Category: لاہور

چیف سیکرٹری پنجاب عبداللہ خان سنبل نے محکمہ زراعت اور دیگر متعلقہ محکموں کوہدایت کی ہے کہ گندم کی کاشت کے سلسلے میں کسانوں کو ہر ممکن سہولت فراہم کی جائے۔

انہوں نے یہ ہدایت آج یہاں سول سیکرٹریٹ میں منعقد اجلاس کی صدارت کرتے ہوئے کی۔اجلاس سے خطاب کرتے ہوئے چیف سیکرٹری نے کہا کہ زراعت کا شعبہ ملکی معیشت میں ریڑھ کی ہڈی کی حیثیت رکھتا ہے،کسان خوشحال ہوگا تو ملک ترقی کریگا۔انہوں نے ہدایت کی کہ محکمہ زراعت اور متعلقہ محکمے گندم کی کاشت کے سلسلے میں کسانوں کو مکمل تعاون اور رہنمائی فراہم کریں۔

سیکرٹری زراعت احمد عزیز تارڑنے اجلاس کو بریفنگ دی۔ انہوں نے بتایا کہ رواں سال محکمہ زراعت نے ایک کروڑ 65لاکھ ایکڑ پر گندم کاشت کرنے کا ہدف مقرر کیا ہے،گندم کا مجموعی پیداواری ہدف دو کروڑ 10لاکھ ٹن جبکہ فی ایکڑ پیداوار کا ہدف 31.82من مقرر کیا گیا ہے۔ انہوں نے کہا کہ کسانوں کو بیج اور کھاد پر سبسڈی دی جا رہی ہے اورگندم کی بھرپور پیداوار کیلئے منظور شدہ اقسام کا تصدیق شدہ بیج مناسب قیمت پر فراہم کیا جا رہاہے۔ انہوں نے کہا کہ محکمہ زراعت کا عملہ گاؤں گاؤں جا کر کسانوں کی رہنمائی اور تربیت بھی کر رہا ہے۔

اجلاس میں خوراک، آبپاشی کے محکموں کے ایڈمنسٹریٹو سیکرٹریز، ڈائریکٹر فوڈ پنجاب اور متعلقہ افسران نے شرکت کی,

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

کرونا میں مرد کو ہمبستری سے روکنا گناہ یا ثواب

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

ن لیگی اراکین اسمبلی کے ایوان میں داخلے پر پابندی عائد

باغی ٹی وی کی رپورٹ کے مطابق پنجاب میں ایک نیا محاذ کھڑا ہو گیا، سپیکر پنجاب اسمبلی نے ن لیگی اراکین اسمبلی کے ایوان میں داخلے پر پابندی لگا دی

سپیکر پنجاب اسمبلی نے ن لیگ کے اٹھارہ اراکین کے ایوان میں داخلے پر پابندی لگائی ہے ،اسپیکر پنجاب اسمبلی کی جانب سے جاری سرکلر کے مطابق مسلم لیگ ن کے اراکین اسمبلی عظمیٰ بخاری، صبا صادق، رابعہ فاروقی، میاں عبدالرؤف اور سمیع اللہ خان، ملک محمد وحید، راحیلہ خادم حسین، ربیعہ نصرت، زیب النسا اعوان، ذیشان رفیق، کنول لیاقت ایڈووکیٹ، گلناز شہزادی، نفیسہ امین اور محمد افضل ، عادل بخش، سعدیہ ندیم، راحت افزا اور سنبل مالک حسین پر ایوان میں داخلے پر پابندی عائد کی گئی ہے

سپیکر پنجاب اسمبلی کی جانب سے جاری اعلامیہ کے مطابق جن اراکین اسمبلی کے ایوان میں داخلے پر پابندی لگائی گئی ہے ان پر اجلاس میں ہنگامہ آرائی کا الزام ہے سابق وزیراعلیٰ پنجاب عثمان بزدار نے عمران خاں کو نااہل کرنے کے خلاف قرار داد پیش کی تھی، قرارداد پیش کیے جانے کے وقت لیگی ارکان نے اسپیکر ڈائس کے سامنے شور شرابہ کیا تھا

ہاؤسنگ سوسائٹیز میں لوگوں کو لوٹا جا رہا ہے، سپریم کورٹ نے دی حکومت کو مہلت

فلمسٹار لکی علی کا فراڈ ہاوسنگ سوسائٹیوں سے عوام کو چونا لگانے کا اعتراف،نیب نے کی ریکارڈ ریکوری

وفاقی انٹیلی جنس بیورو آئی بی کے افسران کی جانب سے اسلام آباد میں پراپرٹی کا کام شروع کئے جانے کا انکشاف

لاہور:وزیراعظم کے معاون خصوصی عطا اللہ تارڑ نے کہاہے کہ عمران خان تاریخ پر تاریخ دے رہے ہیں کبھی قسمیں دیتے ہیں کبھی واسطے دیتے ہیں ، عمران خان نے تحفے بیچے یہ الیکشن کمیشن کا متفقہ فیصلہ ہے ، الیکشن کمیشن کے فیصلے کے بعد گنتی کے لوگ احتجاج کے لیے نکلے ، عمران خان لانگ مارچ کی آڑ میں تشدد اور جلا ﺅگھراﺅ چاہتے ہیں ، کل چھوٹی چھوٹی ٹولیوں میں لوگ نکلے اور امن خراب ہوا،کل ہم نے صبر سے کام لیا کل ریڈ زون میں فائر کیا گیا عمران خان تشدد کرنے آرہے ہیں آگ لگانے آرہے ہیں اب یہ کام نہیں چلے گاکہ لوگوں کی پگڑیاں اچھالیں، اس کے ساتھ بغیر تصدیق اسلام آباد ہائی کورٹ میں رٹ پٹیشن دائر کی عمران خان طے شدہ منصوبے کے تحت انتشار چاہتے ہیں ،عمران خان اب سزا سے راہ فرار اختیار کریں گے۔

معاون خصوصی عطا اللہ تارڑ نے پریس کانفرنس کرتے ہوئے کہا کہ ایک موقع ایسا بھی آیا کہ پنجاب پولیس اور کے پی کے پولیس آمنے سامنے آگئی تھی ، اسلحے سے لیس جتھے آرہے ہیں، لانگ مارچ سے پہلے ایک ایم این اے گرفتار ہوا ہے جن کے گارڈ نے گولی چلائی یہ خان صاحب کی مرضی کے بغیر نہیں ہورہا، جو شخص اپنے منہ سے کہہ رہا ہے میں نظام کو تباہ کرنے آرہا ہوں ،اس کی نیت اچھی نہیں ہے معاون خصوصی عطا اللہ تارڑ نے کہا کہ عمران خان نے ذاتی مقاصد کے لیے صوبائی اداروں کو استعمال کیا ،عمران خان صرف اپنے آپ کو وزیراعظم کے لئے اہل سمجھتے ہیں ،

انہوں نے کہا کہ چار سال میں پرفارمنس زیرو ہے، آئی ایم ایف کی ڈیل انہوں نے کی، یہ شخص پاکستان کی سالمیت اور اداروں کے حوالے سے ایسی گفتگو کررہا ہے جو نارمل شخص نہیں کرسکتا۔ انہوں نے کہا کہ جب بجٹ پاس کروانا ہوتا تھا تو یہ ترلا کرتا تھا کہ لوگ پورے کردو، کیا اس وقت امریکہ یا کسی ادارے کی طرف سے آپ کے ایم این ایز کو کہا گیا سلپ ہوجاﺅ۔عطا تارڑ نے کہا کہ عمران خان کی نااہلی پر کل چھوٹی چھوٹی ریلیاں نکالی گئیں جن میں کہیں سو اور کہیں پچاس لوگ شامل تھے، گزشتہ روز عمران خان کی نااہلی پر الیکشن کمیشن آف پاکستان کے باہر فائرنگ کا ناخوشگوار واقعہ رونما ہوا۔ میری موجودگی میں فائر ہوا اور باقی لوگ کبھی حملہ آور ہوئے ہم حکومت میں ہیں ہم نہ امن خراب کرنا چاہتے تھے اور نہ کسی قسم کا کسی پر تشدد کرنا چاہتے تھے

تارڑ کہتے ہیں کہ ہم نے صبر و تحمل سے کام کیا۔ کل ایک فائر ہوا جس سے یہ بات ثابت ہو گئی کہ خان صاحب کوئی جمہوری لانگ مارچ کیلئے نہیں آ رہے یہ باقاعدہ ایک سوچے سمجھے منصوبے کے تحت پرتشدد کارروائیاں کرنے آ رہے ہیں آ گ لگانے آ رہے ہیں، قتل و غارت کرنے آ رہے ہیں پچھلی دفعہ بھی کے پی کے پولیس اور گلگت بلتستان پولیس کو استعمال کیا گیا۔ 25 مئی کو ایک موقع ایسا بھی آیا کہ پنجاب پولیس اور کے پی کے پولیس آمنے سامنے آ گئیں اور میرے پاس بطور وزیر داخلہ پنجاب یہ فیصلہ آیا کہ کیا کرنا ہے اگر میں اس وقت پنجاب پولیس کو پیچھے ہٹنے کا حکم نہ دیتا تو خدانخواستہ وہاں گولی چل جاتی اور کوئی جان ضائع ہو جاتی اور اس وقت اس کا شدید نقصان ریاست پاکستان کو ہوتا کہ پنجاب پولیس کے اہلکارنے گلگت پولیس کے اہلکار پر گولی چلائی ہے اور اس سے جو خطرات وفاق کو لاحق ہوتے ،ہمارے اتحاد و اتفاق کو لاحق ہوتے اس کا خمیازہ کئی دہائیوں تک قوم کو بھگتنا پڑتا۔یہ جو اسلحہ سے لیس جتھے آ رہے ہیں پچھلی دفعہ 25 مئی سے پہلے ہی گولی چلا کرکمال نامی ایک پولیس اہلکار کو شہید کیا گیا تھا اور پھر لانگ مارچ سے پہلے ایک شخص پکڑا گیا اور ایک ایم این اے صالح محمد گرفتار ہوا ہے جس کے گارڈ نے گولی چلائی

میں بغاوت کا اعلان کرتا ہوں کہ میں انصاف کے اس نظام کو نہیں مانتا یہ خان صاحب کی منشا کے بغیر نہیں ہو سکتا ، خان صاحب نے خود کہا ہے کہ میں جب آﺅں گا تو کیا وہی ہو گا بدامنی ہو گی جب اسلام آباد آﺅں گا نہ صرف امن و امان خراب ہو گا جو شخص اپنے منہ سے کہہ رہا ہے کہ میں نظام کو تباہ کرنے آ رہا ہوں اس کی نیت کوئی اچھی نہیں ہے اس کو یہ بات زیب نہیں دیتی کہ اس کی بیوی بتاتی تھی کہ ڈالر اوپر چلا گیا ہے بطور وزیراعظم اسے ان باتوں کا بھی علم نہیں تھا وہ کہتا ہے کہ میری بیوی نے بتایا کہ ٹی وی پر چل رہا تھا کہ ڈالر اوپر چلا گیا ہے ہمیں ٹی وی نہیں بتاتا بلکہ ہم ٹی وی کو بتاتے ہیں کہ ڈار صاحب آ گئے ہیں اور ڈالر کی قدر میں کمی ہو رہی ہے اس کے علاوہ یہ کرنا کیا چاہتا ہے چار سال میں معیشت کو تباہ کر دیا۔آئی ایم ایف سے انہوں نے معاہدہ کیا اور نااہل ہو گیا ہے اور یہ چاہتا ہے کہ نظام درہم برہم ہو اس کے منہ سے الفاظ نکلے ہیں کہ اگر میں اقتدار میں نہ آیا تو اس ملک کے تین ٹکڑے ہو جائیں گے۔ کبھی ایٹمی اثاثوں کی بات کرتا ہے اقتدار سے دوری کی وجہ سے یہ اب پاکستان کی سا لمیت کے حوالے سے اداروں کے حوالے سے اس طرح کی گفتگو پر آ گیا ہے کہ کوئی بھی ذی شعور شخص کوئی بھی ایسا شخص جو حب الوطنی کے جذبہ سے سرشار ہو وہ ایسی گفتگو نہیں کر سکتا اب اقتدار سے دوری کا ذمہ دار اداروں کو ٹھہراتا ہے۔

ان کا کہنا تھا کہ اب ادارے تو اس بات کے ذمہ دار نہیں کہ آپ اپنے ایم این ایز کو کنٹرول نہ کر سکیں اس سے پہلے جب بجٹ پاس کروانا ہوتا تھا تو یہ منت کرتے تھے کہ جی میرے ممبر پورے کر دیں اور میں نہیں جانتا کہ سیاسی مینجمنٹ کیسے کرنی ہے دو لوگ اس کی سیاسی مینجمنٹ کرتے تھے ایک علیم خاں اور دوسرے جہانگیر ترین تمام لوگوں کو تحریک انصاف میں شامل کروانے میں وہ پیش پیش تھے پھر جب ان لوگوں کے خلاف پرچے کاٹے گئے ان کے بیٹوں تک کو نہ چھوڑا گیا ان کے خلاف پرچے دیئے گئے ان کی فیملی کے خلاف پرچے دیئے گئے تو وہ آپکی سیاسی مینجمنٹ چھوڑ گئے تو آپ کے ایم این ایز سلپ ہو کر آئے ہیں کیا ان کو امریکہ نے کہا ہے کہ سلپ ہو جاﺅ۔انہوں نے کہا کہ گجرات کو ڈویثرن بنایا گیا اور کنجاہ کے ارد گرد مونس الہی نے زمین خرید لی ہے، یہ بڑا طاقت ور مافیا ہے۔انہوں نے کہا کہ پرویز الہٰی نے گندم کا بحران پیدا کیا ہے، صوبائی حکومت گندم کے معاملے پر ناکام ہوچکی ہے۔

لاہور:سابق گورنر پنجاب چوہدری سرور کا کہنا ہے کہ تحریک انصاف کا کوئی رکن قومی اسمبلی سے مستعفیٰ ہونے کے حق میں نہیں تھا۔نجی ٹی وی میں گفتگو کرتے ہوئے چوہدری سرور کا کہنا تھا کہ پی ٹی آئی کو قومی اسمبلی سے مستعفیٰ نہیں ہونا چاہیے تھا۔

چوہدری سرور کا کہنا تھا کہ بہت سے لوگ عمران خان کو سرور فاؤنڈیشن کا نام لیکرمس لیڈ کرتے تھے، گورنر کے دفتر کو فاؤنڈیشن کیلئے پیسہ اکٹھا کرنے کا الزام لگتا رہا۔

اسلام آباد پولیس نے میری رہائش گاہ پررات ساڑھے 12 بجے چھاپہ مارا ہے،چھاپوں سےنہیں…

سابق گورنر پنجاب کا کہنا تھا کہ جہانگیرترین سے پچھلے ہفتےایک شادی میں ملاقات ہوئی، جہانگیرترین سے کہا باتیں چل رہی ہیں میں اور آپ کوئی جماعت بنارہے، مزید کہا کہ سیاسی طور پر کہہ چکاہوں دسمبرتک فوکس سیلاب متاثرین پر ہے۔چوہدری سرور کا کہنا تھا کہ خوابوں میں بھی نہیں تھاکہ عثمان بزدار وزیراعلیٰ بنیں گے، پارٹی کا کوئی رکن عثمان بزدار سے خوش نہیں تھا۔

’‘ ڈالر کی قیمت میں لائی گئی کمی "آنکھ کا دھوکہ:یعنی مصنوعی ہوگی’’:ماہرین…

چوہدری سرور کا کہنا تھا کہ عثمان بزدار کا استعفیٰ وزیراعظم کے دفتر سے ملا تھا، استعفیٰ پہلے میرے سیکرٹری کے پاس آنا چاہیے تھا، عثمان بزدار کو بلا کر ان سے استعفے کی تصدیق کی تھی، عثمان بزدار نے کہا وزیراعظم ہاؤس سے حکم ہے استعفیٰ قبول کرلیں۔ انہوں نے کہا کہ سائفر سے متعلق مجھے علم نہیں تھا، تمام جماعتوں کو لیول پلئنگ فیلڈ ملنا چاہیے۔

ان کا کہنا تھا کہ پی ٹی آئی سمیت کسی جماعت میں جمہوریت نہیں ہے، پی ٹی آئی کیلئے پنجاب کے صدر کا امیدوار تھا مگر پارٹی کے انٹرا پارٹی انتخابات ملتوی کرادیے گئے۔ اب پی ٹی آئی کاحصہ نہیں،آزادپنچھی ہوں۔

چوہدری سرور کا کہنا تھا کہ گورنر کے عہدے سے ہٹانے پر حیرت ضرور ہوئی تھی، عمران خان کوکہاتھاکارکرگی سےمطمئن نہیں ہیں تواستعفیٰ لےلیں۔ نہیں معلوم کس وجہ سے گورنر کے عہدے سے ہٹایا گیا۔

لاہور:وزیراعلیٰ پنجاب چودھری پرویز الٰہی نے کہا ہے کہ ہندو برادری سمیت تمام اقلیتوں کو یکساں حقوق حاصل ہیں، اقلیتوں سے بہتر سلوک اور احترام دین اسلام کا خاصہ ہے۔

دیوالی کے تہوار کی مناسبت سے وزیراعلیٰ آفس میں خصوصی تقریب کا انعقاد کیا گیا، چودھری پرویز الٰہی مہمان خصوصی تھے نے ہندو اور دیگر اقلیتی برادریوں کے ساتھ مل کر کیک کاٹا اور پاکستان میں مقیم ہندو برادری کو مبارکباد دی جبکہ ہندو اور دیگر اقلیتی برادریوں کی جانب سے وزیراعلیٰ کو اجرک کا تحفہ دیا گیا۔

اسلام آباد پولیس نے میری رہائش گاہ پررات ساڑھے 12 بجے چھاپہ مارا ہے،چھاپوں سےنہیں…

اس موقع پر وزیر وزیراعلیٰ نے کہا کہ دیوالی پر ہندو برادری کی خوشیوں میں شریک ہیں، اقلیتی برادری کے طلباء کو سرکاری تعلیمی اداروں میں میٹرک سے پی ایچ ڈی تک سکالر شپ دیئے جا رہے ہیں، اقلیتی برادری کیلئے اعلیٰ تعلیمی اداروں میں 2 فیصد کوٹہ مقرر کیا ہے، ملازمتوں میں 5 فیصد کوٹے پر عملدرآمد کیلئے ہدایات جاری کر دی ہیں، اقلیتی طلباء کیلئے ایجوکیشنل سکالر شپ سکیم میں 50 فیصد سنٹرل پنجاب، 35 فیصد، جنوبی پنجاب شمالی پنجاب کے طلباء کو 15 فیصد دیئے جا رہے ہیں، میٹرک سے اعلیٰ تعلیم تک 50 فیصد نمبر حاصل کرنے والے ا قلیتی طلباء کو 50 ہزار روپے تک سکالر شپ دے رہے ہیں۔

’‘ ڈالر کی قیمت میں لائی گئی کمی "آنکھ کا دھوکہ:یعنی مصنوعی ہوگی’’:ماہرین…

ان کا کہنا تھا کہ ایک دوسرے کی خوشیوں میں شرکت سے رواداری اور بھائی چارے کو فروغ ملتا ہے، اقلیتوں کے حقوق کی حفاظت ریاست کی ذمہ داری ہے، ہندو برادری سمیت تمام اقلیتوں کو یکساں حقوق حاصل ہیں، ہندو اور دیگر اقلیتی برادریوں کو تعلیم کیلئے مساوی مواقع فراہم کئے جا رہے ہیں۔