Category: لاہور

لاہور (باغی ٹی وی) کمال گرائمر سکول لاہور برانچ میں سالانہ نتائج کی پروقار تقریب منعقد ہوئی۔ تقریب میں نمایاں کارکردگی کا مظاہرہ کرنے والے طلبہ و طالبات کو شیلڈز اور میڈلز سے نوازا گیا، جبکہ والدین اور معزز مہمانوں نے طلبہ وطالبات کی حوصلہ افزائی کی۔

تقریب کا آغاز تلاوتِ کلامِ پاک سے ہوا، جس کے بعد نعتِ رسول مقبولﷺ پیش کی گئی۔ اس موقع پر پرنسپل کمال گرائمر سکول فیضان افتخار ہاشمی، ڈائریکٹر کمال گروپ آف انسٹیٹیوٹشنز رمضان علی، پرنسپل سلیم ماڈل سکول سلیم عالم، نوجوان ادیب و معلم اعجازالحق عثمانی، سمیت معزز اساتذہ، والدین اور اہلِ علاقہ کی بڑی تعداد نے شرکت کی۔ تقریب کے دوران طلبہ نے مختلف ثقافتی و تربیتی ٹیبلوز اور خاکے پیش کیے، جنہیں حاضرین نے بے حد سراہا۔ مہمانان نے کامیاب طلباء کی کارکردگی کو سراہتے ہوئے انہیں مستقبل میں مزید محنت کرنے کی تلقین کی۔ انہوں نے ادارے کی تعلیمی خدمات کو خراجِ تحسین پیش کرتے ہوئے کہا کہ معیاری تعلیم کے فروغ کے لیے کمال گرائمر سکول کا کردار قابلِ ستائش ہے۔

تقریب میں مہمانانِ گرامی نے پوزیشن حاصل کرنے والے طلباء میں شیلڈز اور میڈلز تقسیم کیے۔ والدین اور شرکاء نے تقریب کے بہترین انعقاد پر پرنسپل فیضان افتحار ہاشمی کو مبارکباد پیش کی۔ بہترین نتائج اور تقریب کے انعقاد کو بھی سراہا

پنجاب حکومت نے تعلیمی اداروں میں سگریٹ پینے پر پابندی عائد کر دی ہے۔

محکمہ تعلیم پنجاب نے اس فیصلے کا اعلان کرتے ہوئے کہا ہے کہ یہ اقدام تعلیمی اداروں میں منشیات کے استعمال کی روک تھام کے لئے اٹھایا گیا ہے۔ محکمہ تعلیم کا کہنا ہے کہ حکومت کی زیرو ٹالرنس پالیسی کے تحت تعلیمی اداروں میں منشیات کے استعمال کے خلاف سخت اقدامات کیے جائیں گے تاکہ نوجوان نسل کو صحت مند اور محفوظ ماحول فراہم کیا جا سکے۔یہ اقدام پنجاب کے تعلیمی اداروں میں صحت کے حوالے سے آگاہی بڑھانے اور بچوں و نوجوانوں کو نشے کی لعنت سے بچانے کے لئے کیا گیا ہے۔ محکمہ تعلیم نے مزید کہا ہے کہ تعلیمی اداروں میں سگریٹ نوشی اور منشیات کے استعمال پر سخت پابندیاں لگائی جائیں گی اور خلاف ورزی کرنے والوں کے خلاف قانونی کارروائی کی جائے گی۔

وزیراعلیٰ پنجاب مریم نواز کا کینسر سے بچاؤ کے عالمی دن پر پیغام
وزیراعلیٰ پنجاب مریم نواز نے کینسر سے بچاؤ کے عالمی دن کے موقع پر ایک اہم پیغام دیا۔ انہوں نے کہا کہ کینسر کی تشخیص اور علاج کے بارے میں عوامی شعور و آگاہی ضروری ہے۔ مریم نواز نے اس بات پر تشویش کا اظہار کیا کہ پاکستان میں کینسر کے باعث ہونے والی شرح اموات انتہائی بلند ہے، اور اس مسئلے کی روک تھام کے لئے عوامی سطح پر آگاہی کی ضرورت ہے۔وزیراعلیٰ پنجاب نے مزید کہا کہ منشیات اور سگریٹ نوشی سے پرہیز کر کے کینسر سے بچاؤ ممکن ہے۔ انہوں نے عوام کو یہ پیغام دیا کہ کینسر کی روک تھام کے لئے صحت مند طرز زندگی اپنانا ضروری ہے اور کینسر سے بچنے کے لئے سگریٹ نوشی اور منشیات سے دور رہنا بہت اہم ہے۔انہوں نے کہا کہ وہ چاہتی ہیں کہ پاکستان کے ہر ضلع میں کینسر کے مفت علاج کی سہولت فراہم کی جائے تاکہ عوام کو اس مہلک بیماری سے بچایا جا سکے۔ مریم نواز نے فضائی اور آبی آلودگی کو بھی کینسر کا ایک اہم سبب قرار دیا اور کہا کہ اس مسئلے کو حل کرنے کے لئے حکومت کو مزید اقدامات کرنے کی ضرورت ہے۔

یہ پیغام عوام میں کینسر سے بچاؤ کے حوالے سے آگاہی پیدا کرنے اور صحت کے مسائل پر قابو پانے کے لئے ایک اہم قدم ہے۔

مرکزی مسلم لیگ کے صدر خالد مسعود سندھو نے کہا ہے کہ پاکستانی قوم کشمیریوں کی قربانیوں کو رائیگاں نہیں جانے دے گی، کشمیری عوام کا حق ہے کہ وہ کشمیر کے لئے ہر طرح کی جدوجہد کریں پاکستانی کشمیریوں کی حمایت کریں، مسئلہ کشمیر حل ہو گا تو پاکستان میں بدامنی ختم ہو گی، ملک میں معاشی استحکام بھی آئے گا، ملکی دفاع کے لئے افواج پاکستان کی قربانیوں کی قدر کرتے ہیں، بڑھتی ہوئی دہشت گردی پاکستان کو مسئلہ کشمیر سے دور رکھنے کی سازش ہے، کشمیر آزاد ہو گا تب پاکستان مکمل آزاد ہوگا پانچ فروی کو ملک بھر میں یکجہتی کشمیر پروگرام ہوں گے اس عزم کے ساتھ کہ شہہ رگ کو دشمن سے چھڑائیں گے، ہم کشمیریوں کی آزادی اور شہ رگ کو چھڑانے کے لئے جدوجہد کریں گے یوم یکجہتی کشمیر کے موقع پر شہر رگ چھڑائیں گے” کے عنون سے جلسے، ریلیاں منعقد کی جائیں گی

مرکزی مسلم لیگ کے صدر خالد مسعود سندھو نے لاہور پریس کلب میں مرکزی مسلم لیگ لاہور کے سیکرٹری جنرل مزمل اقبال ہاشمی، مرکزی مسلم لیگ کے ترجمان تابش قیوم کے ہمراہ پریس کانفرنس کے دوران کہا کہ پاکستان کی مسلح افواج اور فورسز کے جوانوں کو خراج تحسین پیش کرتے ہیں جو جانوں کا نذرانہ دے کر ملک میں امن وامان قائم اور وطن عزیز کے دفاع میں اہم کردار ادا کر رہے ہیں، حالیہ مہینوں سے پاکستان میں بدامنی بڑھ چکی ہے انہوں نے کہا کہ ہمارا عرصہ دراز سے موقف ہے کہ اس کے پیچھے بھارت ہے، ہمارے اس مؤقف کی تائید وزیر دفاع خواجہ آصف بھی کر چکے ہیں، مرکزی مسلم لیگ کا واضح موقف ہے کہ مسئلہ کشمیر کو ہائی لائٹ نہ کیا گیا ، حل کی کوشش نہ کی گئی تو نہ تو دہشت گردی ختم ہو گی اور نہ مسائل حل ہوں گے، دشمن کی خواہش ہے کہ ہم تقسیم ہو جائیں ، لسانیت، صوبائیت میں تقسیم ہوں ، یہاں دہشت گردی ہو، بھارت نے کشمیر پر بین الاقوامی قوانین کی خلاف ورزی کی ہے ، خالد مسعود سندھو کا مزید کہنا تھا کہ وزیر اعظم آزاد کشمیر نے کہا کہ کشمیری عوام کا حق ہے کہ وہ کشمیر کے لئے ہر طرح کی جدوجہد کریں پاکستان مرکزی مسلم لیگ کشمیریوں کی حمایت کرتی رہی ہے اور کرتی رہے گی، آج متحد ہو کر کشمیر کے لئے کام کرنے کی ضرورت ہے، کشمیریوں کی آزادی کے لئے سیاسی انداز میں اور بین الاقوامی سطح پر بھی ان کی بھر پور و حمایت کی جائے، کشمیری جس ظلم کی چکی میں پس رہے ان کو نجات ملنی چاہئے ، خالد مسعود سندھو کا مزید کہنا تھا کہ مرکزی مسلم لیگ ایک ہفتے سے یکجہتی کشمیر کے لئے بھر پور انداز میں ملک بھر میں پروگرام کر رہی ہے، 5 فروری کو ملک بھر میں یکجہتی کشمیر پروگرام ہوں گے اس عزم کے ساتھ کہ شہہ رگ کو دشمن سے چھڑائیں گے، ہم کشمیریوں کی آزادی اور شہ رگ کو چھڑانے کے لئے جدوجہد کریں گے، ملک کے تمام چھوٹے بڑے شہروں میں بھی یکجہتی کشمیر کے پروگرام ہوں گے، جن میں تمام شعبہ ہائے زندگی سے تعلق رکھنے والے افراد شریک ہوں گے، میں قوم سے اپیل کرتا ہوں کہ کشمیریوں کی آزادی کے لئے آواز بلند کریں

مرکزی مسلم لیگ لاہور کے سیکرٹری جنرل مزمل اقبال ہاشمی کا کہنا تھا کہ کشمیر ایک قومی کاز ہے، قوم کو ملکر کشمیر کے لئے کام کرنا ہے، زندہ دلان لاہور نے بھی کشمیریوں کے ساتھ یکجہتی کے لئے بڑا کردار ادا کیا ہے، لاہور میں ہمارے ٹرک چل رہے ہیں جن پر ترانے چل رہے ہیں اور قوم کو آگاہی دی جا رہی ہے، آج لاہور کے تمام علاقوں فلوٹ بھی چلیں گے ،ہم لاہور میں 5 فروری کو یکجہتی کشمیر کے موقع پر ایجرٹن روڈ پر جلسہ عام کا انعقاد کریں گے، اور کشمیریوں کو بھر پور مدد و حمایت کا پیغام دیں گے، لاہور کے عوام کو یکجہتی کشمیر جلسے میں شرکت کے دعوت دیتے ہیں ، کشمیر کے حوالہ سے سوشل میڈیا پر بھی آواز اٹھائیں ،ایسا ماحول بنایا جائے کہ اہلیان کشمیر کو یہ پیغام جائے کہ پاکستانی قوم کشمیریوں کے ساتھ ہے، کشمیریوں کی قربانیوں کو فراموش نہیں کیا جا سکتا، لاہور ثابت کرے گا کہ آج بھی لاہوریوں کے دل کشمیریوں کے ساتھ دھڑکتے ہیں۔

ترجمان مرکزی مسلم لیگ تابش قیوم کا کہنا تھا کہ ملک میں امن و امان کے حوالے سے تشویش پائی جا رہی ہے، پچھلے دنوں فوجی جوان بڑی تعداد میں شہید ہوئے، اس کے پیچھے بہت بڑی سازش ہے، پاکستان کو تقسیم کرنے، انتشار، اختلاف کی بنیاد پر تباہ کرنا اور شہہ رگ سے دور رکھنا دشمن قوتوں کا مقصد ہے ، 5 فروری کو ہر سال کی طرح مرکزی مسلم لیگ کے زیر اہتمام شہہ رگ کو ہر صورت چھڑائیں گے کے عنوان سے ملک بھر میں یکجہتی کشمیر کے لئے پروگرام ہوں گے پاکستان قوم یکجہتی کشمیر کے موقع پر کشمیریوں کے ساتھ یکجہتی کا پیغام دے کر دنیا کو باور کروائے کہ ہم کشمیریوں کے ساتھ کھڑے ہیں

انسداد دہشت گردی عدالت: ڈرامہ نگار خلیل الرحمان قمر کے اغوا کا مقدمہ ،آمنہ عروج اور حسن شاہ سمیت دیگر ملزموں کیخلاف مقدمے کی سماعت ہوئی

پراسکیوشن کے گواہان کے بیان ریکارڈ نہیں ہو سکے ،وکلا ملزم نے کہا کہ گواہان کے ابھی تک بیانات کی نقول فراہم نہیں کی گئی،ملزموں کے وکلاء کے اعتراض کی وجہ سے گواہوں کے بیانات ریکارڈ نہیں ہوئے، ،عدالت نے مزید سماعت 10 فروری تک ملتوی کر دی،آمنہ عروج اور حسن شاہ سمیت 12 ملزموں کو جیل سے عدالت میں پیش کیا گیا،مدعی مقدمہ ڈرامہ نگار خلیل الرحمان مقدمہ کی پیروی کیلیے پیش ہوئے،مقدمہ سے دہشتگردی قانون کی دفعات ختم کرنے کی درخواست خارج ہو چکی ہے،انسداد دہشتگردی عدالت کے جج ارشد جاوید نے مقدمے پر سماعت کی.

خلیل الرحمان آج کل خبروں میں ہیں، گینگ سے تشدد کا نشانہ بننے سے لے کر نازیبا ویڈیو لیک ہونے تک ہر روز خلیل الرحمان قمر کی دو چار خبریں آ رہی ہیں، ہر خبر میں نئے انکشافات سامنے آ رہے جس میں خلیل الرحمان قمر کا حقیقی کردار بے نقاب ہو رہا ہے،خلیل الرحمان قمر آمنہ عروج کو فون کرتے تھے، خود ملنے گئے، ایک بار نہیں کئی بار ملے، نازیبا ویڈیو بنیں اور وائرل ہو گئیں، مقدمہ درج ہوا تو آمنہ عروج ،حسن شاہ و دیگر کو گرفتار کر لیا گیا خلیل الرحمان قمر بھی نازیبا ویڈیو وائرل ہونے کے بعد ایف آئی اے پہنچ گئے کہ میری ساکھ متاثر ہوئی ہے،خلیل الرحمان قمر کی نازیبا ویڈیو وائرل ہونے کے بعد انہیں سوشل میڈیا پر کڑی تنقید کا نشانہ بنایا جا رہا ہے،

خلیل الرحمان قمر کو 15 جولائی کو مبینہ طور پر اغوا کرکے تشدد کا نشانہ بنایا گیا تھا، ملزمان کے خلاف 21 جولائی کو تھانہ سندر میں مقدمہ درج کیا گیا تھا،پولیس کے مطابق کیس کے مرکزی ملزم حسن شاہ سمیت 12 ملزمان پولیس کی تحویل میں ہیں،حسن شاہ 28 جولائی کو پشاور سے اپنے دوست کے ہمراہ گرفتار ہوا تھا اور اسی دن ہی خلیل الرحمان قمر کی نازیبا ویڈیو وائرل ہوئی تھی،پولیس نے گینگ کا سابقہ مجرمانہ ریکارڈ نکال لیا ہے، ملزم حسن شاہ کے خلاف ننکانہ صاحب میں اغواء ، تشدد ، بجلی چوری کے 2 مقدمات درج ہیں ،ملزم کے ساتھی رفیق عرف فیکو قتل سمیت سنگین جرائم میں ملوث رہا ہے،مرکزی ملزم حسن شاہ اور رفیق کو پولیس نے پشاور سے گرفتار کیا ہے،پولیس ریکارڈ کے مطابق رفیق عرف فیکو کے خلاف قتل ، اقدام قتل ، تشدد کے 6 مقدمات شیخوپورہ میں درج ہیں،ملزم رفیق لاہور میں بھی قتل کے مقدمہ کا اشتہاری ہے،ملزم رفیق مرکزی ملزم حسن شاہ کے شوٹر کے طور پر آپریٹ کرتا ہے، ملزم حسن شاہ منشیات کا عادی ہے،افیون سمیت پکڑا گیا ہے

تھانے میں آمنہ کو کرنٹ لگایا گیا،خلیل سے معافی مانگو

خلیل قمر اور آمنہ کی انتہائی شرمناک ویڈیو،اس رات ہوا کیا تھا؟

خلیل الرحمان قمر کے ساتھ کبھی کام نہیں کروں گی،نادیہ افگن

خلیل الرحمان قمر کیس، آمنہ عروج سمیت 12 ملزمان پر فردجرم عائد