Category: لاہور

چنیوٹ؛ 8سالہ بچی سے مبینہ اجتماعی زیادتی، مقدمہ درج

پنجاب کے شہر چنیوٹ میں 8 سالہ بچی سے مبینہ طور پر اجتماعی زیادتی ہوئی ہے جس کے نتیجے میں کمسن بچی کی حالت تشویشناک ہوگئی۔ ذرائع کے مطابق چنیوٹ میں 6 ملزمان نے 8 سالہ بچی جگنی سے مبینہ زیادتی کی۔جنسی تشدد کے نتیجے میں شدید زخمی بچی کو طبی امداد کیلئے ہسپتال منتقل کردیا گیا ہے۔

کمسن بچی کے والد رمضان کا کہنا ہے کہ 6 ملزمان میری بیٹی کو اٹھا کر کھیتوں میں لے گئے اور زیادتی کی۔ میری خون میں لت پت بیٹی ہسپتال میں تڑپ رہی ہے۔ مجھے انصاف دیا جائے. چنیوٹ پولیس نے واقعے کی تفتیش شروع کردی۔ حکام کا کہنا ہے کہ کمسن بچی سے زیادتی میں ملوث ملزمان کو جلد کیفرِ کردار تک پہنچائیں گے۔ ملزمان کی گرفتاری کیلئے کارروائی کی جارہی ہے۔
مزید یہ بھی پڑھیں؛ آئی ایم ایف اور ورلڈ بینک نے کہا سبسڈیز نہیں دینی چاہئیں. وزیر خزانہ
بنوں:سیکورٹی فورسزکا دہشت گردوں کے خلاف آپریشن:ایک دہشت گرد ہلاک
ڈاکٹرمحمد بن عبدالکریم الیسہ کےدورہ سےپاکستان اورسعودی عرب کے تعلقات مزید مستحکم ہوں گے: طاہراشرفی
اس حوالے سے چیئرمین پروٹیکشن بیورو سارہ احمد کا کہنا ہے کہ بچی سے اجتماعی زیادتی انتہائی افسوسناک واقعہ ہے۔ پولیس ملزمان کے خلاف کارروائی کر رہی ہے۔ بچی کو علاج معالجہ اور قانونی معاونت فراہم کریں گے۔
دریں اثنا چیئرمین چائلڈ پروٹیکشن بیورو سارہ احمد نے مبینہ زیادتی کے واقعے کا نوٹس لیتے ہوئے چائلڈ پروٹیکشن بیورو فیصل آباد کی ٹیم کو متاثرہ بچی اور اس کے لواحقین سے فوری رابطہ کی ہدایت کی ہے۔ انہوں نے کہا کہ واقعہ انتہائی افسوسناک ہے ۔ جبکہ پولیس نے ملزمان کے خلاف کارروائی شروع کردی ہے۔ چیئرمین چائلڈ پروٹیکشن بیورو سارہ احمد نے کہا کہ مبینہ زیادتی کا شکار بچی کو علاج معالجہ سمیت مکمل قانونی معاونت فراہم کی جائے گی۔ معصوم بچی کو زیادتی کا نشانہ بنانے والے ملزمان سخت سزا سے نہیں بچ سکیں گے۔

لاہور اور کراچی اس وقت دنیا بھر کے آلودہ ترین شہروں کی فہرست میں بالترتیب پہلے اور دوسرے نمبر پر ہیں۔

کوالٹی ائیرانڈیکس کے مطابق 17 اکتوبر کو لاہور دنیا بھر میں آلودہ ترین شہروں میں پہلے نمبر پر ہے۔ کوالٹی ائیرانڈیکس کے مطابق لاہور مضر صحت ذرات کی مقدار 228 پرٹیکیولیٹ میٹرز ریکارڈ کی گئی ہے. اسی طرح کراچی دنیا کے آلودہ ترین شہروں میں اس وقت دوسرے نمبر پر ہے اور یہاں آلودہ ذرات کی مقدار 228 پرٹیکیولیٹ میٹرز ریکارڈ کی گئی۔ جبکہ بھارت کا دارالحکومت نئی دہلی کا تیسرا نمبر ہے آلودہ ذرات کی تعداد 195 پرٹیکیولیٹ میٹرز ریکارڈ ہوئی۔

واضح رہے کہ 151 سے 200 پرٹیکیولیٹ میٹرز تک آلودگی درجے تک آلودگی مضر صحت جب کہ 201 سے 300 پرٹیکیولیٹ میٹرز تک انتہائی مضر صحت ہوتی ہے۔ خیال رہے کہ لاہور گزشتہ کئی برسوں سے دنیا بھر کے 10 آلودہ ترین شہروں کی فہرست میں شمار کیا جاتا ہے۔ جس کی وجہ سے لوگوں کو صحت کے مسائل کا سامنا ہے۔ تاہم یاد رہے کہ ماحولیاتی آلودگی دنیا کا سب سے گھمبیر مسئلہ ہے۔ عالمی برداری کی جانب سے دنیا کے مستقبل کو محفوظ بنانے کے لیے ماحولیات کے تحفظ پر سب سے زیادہ زور دیا جاتا رہا ہے۔

جبکہ دنیا نے ترقی کے منازل میں قدرتی تدابیر کو شدید نقصان پہنچایا اور جدیدیت کی جانب گامزن ترقی یافتہ ممالک اور ترقی پذیر مملکتوں نے ماحول دوست پالیسیاں اختیار کرنے میں سست روئی کا مظاہرہ کیا، جس کے باعث اب دنیا کو ماحولیاتی مسائل کے چیلنجز کا سامنا ہے۔ ماحولیاتی آلودگی کے سبب انسانی زندگی کو کئی مہلک بیماریوں کا سامنا بھی ہے۔ خیال رہے جب کورونا وبا آئی تو سب کچھ بند ہونے کی وجہ سے ماحولیات پر تحقیق کرنے والے کئی اداروں نے دعویٰ کیا ہے کہ انسانوں کے ہارٹ اٹیک اور دمے کے مرض میں نمایاں کمی دیکھنے میں آئی تھی.
مزید یہ بھی پڑھیں؛ آئی ایم ایف اور ورلڈ بینک نے کہا سبسڈیز نہیں دینی چاہئیں. وزیر خزانہ
بنوں:سیکورٹی فورسزکا دہشت گردوں کے خلاف آپریشن:ایک دہشت گرد ہلاک
ڈاکٹرمحمد بن عبدالکریم الیسہ کےدورہ سےپاکستان اورسعودی عرب کے تعلقات مزید مستحکم ہوں گے: طاہراشرفی
ناروے کے ایک ماحولیات سے متعلق تحقیقی ادارے ’’سینٹر فور انٹرنیشنل کلائمیٹ ریسرچ‘‘ اور کچھ دیگر اداروں کی تحقیق کے مطابق ماحولیاتی آلودگی کی کمی کے باعث اچانک دل کے دورے سمیت دمے کے مرض سے اموات سے نمایاں کمی دیکھنے میں آئی تھی. تحقیق کے دوران 27 ممالک کے 10 ہزار سے زائد ایئر مانیٹرز کا ڈیٹا اکٹھا کیا گیا اور اس کا موازنہ گذشتہ تین سال کی ایئر کوالٹی کے اعداد و شمار سے کیا گیا ہے۔تحقیق کاروں نے ہوا میں پائے جانے والے تین آلودہ عناصر ’’نائٹروجن‘‘، ’’ڈائی آکسائڈ‘‘، ’’اوزون‘‘ اور ’’پی ایم 25‘‘ پر تحقیق کی ہے، جو انتہائی چھوٹے ذرات ہوتے ہیں اور پھیپھڑوں میں داخل ہو کر انہیں نقصان پہنچاتے ہیں۔

وزیراعلیٰ پنجاب چودھری پرویز الٰہی نے لاہورکے ماسٹر پلان 2050 کے پلان کی منظوری دیدی

وزیراعلیٰ چودھری پرویز الٰہی کا اوورسیزپاکستانیوں کی سہولت کے لئے اہم اقدام سامنے آیا ہے ،وزیراعلیٰ پنجاب چودھری پرویز الٰہی کا کہنا ہے کہ اوورسیز پاکستانی ایک ہی دن میں ایل ڈی اے سے پلاٹ خرید سکیں گے۔ وزیراعلیٰ چودھری پرویز الٰہی نے ایل ڈی اے ہاؤسنگ سکیموں میں اوور سیزپاکستانیوں کیلئے ون ونڈو آپریشن کی منظوری دے دی

وزیراعلیٰ پنجاب چودھری پرویز الٰہی کا کہنا ہے کہ اوورسیز پاکستانیوں کو ایک ہی دن میں پلاٹ ٹرانسفرکی سہولت دی جائے گی۔ بیرون ملک سے آنے والے پاکستانی بھائیوں کی سرمایہ کاری کو محفوظ بنارہے ہیں۔ اوورسیزپاکستانیوں کے معاملے میں کوئی سرخ فیتہ حائل نہیں ہونے دیں گے۔ شاہدرہ پلان کو جلد ازجلد قابل عمل بنانے اور تعمیرات کا آغاز کرنے کی ہدایت کی گئی، اجلاس میں آزادی چوک میں موٹر سائیکل سواروں کیلئے بائیکرز اورہیڈبرج بنانے کی منظوری دی گئی،اکبر چوک کوسگنل فری کرنے کیلئے فلائی ا ووراورانڈرپاس تعمیر کرنے کی منظوری دی گئی، ایل ڈی اے بلڈنگ اینڈ زوننگ ریگولیشن2019میں ترامیم کی منظوری دی گئی

وزیراعلیٰ پنجاب چودھری پرویز الٰہی کا کہنا تھا کہ لاہور ماسٹر پلان2050کے تحت بڑھتی ہوئی آبادی کی رہائشی ضروریات کو مدنظر رکھا جائے گا۔ لاہور میں آبادی کا دباؤ کم کرنے کیلئے مضافات میں رہنے والوں کو شہر کے برابر سہولتیں دی جائیں گی۔ بفرزون قائم کرنے کیلئے بڑے پیمانے پر شجر کاری کی جائے گی۔ پبلک ٹرانسپورٹ سسٹم کو جدید خطوط پر استوار کیا جائے گا۔ مواصلاتی رابطے بہتر بنانے کیلئے انٹرچینج اورفلائی اوور تعمیر کیے جائیں گے۔ وزیراعلیٰ پنجاب چودھری پرویز الٰہی نے ہدایت کی کہ مزیدزرعی زمین ایکوائرکرنے کی بجائے ملٹی سٹوری بلڈنگ کلچر کو فروغ دیا جائے۔

علیم خان اتنے بااثر ہیں کہ ریاست نے اپنی زمین استعمال کیلئے دے دی؟

آئی بی افسران کا ہاؤسنگ سکیم کے نام پر بڑا دھوکہ، رقم لیکر ترقیاتی کام کروانے کی بجائے مزید زمین خرید لی

ہاؤسنگ سوسائٹیز میں لوگوں کو لوٹا جا رہا ہے، سپریم کورٹ نے دی حکومت کو مہلت

فلمسٹار لکی علی کا فراڈ ہاوسنگ سوسائٹیوں سے عوام کو چونا لگانے کا اعتراف،نیب نے کی ریکارڈ ریکوری

وفاقی انٹیلی جنس بیورو آئی بی کے افسران کی جانب سے اسلام آباد میں پراپرٹی کا کام شروع کئے جانے کا انکشاف

جوہر ٹاؤن، موضع چک مزنگ میں اراضی ایکوائرکرنے کی منظوری دی گئی، ایل ڈی اے ایونیو ون میں تنازعات حل کرنے کیلئے فریقین سے بات چیت کی منظوری دی گئی، ایل ڈی اے سکیموں کیلئے ڈویلپمنٹ سب کمیٹی کی منظوری،ارکان اسمبلی بھی شامل ہوں گے موضع کھاڑک،خیبربلاک علامہ اقبال ٹاؤن،گلشن راوی میں حل طلب امورعدالتی اورقانونی احکامات کے مطابق حل کرنے کی منظوری دی گئی، ایل ڈی اے ایونیو ون کے نادہندگان کی ادائیگی کی مدت میں توسیع کی منظوری دی گئی، ٹیپا کیلئے ڈویلپمنٹ ورک پرعائد پابندی اٹھانے کی منظوری دی گئی، مدت سے زیر التواء جوہر ٹاؤن میں پلاٹ کی ریگو لرائزیشن کی منظوری دی گئی، ایل ڈی اے گورننگ باڈی کی گزشتہ میٹنگ کے فیصلوں کی توثیق کی گئی،

وزیراعلیٰ پنجاب چودھری پرویز الٰہی کی زیر صدارت لاہور ڈویلپمنٹ اتھارٹی کی گورننگ باڈی کا اجلاس ہوا، کنسلٹنٹ ماسٹر پلاننگ مسٹر ڈیوڈ نے لاہور ماسٹر پلان 2050پرتفصیلی بریفنگ دی، اجلاس میں اکنامک ڈویلپمنٹ سٹریٹجی،ریجنل سٹریٹجی اوردیگر امور پر تفصیلی تبادلہ خیال کیا گیا،سینئر صوبائی وزیر میاں محمد اسلم اقبال، صوبائی مشیر عامرسعید راں،سابق پرنسپل سیکرٹری وزیراعلیٰ جی ایم سکندر،وائس چیئرمین شیخ امتیاز محمود، ارکان صوبائی اسمبلی سعدیہ سہیل رانا، ملک مختار احمد، محمد عاطف، عامر ریاض قریشی،طارق ثناء باجوہ، متعلقہ سیکرٹریز، ایل ڈی اے گورننگ باڈی کے ارکان، ڈی جی ایل ڈی اے، ایم ڈی واسااور متعلقہ حکام نے اجلاس میں شرکت کی

لاہور:پنجاب اسمبلی کےتین حلقوں میں ضمنی الیکشن کے غیر حتمی اور غیر سرکاری نتائج سامنے آگئے۔ ضمنی الیکشن میں بڑا اپ سیٹ ہو گیا۔ صوبائی اسمبلی کے تین حلقوں میں مسلم لیگ ن کی دو سیٹیں پی ٹی آئی جیت گئی جبکہ شیخوپورہ کی اپنی سیٹ بچانے میں ن لیگ کامیاب ہوگئی۔

پی پی 139 شیخوپورہ

غیر حتمی اور غیر سرکاری نتائج کے مطابق پی پی 139 شیخوپورہ سے مسلم لیگ ن کے چودھری افتخار بھنگو 36435 ووٹ لیکر کامیاب ٹھہرے، پی ٹی آئی کے ابو بکر شرقپوری 34973 ووٹ لیکر دوسرے نمبر پر رہے۔

یاد رہے کہ 2018ءکے عام انتخابات میں یہ سیٹ پاکستان مسلم لیگ ن نے جیتی تھی، اس وقت لیگی امیدوار جلیل احمد شرقپوری نے فتح کو گلے لگایا تھا، پنجاب میں نمبر گیم کی صورتحال کے دوران انہوں نے ن لیگ سے استعفیٰ دیدیا تھا اور پاکستان تحریک انصاف میں شمولیت اختیار کر لی تھی۔ جس کے بعد ان کی جگہ پر ٹکٹ جلیل شرقپوری کے کزن ابو بکر شرقپوری کو دیا تھا۔

پی پی 209 خانیوال:

پی پی 209 خانیوال میں عمران خان کا بلا چل گیا۔غیر حتمی اور غیر سرکاری نتائج کے مطابق پی پی 209 کے ضمنی الیکشن پاکستان تحریک انصاف نے تقریباً چودہ ہزار کی ووٹوں کی برتری سے جیت لیا ۔ پاکستان تحریک انصاف کے امیدوار محمد فیصل خان نیازی 71586 ووٹ لیکر کامیاب ٹھہرے جبکہ پاکستان مسلم لیگ ن کے امیدوار چودھری ضیاء الرحمان نے 57864 ووٹ لیکر دوسری پوزیشن حاصل کی تھی۔

واضح رہے کہ 2018ء کے عام انتخابات میں پی پی 209 خانیوال سے پاکستان مسلم لیگ ن کے امیدوار محمد فیصل خان نیازی نے 55214 ووٹ لیکر کامیابی حاصل کی تھی، پاکستان تحریک انصاف کے امیدوار عبدالرزاق خان 38937 ووٹ لیکر دوسرے نمبر پر رہے تھے۔

پی پی 241 بہاولنگر

پی پی 241 بہاولنگر میں بھی عمران خان کے کھلاڑی نے چھکا مار دیا۔پی پی 241 میں پاکستان تحریک انصاف نے پاکستان مسلم لیگ ن کو تقریبا 9 ہزار سے زائد ووٹوں سے شکست دیدی۔

پی ٹی آئی کے امیدوار ملک مظفر خان اعوان نے 57537 ووٹ لیکر فتح حاصل کی جبکہ مسلم لیگ ن کے امیدوار امان اللہ ستار باجوہ نے 48650 ووٹ حاصل کیے۔

خیال رہے کہ 2018ء کے عام انتخابات میں پاکستان مسلم لیگ ن کے امیدوار کاشف محمود نے 48543 ووٹ لیکر کامیابی حاصل کی تھی ، پی ٹی آئی کے امیدوار ملک محمد مظفر خان نے 44184 ووٹ لیکر دوسری پوزیشن حاصل کی تھی تاہم جعلی ڈگری کی پاداش میں کاشف محمود کو نا اہل کر دیا گیا تھا۔