Category: لاہور

وزیراعظم محمد شہباز شریف کی جاتی عمرہ میں سابق وزیراعظم اور پاکستان مسلم لیگ ن کے صدر نواز شریف سے ملاقات ہوئی ہے

ملاقات میں نائب وزیراعظم و وزیر خارجہ اسحاق ڈار اور وزیر اعلیٰ پنجاب مریم نواز بھی موجود تھیں،وزیراعظم نے نواز شریف کو اپنے دورہء ملائیشیاء کے حوالے سے تفصیلی آگاہ کیا ،وزیراعظم نے نواز شریف کو ملائیشیاء کے وزیر اعظم انور ابراہیم کا نیک خواہشات کا پیغام دیا ،وزیراعظم کا کہنا تھا کہ پاکستان اور ملائیشیاء کے درمیان دو طرفہ تعلقات خصوصاً اقتصادی تعاون نئی بلندیوں کو چھو رہے ہیں

وزیر اعظم نے اپنے آنے والے دورہء مصر کے حوالے سے بریفنگ دی،ملاقات میں افغانستان کی جانب سے اشتعال انگیزی پر بھی بات چیت کی گئی،افغانستان کے اشتعال کے جواب میں پاکستان افواج کی جانب سے مؤثر اور بھرپور پر پاکستان کی افواج کو خراج تحسین پیش کیا گیا، وزیراعظم کا کہنا تھا کہ ملک کے دفاع کے لئے پوری قوم پاک افواج کے ساتھ کھڑی ہے

لاہور کے علاقے گوالمنڈی میں گوگی بٹ کی پرانی رہائشگاہ کے قریب نامعلوم موٹر سائیکل سواروں کی جانب سے فائرنگ کا واقعہ پیش آیا۔ فائرنگ سے علاقے میں شدید خوف و ہراس پھیل گیا جبکہ پولیس کی بھاری نفری نے موقع پر پہنچ کر علاقے کو گھیرے میں لے لیا۔فائرنگ سے کوئی جانی نقصان نہیں ہوا، ملزمان فائرنگ کے بعد فرار ہونے میں کامیاب ہو گئے

دوسری جانب لاہور پولیس نے آج ہی گوگی بٹ کے گھر پر چھاپہ مارا تھا۔ سی سی ڈی پولیس نے کارروائی کے دوران گوگی بٹ کو گرفتار کرنے کی کوشش کی، تاہم وہ اپنے ساتھیوں سمیت پہلے ہی فرار ہو چکا تھا۔ بتایا جا رہا ہے کہ گوگی بٹ گزشتہ چند دنوں سے انڈر گراؤنڈ تھا اور پولیس کی گرفت سے بچنے کے لیے مختلف مقامات پر روپوشی اختیار کیے ہوئے ہے۔پولیس ذرائع کا کہنا ہے کہ گوگی بٹ کو جلد گرفتار کر لیا جائے گا، جبکہ اسے طیفی بٹ کے پولیس مقابلے کے واقعے میں بھی نامزد کر دیا گیا ہے۔

یاد رہے کہ امیر بالاج قتل کیس کا مرکزی ملزم طیفی بٹ پولیس حراست میں اس وقت ہلاک ہوا تھا جب اس کے ساتھیوں نے اسے چھڑانے کے لیے پولیس پر فائرنگ کی۔ پولیس حکام کے مطابق طیفی بٹ کو گوگی بٹ اور اس کے ساتھیوں نے چھڑانے کی کوشش کی، جس دوران فائرنگ کے تبادلے میں طیفی بٹ ہلاک ہو گیا۔

وزیراعلیٰ پنجاب مریم نواز کا کہنا ہے مکہ اور مدینہ ہمیں اپنی جان سے بھی زیادہ عزیز ہیں، مقدس مقامات کی پاسپانی کی میزبانی پاکستان کے لیے اعزاز کی بات ہے۔

پاک سعودی جوائنٹ بزنس کونسل کے وفد کے اعزاز میں تقریب سے اظہار خیال کرتے ہوئے مریم نواز کا کہنا تھا میں نے اپنی جلاوطنی کے دنوں میں جدہ میں کئی سال گزارے، میں کہہ سکتی ہوں کہ جدہ کو بھی اتنا ہی جانتی ہوں جتنا لاہور کو جانتی ہوں،پاکستان اور سعودی عرب کے برادرانہ تعلقات پوری مسلم دنیا کیلئے مثالی ہیں، سعودی عرب پوری مسلم امہ کیلئے ایک مثالی حیثیت رکھتا ہے، سعودی عرب اور پاکستان کے درمیان دفاعی معاہدے کو عوام نے بے پناہ سراہا،پنجاب حکومت جدید خطوط پر کام کررہی ہے، خادم الحرمین شریفین کے ساتھ پاکستان کے تعلقات کو نئی جہت لے جائیں گے، سرمایہ کاروں کو بہترین سہولتیں فراہم کر رہے ہیں، پاکستان پر اعتماد کرنے پر سعودی قیادت کی شکر گزار ہوں،مکہ مکرمہ اور مدینہ منورہ ہمیں اپنی جان سے بھی زیادہ عزیز ہیں، مکہ مکرمہ اور مدینہ منورہ کی پاسبانی کی ذمےداری پاکستان کیلیے اعزاز ہے، پاکستان ہر وقت سعودی عرب کے ساتھ کھڑا ہے۔ پنجاب پاکستان کی معاشی ترقی کیلئے ریڑھ کی ہڈی کی حیثیت رکھتا ہے، پنجاب کی ترقی اور خوشحالی میں سعودی سرمایہ کاروں کا اہم کردار ہوگا، سعودی سرمایہ کاروں کو ون ونڈو کے تحت سہولیات فراہم کریں گے، پنجاب میں زراعت، لائیو اسٹاک، صنعت کاری اور انفرا اسٹرکچر میں سرمایہ کاری کے مواقع موجود ہیں۔

سعودی شہزادہ منصور بن محمد کا اس موقع پر کہنا تھا پنجاب میں سرمایہ کاری کیلئے پُرعزم ہیں، سعودی عرب اور پاکستان کے درمیان نئے دور کا آغاز ہو چکا ہے، سعودی سرمایہ کاروں کو بہت پہلے پاکستان آنا چاہیے تھا،پنجاب کی زمینیں زرخیز ہیں، پنجاب کے ساتھ شراکت داری بہت اہمیت کی حامل ہے، پنجاب ہماری سرمایہ کاری کیلیے بہت اہم ہے، پنجاب میں موجود سرمایہ کاری کے مواقعوں سے فائدہ اٹھائیں گے۔،آئی ٹی، صحت، ہاؤسنگ کے شعبوں میں پاکستان کے ساتھ شراکت داری کے خواہش مند ہیں، پنجاب میں 10 لاکھ گھروں کی تعمیر کا منصوبہ زیر غور ہے، پاکستان کے ساتھ ٹورازم کے شعبے میں بھی تعاون بڑھانا چاہتے ہیں۔

سی سی ڈی نے لاہور میں گوگی بٹ کے گھر پر چھاپہ مارا ہے

پولیس کا کہنا ہے کہ گوگی بٹ گھر پر موجود نہیں تھا، جلد گرفتار کرلیا جائے گا۔اطلاعات کے مطابق خواجہ عقیل عرف گوگی بٹ کی ضمانت قبل از گرفتاری منسوخ ہو گئی ہے جس کےبعد پولیس نے فوری گوگی بٹ کے گھر پر چھاپہ مارا تاہم گرفتاری نہیں ہو سکی.

دوسری طرف امیر بالاج ٹیپو کیس میں پنجاب پولیس کے کرائم کنٹرول ڈپارٹمنٹ (سی سی ڈی) سے مبینہ مقابلے میں مرکزی ملزم خواجہ تعریف گلشن عرف طیفی بٹ ہلاک ہوچکا ہے جسے لاہور منتقل کیا جارہا تھا۔

لاہور میں افسوسناک واقعہ پیش آیا ہے جہاں نابینا خاتون کے ساتھ مدد کے بہانے کئی ماہ تک جنسی زیادتی کیے جانے کے ساتھ ساتھ اس سے بھیک بھی منگوائی گئی جبکہ ملزم تاحال آزاد ہے۔

خاتون نے اپنے بیان میں بتایا کہ ملزم اسے بہلا پھسلا کر لاہور لے کر آیا، جہاں نہ صرف جنسی زیادتی کرتا رہا بلکہ زبردستی بھیک منگواتا اور اس کی کمائی بھی ہڑپ کرتا رہا۔ ملزم نے نکاح کا جھانسہ دے کر پہلے شوہر سے طلاق بھی دلوائی، بعدازاں طلائی زیورات اور نقدی چھین لی، مسلسل ظلم و جبر کے بعد نابینا خاتون کسی طرح ملزم کے چنگل سے فرار ہو کر دوبارہ اپنے علاقے بی پلاٹ پہنچ گئی، متاثرہ خاتون کا کہنا ہے کہ کارروائی شروع کرنے پر ملزم نے اسے قتل کی دھمکیاں بھی دیں۔ خاتون نے انصاف کے لیے میڈیا سے رابطہ کیا، جس کی نشاندہی پر پولیس فوری حرکت میں آئی اور مقدمہ درج کرلیا،نابینا خاتون نے پولیس کے اعلیٰ حکام اور وزیر اعلیٰ پنجاب سے اپیل کی ہے کہ اسے انصاف فراہم کیا جائے اور ملزم کو فوری گرفتار کر کے عبرتناک سزا دی جائے۔

پولیس امیر بالاج ٹیپو قتل کیس کے مرکزی ملزم طیفی بٹ کو دبئی سے لاہور لے آئی

نجی ٹی وی کے مطابق ملزم خواجہ تعریف گلشن عرف طیفی بٹ کو دبئی کی عدالت میں پیش کیا گیا تھا جہاں عدالت نے طیفی بٹ سے پاکستان جانے سے متعلق سوال کیا، اس پر ملزم نے پاکستان جانے اور مقدمات کا سامنا کرنے کا کہا،ملزم کی رضا مندی پر دبئی کی عدالت نے طیفی بٹ کو پنجاب پولیس کے حوالے کردیا،پولیس کا کہنا ہےکہ طیفی بٹ امیر بالاج ٹیپو کے قتل کا مرکزی ملزم ہے جسے لاہور منتقل کردیا گیا ہے۔

خیال رہے کہ فروری 2024 میں ٹیپو ٹرکاں والا کے بیٹے امیر بالاج کو شادی کی ایک تقریب میں فائرنگ کرکے قتل کردیا گیا تھا،تھانہ چوہنگ پولیس نے امیر بالاج کے قتل کا مقدمہ درج کیا تھا جس میں خواجہ تعریف گلشن عرف طیفی بٹ اور عقیل عرف گوگی بٹ کو نامزد کیا گیا تھا، مقدمے کا مرکزی ملزم احسن شاہ پولیس مقابلے میں مارا گیا تھا تاہم طیفی بٹ ملک سے فرار ہو گیا تھا۔

ضلع اورکزئی میں پاک فوج کے کامیاب انٹیلی جنس بیسڈ آپریشن پر خراجِ تحسین کی قرارداد پنجاب اسمبلی میں جمع کروا دی گئی

قرارداد مسلم لیگ (ن) کی رکن پنجاب اسمبلی حنا پرویز بٹ کی جانب سے جمع کروائی گئی،قرارداد کے متن میں کہا گیا کہ یہ ایوان پاک فوج کے بہادر افسروں اور جوانوں کو زبردست خراجِ تحسین پیش کرتا ہے،یہ ایوان 19 دہشت گردوں کے خاتمے اور قومی امن کی بحالی پر پاک فوج کی قربانیوں کو سراہتا ہے،یہ ایوان شہداء لیفٹیننٹ کرنل جنید طارق، میجر طیب رحمت اور دیگر جوانوں کو سلامِ عقیدت پیش کرتا ہے،یہ ایوان اس عزم کا اعادہ کرتا ہے کہ قوم اپنے بہادر محافظوں کے شانہ بشانہ کھڑی ہے،یہ ایوان حکومتِ پاکستان سے شہداء کے اہلِ خانہ کے لیے خصوصی مراعات اور مالی معاونت کا مطالبہ کرتا ہے،یہ ایوان شہداء کے بچوں کے لیے تعلیمی وظائف دینے کی سفارش کرتا ہے،یہ ایوان دہشت گردی کے مکمل خاتمے تک پاک فوج کی پشت پر رہنے کے عزم کا اظہار کرتا ہے،پاک فوج زندہ باد، شہداء پاکستان پائندہ باد