Category: لاہور

وزیر اعلیٰ پنجاب مریم نواز نے کہا ہے کہ مسلم لیگ ن نے بیانیے پر نہیں کارکردگی پر ضمنی الیکشن جیتا، آج نہ فیض حمید ہے اور نہ وہ ججز جو پی ٹی آئی کو جتواتے تھے۔

صوبائی وزرا اور سیکرٹریز کے اجلاس سے خطاب کرتے ہوئے مریم نواز کا کہنا تھا یہ الیکشن نہیں ریفرنڈم تھا، ضمنی الیکشن میں کامیابی پر اللہ تعالیٰ کا شکر ادا کرتے ہیں، مسلم لیگ ن نے 2024 کے الیکشن میں ہاری ہوئی اپنی نشستیں دوبارہ جیت لیں، ضمنی الیکشن میں ن لیگ کو تاریخی کامیابی ملی،پنجاب اور خیبرپختونخوا کے عوام نے مسلم لیگ ن کے حق میں فیصلہ کیا، الیکشن بیانیوں سے نہیں کارکردگی کے بل بوتے پر جیتا جاتا ہے، عوام نے مسلم لیگ ن کی کارکردگی پر اعتماد کر کے ووٹ دیا،تحریک لبیک کو 2017 کے ضمنی الیکشن میں لانچ کیا گیا، گلگت بلتستان میں کامیاب جلسے کیے لیکن ہم سے سیٹیں چھینی گئیں، سب کو پتا ہے کہ دھاندلی کب اور کس کے لیےہوئی تھی، لیکن مسلم لیگ ن اپنے موقف پر قائم رہی، لوگ اب بیانیوں سے تنگ آ گئے ہیں، بیانیوں سے ملک ترقی نہیں کرتے، کارکردگی سے بہتر کوئی بیانیہ ہو ہی نہیں سکتا۔

مریم نواز کا مزید کہنا تھا کہ ہری پور میں مسلم لیگ ن کی جیت کو سب نے دیکھا، بیانیے والوں کو کام کرنا نہیں آتا، صرف نوجوانوں کو گمراہ کیا جاتا ہے، پی ٹی آئی نے قیدی نمبر804 کے نام پر الیکشن لڑا لیکن شکست ہوئی، ضمنی الیکشن میں مقبولیت کے دعوے زمین بوس ہو گئے، 2018 میں ملک کو ڈی ریل کیا گیا، آج نہ فیض حمید ہے نا وہ ججز جو پی ٹی آئی کو الیکشن جتواتے تھے، فیض حمید کی پوری طاقت پی ٹی آئی کے ساتھ تھی، بائیکاٹ تب ہوتا ہے جب آپ کو ہار کا یقین ہو، میں نے اور نواز شریف نے جیل کاٹی مگر الیکشن کا بائیکاٹ نہیں کیا۔

ملک کے مختلف حصوں، خصوصاً بلوچستان اور خیبر پختونخوا، میں گزشتہ چوبیس گھنٹوں کے دوران دہشت گردی، سیکیورٹی آپریشنز اور احتجاجات کے متعدد واقعات رپورٹ ہوئے ہیں۔ سیکیورٹی اداروں نے اہم کارروائیوں میں دہشت گردوں کو گرفتار کیا، جبکہ بعض علاقوں میں عوام نے اغوا اور بدامنی کے خلاف مظاہرے بھی کیے۔

ڈیرہ مراد جمالی کے قریب نامعلوم مسلح افراد نے ایک تعمیراتی کمپنی پر فائرنگ کی، جو زرعی یونیورسٹی اور بے نظیر بھٹو میڈیکل کالج کے منصوبوں پر کام کر رہی تھی۔ پولیس کے مطابق حملہ آوروں نے بھاری فائرنگ کی، تاہم پولیس کی جوابی کارروائی کے بعد فرار ہوگئے۔واقعہ نوتال تھانہ کی حدود میں پیش آیا۔ حملے کے بعد علاقے کا گھیراؤ کرکے سرچ آپریشن شروع کر دیا گیا۔ خوش قسمتی سے کوئی جانی نقصان رپورٹ نہیں ہوا۔

پسنی تحصیل کے شادی کور علاقے میں سیکیورٹی فورسز نے رات گئے انٹیلیجنس کی بنیاد پر کارروائی کرتے ہوئے دو افراد سردال خان ولد شیر خان اور ہتار ولد میر دوست کو گرفتار کرلیا۔آپریشن میں متعدد گاڑیاں اور موٹر سائیکلیں شریک تھیں۔ حکام کے مطابق یہ کارروائی علاقے میں شدت پسند عناصر کی سرگرمیوں کے تدارک کے سلسلے کی ایک کڑی ہے۔

بلوچستان لبریشن فرنٹ نے دعویٰ کیا ہے کہ 20 نومبر کو شام سات بجے سوراب کے قریب سی پیک ہائی وے پر ایک گھنٹے تک چیکنگ اور اسنیپ انسپیکشن کیا، جس کے دوران ایک تعمیراتی کمپنی کی دو گاڑیوں کو نقصان پہنچایا گیا۔
سرکاری سطح پر اس دعوے کی تصدیق نہیں ہوئی۔بلیدہ کے گیلی علاقے میں 23 نومبر کو شام چار بجے BLF کی جانب سے ایک کارروائی کا دعویٰ سامنے آیا ہے۔ بیان میں کہا گیا کہ مبینہ طور پر سپلائی لے جانے والی گاڑیوں کو روکا گیا اور ٹائروں پر گولیاں چلائیں، تاہم ڈرائیوروں کو چھوڑ دیا گیا۔ بعد ازاں پاکستانی فورسز سے 30 منٹ تک فائرنگ کا تبادلہ ہوا، جس کے بعد “گوریلا حکمتِ عملی” کے ذریعے ان کے operatives محفوظ واپس چلے گئے۔ان دعوؤں کی آزاد ذرائع سے تصدیق نہیں ہو سکی۔

ضلع وحد میں ایک نوجوان غلام سرور ولد اسداللہ براہمزی کے نامعلوم افراد کے ہاتھوں اغوا کے خلاف عوام نے قومی شاہراہ بند کردی۔پولیس کے مطابق نوجوان کو کاکاہیر علاقے سے اغوا کیا گیا تھا۔اس سے قبل ہفتے کے روز بھی احتجاج ہوا تھا جو مذاکرات کے بعد ختم کر دیا گیا تھا، تاہم واقعے کے بعد عوام دوبارہ سڑک پر نکل آئے اور تاحال انصاف کا مطالبہ کر رہے ہیں۔

زیارت میں سیکیورٹی فورسز نے خفیہ اطلاع پر کارروائی کرتے ہوئے افغانستان کے صوبہ قندھار سے تعلق رکھنے والے پانچ مشتبہ افراد صادق اللہ، فرہاد، قدرت اللہ، احسان اللہ اور محمد صابر کو گرفتار کر لیا۔کارروائی کے دوران دستی بم، SMGs، M4 رائفل کے حصے، RPG راکٹس، میگزینز، سیکڑوں گولیاں، دھماکہ خیز مواد، وائرلیس سیٹس اور دیگر سامان برآمد ہوا۔حکام کے مطابق گرفتار افراد پاکستان میں تخریب کاری اور اسلحہ اسمگلنگ میں ملوث تھے۔

آئی جی پولیس ذوالفقار حمید کے مطابق بنوں میں گزشتہ دنوں دہشت گردی کے واقعات میں اضافہ دیکھا گیا، جس کے بعد روزانہ کی بنیاد پر سرچ اینڈ اسٹرائیک آپریشن جاری ہیں۔شری خیل اور پہاڑ خیل میں 10 دہشت گرد ہلاک اور 5 زخمی ہوئے، جبکہ نصر خیل میں بھی ایک دہشت گرد مارا گیا۔ڈومیل میں تین شہریوں کی ہلاکت اور بکتر بند گاڑی پر حملے کے بعد فورسز نے کارروائی کرتے ہوئے چھ شدت پسند ہلاک کیے۔حکام کا کہنا ہے کہ شدت پسندوں کا کمانڈ سٹرکچر شدید متاثر ہوا ہے۔

گزشتہ رات فتنہ الخوارج سے منسلک دہشت گردوں نے تھانہ غوریوالا اور تھانہ وزیر پر حملے کیے، جو خیبر پختونخوا پولیس نے مؤثر جوابی کارروائی کرتے ہوئے ناکام بنا دیے۔دونوں حملوں میں پولیس اہلکار اور انفراسٹرکچر محفوظ رہا۔ضلع ڈی آئی خان کے علاقے خویے پیوار میں آپریشن کے دوران تین دہشت گرد ہلاک ہوئے جن میں دو اہم رہنما ابو دردہ عرف حکیم اور اعجاز احمد عرف ابو دجانہ شامل ہیں۔تیسرا دہشت گرد تاحال شناخت نہ ہوسکا۔حکام کے مطابق کارروائی انتہائی درستگی سے کی گئی اور کوئی شہری نقصان نہیں ہوا۔

مہمند میں شدت پسندوں نے کارپہ روڈ کی تعمیر میں استعمال ہونے والی بھاری مشینری کو آگ لگا دی۔مقامی ذرائع کا کہنا ہے کہ دہشت گرد تعمیراتی کمپنی سے بھتہ طلب کر رہے تھے اور عدم ادائیگی پر مشینری کو آگ لگائی گئی۔کوئی جانی نقصان نہیں ہوا۔

خیبر ضلع کے علاقے قمبر خیل میں دہشت گردوں کی آمد اور فائرنگ کے باعث خوف و ہراس پھیل گیا، تاہم مقامی مشران اور ایک مولوی نے مسلح افراد سے بات چیت کرکے انہیں علاقے سے نکلنے پر مجبور کیا۔مختصر فائرنگ کے بعد شدت پسند فرار ہوگئے۔علاقہ مکینوں نے مشران کی جرات کو سراہا ہے۔

سرکاری رپورٹ کے مطابق بنوں ریجن میں دہشت گردوں نے ڈرون ٹیکنالوجی کے ذریعے 130 سے زائد حملے کیے، جو سیکیورٹی فورسز نے جدید اسلحے، مضبوط حفاظتی نظام اور بروقت ردعمل سے مکمل طور پر ناکام بنا دیے۔14 دہشت گرد مارے گئے اور 22 زخمی ہوئے۔حکام نے کہا کہ سیکیورٹی اپ گریڈ کے باعث تنصیبات مکمل محفوظ رہیں۔

امیر جماعت اسلامی حافظ نعیم الرحمان نے کہا ہے کہ قومی انتخابات کے شیڈول کا اعلان ہونے تک ہمارا کوئی امیدوار نہیں ہوگا۔

لاہور مینار پاکستان پر جماعت اسلامی کے زیراہتمام بدل دو نظام کے عنوان سے ہونے والے اجتماع عام کے آخری دن خطاب کرتے ہوئے حافظ نعیم الرحمان نے کہا کہ پاکستان کی جماعتوں میں نظم و ضبط کا بحران ہے، ہماری جماعت میں جو چلے گا وہ نظام کے تحت چلے گا،امریکی صدر ڈونلڈ ٹرمپ کی خوشی حاصل کرنے کے لیے جو کیا جا رہا ہے بہت غلط ہے، امریکا کی غلامی اختیار کر کے ہم نے اپنا بہت نقصان کر لیا ہے، پاکستان کے حکمران فلسطین کی حمایت کریں اور پوری قوم کو اس پر ساتھ لے کر چلیں، ملک میں قومی انتخابات کے شیڈول کا اعلان ہونے تک جماعت اسلامی کا کوئی امیدوار نہیں ہے، ہم پوری قوم کو ساتھ لیکر چلنے والے لوگ ہیں اور صوبوں کو آپس میں لڑوانے والے نہیں ہیں،سیاسی قیدیوں کو رہا ہونا چاہیے ہم تو چاہتے ہیں عمران خان کو بھی رہا ہونا چاہیے،،20 لاکھ ممبر شپ گذشتہ سال ہوئی اگلے ایک سال تک ممبر شپ کو پچاس لاکھ ممبر بنانے کا ھدف ،عوامی اور محلوں کی سطح پر پچاس ہزار کمیٹیاں بنانے کا ھدف ہے،تمام امرائے پنجاب آج سے سر جوڑ کر بیٹھ جائیں اور پنجاب کے بلدیاتی ایکٹ کیخلاف تحریک شروع کریں

وزیراعلیٰ پنجاب مریم نواز نے بعض شہروں میں صفائی کی غیر تسلی بخش صورتحال پر برہمی کا اظہار کیا ہے

وزیراعلیٰ پنجاب مریم نواز کی زیر صدارت اجلاس ہوا جہاں ستھرا پنجاب پروگرام سے متعلق بریفنگ دی گئی،اجلاس میں مریم نواز نے بعض شہروں میں صفائی کی غیرتسلی بخش صورتحال پر شدید برہمی کا اظہار کرتے ہوئے غیرمعیاری کارکردگی دکھانے والے ٹھیکیداروں کے خلاف کارروائی کی ہدایت کی،اس موقع پر مریم نواز نے کہا کہ فنڈز دینے کے باوجود بہترین رزلٹ نہ آنا افسوسناک ہے، انتظامیہ کو پورے اختیارات، فنانس اور اعتماد دیا، 100فیصد رزلٹ بھی چاہیے،مریم نواز کا کہنا تھا کہ صوبے بھرکے ڈپٹی کمشنرز کو اپنی گورننس کا معیار بھی بہتر بنانا ہوگا، 40 سے 50 ارب روپے کی مشینری، ڈیڑھ لاکھ کی فورس کے باوجود کوڑے کے ڈھیر برداشت نہیں،وزیراعلیٰ نے آوارہ کتوں کے کاٹنے اور مین ہول میں گر کر ہلاکتیں روکنےمیں ناکامی پر متعلقہ ڈی سیز کی سرزنش بھی کی۔

اجلاس میں مریم نواز نے تجاوزات کے مستقل خاتمے کے لیے سی سی ٹی وی کیمروں کےذریعے 24 گھنٹے مانیٹرنگ کا حکم دیا،وزیراعلیٰ پنجاب نے سرکاری نرخ ناموں کی خلاف ورزی کرنے والوں کی گرفتاری یقینی بنانے اور سرکاری احکامات پرعملد رآمد نہ کرنے والی ہاؤسنگ سوسائٹیز کو جرمانے سمیت غیرمعیاری کارکردگی کا مظاہرہ کرنے والے ضلعی سربراہان کو تبدیل کرنے کی ہدایت بھی کی۔