گوگل کی ”ایئر اِن سرچ 2025 (Year in Search) “کے عنوان سے جاری کردہ رپورٹ پاکستانیوں کی آن لائن دلچسپیوں کا ایک واضح اور جامع منظر پیش کرتی ہے، جس میں تلاش کیے گئے موضوعات کرکٹ اور کھلاڑیوں سے لے کر مختلف پکوانوں کی تراکیب اور دلچسپ سوالات تک پھیلے ہوئے ہیں۔
پاکستان میں تفریحی مواد تلاش کرنے میں کرکٹ بدستور سرفہرست، مقامی ڈارمے بھی نمایاں رہے
کرکٹ ایک بار پھر پاکستان میں تلاش کے رجحانات پر چھائی رہی ہے اور،اس تلاش میں ،کرکٹ کے بڑے مقابلے اور ٹورنامنٹس آن لائن دلچسپی نمایاں رہی۔ اس برس، شائقین نے جنوبی افریقہ، بھارت اور نیوزی لینڈ کے خلاف میچوں کو باربار تلاش کیا۔ بڑے ٹورنامنٹس میں پاکستان کرکٹ کا مقامی ایونٹ پاکستان سپر لیگ، ایشیا کپ اور آئی سی سی چیمپئنر ٹرافی کے ساتھ سب سے مقبول ٹورنامنٹ رہا جو ملکی کرکٹ اور خاص طور پر مقامی لیگ کے لیے غیر متزلزل جوش کی عکاسی کرتا ہے۔
توقع کے مطابق، کرکٹ کے کھلاڑیوں نے پاکستانی عوام کی توجہ اپنی جانب مبذول کرائے رکھی۔ شائقین نے زیادہ تر ابھرتے ہوئے کھلاڑیوں مثلاً ابھیشیک شرما، حسن نواز اور عرفان خان نیازی کو تلاش اور فالو کیا ۔ یہ وہ کھلاڑی تھے جن کی کارکردگی نے 2025ء میں شائقین کی توجہ مسلسل اپنی جانب مبذول کرائی ۔
کرکٹ کے علاوہ پاکستانی عوام نے مزید تفریح کے لیے مقامی ڈراموں کا رخ بھی کیا۔2025ء کے دوران، ڈرامے پاکستانی ناظرین کی دلچسپی کا پسندیدہ موضوع رہے اور وہ کہانیوں اور اداکاری کو بے حد شوق سے فالو کرتے رہے۔ مقبول ڈرامے مثلا ”شیر“، ”جڑواں“ اور ”آس پاس“تلاش کے رجحانات پر چھائے رہے،جو مضبوط اسکرپٹس، کرداروں اور یادگار مناظر کے باعث ناظرین کی وابستگی کو ظاہر کرتا ہے۔
خبروں، ٹیکنالوجی، کھاناپکانے کی تراکیب اورHow-To کےسوالات پاکستان میں ڈیجیٹل دلچسپی کو تیز کرتے رہے،ٹیکنالوجی کے میدان میں Gemini”“،” “On4t اور ”Google AI Studio“ جیسے اے آئی ٹولز کی تلاش نے پاکستانی عوام کی مصنوعی ذہانت میں بڑھتی دلچسپی کو نمایاں کیا۔ ایک مرتبہ پھر کرکٹ کی مقبولیت کی عکاسی کرتے ہوئے ”myco“ اور ”Tamasha“جیسے اسٹریمنگ ایپس کرکٹ میچوں کو دیکھنے اور تلاش کرنے کے لیے پسندیدہ انتخاب رہے۔ ”نان فنجیبل ٹوکنز (non-fungible tokens)“ کی بڑھتی ہوئی تلاش نے بھی نئی ڈیجیٹل جدتوں کو دریافت کرنے کی خواہش کو نمایاں کیا۔
سنہ2025ءمیں پاکستانی عوام نے اپنی روزمرہ زندگی کے اہم مسائل پر بروقت معلومات حاصل کرنے کے لیے گوگل سرچ کا زیادہ استعمال کیا۔ کراچی میں آئے ہوئےسیلاب اور دریائے چناب کے قریب آنے والے سیلاب جیسے اہم موضوعات پر سرچ میں اضافہ ہوا، جہاں لوگ تازہ ترین الرٹس، تحفظ سے متعلق معلومات اور زمینی صورتحال جاننے کے خواہاں تھے۔ صارفین نے پنجاب سماجی و اقتصادی رجسٹری(Punjab Socio-Economic Registry) ، ”آسان کاروبار کارڈ“ اور ”وزیرِاعظم لیپ ٹاپ اسکیم 2025“ جیسے سرکاری اقدامات پر وضاحت بھی تلاش کی۔ تعلیمی اپڈیٹس بشمول ”فیڈرل بورڈ آف انٹرمیڈیٹ اینڈ سیکنڈری ایجوکیشن “ اور دیگر امتحانی نتائج،زیادہ تلاش کیے گئے، جبکہ سونے کے نرخ اور بین الاقوامی حالات، خصوصاً ایران سے متعلق اطلاعات بھی پاکستانی عوام کو باخبر رکھتی رہیں۔
پاکستان میں کھانا پکانے کی تراکیب کی تلاش نے روایت اور جدید ذوق کا امتزاج دکھایا۔ روایتی پسندیدہ کھانے مثلاً مٹن، بیف، میٹھے پکوان، آٹے سے بنی اشیاء اور سوپ (soup) بنانے کی تراکیب مقبول تلاش رہیں، جو ثقافت کی مضبوط جڑوں کی عکاسی کرتی ہیں۔ اسی کے ساتھ، quinoa، tofu اور sandwiches میں بڑھتی ہوئی دلچسپی صحت مند، تیز اور عالمی ذائقوں کی طرف رجحان کی طرف اشارہ کرتی ہے۔
How-To کے زُمرے میں سب سے زیادہ تجسس کراچی میں متعارف کرائے گئے نئے ای-چالانز نے پیدا کیا۔ ملک بھر کے لوگ اس اچانک اورسخت ٹریفک نظام کو سمجھنے کے لیے آن لائن سرچ کرتے رہے —یہ جاننے کے لیے غیر معمولی دلچسپی کا مظاہرہ کیا کہ ان الرٹس کا مطلب کیا ہے اور یہ کس طرح کام کرتے ہیں ۔کار انشورنس کو سمجھنے سے لے کر سرمایہ کاری کے تجربات ، حتیٰ کہ "غبلی انداز(Ghibli-style)” میں تصاویر بنانے جیسے تفریحی و عملی موضوعات بھی توجہ کا مرکز رہےجو ایک ایسے پاکستان کی عکاسی کرتے ہیں جو تجسس، جدت اور ڈیجیٹل موافقت سے بھرپور ہے۔
ان رجحانات کے حوالے سے گوگل کے ریجنل ڈائریکٹر، بزنس اینڈ آپریشنز،فرحان قریشی نے کہا:”ایئر اِن سرچ ہمیں ایک منفرد زاویہ فراہم کرتا ہے کہ پاکستانی عوام کو کیا چیز متاثر کرتی ہے، آگاہی فراہم کرتی ہے اور پرجوش بناتی ہے۔ کرکٹ اور تفریح سے لے کر روزمرہ کے ’How-To‘ سے تعلق رکھنے والے سوالات اور ابھرتی ہوئی ٹیکنالوجیز تک، اس سال کے رجحانات ایک ایسی قوم کو ظاہر کرتے ہیں جو تجسس پسند، تخلیقی اور تیزی سے ڈیجیٹل فرسٹ بنتی جا رہی ہے۔ یہ رجحان حوصلہ افزا ہے کہ لوگ تلاش کو صرف جوابات کے لیے نہیں بلکہ نئی مہارتیں سیکھنے، مواقع تلاش کرنے اور اپنی زندگی کے اہم معاملات سے جڑے رہنے کے لیے بھی استعمال کر رہے ہیں۔ اے آئی موڈ جیسے نئے فیچرز کے ساتھ، گوگل مزید متعلقہ اور مددگار جوابات سامنے لانے میں بھی معاون ثابت ہورہا ہے، جس سے صارفین کے لیے سب سے موزوں جوابات حاصل کرنا آسان ہو گیا ہے۔“
گوگل کا ”ایئر اِن سرچ 2025“ پاکستان کے بدلتے ہوئے ڈیجیٹل منظرنامے کی دلچسپ جھلک پیش کرتا ہے اور ظاہر کرتا ہے کہ تجسس، تخلیقی صلاحیت اور ٹیکنالوجی کس طرح قوم کی آن لائن دلچسپیوں کو مسلسل تشکیل دے رہے ہیں۔
سال کے اختتام پر تلاش کے حوالے سے گوگل کی فہرست درج ذیل سات زمروں پر مشتمل:
کرکٹ
1۔ پاکستان بمقابلہ جنوبی افریقہ
2۔ پاکستان سپر لیگ
3۔ ایشیا کپ
4۔ پاکستان بمقابلہ بھارت
5۔ پاکستان بمقابلہ نیوزی لینڈ
6۔ بھارت بمقابلہ انگلینڈ
7۔ پاکستان بمقابلہ ویسٹ انڈیز
8۔ بھارت بمقابلہ آسٹریلیا
9۔ آئی سی سی چیمپئنز ٹرافی
10۔ پاکستان بمقابلہ متحدہ عرب امارات
ایتھلیٹس
1۔ ابھیشک شرما
2۔ حسن نواز
3۔ عرفان خان نیازی
4۔ صاحبزادہ فرحان
5۔ محمد عباس
6۔ صائم ایوب
7۔ یاسر خان
8۔ کاشف علی
9۔ سیف حسن
10۔ عبدالصمد
مقامی خبریں
1۔ پنجاب سوشیو-اکنامک رجسٹری
2۔ کراچی کا سیلاب
3۔ ایران
4۔ آسان کاروبار کارڈ
5۔ دریائے چناب کے نزدیک سیلاب
6۔ ایف بی آئی ایس ای کے نتائج
7۔ دسویں جماعت کے امتحانات کے نتائج
8۔ پرائم منسٹر کی لیپ ٹاپ اسکیم 2025
9۔ پاکستان میں سونے کے نرخ
10۔ نویں جماعت کے نتائج کے اعلان 2025
ڈرامے
1۔ شیر
2۔ جڑواں
3۔ آس پاس
4۔ نقاب
5۔ مہرہ
6۔ اقتدار
7۔ پرورش
8۔ میری زندگی ہے تو
9۔ دیان
10۔ دنیاپور
ٹیکنالوجی
1۔ جمینائی(Gemini)
2۔ تماشا
3۔ ڈیپ سیک
4۔ مائی کو(myco)
5۔ آن4ٹی(On4t)
6۔ گوگل اے آئی اسٹوڈیو
7۔ کلاڈ(Claude)
8۔ آئی فون 17
9۔ گروک(Grok)
10۔ نان فنجیبل ٹوکن
کھانا پکانے کی تراکیب
1۔ سینڈوچ بنانے کی تراکیب
2۔ فوڈ فیوژن کی تراکیب
3۔ کوئینوا (Quinoa) بنانے کی تراکیب
4۔ ڈو (Dough)بنانے کی تراکیب
5۔ میٹھی ڈشیں بنانے کی تراکیب
6۔ مٹن بنانے کی تراکیب
7۔ آسان تراکیب
8۔ ٹوفو (Tofu) بنانے کی تراکیب
9۔ سوپ بنانے کی تراکیب
10۔ بیف بنانے کی تراکیب
ہاؤ-ٹو(How-To)
1۔ کراچی میں ای چالان کس طرح چیک کیا جائے؟
2۔ انسٹاگرام پر Unseen پیغامات کس طرح دیکھے جائیں؟
3۔ کار کی انشورنس کس طرح کروائی جائے؟
4۔ کرپٹو کی مارکیٹ میں سرمایہ کاری کس طرح کی جائے؟
5۔ اسٹاک مارکیٹ میں کس طرح سرمایہ کاری کی جائے؟
6۔ کریڈٹ کارڈ کے لیے کس طرح درخواست دی جائے؟
7۔ غبلی(Ghibli) فوٹو کس طرح بنائی جائے؟
8۔ بہترین وکیل کا انتخاب کس طرح کیا جائے؟
9۔ نوکوپرنٹ ایپ استعمال کر کے فون سے تصویر کس طرح پرنٹ کی جائے؟
10۔ بلاگ کس طرح اپ لوڈ کی جائے؟
