مرکزی مسلم لیگ کے میڈیا کوآرڈینیٹر کا اجلاس سنٹرل میڈیا سیل مرکزی ترجمان تابش قیوم کی زیر صدارت منعقد ہوا، اجلاس میں سیلاب کے دوران بہترین کوریج پر میڈیا کوآرڈینیٹرز کو اعزازی شیلڈ دی گئیں جبکہ 2 نومبر کو مینار پاکستان پر ہونے والے ورکرز کنونشن کے حوالہ سے بھی مشاورت کی گئی.
میڈیا کوآرڈینیٹر کے اجلاس سے مرکزی مسلم لیگ کے نائب صدر حافظ طلحہ سعید، جوائنٹ سیکرٹری قاری محمد یعقوب شیخ، چیئرمین خدمت خلق شفیق الرحمان وڑائچ، ڈپٹی سیکرٹری جنرل انجنیئر حارث ڈار،مرکزی ترجمان تابش قیوم،لاہور کے سیکرٹری جنرل مزمل اقبال ہاشمی نے خطاب کیا، اجلاس میں ڈپٹی سیکرٹری اطلاعات وڈیجیٹل میڈیا ہیڈ طہ منیب،آئی ٹی ہیڈ ملک وقاص سعید،ترجمان خیبر پختونخوا محمد عبداللہ،میڈیا کو آرڈینیٹر پنجاب زمان سیف، ترجمان جنوبی پنجاب احمد اجمل سمیت ضلعی میڈیا کو آرڈینیٹر نے شرکت کی.اجلاس میں سیلاب میں بہترین کوریج پر ضلعی کوآرڈینیٹر کو اعزازی شیلڈز دی گئیں،اجلاس میںفیصلہ کیا گیا کہ مینار پاکستان ورکرز کنونشن سے قبل ملک بھر میں سوشل میڈیا میٹ اپ کا انعقاد ضلعی سطح پر کیا جائے گا،اجلاس سے خطاب کرتے ہوئے حافظ طلحہ سعید نے کہا کہ معاشرے کی اصلاح، قوم کے اتحاد،انتشارکے خاتمے کے لئے میڈیا کا کردار انتہائی اہم ہے،2 نومبر کو ورکرز کنونشن یہ ثابت کرے گا کہ مرکزی مسلم لیگ نظریہ پاکستان کی محافظ جماعت ہے، قاری یعقوب شیخ کا کہنا تھا کہ مینار پاکستان گراؤنڈ میں ہونے والا ورکرز کنونشن تاریخی ہو گا،لاکھوں کارکنان خدمت وملک کے دفاع کے جذبے کے ساتھ شریک ہوں گے،شفیق الرحمان وڑائچ کا کہنا تھا کہ خدمت کی سیاست کا عملی نمونہ سیلاب میں قوم نے دیکھ لیا، مرکزی مسلم لیگ اسی جذبے کے ساتھ ورکرز کنونشن منعقد کر رہی ہے.ہم صرف نعرے اور وعدے نہیں عملی کام کرتے ہیں، انجینئر حارث ڈار،تابش قیوم، مزمل اقبال ہاشمی کا کہنا تھا کہ ہم نے پاکستان کا مقدمہ لڑنا ہے۔ مرکزی مسلم لیگ قیام پاکستان کی تحریک کا تسلسل ہے ، قیام پاکستان کے مقاصد سے دور ہوئے تو مشکلات آئیں۔ پاکستان وہ ملک ہے جسے تائید الہی حاصل ہے ۔ اخلاص نیت کے ساتھ کام کریں گے تو منزل تک آسانی سے پہنچیں گے، ورکرز کنونشن سے قوم کو امید پیغام دیں گے ۔ نفرت کے ماحول میں محبتیں، انتشار کے ماحول میں اتحاد قائم کرنا ہے۔
