Category: لاہور

گزشتہ دنوں سوشل میڈیا پر عبدالاحد اور ان کی والدہ مدیحہ کاظمی کی تصاویر اور ویڈیوز وائرل ہوئیں جن میں عبدالاحد کی والدہ کا نکاح دکھایا گیا تھا۔ اس واقعے کے بعد، عبدالاحد اور مدیحہ کاظمی نے نکاح کی تفصیلات شیئر کی ہیں اور اس حوالے سے کھل کر بات کی ہے۔

حال ہی میں ایک انٹرویو میں عبدالاحد نے بتایا کہ "گزشتہ 18 سالوں میں اماں کے کئی رشتے آئے، اور ہم نے ہمیشہ ان سے شادی کرنے کی درخواست کی، لیکن وہ ہمیشہ انکار کر دیتی تھیں۔ ایک دن جب میں آفس سے گھر آیا، تو والدہ کمرے میں آئیں اور کہا کہ طوبیٰ (بیٹی) نے ایک رشتہ پیش کیا ہے، جس میں ایک انکل کی بات ہو رہی ہے۔” عبدالاحد نے مزید کہا کہ "میں نے یہ بات سنی اور زیادہ توجہ نہیں دی کیونکہ ہم نے اس بارے میں کبھی بات نہیں کی تھی اور اماں بھی ہمیشہ اس بات کو رد کر دیتی تھیں۔”

عبدالاحد نے یہ بھی بتایا کہ "ایک دو دن بعد والدہ پھر کمرے میں آئیں اور کہا کہ ان کی اس شخص سے بات ہو چکی ہے۔ اس وقت مجھے محسوس ہوا کہ وہ سنجیدہ ہیں۔ پھر والدہ نے کہا کہ ایک بار تم بھی بات کرو، اور میں نے اس موقع پر ان کا ساتھ دیا، حالانکہ یہ میرے لیے تھوڑا مشکل تھا۔ لیکن جب نکاح کا وقت آیا، تو مولوی صاحب بھی بہت خوش تھے اور وہ کہہ رہے تھے کہ ایسا کم ہی ہوتا ہے کہ بیٹا اپنی والدہ کے نکاح میں گواہ بنتا ہے۔”

مدیحہ کاظمی نے اس موقع پر اپنے تجربات شیئر کرتے ہوئے کہا کہ "جب مجھے طلاق ہوئی تھی، تو میرے بچے بہت چھوٹے تھے۔ اس وقت میں نے یہ فیصلہ کیا کہ میں دوبارہ شادی نہیں کروں گی کیونکہ ہمارے معاشرے میں طلاق شدہ خواتین کو کم ہی قبول کیا جاتا ہے، اور بچے بھی اس رشتہ میں کسی دوسرے کو آسانی سے قبول نہیں کرتے۔ اس وجہ سے مجھے شادی کرنے کا خوف تھا۔” انہوں نے کہا کہ "میری پہلی شرط یہ تھی کہ اگر وہ میرے بچوں کو اپنی زندگی کا حصہ بنائیں گے، تب ہی میں نکاح کرنے پر رضامند ہوں گی۔”

مدیحہ کاظمی نے تمام سنگل پیرنٹس کو مشورہ دیا کہ "زندگی کو ایک نیا موقع دیں اور شادی کریں، کیونکہ یہ صرف آپ کے لیے نہیں بلکہ آپ کے بچوں کے لیے بھی ضروری ہے۔”

عبدالاحد نے سوشل میڈیا پر اپنی والدہ کے نکاح کی ویڈیو شیئر کرنے کے حوالے سے بتایا کہ "مجھے اس ویڈیو کو اپ لوڈ کرنے میں تھوڑی ہچکچاہٹ ہو رہی تھی، لیکن دوستوں کے کہنے پر میں نے وہ ویڈیو شیئر کر دی، اور اس کا مجھے مثبت ردعمل ملا۔”

شادی کی آڑ میں مجرا پارٹی سے رقاصاؤں سمیت 50 افراد گرفتار

بیوی کی اجازت کے بغیر دوسری شادی،دولہا کو 6 ماہ قید کی سزا

بھارتی دو اداکاراؤں کی عمر40 برس سے زیادہ ،شادی کیوں نہ کی

پاکستان مرکزی مسلم لیگ لاہور کے سیکرٹری جنرل، مزمل اقبال ہاشمی نے کہا ہے کہ پارٹی اقتدار کی نہیں بلکہ ملک کی بقا کے لیے سیاست کر رہی ہے۔ انہوں نے اس بات پر زور دیا کہ پاکستان میں سود کا نظام کسی صورت جائز نہیں ہے اور اس کے اثرات پاکستانی معیشت پر بہت منفی پڑ رہے ہیں۔

باغی ٹی وی کو دیئے گئے ایک انٹرویو میں مزمل اقبال ہاشمی نے کہا کہ "سود پر قرضے پاکستانی معیشت کو تباہ کر رہے ہیں۔ ہم قرض لیتے ہیں ملکی و غیر ملکی اداروں سے اور پھر سود ادا کرتے ہیں، جس سے ریاست مقروض ہوتی جا رہی ہے۔” انہوں نے مزید کہا کہ سود کا نظام نہ صرف معیشت کے لیے بلکہ مذہبی لحاظ سے بھی حرام ہے کیونکہ سود اللہ اور اس کے رسول ﷺ کے ساتھ جنگ ہے۔ ان کا کہنا تھا کہ "سود کو ناجائز قرار دینا چاہیے کیونکہ یہ ہماری معیشت کو نگل رہا ہے۔”

باغی ٹی وی سے بات چیت میں مزمل اقبال ہاشمی نے پاکستان میں طبقاتی تقسیم کے مسئلے پر بھی بات کی۔ انہوں نے کہا کہ پاکستان میں امیروں اور غریبوں کے لیے مختلف تعلیمی ادارے ہیں، غریبوں کے ہسپتالوں میں بنیادی سہولتیں بھی میسر نہیں، اور امیروں کی ہاوسنگ سوسائٹیز میں بہت زیادہ فرق ہے۔ "ہمیں طبقاتی تقسیم کا خاتمہ کرنا ہے اور پروٹوکول کا بھی خاتمہ کرنا ہے۔”

مزمل اقبال ہاشمی کا مزید کہنا تھا کہ خواتین کو کام کرنے کی اجازت دینی چاہیے لیکن وہ دینی حدود کے اندر ہو۔ ان کا کہنا تھا کہ "چین، امریکہ، برطانیہ اور بھارت کے پاس اپنا کلچر ہے اور ہمیں اپنے کلچر کی حدود کا احترام کرنا چاہیے۔ ہمارے کلچر میں بھی خواتین کو تعلیم اور صحت کی سہولت دی گئی تھی جب اسلام کی ابتدا ہوئی۔ حضرت خدیجہ رضی اللہ عنہا کاروبار کرتی تھیں، اور ہم اپنی تہذیب اور ثقافت کو کسی کو کچلنے نہیں دیں گے۔”

باغی ٹی وی سے بات چیت کے دوران مزمل اقبال ہاشمی نے نوجوانوں کے لیے ایک اہم پیغام دیا اور کہا کہ "سوشل میڈیا پر نوجوان پاکستانیت کی بات کریں۔ مایوسی پھیلانے اور امید کا دیا جلانے میں فرق ہے۔ ہم مایوسی کی سیاست نہیں کرنا چاہتے، بلکہ نوجوانوں میں امید کا چراغ روشن کرنا چاہتے ہیں۔” انہوں نے اس بات پر زور دیا کہ سیاست میں انتشار کی فضا قائم نہیں کی جانی چاہیے اور گالی گلوچ کی ثقافت کو فروغ نہیں دینا چاہیے۔

مزمل اقبال ہاشمی نے واضح کیا کہ ان کی جماعت صرف اقتدار کے لیے نہیں بلکہ پاکستان کی بقا کی جنگ لڑ رہی ہے۔ "ہم اقتدار نہیں، بلکہ ملک کی ترقی اور خوشحالی چاہتے ہیں۔ اس کے لیے ہمیں ایک گرینڈ نیشنل ڈائیلاگ کی ضرورت ہے تاکہ سیاست کے 25 سالہ لائحہ عمل پر بات کی جا سکے۔ ہمیں ذمہ داری لے کر ملک کی تقدیر بدلنی ہوگی، نہ کہ کسی دوسرے پر الزام لگانا چاہیے۔”انہوں نے آخر میں کہا کہ "پاکستان میں دو راستے ہیں، ایک پاکستان کی بقا کی جنگ اور دوسری اقتدار کی۔ ہم صرف اقتدار کی جنگ نہیں لڑیں گے، بلکہ پاکستان کی بقا کی جنگ لڑیں گے۔”

ننکانہ:پاکستان مرکزی مسلم لیگ کا 2025 کو ‘خدمت کا سال’ قرار دینے کا اعلان

خواجہ آصف کو وزارت دفاع کے عہدے سے ہٹایا جائے،مرکزی مسلم لیگ

پارہ چنار میں پیش آنے والے واقعات افسوس ناک،علما آگے بڑھیں،تابش قیوم

پاکستان کا میزائل ، ایٹمی پروگرام امن اور تحفظ کی ضمانت ہے،تابش قیوم

غیر ملکی ریٹنگ ایجنسی ایس اینڈ پی گلوبل مارکیٹ انٹیلی جنس کے مطابق 4 پاکستانی بینک خطے میں سب سے زیادہ اسٹاک گروتھ دکھانے والے بینکوں میں شامل ہیں۔

ایس اینڈ پی گلوبل مارکیٹ انٹیلی جنس نے علاقائی بینکوں کی کارکردگی پر رپورٹ میں بتایا کہ 4 پاکستانی بینک خطیکے بہترین کارکردگی دکھانے والے 10سرفہرست بینکوں میں شامل ہیں۔رپورٹ میں کہا گیا ہے 4 پاکستانی بینکوں نے اے پی اے سی میں سب سے زیادہ اسٹاک گروتھ دکھائی جب کہ پاکستان نے ٹاپ 15 میں سے 6 پوزیشنز حاصل کیں۔رپورٹ کے مطابق یونائیٹڈ بینک لمیٹڈ، جس کا مارکیٹ کیپٹلائزیشن 1.68 ارب ڈالر ہے، اس نے مجموعی طور پر 159.7 فیصد حصص کا منافع ریکارڈ کیا اور خطے کے بہترین کارکردگی کا مظاہرہ کرنے والے بینک اسٹاکس کی درجہ بندی میں دوسرے نمبر پر رہا۔یونائیٹڈ بینک لمیٹڈ کے علاوہ ٹاپ 10 میں آنے والے دیگر 3 پاکستانی بینکوں میں نیشنل بینک آف پاکستان، بینک الفلاح لمیٹڈ اور بینک آف پنجاب شامل ہیں۔

حریم شاہ کی مردوں کے خلاف باتوں پرعدنان صدیقی کا جوابی وار

سندھ ہائیکورٹ میں 12 ایڈیشنل ججوں کیلئے نام سامنے آگئے

وائی فائی سےحساس معلومات کی چوری ، راؤٹرز غیر محفوظ قرار

سی ٹی ڈی افسر سمیت 3 اہلکار شہری کے اغوا کیس میں معطل

لاہور: پنجاب حکومت نے رواں سال بھی گندم نہ خریدنے کا فیصلہ کیا ہے-

باغی ٹی وی : تفصیلات کے مطابق پنجاب حکومت نے گزشتہ سال کی طرح رواں سال بھی کاشت کاروں سے گندم نہ خریدنے کا فیصلہ کیا ہے، اس حوالے سے گندم کی امدادی قیمت جاری نہ کرنے کی حکمت عملی تیار کی ہے۔

پنجاب حکومت نے ایک بار پھر گندم خریدنے سے انکار کردیا اور فصلوں کی امدادی قیمت دینا بھی بند کردی، جس سے کسانوں میں تشویش کی لہر دوڑ گئی، پہلے سے گوداموں میں موجود گندم کو اب طویل عرصے کے بعد فلور ملز کو جاری کرنا شروع کیا ہے۔

حکومتی فیصلے پر گندم کے کاشتکاروں نے سر پکڑ لیے، ان کا کہنا ہے کہ گزشتہ سال کا اسٹاک اب تک گوداموں میں ہے، نئی فصل کی بویائی ہوچکی، خریداری نہ ہوئی تو کیا ہوگا؟محکمہ خوراک پںجاب اور وفاقی حکومت محکمہ پاسکو کو بند کرنے کا فیصلہ کرچکی ہے، حکام کے مطابق فیصلہ محکمے میں کرپشن کے باعث کیا گیا-

دوسری جانب کسان اتحاد کے رہنما خالد باٹھ کا کہنا ہے کہ اگر حکومت نے کسانوں سے گندم نہ خریدی تو کسان تباہ و برباد ہوجائیں گے۔

لاہور: پنجاب پولیس میں 6 ہزار کانسٹیبل اور لیڈی کانسٹیبلز کی بھرتی کا اعلان کرد یا گیا –

باغی ٹی وی : پنجاب پولیس میں 6 ہزار کانسٹیبل اور لیڈی کانسٹیبلز کی بھرتی کا اعلان کرد یا گیا ہے، مراسلے کے مطابق پنجاب پولیس 6 ہزارکانسٹیبل، لیڈی کانسٹیبل سےدرخواستیں طلب کی گئیں،بھرتیوں کیلئےآن لائن فارم 11سے25جنوری تک پنجاب پولیس کی ویب سائٹ پردستیاب ہوں گے، امیدوار اپنے فارم متعلقہ اضلاع میں 300 روپے سروس چارجز کے ساتھ جمع کروائیں گے، بھرتی بورڈز شفافیت کے عمل کو یقینی بنائیں گے۔

مراسلے کے مطابق امیدوار کا صوبہ پنجاب، متعلقہ ضلع کا رہائشی اور شناختی کارڈ ہونا لازمی ہے، امیدوار کو بھرتی کیلئے کسی بھی قسم کی کوئی رعایت نہیں دی جائے گی ڈی آئی جی بھرتی بورڈ چیئرمین،متعلقہ سی پی او یا ڈی پی او سیکرٹری اور ایس پی ممبر ہوگا، ہر ضلع کی بھرتی کا شیڈول سی پی او سے جاری کیا جائے گاامیدوار مرد کیلئے قد 5 فٹ 7 انچ خاتون کیلئے 5 فٹ 2 انچ ہوگا اور بھرتی میں خواہش مند امیدوار کا سکینڈری بورڈ میں 50 فیصد نمبر لازمی، عمر کی حد 18سے 25 سال ہو۔

لاہور: وزیر اعلیٰ پنجاب مریم نواز شریف نے ہیلتھ کلینک کا افتتاح کر دیا۔

باغی ٹی وی: وزیر اعلیٰ پنجاب مریم نواز نے ہیلتھ کلینک کی افتتاحی تقریب سے خطاب کرتے ہوئے کہا کہ ہر روز ایک نیا چیلنج ہوتا ہے چیلنجز بہت زیادہ ہیں اور ہم عوامی کی خدمت پر یقین رکھتے ہیں پچھلے دور حکومت میں لوگوں کو مفت ادویات بند کر دی گئی تھیں لیکن ہم نے شہباز شریف کی روایت کو دوبارہ زندہ کیا میں خود مریضوں سے پوچھتی ہوں کہ دوائیاں فری مل رہی ہیں یا نہیں۔

مریم نواز نے کہا کہ پیرا میڈیکل اسٹاف کی زندگی میں خدمت کے علاوہ کوئی کام نہیں لیکن ہم سب اپنا کوئی کام خدمت اور فرض سمجھ کر نہیں کرتے بلکہ وقت گزار کر چلے جاتے ہیں ہم مریضوں کو اسپتالوں میں 90 فیصد مفت ادویات دے رہے ہیں یہاں پر دو ڈھائی کروڑ کی انسولین چوری ہوئی اور اسپتالوں میں مریضوں کو انٹری کے لیے بھی فیس ادا کرنا پڑتی تھی میں سوچ بھی نہیں سکتی تھی کہ یہ مسائل بھی یہاں پر ہیں۔

وفاقی وزارتوں نے معلومات تک رسائی کے قانون پر عملدرآمد نہیں کیا، فافن رپورٹ

وزیر اعلیٰ پنجاب نے کہا کہ لاہور کے 3 اسپتالوں میں اپنے آفیسرز لگائے اور ان اسپتالوں میں اپنے آفیسرز کو اپنی آنکھ اور کام بنا کر بھیجا ہے اسپتالوں میں ہیلپ ڈیسک کے علاوہ وزیر اعلیٰ کمپلین ڈیسک بھی قائم کر رہے ہیں اگر کسی کو شکایت ہے تو وہ فوری رپورٹ کر سکے گا۔

انہوں نے کہا کہ مسائل شدید ہیں لیکن راتوں رات تبدیلی نہیں آتی تاہم کوششیں کر رہے ہیں موبائل اسپتالوں میں 70 لاکھ سے زائد افراد کا علاج کیا جا چکا ہے یہ موبائل اسپتال دیہی علاقوں میں مختلف اقسام کے ٹیسٹ بھی کرتے ہیں کلینک آن ویل گلی محلوں میں جا کر مریضوں کا علاج کر رہے ہیں۔

دسمبر 2024 کیلئے پلیئر آف دی منتھ کی نامزدگیوں کا اعلان

مریم نواز نے کہا کہ ہم نے چین کا اسٹڈی ٹور کیا کینسر کے علاج کے لیے جدید ٹیکنالوجی کو پاکستان لانا ہے جبکہ لاہور میں کارڈیالوجی کا نیا اسپتال بن رہا ہے اور لاہور کارڈیالوجی میں دنیا کی بہترین مشینری لا رہے ہیں پاکستان کے پہلے پبلک سیکٹر کینسر اسپتال کی تعمیر تیزی سے جاری ہے اور چند ماہ قبل نواز شریف انسٹی ٹیوٹ آف کارڈیالوجی کی تعمیر کا آغاز ہوا اور اب نواز شریف انسٹی ٹیوٹ آف کارڈیالو جی کی چوتھی منزل بنائی جا رہی ہے۔

گووندا اور اہلیہ سنیتاعلیحدہ گھروں میں کیوں رہتے ہیں؟دلچسپ انکشاف

وزیر اعلیٰ پنجاب نے کہا کہ اس ماہ ساڑھے 12 ہزار بنیادی صحت مراکز (بی ایچ یوز) کو ری ویمپ کر دیں گے اور 904 بی ایچ یوز کو بہترین اسٹینڈرڈ پر ری ویمپ کیا ہے آپ کو اسپتالوں میں جا کر ایسا لگے گا کہ کسی ترقی یافتہ ملک کے اسپتال میں آ گئے ہیں ہر محلے اور گاؤں میں بی ایچ یوز موجود ہیں اور ہم ہر بی ایچ یوز کو منی اسپتال بنانے میں کامیاب ہوں گے دنیا کے جی بی ماڈل پر 2 ہزار 5 سو بی ایچ یوز کو ری ماڈل کر رہے ہیں جبکہ پنجاب کے بی ایچ یوز کو آؤٹ سورس کرنے کا فیصلہ کیا ہے کوشش کریں گے کہ بی ایچ یوز میں تمام بنیادی سہولیات موجود ہوں۔

لاہور میں فضائی آلودگی کے خاتمے کیلئے جدید طریقہ لاگو کرنے کا فیصلہ