Category: لاہور

مہنگائی اور غربت میں کمی کے حکومتی دعوے جھوٹے ہیں ۔ پاکستان میں غربت مزید سات فیصد بڑھ گئی ہے اور مزید ایک کروڑ تیس لاکھ پاکستانی خط ِ غربت سے نیچے چلے گئے ہیں ۔ادویات کی قیمتوں میں مزید تین سو فیصد اضافہ ظالمانہ قدم ہے ۔

ان خیالات کا اظہار معروف سیاسی سماجی رہنما ڈاکٹر سبیل اکرام نے کیا ۔ انھوں نے کہا کہ حکومت لوگوں کو زندہ درگور کردینا چاہتی ہے ۔ حکمران اتحاد کو چاہئے کہ وہ سیاسی محاذ آرائی کی بجائے عوام کو درپیش مسائل حل کرنے ، مہنگائی پر قابو پا، امن وامان قائم کرنے اور دہشت گردی کے خاتمہ پر توجہ دے ۔حکومت کی غلط ترجیحات کی وجہ سے پاکستان جنوبی ایشیا کا مہنگا ترین ملک بن چکا ہے ۔ انھوں نے کہا کہ حکمران مسائل حل کرنے کی بجائے سیاسی محاذ آرائی میں مصروف ہیں ۔یہی وجہ ہے کہ پاکستان میں غربت اور مہنگائی بے لگام ہو چکی ہے ، حکمرانوں کی طرف سے مہنگائی اور غربت میں کمی کے دعوے جھوٹے ہیں ۔مہنگائی اور غربت مسلسل بڑھ رہی ہے۔ لوگ مہنگائی اور بے روزگاری کی وجہ سے خودکشیاں کررہے ہیں ۔ابھی ادویات کی قیمتوں میں مزید تین سو فیصد اضافہ سے لوگوں کےلئے علاج کروانا ممکن نہیں رہے گا ۔ حالات تباہی کی طرف جارہے ہیں۔ ریلیف نہ دیا گیا اور مہنگائی کو کنٹرول نہ کیا گیا تو کوئی بڑاحادثہ جنم لے سکتا ہے ۔ اسلامی فلاحی ریاست میں بے حیائی ، مہنگائی ، ذخیرہ اندوزی کو کنٹرول کیا اور جرائم کا قلع قمع کیاجاتا ہے۔ عوام کے لئے تمام بنیادی سہولتیں دستیاب ہوتی ہیں اور امن وامان کا دور دورہ ہوتا ہے لیکن اس وقت ملک میں مہنگائی کا جن بے قابوہوچکا ہے ۔ اشیائے خوردونوش کی قیمتوں میں بے تحاشہ اضافے کی دوڑ لگی ہوئی ہے جس کانتیجہ ہے کہ جرائم خوفناک حد تک بڑھ رہے ہیں، عوام مہنگائی کی چکی میں پس رہے اور لوگ خودکشیاں کررہے ہیں ۔ان حالات میں ضروری ہے کہ حکمران طبقہ عوام کو درپیش مسائل حل کرنے اور مہنگائی پرقابو پانے کی کوشش کرے تاکہ لوگ خوشحال ہوں اور ملک میں امن وامان کا دور دورہ ہو۔

بانی پی ٹی آئی واضح کرچکے ہیں کہ وہ کوئی ڈیل نہیں چاہتے،بیرسٹر گوہر

آذربائیجان کے صدر کا روس پر مسافر طیارے کے حادثے کو چھپانے کا الزام

پنجاب کی وزیراعلیٰ مریم نواز نے طلبہ کے لئے ایک اہم خطاب کیا ہے جس میں انہوں نے نہ صرف تعلیمی سکالرشپس کے حوالے سے اہم اعلان کیا بلکہ سیاسی اور سماجی شعور پر بھی روشنی ڈالی۔ یہ خطاب بہاؤالدین زکریا یونیورسٹی ملتان میں ہونہار سکالرشپ پروگرام کی تقریب میں کیا گیا۔

وزیراعلیٰ مریم نواز نے تقریب سے خطاب کرتے ہوئے کہا کہ "طلبہ کسی کے بہکاوے میں نہ آئیں، کسی کا ایندھن مت بنیں۔ سیاسی پسند ناپسند بری بات نہیں، لیکن دوسروں کی عزت کریں۔” انہوں نے مزید کہا کہ "اگر کوئی کہے آگ لگاؤ، میٹرو توڑ دو تو اس کی باتوں میں مت آنا۔” انہوں نے طلبہ کو نصیحت کرتے ہوئے کہا کہ "جب بچے معافی مانگ کر جیلوں سے باہر آتے ہیں تو مجھے تکلیف ہوتی ہے، ہمیں کبھی اپنے ملک کے خلاف نہیں جانا چاہیے۔”سیاسی بات نہیں، ماں بچوں سے بات کررہی ہے، میرے بچو، اگر کوئی کہے آگ لگاؤ، میٹرو توڑ دو، سڑکیں بلاک کردو، گولیاں چلا دو، تو اس کی باتوں میں مت آنا،اب وہ معافی مانگ کر باہر آئے،مجھے تکلیف ہوئی،

مریم نواز نے اپنے خطاب میں اس بات پر زور دیا کہ تعلیم کا حصول آج کے دور میں بہت ضروری ہے اور اس کے لیے ضروری ہے کہ طلبہ محنت اور ایمانداری سے کام کریں۔ "آج تعلیم مہنگی ہے اور اس کی قیمت بہت زیادہ ہے، لیکن میں خوش ہوں کہ سکالرشپس کی مدد سے طلبہ نے اپنی محنت سے اپنے والدین کا بوجھ ہلکا کیا ہے۔”وزیراعلیٰ پنجاب نے اس موقع پر سکالرشپس حاصل کرنے والے تمام طلبہ اور ان کے والدین کو مبارکباد پیش کرتے ہوئے کہا کہ "آج میں بطور وزیراعلیٰ نہیں، بلکہ ایک ماں کے طور پر آپ سے مخاطب ہوں۔”انہوں نے مزید کہا کہ "یہ سکالرشپس میرے پیسے نہیں، بلکہ پنجاب کے عوام کے پیسے ہیں، یہ پیسہ آپ کا تھا، اور پچھلے 75 سال میں آپ کو یہ کیوں نہیں ملا؟” مریم نواز کا کہنا تھا کہ انہوں نے سکالرشپس دینے کا فیصلہ اس لئے کیا ہے تاکہ تعلیم کا راستہ سب کے لیے کھلا ہو اور کوئی بھی طالب علم میرٹ کی بنیاد پر فائدہ حاصل کرسکے۔

مریم نواز نے یہ بھی بتایا کہ "ہمیں یہ یقینی بنانا ہے کہ ہر ذہین طالب علم کو تعلیم کے حصول کے لیے مالی مسائل کا سامنا نہ ہو۔ ہم کوشش کر رہے ہیں کہ سکالرشپس کی تعداد 30 ہزار سے بڑھا کر 50 ہزار تک کر دیں۔” ان کا مزید کہنا تھا کہ "انٹرنیشنل سکالرشپس پروگرام پر بھی کام ہو رہا ہے، جسے بہت جلد شروع کیا جائے گا، اور ہم طلبہ کے لیے جدید لیپ ٹاپس فراہم کرنے کے لئے تیار ہیں۔”انہوں نے اس عزم کا اظہار کیا کہ پنجاب میں تعلیمی اداروں میں بہتر انفراسٹرکچر کی فراہمی اور طلبہ کے لیے بہتر سہولتیں فراہم کی جائیں گی۔ "ہم نے 30 ہزار الیکٹرک بائیکس دینے کا منصوبہ شروع کیا ہے جس کا پہلا فیز مکمل ہو چکا ہے، اور چینی کمپنیاں پنجاب میں الیکٹرک بائیکس کا یونٹ لگا رہی ہیں۔”مریم نواز نے مزید کہا کہ "ہم طالب علموں کے لیے بلا سود قرض پروگرام بھی شروع کر رہے ہیں جس میں 3 کروڑ روپے تک کا قرضہ دیا جائے گا۔ اس قرضے سے آپ اپنے کاروبار کا آغاز کر سکیں گے۔ اگلے ہفتے ہم اس قرض پروگرام کو لانچ کرنے جا رہے ہیں۔”

آخر میں، وزیراعلیٰ پنجاب نے کہا کہ "میرا مقصد یہ ہے کہ ہر بچہ اور بچی اعلیٰ تعلیم حاصل کرے اور اس کے لئے ہمیں ہر ممکن مدد فراہم کرنی ہے۔ آپ نے داخلہ لینا ہے تو فیس کی پوری ذمہ داری میری ہے۔”اس خطاب کے دوران مریم نواز نے طلبہ کو اپنے روشن مستقبل کی تعمیر کے لیے محنت کی تلقین کی اور کہا کہ وہ ہمیشہ پنجاب کے عوام کے ساتھ ہیں تاکہ تعلیمی میدان میں ہر ایک کو برابر کے مواقع مل سکیں۔

یہ تقریب ہونہار سکالرشپس کے حوالے سے ایک سنگ میل ثابت ہو سکتی ہے، کیونکہ وزیراعلیٰ پنجاب نے اپنے پروگرام کے ذریعے نہ صرف تعلیمی میدان میں بہتری لانے کی کوشش کی ہے بلکہ نوجوانوں کو اپنی صلاحیتوں کو بروئے کار لانے کا موقع فراہم کرنے کے لیے متعدد نئے اقدامات بھی کیے ہیں۔

عامر خان کے بیٹے جنید خان بچپن میں کونسی بیماری میں مبتلا تھے؟

بنگلہ دیش کےبھارت میں ججز تربیتی پروگرام منسوخ

پنجاب کی پہلی خاتون وزیراعلیٰ، مریم نواز، کے سیاسی میدان میں قدم رکھتے ہی نہ صرف سراہا گیا ہے بلکہ انہیں سخت تنقید کا سامنا بھی کرنا پڑا ہے۔

حال ہی میں مریم نواز کو اس وقت نئی تنقید کا سامنا کرنا پڑا جب متحدہ عرب امارات کے صدر محمد بن زید النہیان کے ساتھ ان کے مصافحے کی ایک تصویر سوشل میڈیا پر وائرل ہوگئی۔ پی ٹی آئی کے سوشل میڈیا کارکنوں نے اس تصویر کو اپنے سیاسی ایجنڈے کے تحت استعمال کیا اور اسے مریم نواز کے خلاف ایک ہتھیار کے طور پر پیش کیا۔ مریم نواز اور امارات کے صدر کی مصافحے کی تصویر سوشل میڈیا پر تیزی سے پھیل گئی، جس پر مختلف تبصرے سامنے آئے۔ پی ٹی آئی کے حامیوں نے اس پر سوال اٹھایا کہ جب مریم نواز نے نیب کے افسران کے سامنے تفتیش کے دوران "محرم اور نا محرم” کے مسائل کو اہمیت دی تھی، تو اب اس سفارتی مصافحے کو کس نظر سے دیکھا جائے؟ ایک صارف طارق متین نے اس تصویر پر تبصرہ کرتے ہوئے لکھا: "جب آپ اہم عہدے پر ہوں تو مرد و خواتین دنیا بھر میں مصافحہ کرتے ہیں، لیکن مریم نواز وہ ہیں جنہیں نیب کے افسران کے سامنے محرم اور نا محرم کے مسائل یاد آتے تھے”۔

https://x.com/tariqmateen/status/1875971791325380695

ملیحہ ہاشمی کہتی ہیں کہ مریم نواز کا عربی شیخ کے ہاتھ کو اپنے دونوں ہاتھوں سےپکڑ کر گرمجوشی سے مصافحہ کرنے پر شاید عوام کا اتنا سخت رد عمل نہ آتاماگر مریم نواز نے اپنےبارے میں یہ نہ کہا ہوتا کہ میں تو اتنی مذہبی ہوں کہ نیب کو جواب جمع کروانے نہیں جا سکتی کہ تفتیشی افسر نامحرم ہیںمعربی شیخ محرم ہے؟ اور اگر یہاں محرم یا نامحرم کا کوئی مسئلہ نہیں تو نیب کو جواب دینے میں ٹال مٹول کرنے کیلئے مذہب کارڈ کیوں کھیلا گیا؟

https://x.com/MaleehaHashmey/status/1876167284013801689

ایک صارف فرحان کا کہنا تھا کہ حکومت میں موجود خواتین کا مصافحہ کرنا نئی بات نہیں حنا ربانی کھر ایسا کرتی رہی ہیں بے نظیر بھٹو شہید اکثر کیا کرتیں تھیں شیرین مزاری نے مصافحہ کیا ہے وہ عجوبہ نہیں ۔ مگر یہاں مسئلہ ہے کہ مصافحہ نہیں کیا گیا بلکہ مریم نواز ہاتھ پکڑ کر سہلا رہی ہیں جو کہ مصافحہ نہیں کہلاتا

مریم نواز کی ایک ویڈیو بھی سوشل میڈیا پر شیئر کی گئی جس میں وہ کہتی نظر آئیں کہ "میرا تعلق ایک مذہبی گھرانے سے ہے، یہ چیز میرے خون میں شامل ہے، دین سے محبت، اسلام سے محبت میرے خون میں شامل ہے۔” یہ ویڈیو کلپ بعض حلقوں کے لیے ایک اضافی دلیل بن گئی کہ مریم نواز کی سیاسی موقف اور مذہبی عقائد میں تضاد ہے۔

مریم نواز کی مذہبی تربیت اور سیاست میں ان کے رویے پر ہونے والی تنقید نے اس بات کو اجاگر کیا کہ سیاست میں خواتین کو ہمیشہ دوہرے معیارات کا سامنا کرنا پڑتا ہے۔ جہاں ایک طرف ان کی مذہبی وابستگی پر سوالات اٹھائے گئے، وہیں ان کے سیاسی حریفوں نے ان کے بارے میں یہ بھی کہا کہ ان کا مذہبی کارڈ کامیابی کے لیے نہیں بلکہ سیاسی فائدے کے لیے استعمال کیا جا رہا ہے۔ شاہد خان نے لکھا: "مریم نواز کا مذہبی کارڈ تو وڑ گیا”۔

https://x.com/Fawadali34990/status/1876204208418123867

مریم نواز کی سیاسی سفر اور ان پر ہونے والی تنقید، خاص طور پر خواتین کی قیادت کے حوالے سے، یہ ظاہر کرتی ہے کہ پاکستان میں خواتین کو سیاست میں قدم رکھنے کے دوران کثیر جہتی چیلنجز کا سامنا کرنا پڑتا ہے۔ انہیں نہ صرف مردوں کی برابری کے طور پر تسلیم نہیں کیا جاتا بلکہ ان کی کامیابیوں کو بھی اکثر ان کے جنس کی بنیاد پر پرکھا جاتا ہے۔

ایک صارف موسی نے ایکس پر لکھا کہ پی ٹی آئی کو مریم نواز کے مصافحے والی تصویر سے تکلیف نہیں اور نا ہی کوئی غیرت اور کلچر کا فیکٹر ہے ورنہ بشری بی بی اور پرویز پادری کی 26 نومبر کے احتجاج کے دوران غیر معمولی قربت کی تصاویر پر بھی غیرت جاگتی،پی ٹی آئی کا اصل مسئلہ تصویر میں نظر آنے والی دوسری شخصیت سے ہے کہ جن ممالک کو ناراض کر کے پاکستان کو تنہا کر چکے تھے وہ پھر سے پاکستان کے دورے کیوں کر رہی ہیں اور پاکستان میں اربوں ڈالرز کی سرمایہ کاری کیوں کر رہی ہیں

https://x.com/musachaudhary93/status/1876202267264889075

شہید اعتزاز حسن کی بے لوث قربانی مشعل راہ ہے،وزیراعظم

رواں سال رونما ہونے والے 6 نایاب فلکیاتی مظاہر