Category: لاہور

چیف سیکرٹری پنجاب عبداللہ خان سنبل کی زیر صدارت کمشنرز اور ڈپٹی کمشنرز کا ویڈیو لنک اجلاس ہوا

اجلاس میں صحت، ماحولیات اورٹرانسپورٹ کے محکموں کے سیکرٹریز نے شرکت کی۔تمام ڈویژنل کمشنرز اور ڈپٹی کمشنرز ویڈیو لنک کے ذریعے شریک ہوئے۔اجلاس میں ڈینگی اور سموگ کی روک تھام کیلئے کئے جانیوالے اقدامات کا جائزہ لیا گیا، چیف سیکرٹری کا کہنا تھا کہ ڈینگی اور سموگ کے مسئلوں کا تعلق براہ راست لوگوں کی صحت سے ہے۔ اس اہم معاملے پر کسی قسم کی غفلت یا کوتاہی کے متحمل نہیں ہو سکتے۔ پنجاب کے انسداد ڈینگی اقدامات کو قابل تقلید قرار دیا جاتا ہے۔ فیلڈ افسرن ڈینگی پر قابو پانے کیلئے ایس او پیز پر عملدرآمد یقینی بنائیں۔

چیف سیکرٹری نے گوجرانولہ میں ڈینگی سٹاف کی بھرتی کے عمل کو تیز کرنے کی ہدایت کی اور کہا کہ فصلوں کی باقیات اور کوڑا کرکٹ جلانے والوں کیخلاف سخت کارروائی عمل میں لائی جائے۔سموگ صرف چند بڑے شہروں تک محدود نہیں۔صوبہ کے تمام اضلاع میں سموگ کی روک تھام پر یکساں توجہ دی جائے،سموگ کا باعث بننے والے گردوغبار سے بچنے کیلئے سڑکوں پر چھڑکاؤ کا انتظام کیا جائے۔چیف سیکرٹری نے دھواں چھوڑنے والی نجی اور سرکاری گاڑیوں کیخلاف بلاتفریق کارروائی کا حکم دیا

میڈیا کو حکومت نے اشتہارات کی کتنی ادائیگیاں کر دیں اور بقایا جات کتنے ہیں؟ قائمہ کمیٹی میں رپورٹ پیش

اسلام آباد ہائیکورٹ میں سیکورٹی سخت،رینجرزتعینات،حملہ وکلاء کو عدالت نے کہاں بھجوا دیا؟

باقی یہ رہ گیا تھا کہ وکلا آئیں اور مجھے قتل کر دیں میں اسکے لیے تیار تھا،چیف جسٹس اطہر من اللہ

پیکا ترمیمی آرڈیننس،لگتا ہے وزیراعظم کی کسی نے ٹھیک سے معاونت نہیں کی،عدالت

دالتی احکامات نظر انداز کرنے والے کسانوں کی زمینیں بھی انتظامیہ کوقبضے میں لینے کی ہدایت

اجلاس میں ہونے والی بریفنگ میں بتایا گیا کہ رواں سال اب تک 11245کنفرم ڈینگی کیسز اور 13 اموات رپورٹ ہو چکی ہیں۔ گوجرانوالہ اور ملتان میں ڈینگی مریضوں میں اضافہ سامنے آرہا ہے۔ سموگ کی مانیٹرنگ کیلئے سینٹرل کنٹرول روم نے کام کا آغاز کر دیا ہے۔ فصلوں کی باقیات جلانے کیخلاف کارروائی کیلئے ڈپٹی کمشنرز کو سیٹلائیٹ تصاویر کی مدد سے علاقوں کی معلومات فراہم کی جا رہی ہے۔ ایئر کوالٹی کی جانچ کے لئے لاہور میں مختلف مقامات پر آٹھ نئے مانیٹر نصب کئے گئے ہیں۔

ریاست مخالف بیان کا معاملہ، وفاقی وزیر جاوید لطیف کی ضمانت منسوخی کی درخواست پر سماعت ہوئی

جاوید لطیف عدالتی حکم پر لاہورہائیکورٹ میں پیش ہوئے، وکیل پنجاب حکومت نے کہا کہ سیشن کورٹ نے ریکارڈ کا جائزہ لیے بغیر ضمانت منظور کی،سیشن کورٹ کا ضمانت منظور کرنے کا فیصلہ درست نہیں، پنجاب حکومت کے وکیل کے دلائل مکمل ہو گئے

عدالت پیشی کے موقع پر میڈیا سے گفتگو کرتے ہوئے جاوید لطیف کا کہنا تھا کہ عمران خان کا کوچ اپنی ضرورت کیلئے اس کو کھلا رہا ہے اور یہ ریاست سے کھیل رہا ہے، ہم سے تو لباس کا حساب مانگتے تھے، لیکن عمران سے کون پوچھے گا کہ اربوں روپے کہاں سے آرہے ہیں. 2018 الیکشن کی طرح ضمنی انتخابات میں بھی سہولت کاری کی گئی ،کوئی بتائے گا عمران خان کے جلسوں پر اربوں روپے کہاں سے آرہے ہیں پی ٹی آئی کے ایک جلسے پر 20 کروڑ روپے خرچ ہو رہے ہیں، ہم خاموش ہیں تو اس کا مطلب نہیں کہ کوچ کھلاتا جائے، مولاجٹ کھیلتا جائے، ہم ریاست کیلئے سیاست قربان کر رہے ہیں، عمران خان کی دھمکیوں پر کب تک یہ قوم خاموش رہے گی،

آڈیو لیکس، معاملے کی تہہ تک نہ پہنچے تو معاملات اس سے زیادہ بگڑجائیں گے

ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

 عمران خان جھوٹے بیانیے پر سیاست کر رہے ہیں،

 مریم نواز نے عمران خان پر کڑی تنقید 

واضح رہے کہ قومی اسمبلی کے ضمنی انتخابات ہوئے، عمران خان سات سیٹوں پر امیدوار تھے جن میں سے چھ سیٹیں عمران خان نے جیت لیں جب کہ ایک نشست پر عمران خان کو شکست ہوئی، وہ پیپلز پارٹی کے امیدوار نے جیتی، مجموعی طور پر پیپلز پارٹی کو قومی اسمبلی کی دو مزید سیٹیں مل گئیں، کراچی اور ملتان میں عوام نے تحریک انصاف کو مسترد کر دیا،

لاہور ہائیکورٹ ،اسموگ کی روک تھام سے متعلق درخواست پرسماعت ہوئی

عدالت نے فصلوں کی باقیات جلانے والے کسانوں کو 2 لاکھ روپے جرمانہ کرنے کا حکم دے دیا،عدالت نے فصلوں کی باقیات جلانے والے کسانوں کے خلاف مقدمات درج کرنے کا بھی حکم دے دیا،عدالت نے عدالتی احکامات نظر انداز کرنے والے کسانوں کی زمینیں بھی انتظامیہ کوقبضے میں لینے کی ہدایت کر دی،گوگل میپ کی فصلوں کی باقیات جلانے سے متعلق رپورٹ لاہور ہائیکورٹ میں پیش کی گئی لاہور ہائیکورٹ نے گوگل رپورٹ آج ہی چیف سیکریٹری پنجاب کےسامنے رکھنے کی ہدایت کردی

عدالت نے دوران سماعت ریمارکس دیتے ہوئے کہا کہ چیف سیکریٹری کو بتایا جائے کہ یہ ہے آپ کے ڈی سیز کی کارکردگی ہے،اوکاڑہ میں فصلوں کو جلانے کے153واقعات ہوئے،یہ ذمہ داری کس کی ہے اگر عدالتی احکامات پر عمل نہیں کرنا تو بتایا جائے آنے والی نہیں موجودہ نسل کے بقا کا بھی مسئلہ ہے،فصلوں کی باقیات جلانے سے روکنا ڈپٹی کمشنرز کی ذمہ داری ہے ڈپٹی کمشنرز کو بلانے کا مقصد معاملے کی سنگینی کو اجاگر کرنا ہے،اپنے اضلاع میں واپس جاکر مقدمات درجات کرائیں اور جرمانے کریں،

ڈپٹی کمشنر اوکاڑہ نے کہا کہ دو ہفتے میں 151مقدمات درج کرائے گئے،پورےضلع کی مشینری سب چھوڑ کر اسی کام میں لگی ہے،

میڈیا کو حکومت نے اشتہارات کی کتنی ادائیگیاں کر دیں اور بقایا جات کتنے ہیں؟ قائمہ کمیٹی میں رپورٹ پیش

اسلام آباد ہائیکورٹ میں سیکورٹی سخت،رینجرزتعینات،حملہ وکلاء کو عدالت نے کہاں بھجوا دیا؟

باقی یہ رہ گیا تھا کہ وکلا آئیں اور مجھے قتل کر دیں میں اسکے لیے تیار تھا،چیف جسٹس اطہر من اللہ

پیکا ترمیمی آرڈیننس،لگتا ہے وزیراعظم کی کسی نے ٹھیک سے معاونت نہیں کی،عدالت

دوسری جانب ترجمان محکمہ زراعت پنجاب نے کہا ہے کہ محکمہ نے دھان کے کاشتکاروں کو کٹائی کے بعد باقیات (مڈھوں،پرالی وغیرہ) کو آ گ لگانے سے گریز کرنے کی ہدایات جاری کیں ہیں۔ترجمان نے کہا ہے کہ دھان کی باقیات کو آگ لگانے سے فضائی آلودگی (سموگ)پیدا ہوتی ہے۔سموگ کے باعث انسانی زندگی، فصلات، باغات اور سبزیوں پر منفی اثرات مرتب ہونے کا اندیشہ موجود ہوتا ہے۔ کاشتکاردھان کی باقیات کو آگ لگانے کی بجائے زمین میں ملا کر زرخیزی میں اضافہ کریں ۔ترجمان کے مطابق دھان کے کاشتکار ہاتھ سے کٹائی کی صورت میں دھان کے مڈھوں کی تلفی کے لئے روٹاویٹر مشین استعمال کریں مزید براں کاشتکار دھان کی مشینی کٹائی کی صورت میں ڈسک ہیرو کی مدد سے انہیں زمین میں ملا دیں یا گہرا ہل چلا کر آدھی بوری یوریافی ایکڑ چھٹہ کرکے پانی لگا دیں۔ترجمان نے مزید کہا کہ دھان کی باقیات کی آگ لگانا ایک غیر قانونی عمل ہےاور ایسے کاشتکاروں کے خلاف قانونی کاروائی عمل میں لائی جائے گی۔

کشمیری رہنما یاسین ملک کی اہلیہ مشعال حسین ملک کوکشمیر کے حق کیلئے آواز اٹھانے پر انسانی حقوق کے ایوارڈ سے نوازا گیا ہے-

باغی ٹی وی : چیئرپرسن پیس اینڈ کلچر آرگنائزیشن مشعال حسین ملک کو لاہور آواری میں پاکستان ہیومن رائٹس سوسائٹی کی جانب سے ایس ایم ظفر نے مقبوضہ کشمیر میں انسانی حقوق کی سنگین خلاف ورزیوں کو اجاگر کرنے پر ایوارڈ دیا-

مشعال ملک امن و ثقافت کی تنظیم کی چئیرپرسن ہیں۔ ، آرٹسٹ ، مصور ، آزادی کے لیے جدوجہد کرنے والی اور امن کی سفیر ہیں۔ وہ اپنے شوہر کے ہمراہ کشمیری عوام کے امن کے لئے جدوجہد کر رہی ہیں۔

انہیں بچپن سے ہی پینٹنگ کا شوق تھا جس میں انھوں نے مہارت حاصل کی۔وہ اکثر اپنی پینٹنگز ڈسپلے کرنے کے لئے مختلف نمائشوں کا انعقاد کرتی ہیں۔ انہوں نے کشمیریوں کو خراج تحسین پیش کرنے کے لئے ایک نمائش کی میزبانی کی جس کا عنوان انھوں نے ‘پینٹنگز آف فریڈم ، پینٹنگز آف پیس’ رکھا تھا۔

مشعال ملک اکثر عصمت دری کی شکار خواتین کے لیے آواز بلند کرتی ہیں۔ وہ ان مضبوط خواتین میں سے ایک ہیں جو کشمیری عوام کو درپیش مسائل پر ہمیشہ روشنی ڈالتی ہیں اور جو ہمیشہ امن اور محبت کی بات کرتی ہیں۔

مشعال ملک جو مشعال حسین ملک کے نام سے بھی پہچانی جاتی ہیں،1988 میں امریکہ میں پیدا ہوئیں امریکی نژاد پاکستانی ہیں۔وہ ایک آرٹسٹ، پینٹر، جدوجہدِ آزادی کے لیے سرگرم خاتون اور امن کی سفیر ہیں۔ان کا تعلق ایک تعلیم یافتہ اور کامیاب خاندان سے ہے۔ اُن کے پاس بیک وقت پاکستان اور انڈیا کی قومیت ہے۔ویسے وہ چکوال، پاکستان کی رہنے والی ہیں۔

یٰسین ملک کی گرفتاری تک وہ اپنے شوہر کے ساتھ سری نگر میں رہتی تھیں۔کشمیری مسلمانوں کے لیے جدوجہد کرنے والی ایک تنظیم "پیس اینڈ کلچر” کی چیرپرسن ہیں ان کے والد حسین ملک جو 2002 میں دل کا دورہ پڑنے سے انتقال کر گئے تھے پیشے کے اعتبار سے اکنامکس کے پروفیسر تھے اور وہ پہلے پاکستانی تھے جنھیں جرمنی میں نوبل انعام دیا گیا تھا۔

ان کی والدہ ریحانہ حسین خواتین ونگ میں پاکستان مسلم لیگ کی سیکرٹری جنرل تھیں جبکہ ان کے بھائی واشنگٹن ڈی سی میں مقیم تھے جہاں انہوں نے غیر ملکی تجزیہ کار کی ملازمت سنبھالی پاکستان سے اپنی تعلیم اور کالج کی تعلیم مکمل کرنے کے بعد وہ لندن چلی گئیں جہاں انہوں نے لندن اسکول آف اکنامکس سے تعلیم حاصل کی اور اکنامکس میں بیچلر کی ڈگری حاصل کی۔

ان کی شادی فروری 2009 میں یاسین ملک سے ہوگئی جو کشمیری علیحدگی پسند رہنما ہیں جو بھارت اور پاکستان دونوں سے کشمیر کی علیحدگی کی وکالت کرتے ہیں۔ اس جوڑے کی پاکستان میں ایک کانفرنس میں پہلی ملاقات ہوئی تھی۔ ان کی بیٹی نے 2012 میں جنم لیا۔ جس کا نام انہوں نے رضیہ سلطانہ رکھا تھا۔ شادی کے بعد ، وہ اپنے شوہر کے ساتھ ہندوستان شفٹ ہوگئیں۔ فی الحال ، ان کے شوہر جیل میں ہیں۔دس سالہ شادی شدہ زندگی میں وہ صرف دو ماہ ہی ساتھ رہے ہیں۔