پنجاب کی صوبائی وزیر اطلاعات عظمیٰ بخاری نے کہا ہے کہ صدیق جان تحریک انصاف یو ٹیوب ونگ کا جنرل سیکرٹری ہے وہ بھی کہہ رہے ہیں دھوکہ ہو گیا،
عظمیٰ بخاری کا کہنا تھا کہ سرکاری وسائل اسلام آباد پر چڑھائی کے لئے استعمال ہورہے ہیں، پی ٹی آئی کی لیڈر شپ جو انقلاب کی دھمکیاں دے رہے تھے وہ ورک فرام ہوم کر رہے تھے، کارکنان سڑکوں پر تھے، شاندانہ گلزار کے پی کو بچوں کو مروانے کے لئے سڑکوں پر لے آئی، خود گھر سے نہ نکلی، اس نے گاڑی سے قوم سے خطاب کیا،انکے ہر لیڈر نے یہی حرکت کی،ان کا لیڈر بارہ موسم بنا سکتا ہے تو علی امین کیلئے بارہ ضلعے بنانا کون سا مشکل کام ہے, پتا نہیں کونسی دوائیاں کھا کر یہ حرکتیں کرتے ہیں،شاندانہ باجی آپ چاہتی کیا ہیں؟ یہ فتنہ فساد کی منصوبہ بندی کرتے ہیں،میں نے ٹویٹ کیا ، ڈرم کو رسیاں ڈال کر ایک جگہ سے دوسری جگہ پہنچنےکے لئے "گرین لائن” خیبر پختونخوا میں چل رہی ہے، 12 سال سے اس صوبے کے وسائل صرف وفاق پر چڑھائی کے لئے استعمال ہو رہے اس سے زیادہ تکلیف دہ بات نہیں ہو سکتی، دھمکیاں دینے والے گھروں میں رہے،انکے سیکرٹری اطلاعات نے کمال کیا، باغ میں کھڑے ہو کر قوم سے خطاب کیا، شاندانہ گلزار کے ملک کے خلاف کام کرنے کا ایجنڈہ ملا ہوا ہے،
عظمیٰ بخاری کا کہنا تھا کہ سلمان اکرم راجہ کا کہنا تھا کہ یہ بیوقوفی ہوتی ہے ڈی چوک جائیں اور پھر جیل چلے جائیں ،پھربچوں کو کیوں بھیجا گیا، بچے خیبر پختونخوا سے لے کر آئے، ٹرینڈ کر کے لایا گیا افغان باشندوں کو 120 افراد اسلام آباد پولیس نے پکڑے،یہی ٹریننگ زمان پارک میں ہو رہی تھی، کیسے پولیس والوں کے سر پھاڑنے ہیں یہی ٹریننگ دی گئی، یہ بلوائی ہیں، جو پولیس اہلکار شہید ہوا اس کا خون کس کے ہاتھوں پر ہے ، گنڈا پور کو اب یہ خود گالیاں دے رہے ہیں اسکو جو کہا گیا تھا اس نے وہ کر دیا، وہ بلوائیوں کو لے کر یلغار کرنے آیا تھا،بنگلہ دیش ماڈل دوہرانے کا پروگرام تھا لیکن یہاں غلطی ہو گئی جن بچوں کو لے کر آئے، پیسے دے کر ، انہوں نے جب دیکھا کہ لیڈر نہیں ہیں تو وہ پیچھے ہٹ گئے،گنڈا پور کو گالیاں دینے کا فائدہ نہیں، لیکن سوال یہ ہے کہ جو اسکو گالیاں دے رہے ہیں، یوٹیوب ونگ کے سیکرٹری جنرل صدیق جان بھی بلبلا رہے ہیں کہہ رہے دھوکہ ہو گیا ،آپ کو پوری خبر کا پتہ نہیں ہے، صدیق جان نے اسوقت ٹویٹ کیا تھاجب سب کہہ رہے تھے کہ گنڈا پور لاپتہ ہو گیا، اسکا مطلب ہے کہ صدیق جان کو پتہ تھا پھر بھی لاپتہ ہونے کا ڈرامہ کیا گیا.
