لاہور:پاکستان کی پاور لفٹر ربیعہ شہزاد نے سلوواکیہ میں ہونے والے پاور لفٹنگ کے انٹرنیشنل مقابلوں میں سلور میڈل جیت لیا۔اطلاعات کے مطابق ورلڈ پاور لفٹنگ کے مقابلے گلوبل پاور لفٹنگ کمیٹی نے کرائے جس میں پاکستان کی ربیعہ شہزاد نے 52 کلو گرام کلاس میں سلور میڈل جیتا جبکہ یوکرین کی پاور لفٹر نے گولڈ میڈل جیتا۔ربیعہ شہزاد نے 5 . 267 کے جی وزن اٹھایا اور قومی ریکارڈ بھی قائم کیا۔

اوپیک پلس کے فیصلے، پاکستان کا سعودی عرب کے ساتھ اظہارِ یکجہتی

کامیابی کے بعد ربیعہ شہزاد کا کہنا تھا کہ میں انٹرنیشنل مقابلوں میں سلور میڈل جیت کر خوش ہوں ،میں سیلف فنانس پر بین الاقوامی مقابلوں میں حصہ لے رہی ہوں۔

انہوں نے کہا کہ میرا مقصد نیشنل ریکارڈ قائم کرنا تھا تاکہ میں اپنی پرفارمنس دکھا سکوں۔ اس کے علاوہ ان کا کہنا تھا کہ پاکستان اسپورٹس بورڈ اور پاکستان اولمپک ایسوسی ایشن کو فیڈریشن کے معاملات دیکھنے چاہئیں۔واضح رہے کہ ربیعہ شہزاد قومی بیڈ منٹن چیمپئن اولمپئین ماحور شہزاد کی بہن ہیں۔

لاہور:یورپ، شال مشرقی افریقا، مغربی اور وسطی ایشیا میں منگل 25 اکتوبر کو جزوی سورج گرہن دیکھا جاسکے گا۔اطلاعات کے مطابق بین الاقوامی فلکیات کے مرکز کے ڈائریکٹر انجینئر محمد شوکت اودے نے ایک بیان میں بتایا ہے کہ سورج گرہن ہمیشہ مغربی علاقوں سے شروع ہوتا ہے اور بتدریج مشرق کی طرف بڑھتا ہے۔

انہوں نے مزید کہا کہ دنیا کیلئے یہ گرہن شمال مغربی یورپ سے آئس لینڈ کے قریب صبح 8 بج کر 58 منٹ جی ایم ٹی پر شروع ہوگا، پھر یہ گرہن آہستہ آہستہ شمالی افریقا اور پھر مغربی ایشیا کی طرف بڑھے گا، صبح 11:00 بجے اپنے عروج پر پہنچ جائے گا اور بحیرہ عرب کے وسط میں دوپہر ایک بج کر 2 منٹ پر ختم ہو جائے گا، اس کا سب سے زیادہ 86 فیصد گرہن روس میں دیکھا جاسکے گا۔

رپورٹ کے مطابق عرب ممالک کیلئے سورج گرہن کا سب سے زیادہ شمالی عراق میں اس کے بعد لیونٹ اور جزیرہ نما عرب کے شمالی حصے میں، پھر مصر اور جزیرہ نما عرب کے جنوبی حصے میں، اور پھر لیبیا، تیونس میں نظر آئے گا۔

اوپیک پلس کے فیصلے، پاکستان کا سعودی عرب کے ساتھ اظہارِ یکجہتی

بین الاقوامی مرکز فلکیات ابوظہبی میں واقع فلکیاتی سیل آبزرویٹری سے گرہن کی براہ راست نشریات نشر کرے گا اور ان نشریات کو مرکز کے سوشل میڈیا پر مختلف چینلز پر دیکھا جاسکے گا۔

ماہرین نے گرہن کے وقت براہ راست سورج کی طرف دیکھنے سے منع کرتے ہوئے تنبیہ کی ہے کہ ایسا کرنے سے آنکھوں کو نقصان پہنچ سکتا ہے جو مستقل اندھے پن تک بھی لے جاسکتا ہے۔

واضح رہے کہ سورج گرہن کو دیکھنے کیلئے کچھ فلٹر استعمال کئے جاتے ہیں جن کے بارے میں خیال کیا جاتا تھا کہ وہ محفوظ ہیں، صرف اس لئے کہ فلٹر کے ذریعے سورج کی شعاعیں نقصاندہ نہیں ہیں، استعمال شدہ طبی ایکسرے اور دھوپ کے چشمے بھی غیر محفوظ فلٹرز میں شامل ہیں۔

لاہور:تفصیلات کے مطابق امیر تحریک لبیک علامہ سعد رضوی نے مرکز تحریک لبیک میں پریس کانفرنس کرتے ہوئے کہا کہ تحریک لبیک ایک بڑے سانحہ سے گزری ہے۔انہوں نے کہا کہ ہری پوری میں سانحہ حکومتی دہشگردی کا نتیجہ ہے، بارہ ربیع الاول کا جلوس حویلیاں کی طرف جا رہا تھا جس کو روکا گیا اور منزل سے تین کلومیٹر پہلے ہی اس جلوس کو ختم کر دیا گیا۔

سندھ ہائیکورٹ کا کراچی میں بلدیاتی انتخابات یقینی بنانےکاحکم

پریس کانفرنس سے خطاب کرتے ہوئے حافظ سعد حسین رضوی کا کہنا تھا کہ حویلیاں میں عید میلادالنبی ﷺ کا جلوس روکنا تحریک لبیک کو فرقہ واریت کی طرف دھکیلنے کی سازش تھی،پاکستان کو غیر مستحکم کرنے کی سازش کو بے نقاب کیا جائے،پاکستان میں حقوق سب کے ہے مگر مذہبی لوگوں کے نہیں ہیں،حکومت کے نزدیک ٹی ایل پی سے وابستہ کسی فرد کے حقوق نہیں،ہمارے شہیدوں کے پوسٹ مارٹم نہیں ہو رہے وکلاء عدالت میں چکر لگا رہے ہیں،ملک کے تمام اداروں کے سربراہان سے سوال ہے جلوس کے اختتام پر کس نے گولیاں برسائی کس نے لائیٹس بند کیں؟ تین گھنٹے تک ہمارے کارکنوں کو روکا گیا،دیسی پستول سے ٹارگٹ کر کے ہمارے لوگوں کو گولیاں ماری گئیں،

ایٹمی اثاثوں کی حفاظت کیلیے تمام ضروری اقدامات اٹھائے گئے ہیں ،آرمی چیف

انہوں نے کہا کہ حویلیاں سے پہلے ہم جلوس ختم کر کے واپس آ رہے تھے تو فائرنگ کی گئی۔ہری پوری میں سانحہ حکومتی دہشتگردی کا نتیجہ ہے،12 ربیع الاول کا جلوس حویلیاں کی طرف جا رہا تھا جس کو روکا گیا،اتوار کے روز ہزارہ کی تاریخ کا سب سے بڑا جلوس حویلیاں کی طرف جا رہا تھا،منزل سے تین کلومیٹر پہلے ہی اس جلوس کو ختم کر دیا گیا،دفعہ 144 کے مقام سے قبل ہی حملہ کیا گیا،جلوس واپس جا رہا تھا کہ پیچھے سے پولیس نے فائرنگ شروع کردی،کارکنوں کو گولیوں کے ذریعے شہید اور زخمی کیا گیا،

صدرمملکت نے ریکوڈیک ریفرنس سپریم کورٹ میں دائرکردیا

حافظ سعد حسین رضوی کا مزید کہنا تھا کہ عالم کفر سے حالیہ دورے میں معاہدہ کیا کہ تحریک لبیک کواب اس طرح معطل کرنا ہے کہ پہلے خوب لاشیں گرانی ہیں پھر ان کو اشتعال دلانا ہے تاکہ معطل کرنے کا بہانا مل سکے۔ہم اس نتیجے پر پہنچے ہیں کہ پاکستان میں حقوق لبرل کے ہیں اقلیتوں کے ہیں بھیڑ بکریوں اور جانوروں کے ہیں اگر کوئی حق نہیں ہے تو مذہبی و دینی لوگوں کا نہیں ہے۔حافظ قرآن کا کوئی حق نہیں ہے قا ل اللہ اور قا ل رسو ل کہنے والوں کا کوئی حق نہیں ہے داڑھی اور بگڑی والوں کو مذہبی لبادے اور حلیے والوں کا کائی حق نہیں۔جہاں دل چاہا گولیوں سے بھون دیا جہاں چاہا شیلوں کی بھر مارکر دی جب چاہا دہشت گرد کہ کر جیلو ں میں ڈال دیا مذہبی ذہن وسوچ اور مذہبی لبادہ رکھنے والواگر اسی طرح ہم خاموش رہے تو سوچ لو یہ یہود نصاریٰ کے ایجنٹ کیا حال کریں گے۔

ان کا کہنا تھا کہ کا ئنات کی بد ترین مثال میلادشریف جلوس واپسی پر فائرنگ حافظ قرآن محمد اعظم شہید شہادت سے ایک گھنٹہ قبل چہرے کا نور اور ولولہ دیکھیں۔شہادت کے بعد مسکراتا ہوا چہرہ دیکھیں۔کفر کو اورانکے یاروں کو نہ یہ مشن پسند ہے نہ یہ چہرہ مبارک پسند ہے۔یہ پڑھے لکھے تھے

انہوں نے کہا کہ پاکستان میں حقوق سب کے ہیں مگر مزہبی لوگوں کے نہیں ہیں بلکہ حکومت کے نزدیک لبیک سے وابستہ کسی فرد کے حقوق نہیں ہیں۔

پرویز الہیٰ کا وفاقی حکومت کیخلاف سپریم کورٹ جانے کا اعلان
وزیراعلیٰ پنجاب چودھری پرویز الٰہی نے شاہکام چوک فلائی اوور منصوبے کا افتتاح کردیا

وزیراعلیٰ پنجاب چودھری پرویز الٰہی کا کہنا تھا کہ شاہکام چوک فلائی اوور سے شہریوں کو آمد و رفت میں آسانی اور وقت کی بچت ہوگی شاہکام چوک فلائی اوور منصوبے پر 3 ارب 91 کروڑ روپے لاگت آئی ہے 3 رویہ 2 طرفہ فلائی اوور 606 میٹر طویل ہے۔ روزانہ ایک لاکھ 20 ہزار گاڑیوں کو آمد و رفت کیلئے سگنل فری کوریڈور کی سہولت میسر ہوگی۔ منصوبے پر لاگت کا تخمینہ 4 ارب 23 کروڑ روپے لگایا گیا۔ منصوبے میں 31 کروڑ 40 لاکھ روپے کی بچت کی گئی ہے۔ علاقے ریسکیو1122 کا سنٹر اور پٹرولنگ پوسٹ بنائی جائے گی۔ نجی ہاؤسنگ سوسائٹیز کو سیوریج سسٹم کا پابند بنایا جائے گا۔
خلاف وزری پر قانونی کارروائی ہو گی۔ وزیر اعلی چودھری پرویزالٰہی نے اس ضمن میں کمشنر لاہورڈویژن کو ہدایات جاری کر دیں وزیر اعلی چودھری پرویزالٰہی کو شاہکام چوک فلائی اوور منصوبے کے بارے میں بریفنگ دی گئی ،سینئر صوبائی وزیر میاں محمد اسلم اقبال، اراکین اسمبلی ملک کرامت علی کھوکھر، سرفراز حسین کھوکھر، ملک ظہیر عباس کھوکھر، سابق پرنسپل سیکرٹری وزیر اعلی جی ایم سکندر، کمشنر لاہور ڈویژن، سیکرٹری اطلاعات، ڈپٹی کمشنر لاہور، ڈی جی ایل ڈی اے، سی سی پی او لاہور اور متعلقہ حکام بھی اس موقع پر موجود تھے

وزیراعلیٰ پنجاب چودھری پرویز الٰہی نے شاہکام چوک فلائی اوورمنصوبے کی افتتاحی تقریب سے خطاب کرتے ہوئے کہا کہ شہبازشریف جب سے وزیراعظم بنے ہیں، وہ ہماری حکومت کو غیر مستحکم کرنے میں مصروف ہیں۔ ضمنی الیکشن کا رزلٹ سب کے سامنے ہے۔ ضمنی انتخابات کے رزلٹ سے شہباز شریف اوروفاقی حکومت کی چولیں ہل گئی ہیں۔ (ن) لیگ اورپی ڈی ایم کو سمجھ نہیں آرہی کہ انہوں نے کرنا کیا ہے اورانشا ء اللہ انہیں سمجھ آئے گی بھی نہیں۔ ن لیگ خود بھی قبضہ گروپ ہے اور بندے بھی قبضہ گروپ کے رکھے ہوئے ہیں۔ (ن) لیگ گندم پر بھی سیاست کررہی ہے۔ سیاست اپنی جگہ لیکن شہباز شریف کی عوام سے دشمنی کھل کر سامنے آ گئی۔ وفاقی حکومت نے پنجاب کے سوا تمام صوبوں کو گندم دی وفاق نے سندھ کو گندم دی، ہم نے اجازت مانگی لیکن پھر بھی پنجاب کو گندم امپورٹ کرنے کی اجازت نہیں دی وفاقی حکومت نہ خود گندم پنجاب کو دے رہی ہے اورنہ ہی ہمیں امپورٹ کرنے کی اجازت دیتی ہے۔ ن لیگ والے پنجاب سے کھلی دشمنی کررہے ہیں اوران حالات میں یہ کس منہ سے پنجاب کے عوام سے ووٹ مانگتے ہیں؟ ہم وفاقی حکومت کے رویے کے خلاف سپریم کورٹ جا رہے ہیں۔

وزیراعلیٰ پنجاب کا مزید کہنا تھا کہ شہباز شریف نے دیگر فلاحی منصوبوں سمیت المبارک سینٹر کو بھی بند کر دیا۔ المبارک سینٹر میں فائیو سٹار ہوٹل اور چھت پر فٹ بال گراؤنڈ جتنا بڑا فوڈ کورٹ بنایا جائے گا۔ المبارک سینٹر کو ٹنل کے ذریعے قذافی سٹیڈیم سے منسلک کرکے ٹریفک مسائل کا خاتمہ کریں گے۔ المبارک سینٹر کے ساتھ 7 ہزار گاڑیوں کی پارکنگ کی سہولت بھی ہوگی۔ شاہکام چوک سے ملحقہ ہاؤسنگ سوسائٹیز میں امن و امان یقینی بنانے کیلئے پٹرولنگ پوسٹ اور ریسکیو 1122 سینٹر بنائیں گے۔چ پٹرولنگ پوسٹ اورریسکیو1122 سینٹر بنانے کے پیسے ہاؤسنگ سوسائٹیز کے مالکان سے لیں گے۔ نجی ہاؤسنگ سوسائٹیز سیوریج نہیں ڈالتیں جس سے مسائل پیدا ہوتے ہیں۔ نجی ہاؤسنگ سوسائٹیز اشتہار دینے سے قبل اپنی سکیموں میں سیوریج،سڑکیں اوردیگر ضروری سہولتیں کی فراہمی یقینی بنائیں۔ ہاؤسنگ سوسائٹیز کو نوٹسز بھیجے جائیں گے کہ و ہ تعمیرات سے قبل سیوریج اوردیگر سہولتیں فراہم کریں۔ نجی ہاؤسنگ سوسائٹیز کو اس ضمن میں ایک ہفتے کا وقت دے رہے ہیں۔چ تعمیر ات سے پہلے ہاؤسنگ سوسائٹیز میں سیوریج اور سڑکیں ضروری ہیں۔ ابھی ہم سوسائٹیز مالکان کو وقت دے رہے ہیں، اس کے بعد کارروائی کریں گے۔ جو سوسائٹیزعمل نہیں کریں گی ان کے خلاف کارروائی ہوگی۔
سوسائٹیز والے جن سے پیسے کما رہے ہیں،انہیں سہولتیں بھی دیں۔عام آدمی کی سہولت کیلئے اراضی ٹرانسفر فیس میں سو فیصد کمی کر دی ہے۔ٹرانسفر فیس میں کمی سے پراپرٹی کے کاروبار میں بہتری آرہی ہے عمران خان کے ویژن کے مطابق روڈا اور سی بی ڈی کے پراجیکٹس پر کام شروع ہے۔بے ہنگم ٹریفک اور بڑھتی ہوئی آبادی کیلئے لاہور کا ماسٹر پلان منظورکر لیا ہے۔چلاہور میں گرین اور تعمیرات کیلئے براؤن ایریا کو مخصوص کردیا ہے۔شاہکام چوک فلائی اوورمنصوبے میں 31کروڑ روپے کی بچت کی گئی،جس پر میں ڈی جی ایل ڈی اے اوران کی پوری ٹیم کو مبارکباد دیتا ہوں۔لاہورشہر کے اندر انڈر گراؤنڈسفر کی سہولت کاپراجیکٹ لیکر آئیں گے۔ یہ پراجیکٹ لاہورکے شہریوں کیلئے بہت بڑا تحفہ ہوگا۔میرے گزشتہ دور میں انڈرگراؤنڈ پراجیکٹ پر کام شروع ہوالیکن شہبازشریف نے اسے بھی روک دیا۔

تقریب سے سینئر صوبائی وزیر میاں محمد اسلم اقبال نے بھی خطاب کیا اور کہا کہ ن لیگ نے میوہسپتال میں سرجیکل ٹاور، جناح ہسپتال میں برن یونٹ، وزیر آباد میں دل کے ہسپتال جیسے عظیم فلاحی منصوبوں کو روک کر عوام سے دشمنی کی۔پنجاب کے وزیر اعلیٰ چوہدری پرویز الہٰی کے سابق دور میں لاہور میں پلان کیے گئے ریل کے زیر زمین منصوبے کو تر ک کرکے میٹرو بس اور اورنج لائن جیسے مہنگے منصوبے اور کنکریٹ کے پہاڑ کھڑے کرکے شہر کاحلیہ بگاڑ دیا گیا۔دوسری جانب تحریک انصاف کی حکومت نے ہیلتھ کارڈ جیسے انقلابی پروگرام شروع کیے ہیں اور اس منصوبے سے پنجاب کے 12کروڑ عوام کو علاج کی جدید سہولت مفت دی ہے۔

سینئر صوبائی وزیر میاں اسلم اقبال نے تقریب سے خطاب کرتے ہوئے کہا کہ شاہکام فلائی اوور حکومت کا شاندار منصوبہ ہے جس سے لاہور کی 20کالونیوں کے رہائشیوں کو فائدہ ہوگا۔ انہوں نے کہا کہ تحریک انصاف کے چیئرمین عمران خان کے ویژن کے مطابق پنجاب میں عام آدمی کی فلاح کے منصوبے مکمل کیے جارہے ہیں۔ میاں اسلم اقبال نے کہا کہ زرداریوں اور شریفوں نے ملک کا ستیاناس کیا۔ان کی کرپشن کی کہانیاں دنیا بھر میں مشہور ہوچکی ہیں۔عمران خان کا بیانیہ ہر پاکستانی کے دل کی آواز ہے۔ مرکز میں قابض چوروں اور لٹیروں سے پاکستان واپس لیکر انہیں دیں گے جن کا حق ہے اور جنہوں نے ملک کی تعمیر و ترقی کے لئے قربانیاں دیں۔انہوں نے کہا کہ پاکستان میں گزشتہ تین چار ماہ سے انصاف کا قتل عام ہورہا ہے۔ غریب اور امیر کے لئے انصاف کے پیمانے الگ الگ ہیں۔ پاکستان تحریک انصاف کی جدوجہد دو نہیں ایک پاکستان کے لئے ہے