Category: لاہور


فلائٹ ٹریکنگ ڈیٹا کے مطابق ایک گلف اسٹریم جی 500 طیارہ جس کا رجسٹریشن نمبر N144S ہے، 8 مارچ کو لاہور سے روانہ ہو کر ویانا پہنچا۔ رپورٹ کے مطابق طیارہ صبح تقریباً 9 بج کر 7 منٹ پر لاہور ایئرپورٹ سے روانہ ہوا اور تقریباً 7 گھنٹے 5 منٹ کی پرواز کے بعد ویانا میں لینڈ کیا۔
اطلاعات کے مطابق یہی طیارہ اس سے قبل پنجاب کی وزیراعلیٰ مریم نواز کے وی آئی پی دوروں کے لیے بھی استعمال ہوتا رہا ہے اور بعض پروازوں میں اس کا کال سائن "پنجاب 2” دیکھا گیا تھا۔
‎تاہم اس پرواز میں کون سوار تھا اس حوالے سے کوئی سرکاری تفصیلات جاری نہیں کی گئیں اور نہ ہی مسافروں کی فہرست سامنے آئی ہے۔
‎یہ خبر ایسے وقت میں سامنے آئی ہے جب عالمی سطح پر تیل کی قیمتوں میں اضافے کے باعث پاکستان میں بھی پیٹرول کی قیمت میں 55 روپے فی لیٹر اضافہ کر کے اسے 321.17 روپے فی لیٹر کر دیا گیا ہے۔


وزیراعلیٰ پنجاب مریم نواز شریف نے خطے میں جاری کشیدہ صورتحال اور ممکنہ معاشی دباؤ کے پیش نظر غیر معمولی اقدامات کرنے کا فیصلہ کیا ہے۔ حکومت نے پیٹرولیم بحران کے خاتمے تک صوبائی وزرا کے لیے سرکاری فیول بند کرنے کا اعلان کر دیا ہے۔
حکومتی فیصلوں کے مطابق سرکاری افسران کی گاڑیوں کے لیے پیٹرول اور ڈیزل الاونس میں فوری طور پر 50 فیصد کمی کر دی گئی ہے جبکہ صوبائی وزرا اور اعلیٰ سرکاری افسران کے ہمراہ چلنے والی پروٹوکول گاڑیوں پر بھی پابندی عائد کر دی گئی ہے۔ ناگزیر سکیورٹی کے تحت صرف ایک گاڑی ہمراہ رکھنے کی اجازت ہوگی۔
‎حکومت نے سرکاری دفاتر میں ورک فرام ہوم پالیسی نافذ کرنے کا فیصلہ کیا ہے جس کے تحت صرف ضروری عملہ دفاتر میں حاضر ہوگا جبکہ باقی امور آن لائن طریقے سے انجام دیے جائیں گے۔ اسی طرح سرکاری اجلاس آن لائن اور ٹیلی کانفرنس کے ذریعے منعقد کیے جائیں گے۔
‎تعلیمی اداروں کے حوالے سے اعلان کیا گیا ہے کہ پنجاب بھر میں سکول، کالج اور یونیورسٹیاں 10 مارچ سے 31 مارچ تک بند رہیں گی تاہم امتحانات شیڈول کے مطابق ہوں گے اور ادارے آن لائن کلاسز جاری رکھ سکیں گے۔
‎حکومت نے تمام سرکاری آؤٹ ڈور تقریبات پر پابندی عائد کر دی ہے اور ہارس اینڈ کیٹل شو سمیت دیگر ثقافتی سرگرمیاں بھی ملتوی کر دی گئی ہیں۔
‎پیٹرولیم مصنوعات کی نگرانی کے لیے ہر ضلع میں ڈسٹرکٹ پیٹرولیم مانیٹرنگ کمیٹیاں قائم کرنے کا حکم دیا گیا ہے جبکہ پی آئی ٹی بی کو ٹریک اینڈ ٹریس سسٹم تیار کرنے کی ذمہ داری سونپی گئی ہے جس میں ضلعی انتظامیہ، پولیس اور دیگر اداروں کے نمائندے شامل ہوں گے۔
‎وزیراعلیٰ نے نجی شعبے کو بھی ورک فرام ہوم اختیار کرنے، غیر ضروری تقریبات سے گریز کرنے اور صرف ضروری عملہ بلانے کی ہدایت کی ہے۔ ساتھ ہی ٹرانسپورٹ کرایوں اور اشیائے خورونوش کی طلب و رسد کی سخت نگرانی کا حکم بھی دیا گیا ہے۔
‎مریم نواز شریف نے عوام سے اپیل کی کہ بحران کے دوران غیر ضروری خریداری، ذخیرہ اندوزی، لیٹ نائٹ شاپنگ اور غیر ضروری آؤٹ ڈور تقریبات سے گریز کیا جائے۔
‎انہوں نے وزیراعظم شہباز شریف اور فیلڈ مارشل عاصم منیر کو مشکل حالات میں جراتمندانہ فیصلوں پر خراج تحسین پیش کرتے ہوئے کہا کہ مشکل وقت میں قوم کو اتحاد، صبر اور دانشمندی کے ساتھ حالات کا مقابلہ کرنا چاہیے۔

وزیراعظم شہباز شریف نے مسلم لیگ (ن) کے سربراہ نواز شریف سے جاتی امرا میں ملاقات کی جس میں پیٹرولیم مصنوعات کی قیمتوں، طلب و رسد اور موجودہ صورتحال پر تبادلہ خیال کیا گیا۔

میڈیا رپورٹس کے مطابق ملاقات میں وزیراعلیٰ پنجاب مریم نواز بھی شریک تھیں جبکہ پیٹرول اور ڈیزل کی قیمتوں میں حالیہ اضافے کے بعد پیدا ہونے والی صورتحال بھی زیر غور آئی،ملاقات کے دوران پیٹرولیم مصنوعات کی قیمتوں، طلب اور رسد سے متعلق امور پر تفصیلی تبادلہ خیال کیا گیا، ذرائع کے مطابق ملک میں پیٹرولیم مصنوعات کی موجودہ صورتحال اور عالمی منڈی میں قیمتوں کے اتار چڑھاؤ کے اثرات پر بھی گفتگو ہوئی۔

واضح رہے کہ گزشتہ روز حکومت نے پیٹرولیم مصنوعات کی قیمتوں میں نمایاں اضافہ کیا تھا جس کے بعد عوام کی جانب سے شدید ردعمل سامنے آیا اور قیمتوں میں کمی کا مطالبہ کیا گیا،حکومت نے پیٹرول اور ڈیزل کی قیمت میں 55، 55 روپے فی لیٹر اضافہ کیا ہے جس کے بعد ملک بھر میں پیٹرولیم مصنوعات کی قیمتیں نمایاں طور پر بڑھ گئی ہیں۔

ایوان صدر میں یتیم بچوں کے اعزاز میں افطار ڈنر

سعودی عرب:سیکیورٹی اہلکاروں کے لیے قرآنِ کریم حفظ مقابلے کا اعلان

سعودی ساحل کے قریب ایران کا بحری جہاز پر حملہ،اسرائیل میں بھی دھماکوں کی گونج

ایف آئی اے نے پاکستان کے میڈیا سیکٹر میں مبینہ منی لانڈرنگ کے ایک بڑے نیٹ ورک کی تحقیقات کا دائرہ وسیع کر دیا ہے۔ اس سلسلے میں ہم نیٹ ورک کے کمپنی سیکریٹری کو طلب کر لیا گیا ہے جبکہ متعدد دیگر معروف اداروں کے مالیاتی ریکارڈز بھی حاصل کیے جا رہے ہیں۔

ذرائع کے مطابق یہ تحقیقات ابتدا میں ایک معمول کی کارروائی کے طور پر شروع ہوئیں جب ایف آئی اے کے کمرشل بینکنگ سرکل کراچی نے جے ایس بینک کی زمزمہ برانچ پر چھاپہ مارا۔ چھاپے کی وجہ حوالہ اور ہنڈی کے ذریعے غیر قانونی رقوم کی ترسیل اور غیر قانونی طور پر غیر ملکی کرنسی کی فروخت کے الزامات تھے،اس کارروائی کے دوران بینک کے ایریا منیجر نعمان رؤف کو اپنے چند ساتھیوں سمیت گرفتار کیا گیا۔ حکام کے مطابق ان پر تقریباً 15 ہزار امریکی ڈالر غیر قانونی طور پر فروخت کرنے کا الزام ہے،تفتیش کے دوران جب حکام نے نعمان رؤف کا ذاتی موبائل فون چیک کیا تو اس میں موجود ڈیٹا نے پورے کیس کا رخ بدل دیا۔ تحقیقاتی ٹیم کو ایسے شواہد ملے جن سے میڈیا انڈسٹری سے مبینہ مالی روابط اور رقوم کی ترسیل کے نیٹ ورک کا انکشاف ہوا۔

تحقیقاتی حکام کے مطابق حوالہ سسٹم کے ذریعے تقریباً ایک کروڑ متحدہ عرب امارات درہم پاکستان منتقل کیے گئے اور بعد ازاں یہ رقم جے ایس بینک کی زمزمہ برانچ سے مختلف افراد تک پہنچائی گئی۔ بعد کی کارروائیوں میں ایک اور نیٹ ورک بھی سامنے آیا جس میں حوالہ ٹرانزیکشنز اور غیر قانونی ڈالر ٹریڈنگ کا انکشاف ہوا۔ایف آئی اے کے مطابق اس نیٹ ورک کی سرگرمیوں کو چھپانے کے لیے انتہائی منظم طریقہ کار اختیار کیا گیا تھا۔ رقم کی نقل و حرکت میں شامل افراد ایسی سمز استعمال کرتے تھے جو سری لنکا، نیپال، دبئی اور سنگاپور میں رجسٹرڈ تھیں۔ پورے نیٹ ورک میں پاکستانی موبائل نمبرز کا استعمال نہیں کیا گیا،حکام ان نمبرز کے ذریعے متعلقہ افراد تک پہنچنے کی کوشش کر رہے ہیں۔ تفتیش کاروں کا کہنا ہے کہ کچھ نام فرضی بھی ہو سکتے ہیں تاہم کال اور پیغامات کا ریکارڈ موجود ہے جس کی بنیاد پر مزید تحقیقات جاری ہیں۔

میڈیا رپورٹس کے مطابق ابتدائی شواہد سے پتہ چلتا ہے کہ یہ مبینہ نیٹ ورک کم از کم تین سال سے خاموشی کے ساتھ کام کر رہا تھا۔ ایف آئی اے کے اندرونی ذرائع کا کہنا ہے کہ اب تک سامنے آنے والی معلومات ممکنہ طور پر پورے نیٹ ورک کا صرف پانچ فیصد ہیں۔تحقیقاتی ٹیم کو شبہ ہے کہ جب کمپنیوں کے مکمل مالیاتی ریکارڈ حاصل کر کے ان کا تفصیلی تجزیہ کیا جائے گا تو مزید بڑے نام سامنے آ سکتے ہیں۔