانے کے موقع پر سول ایوی ایشن اتھارٹی نے فضائی تحفظ کے پیشِ نظر نوٹم جاری کر دیا ہے۔
پنجاب حکومت کی جانب سے 6 سے 8 فروری تک شہر بھر میں پتنگ اڑانے کی اجازت دی گئی ہے، جس کے باعث پائلٹس کو ٹیک آف اور لینڈنگ کے دوران محتاط رہنے کی ہدایت کی گئی ہے۔
‎سول ایوی ایشن اتھارٹی ہیڈ کوارٹرز کے مطابق نوٹم تین روز کے لیے جاری کیا گیا ہے تاکہ لاہور کی فضائی حدود میں پروازوں کو محفوظ بنایا جا سکے۔


لاہور الیکٹرک سپلائی کمپنی (لیسکو) نے نیٹ میٹرنگ صارفین کے لیے نئی بلنگ پالیسی جاری کرتے ہوئے ایکسپورٹ ریٹ میں کمی کردی ہے۔ اس کے تحت فی یونٹ ایکسپورٹ ریٹ 25.98 روپے سے کم ہو کر 25.32 روپے مقرر کیا گیا ہے، یعنی 66 پیسے کی کمی کی گئی ہے۔
لیسکو کے نوٹیفکیشن کے مطابق نئی بلنگ پالیسی جنوری 2026 کے بلنگ سائیکل سے نافذ العمل ہوگی۔ منظور شدہ ڈی جی کپیسٹی سے زائد ایکسپورٹ یونٹس پر پابندی عائد ہوگی اور اضافی ایکسپورٹ یونٹس کو ڈی جی کپیسٹی کے تناسب سے محدود کیا جائے گا۔
‎مزید برآں، سی پی 22 کے تحت ایکسپورٹ یونٹس کی ایڈجسٹمنٹ جاری رہے گی اور نیٹ میٹرنگ صارفین کے لیے ایکسپورٹ ایم ڈی آئی کا درست اندراج لازمی قرار دیا گیا ہے۔

بسنت کے موقع پر لاہور کی مارکیٹس میں تین دن کے دوران 54 کروڑ روپے سے زائد کی ڈور اور پتنگیں فروخت ہوئیں۔
پرنگ فروش انجمن کے ترجمان کے مطابق تیسرے روز تقریباً 5 لاکھ سے زائد پتنگیں اور گڈے، اور 10 ہزار سے زائد پنے فروخت ہوئے۔ مارکیٹ میں پتنگوں کی قیمتوں میں بھی اضافہ ریکارڈ کیا گیا۔
‎مارکیٹ ذرائع کے مطابق ڈیڑھ تاوا گڈا 650 روپے، ایک تاوا 450 روپے، اور پونا تاوا 250 روپے میں فروخت ہوا۔ دو پیس کا پنا 7 سے 8 ہزار روپے میں اور چار پیس کا پنا 12 سے 15 ہزار روپے میں فروخت ہوا۔
‎تیسرے روز خریدو فروخت کی مالیت تقریباً 20 کروڑ روپے رہی، پہلے اور دوسرے روز بالترتیب 16 اور 18 کروڑ روپے کی خریداری ہوئی۔