Category: لاہور

وزیر اعلیٰ مریم نواز نے ارکان اسمبلی سے ملاقات میں کہا کہ پنجاب کے پہلا سرکاری کینسر ہسپتال اور نواز شریف میڈیکل سٹی کو جلد از جلد مکمل کریں گے۔

وزیراعلیٰ پنجاب مریم نواز کا کہنا تھا کہ پہلا سرکاری آٹزم سکول مریض بچوں کے لئے روشنی کی کرن ہے۔ ہر ضلع میں کیتھ لیب پراجیکٹ کی وجہ سے امراض دل کا فوری اور موثر علاج ممکن ہورہا ہے۔ مریم نواز شریف نے کہا کہ اپنا چھت، اپنا گھر سکیم کے تحت سوا لاکھ کے لگ بھگ گھر تیزی سے تکمیل کے مراحل میں ہیں۔ پنجاب میں بے روزگار اور بے زمین کاشتکاروں کے لئے اپنا کھیت، اپنا روزگار پراجیکٹ بھی شروع کیا جا رہا ہے۔ ارکان اسمبلی نے وزیر اعلیٰ پنجاب سے ملاقات میں سڑکوں اور گلیوں کی تعمیر وتوسیع، ڈرینج اور صاف پانی کی فراہمی کے مثالی گاؤں پراجیکٹس کو خراج تحسین پیش کیا۔ انہوں نے پہلی مرتبہ شہروں کی طرح دیہات میں بھی ستھرا پنجاب کے تحت صفائی کا مربوط نظام لانے پر اظہار مسرت بھی کیا۔

معرکہ حق، عشرہ تشکر، پانچویں روز بھی مرکزی مسلم لیگ کے زیر اہتمام ملک گیر پروگراموں کا سلسلہ جاری رہا، آل پارٹیز کانفرنسز ،اجلاسوں کے علاوہ مسلم یوتھ لیگ، مسلم اسٹوڈنٹس لیگ، علما ونگ کے زیر اہتمام بھی تقریبات کا انعقاد کیا گیا،مقررین نے خطابات میں مسلح افواج کو شاندارفتح پر خراج تحسین پیش کیا اور کہا کہ بھارتی رافیل گرا کو پاک فضائیہ کے شاہینوں نے تاریخ رقم کی،پاکستان نے جواب دینا شروع کیا تو چند ہی منٹوں میں مودی نے ٹرمپ کے سامنے گھٹنے ٹیک دیئے، پاکستان کے دفاع کے لئے مسلح افواج اور قوم یکجا ہیں،

مرکزی مسلم لیگ کے زیر اہتمام عشرہ تشکر کے سلسلہ میں ملک مختلف شہروں منڈی بہاؤالدین، گجرات ،لودھراں، چنیوٹ، بہاولنگر، مظفر گڑھ میں اے پی سیز،فیصل آباد میں مسلم یوتھ لیگ کی اے پی سی، شیخوپورہ میں مسلم اسٹوڈنٹس لیگ کی تقریب، مانسہرہ میں بنیان مرصوص علماء کنونشن، چکوال،تلہ گنگ،میں بنیان مرصوص اجلاس ہوئے،لودھراں میں بنیان مرصوص ریلی نکالی گئی، آل پارٹیز کانفرنسز میں مرکزی مسلم لیگ کی میزبانی میں سیاسی و مذہبی جماعتوں کے قائدین نے شرکت کی،مرکزی مسلم لیگ کے رہنماؤں حافظ عبدالرؤف، قاری محمد یعقوب شیخ ،انجینئر حارث ڈار ودیگر نے خطاب کرتے ہوئے کہا کہ کلمہ کے نام پر حاصل کیا گیا ملک پاکستان عالم اسلام کا دفاع کرے گا، ایٹمی پاکستان کو آج دنیا فاتح پاکستان منا رہی ہے، دنیا کے فیصلے پاکستان میں ہو رہے ہیں،شہدا پاکستان کو خراج تحسین پیش کرتے ہیں، جمعہ کو بنیان مرصوص خطبات جمعہ کا موضوع بنایا جائے،دفاع پاکستان کے لئے پاکستان کا بچہ بچہ مسلح افواج کے ساتھ ہے،مسلم یوتھ لیگ فیصل آباد کے زیر اہتمام آل پارٹیز یوتھ کانفرنس میں مختلف یوتھ تنظیموں کے ضلعی عہدیداران نے بھرپور شرکت کی،تقریب کے مہمانانِ خصوصی میں محمد احسن تارڑ سیکرٹری جنرل مرکزی مسلم لیگ فیصل آباد، تابش قیوم صدرمسلم یوتھ لیگ تھے،مقررین نے آپریشن بنیان مرصوص کی کامیابی پر افواجِ پاکستان کو خراجِ تحسین پیش کرتے ہوئے قومی یکجہتی کے عزم کا اعادہ کیا گیا۔مرکزی مسلم لیگ کے زیرِ اہتمام چکوال اور تلہ گنگ میں الگ الگ اجلاس برائے معرکۂ حق بنیان مرصوص کا انعقاد کیا گیا، اجلاس سے صدر مرکزی مسلم لیگ پنجاب چوہدری محمد سرور،احسان اللہ منصور و دیگر نے خطاب کیا، مسلم سٹوڈنٹس لیگ کے زیر اہتمام مسلم ماڈل ہائی سکول سٹی شیخوپورہ میں عشرہ تشکر معرکہ حق کے سلسلے میں پروگرام سے حبیب خان، حافظ احمد کمبوہ و دیگر نے خطاب کیا، مانسہرہ میں مرکزی مسلم لیگ کے علماء کنونشن میں تمام مکاتب فکر کے علماء نے بھرپور شرکت کی،مرکزی مسلم لیگ ضلع وزیرآباد کے زیر اہتمام معرکہ حق بنیان مرصوص کے سلسلہ میں مختلف سکولوں میں اظہار تشکر کے پروگرامز کیے گئے،لودھراں میں مرکزی مسلم لیگ کے زیر اہتمام بنیان مرصوص ریلی نکالی گئی جس میں شہریوں کی کثیر تعداد نے شرکت کی، ریلی کی قیادت جنرل سیکرٹری لودھراں صفی اللہ کمبوہ نے کی.

پاکستان مرکزی مسلم لیگ کے زیرِاہتمام “معرکۂ حق و عشرۂ فتح مبین” کے سلسلے میں آل پارٹیز پریس کانفرنس کا انعقاد کیا گیا، جس میں مختلف مکاتبِ فکر، سیاسی و مذہبی جماعتوں کے قائدین اور صحافی برادری نے بھرپور شرکت کی۔ تقریب میں چیئرمین رابطہ علماء و مشائخ و اتحاد امت پاکستان قاری محمد یعقوب شیخ، صدر جنوبی پنجاب سردار اجمل چانڈیہ، حاجی بلال (پاکیزہ ہوٹل)، امیر جے یو آئی (ف) قاری جمال عبدالناصر، امیر جماعت غرباء اہلحدیث مولانا عبدالسلام انصاری، جنرل سیکرٹری ڈیرہ غازی خان حافظ منور گجر، سماجی رہنما سہراب خان، صدر جمعیت علماء اسلام علامہ عبدالغفور سیفی، سینئر صحافی مظہر علی لاشاری، صدر کرسچن کمیونٹی سلیم الیاس مسیح سمیت دیگر شخصیات نے شرکت کی۔قاری محمد یعقوب شیخ نے کہا کہ پاکستان اللہ تعالیٰ کی عظیم نعمت اور امتِ مسلمہ کا مضبوط قلعہ ہے، دشمن قوتیں ملک میں فرقہ واریت اور انتشار پھیلانے کی کوششیں کرتی رہی ہیں مگر قوم کی بصیرت اور افواجِ پاکستان کی قربانیوں کے باعث ہر سازش ناکام ہوئی۔ انہوں نے کہا کہ پاکستان آج بھی سیسہ پلائی دیوار کی طرح قائم ہے اور تمام مکاتبِ فکر متحد ہیں۔ انہوں نے مزید کہا کہ چارسدہ میں مسلح افراد کے حملے میں شیخ محمد ادریس ترنگزئی پر فائرنگ کا واقعہ نہایت قابلِ مذمت ہے۔ انہوں نے حکومت سے مطالبہ کیا کہ اس واقعہ میں ملوث عناصر کو فوری گرفتار کیا جائے اور علماء کرام کو مؤثر سکیورٹی فراہم کی جائے تاکہ ایسے افسوسناک واقعات کا سدباب ہو سکے۔

‎راولپنڈی کی انسداد دہشتگردی عدالت نے بانی پی ٹی آئی عمران خان سے ملاقات کی درخواست کو غیر ضروری اور فضول قرار دیتے ہوئے خارج کر دیا اور درخواست گزار پر 10 ہزار روپے جرمانہ عائد کر دیا۔
‎عدالت نے اپنے فیصلے میں حکم دیا کہ جرمانے کی رقم ڈسٹرکٹ بار راولپنڈی کی ڈسپینسری میں جمع کرائی جائے، جہاں اسے غریب مریضوں کے علاج پر خرچ کیا جائے گا۔
‎فیصلے میں کہا گیا کہ اڈیالہ جیل میں ملاقاتوں کا طریقہ کار پہلے ہی اسلام آباد ہائیکورٹ طے کر چکی ہے، لہٰذا ٹرائل کورٹ اس حوالے سے کوئی متضاد حکم جاری نہیں کر سکتی۔
‎عدالت نے ریمارکس دیے کہ عمران خان جی ایچ کیو حملہ کیس میں ضمانت پر ہیں اور جوڈیشل تحویل میں نہیں ہیں، اس لیے ملاقات کے لیے مقررہ قانونی طریقہ کار اختیار کرنا ضروری ہے۔
‎مزید کہا گیا کہ اس نوعیت کی درخواستیں پہلے بھی دائر کی جا چکی ہیں اور درخواست گزار متعلقہ فورم سے رجوع کرنے کے بجائے عدالت کا وقت ضائع کر رہا ہے۔
‎واضح رہے کہ وکیل فیصل ملک نے 9 مئی جی ایچ کیو حملہ کیس کے سلسلے میں عمران خان سے ملاقات کی اجازت کے لیے یہ درخواست دائر کی تھی۔

‎پاکستان کے مختلف شہروں میں آندھی اور گرج چمک کے ساتھ ہونے والی بارشوں کے دوران آسمانی بجلی گرنے سے 4 افراد جاں بحق ہو گئے جبکہ ایک گھر کی چھت گرنے سے 4 افراد زخمی بھی ہوئے ہیں۔
‎تفصیلات کے مطابق پنجاب کے شہر جھنگ میں آسمانی بجلی گرنے کے باعث 2 افراد جان کی بازی ہار گئے، جبکہ کمالیہ اور ٹوبہ ٹیک سنگھ میں بھی ایک، ایک شخص جاں بحق ہوا۔ تیز آندھی اور بارش کے باعث کئی علاقوں میں معمولات زندگی متاثر ہوئے اور شہریوں کو مشکلات کا سامنا کرنا پڑا۔
‎مریدکے، شیخوپورہ، تاندلیانوالہ، چنیوٹ اور خانیوال سمیت متعدد علاقوں میں بارش کے بعد نشیبی علاقے زیر آب آ گئے، جس سے آمد و رفت میں رکاوٹ پیدا ہوئی۔ اوکاڑہ اور اس کے اطراف میں گرج چمک کے ساتھ بارش کے باعث بجلی کا نظام متاثر ہوا اور کئی علاقوں میں بجلی کی فراہمی معطل ہو گئی۔
‎پیرمحل، گجرات، پنڈی بھٹیاں اور دیگر علاقوں میں بھی وقفے وقفے سے بارش کا سلسلہ جاری رہا جبکہ خیبرپختونخوا کے علاقے مانسہرہ میں موسلا دھار بارش ریکارڈ کی گئی۔
‎دوسری جانب بلوچستان کے علاقے موسیٰ خیل میں بارش کے ساتھ ژالہ باری بھی ہوئی، جس سے فصلوں کو نقصان پہنچنے کا خدشہ ظاہر کیا جا رہا ہے۔
‎محکمہ موسمیات نے آئندہ دنوں میں مزید بارشوں اور گرج چمک کی پیشگوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے، خاص طور پر کھلے مقامات پر جانے سے گریز اور محفوظ جگہوں پر رہنے کا مشورہ دیا گیا ہے۔

‎وفاقی آئینی عدالت نے اہم فیصلہ سناتے ہوئے واضح کیا ہے کہ عدالتوں کی جانب سے طویل عرصے تک فیصلے محفوظ رکھنا اور مقررہ مدت میں نہ سنانا قانون کی خلاف ورزی ہے۔ عدالت نے ہدایت دی ہے کہ ہائی کورٹس محفوظ شدہ فیصلے 90 دن کے اندر سنانے کی پابند ہوں گی، بصورت دیگر ایسے فیصلے کالعدم بھی قرار دیے جا سکتے ہیں۔
‎جسٹس عامر فاروق کی جانب سے تحریر کردہ سات صفحات پر مشتمل فیصلے میں کہا گیا ہے کہ سپریم کورٹ اور ہائی کورٹس کے قواعد و ضوابط قانونی حیثیت رکھتے ہیں، اور ان کی خلاف ورزی کے نتائج بھی سامنے آ سکتے ہیں۔ عدالت نے فیصلے کی نقول عملدرآمد کے لیے تمام ہائی کورٹس کو بھجوانے کا حکم دیا ہے۔
‎فیصلے میں اس بات پر بھی زور دیا گیا کہ عدالتی فیصلوں کا قبل از وقت لیک ہونا قواعد کی سنگین خلاف ورزی ہے۔ اگر کسی کیس میں ایسا ہوتا ہے تو بینچ کا سربراہ ازسرنو سماعت کا حکم دے سکتا ہے، اور یہ سماعت وہی بینچ یا کوئی دوسرا بینچ بھی کر سکتا ہے۔
‎عدالت کے مطابق اگر ہائی کورٹ میں اس نوعیت کا معاملہ سامنے آئے تو اسے متعلقہ چیف جسٹس کے نوٹس میں لایا جائے گا، جبکہ سپریم کورٹ میں یہ معاملہ ججز کمیٹی کو بھیجا جائے گا۔
‎فیصلے میں کہا گیا کہ زیر التواء مقدمات کے بوجھ کے باوجود بروقت انصاف کی فراہمی ضروری ہے، کیونکہ تاخیر سے فریقین طویل عرصے تک اپنے حقوق کے حصول کے لیے انتظار کرتے رہتے ہیں۔
‎عدالت نے نشاندہی کی کہ بعض کیسز میں قانونی پیچیدگی یا ججز کے درمیان اختلاف کی وجہ سے فیصلے محفوظ کیے جاتے ہیں، تاہم اس کا یہ مطلب نہیں کہ غیر ضروری تاخیر کی جائے۔

معرکہ حق کا ایک سال،مرکزی مسلم لیگ کے عشرہ تشکر کی تقریبات جاری،لاہور، اسلام آباد، راولپنڈی ،گوجرانوالہ، شیخوپورہ، احمد پورشرقیہ، حیدرآباد، پشاور ،کوئٹہ، چنیوٹ، ایبٹ آباد،سیالکوٹ،پاکپتن، سمیت دیگر شہروں میں آل پارٹیز کانفرنسز ،اجلاسوں میں سیاسی و مذہبی جماعتوں کے رہنماؤں نے معرکہ حق میں شاندار کامیابی پر مسلح افواج کو خراج تحسین پیش کیا اور کہا کہ پاکستان کے دفاع کی بات آئے گی تو بچہ بچہ جان قربان کرنا باعث سعادت سمجھتا ہے،معرکہ حق کی کامیابی سے بھارت آج تک دنیا بھر میں رسوا ہو رہا ہے

معرکۂ حق “بنیان المرصوص” کی کامیابی کو ایک سال مکمل ہونے پر مرکزی مسلم لیگ کی ملک بھر میں عشرۂ تشکر کی تقریبات جاری ہیں۔ اسلام آباد میں مرکزی مسلم لیگ کے زیر اہتمام آل پارٹیز کانفرنس میں سابق سینیٹر سید ظفر علی شاہ ،ن لیگی رہنما انجم عقیل ،سی ڈی اے مزدور یونین کے رہنما چوہدری یاسین و دیگر نے شرکت کر کے عسکری و سفارتی کامیابیوں کو سراہا۔ راولپنڈی میں آل پارٹیز کانفرنس سے مرکزی ترجمان ڈاکٹر مزمل اقبال ہاشمی، چیئرمین تحریک نوجوانان پاکستان عبداللہ گل، امیر جماعت اسلامی ضلع راولپنڈی عارف شیرازی،شہیر سیالوی، شیخ عبدالوحید و دیگر نے شرکت کی،ڈاکٹر مزمل اقبال ہاشمی و دیگررہنماؤں کا کہنا تھا کہ معرکہ حق کے بعد پاکستان کو جو عزت ملی یہ رب کا فضل ہے، شہدا کی قربانیوں کی بدولت، مسلح افواج کے شاندار کردار، قوم کے اتحاد کی وجہ سے پاکستان سرخرو ہوا،عشرہ تشکر کی تقریبات دس مئی تک جاری رہیں گی،پاکستان کا دفاع قوم کی مشترکہ ذمہ داری ہے،حیدر آباد میں جمعیت علماء پاکستان کے سربراہ صاحبزادہ ابوالخیر محمدزبیر،مرکزی مسلم لیگ سندھ کے صدر فیصل ندیم و دیگر نے اے پی سی سے خطاب کیا،اقلیتی ہندو کمیونٹی کے نمائندہ رہنما ڈاکٹر امریش کمار نے خطاب کرتے ہوئے کہا کہ ہم ہندو ضرور ہیں مگر پاکستان ہمارا وطن ہے، اور ہمیں اپنی افواجِ پاکستان سے بے پناہ محبت ہے۔ ہم اپنے ملک کی سلامتی اور ترقی کے لیے ہر قربانی دینے کو تیار ہیں،پاکستان میں تمام مذاہب اور طبقات ایک پرچم تلے متحد ہیں، پشاور ،گوجرانوالہ، چنیوٹ،ایبٹ آبا،احمد پور شرقیہ میں ،شیخوپورہ ،کوئٹہ ،سیالکوٹ ،پاکپتن،میں اے پی سیز اور اجلاسوں میں مقررین نے اس عزم کا اظہار کیا کہ پاکستان کی سلامتی، استحکام اور قومی یکجہتی کے لیے تمام طبقات مل کر اپنا کردار ادا کرتے رہیں گے،دشمن کی جانب سے ہر سازش کے خلاف پاکستانی قوم بنیان مرصوص نظر آئے

‎لاہور کے علاقے لبرٹی میں ایک زیر تعمیر پلازہ میں افسوسناک حادثہ پیش آیا جہاں لفٹ گرنے کے نتیجے میں دو مزدور جاں بحق ہو گئے۔ ریسکیو ذرائع کے مطابق حادثہ اس وقت پیش آیا جب مزدور تعمیراتی کام میں مصروف تھے اور اچانک لفٹ نیچے آ گری۔
‎ریسکیو ٹیموں نے فوری طور پر موقع پر پہنچ کر امدادی کارروائیاں شروع کیں اور ملبے تلے دبے افراد کو نکالا، تاہم دونوں مزدور جانبر نہ ہو سکے۔ جاں بحق افراد کی لاشوں کو قریبی اسپتال منتقل کر دیا گیا ہے جہاں ضروری قانونی کارروائی مکمل کی جا رہی ہے۔
‎ابتدائی اطلاعات کے مطابق حادثہ لفٹ کے تکنیکی نقص یا حفاظتی اقدامات کی کمی کے باعث پیش آیا، تاہم حتمی وجوہات جاننے کے لیے تحقیقات شروع کر دی گئی ہیں۔
‎علاقہ مکینوں کا کہنا ہے کہ زیر تعمیر عمارتوں میں حفاظتی اقدامات پر مکمل عملدرآمد نہیں کیا جاتا، جس کے باعث اس نوعیت کے حادثات پیش آتے رہتے ہیں۔
‎حکام نے واقعے کا نوٹس لیتے ہوئے ذمہ داروں کے خلاف کارروائی کی یقین دہانی کرائی ہے جبکہ تعمیراتی سائٹس پر حفاظتی معیار کو یقینی بنانے کی ہدایت بھی جاری کی گئی ہے۔

لاہور ہائیکورٹ نے گلوکارہ و اداکارہ میشا شفیع کو 50 لاکھ روپے ہرجانے کا سیشن کورٹ کا فیصلہ مشروط طور پر معطل کردیا، مکمل فیصلہ معطل کرنے کی استدعا مسترد کردی گئی۔

لاہور ہائیکورٹ نے میشا شفیع کے سیشن عدالت کے 50 لاکھ ہرجانے کے فیصلے کے خلاف اپیل پر میشا شفیع کو 50 لاکھ ہرجانے کا فیصلہ مشروط طور پر معطل کردیا،میشا شفیع کو جرمانےکی آدھی رقم 25لاکھ روپے کیش جمع بطور گارنٹی جمع کروانے کا حکم دے دیا،عدالت نےمیشا شفیع کو 25لاکھ روپے کی شورٹی جمع کروانے کاحکم دیتے ہوئے میشا شفیع کی اپیل پر علی ظفر کو نوٹس جاری کردیا. عدالت نے میشا شفیع کے وکیل کی ٹرائل کورٹ کا مکمل فیصلہ معطل کرنے کی استدعا مسترد کردی.لاہور ہائیکورٹ نے کہا کہ ٹرائل کورٹ نے اپنے فیصلے میں میشا شفیع کو دوبارہ جنسی ہراسانی کے الزامات عائد کرنے سے روکا ہے. ٹرائل کورٹ کے اس فیصلے کو معطل نہیں کرسکتے. کسی کو اجازت نہیں دے سکتے کہ وہ جنسی ہراسانی کے الزامات لگائے.