Category: لاہور

لاہور:پاکستان اور انگلینڈ کے درمیان ہونے والے سیریز کے پانچویں ٹی ٹوئنٹی میچ کو دیکھنے کے لیے اہم شخصیات نے بھی اس وقت قذافی اسٹیڈیم لاہور میں موجود ہیں‌،برطانوی ہائی کمشنر کرسچن ٹرنر کے علاوہ امریکی سفیر ڈونلڈ بلوم بھی میچ دیکھنے والوں میں شامل رہے۔

آج کے اس میچ کو دیکھنے کے لیے یو اے ای کے سفیر حماد عبید ابراہیم الزابی نے بھی اسٹیڈیم میں موجود ہیں اور میچ سے لطف اندوز ہورہے ہیں‌،علاوہ ازیں انگلینڈ اینڈ ویلز کرکٹ بورڈ (ای سی بی) کے وائس چیئرمین مارٹن ڈارلو بھی پاک انگلینڈ میچ دیکھنے والوں میں شامل تھے۔

چیئرمین پاکستان کرکٹ بورڈ (پی سی بی) رمیز حسن راجہ نے مہمان سفیروں اور ای سی بی کے وائس چیئرمین کے ہمراہ میڈیا سے گفتگو بھی کی۔ ان کا کہنا تھا کہ ہمارے لیے یہ بہت خاص لمحہ ہے کہ دنیا کے نمائندے یہاں موجود ہیں۔رمیز راجہ نے کہا کہ کرکٹ ڈپلومیسی کے ذریعے ممالک کو قریب آنے کا موقع مل رہا ہے۔

ٹیم کی تیاری سے متعلق ان کا کہنا تھا کہ ورلڈکپ سے پہلے ٹیم کو تیاری کا اچھا موقع مل رہا ہے۔

اس موقع پر ای سی بی کے وائس چیئرمین مارٹن ڈارلو کا کہنا تھا کہ 17 سال بعد پاکستان آکر اچھا لگ رہا ہے۔انہوں نے کہا کہ کراچی میں بھی تماشائیوں کا جوش و جذبہ دیکھنے کے لائق تھا۔اس موقع پر امریکی سفیر ڈونلڈ بلوم کا کہنا تھا کہ محمد رضوان کی بیٹنگ دیکھ کر مزہ آتا ہے۔انہوں نے بتایا کہ ٹی ٹوئنٹی ورلڈکپ کی ویسٹ انڈیز کے ساتھ مل کر میزبانی کر رہے ہیں۔

امریکی سفیر کا کہنا تھا کہ کرکٹ ڈپلومیسی کے ذریعے تمام ممالک کو قریب لانے میں امریکا بھی اپنا کردار ادا کر رہا ہے۔اماراتی سفیر حماد عبید ابراہیم الزابی کا کہنا تھا کہ پاکستان اور یو اے ای کی کرکٹ میں لمبی تاریخ ہے، پاکستان نے اپنی زیادہ تر کرکٹ یو اے ای میں ہی کھیلی ہے۔

انہوں نے کہا کہ یو اے ای میں کرکٹ کے فروغ کے لیے پاکستان کرکٹ کا بہت اہم کردار ہے۔اس موقع پر برطانوی ہائی کمشنر کرسچن ٹرنر کا کہنا تھا کہ امید کرتا ہوں کہ انگلینڈ ٹیم آج 19ویں اوور میں پہلے جیسا نہیں کرے گی۔ساتھ میں انہوں نے یہ بھی کہا کہ پاکستانی شائقین کا جذبہ دیکھنے کے لائق ہوتا ہے

اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

 یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے

لاہور: حریم شاہ کے بعد ٹک ٹاکر علی فیضان کی پاکستان کرکٹ بورڈ(پی سی بی) کے ہائی سیکورٹی زون میں بنائی گئی ویڈیو وائرل ہوگئی۔

ٹک ٹاکر علی فیضان کی پی سی بی کے ہائی سیکورٹی زون میں بنائی گئی ویڈیو وائرل ہوگئی۔ علی فیضان نیشنل ہائی پرفارمنس سینٹر کے کانفرنس روم میں چیئرمین پی سی بی کی سیٹ پر بیٹھ کر ٹک ٹاک بناتے رہے ۔ویڈیو میں علی فیضان کو پی سی بی کے نیشنل ہائی پرفارمنس سینٹر کے انڈور ہال میں جینز پہن کر بیٹنگ پریکٹس کرتے ہوئے دیکھا جا سکتا ہے۔

ٹک ٹاکر نے نیشنل ہائی پرفارمنس سینٹر میں قائم میوزیم میں قومی ٹیم کی جیتی ہوئی ٹرافیوں کے ساتھ بھی ویڈیو بنائی ۔علی فیضان قذافی اسٹیڈیم کی فار اینڈ بلڈنگ، پریس کانفرنس روم میں رسائی پاکر وہاں بھی ٹک ٹاک بناتے رہے جسے انہوں نے اپنے ٹک ٹاک اکاونٹ پر شئیرکردیا۔

دوسری طرف پی سی بی حکام نے معاملہ نوٹس میں آنے پر انکوائری کا آغاز کردیا ہے۔

یاد رہے کہ اس سے پہلے حریم شاہ بھی پی سی بی کے اندرگھس گئی تھیں اور وہاں تک رسائی تھی جہاں تک کسی عام پی سی بھی ملازم کو بھی جانے کی اجازت نہیں تھی ، یہی وجہ ہے کہ حریم شاہ پرایک وقت ایسا بھی آیا کہ وہ بڑے بڑے وفاقی وزرا کی کرسی پر براجمان ہوتے ہوئے نظرآئیں ، جس پر سخت عوامی ردعمل کے بعد حریم شاہ سے بڑی مشکل سے بیوروکریسی ،سیاسی اور دیگرشخصیات نے بڑی مشکل سے جان چھڑائی تھی جو حریم شاہ سے منسلک رہ چکی تھیں

امریکی سفیر سے ملاقات میں وزیراعلیٰ پنجاب نے امریکہ سے مدد مانگ لی

وزیراعلیٰ پنجاب چودھری پرویز الٰہی اورسابق وفاقی وزیرمونس الٰہی سے امریکہ کے سفیر ڈونلڈ بلوم (Mr.Donald Blome) کی ملاقات ہوئی ہے

رکن قومی اسمبلی حسین الٰہی بھی اس موقع پرموجود تھے ،ملاقات میں باہمی دلچسپی کے امور، دو طرفہ تعلقات کے فروغ اور مختلف شعبوں میں تعاون بڑھانے پر تبادلہ خیال کیا گیا،امریکہ پنجاب حکومت کے تعلیمی اداروں میں منشیات کے خاتمے کے اقدام کو سپورٹ کرے گا ، زراعت،متبادل توانائی،بہبود آبادی اورواٹرمینجمنٹ کے شعبوں میں شراکت داری کو مزید فروغ دینے پر بھی اتفاق کیا گیا،وزیراعلیٰ چودھری پرویز الٰہی نے کورونا کی وباء کے دوران پاکستان کی بھرپور مدد پر امریکی سفیر کا شکریہ ادا کیا ،وزیراعلیٰ چودھری پرویز الٰہی نے پنجاب کے عوام کی فلاح وبہبود کے لئے اقدامات سے آگاہ کیا ،وزیراعلیٰ چودھری پرویز الٰہی نے تعلیمی اداروں سے منشیات کے خاتمے کیلئے قانون سازی کے بارے میں بریف کیا

وزیراعلیٰ پنجاب چودھری پرویز الٰہی کا کہنا تھا کہ امریکہ کے ساتھ تعلقات کو خصوصی اہمیت دیتے ہیں۔ ہماری حکومت تعلیم،صحت،بہبود آبادی،زراعت،متبادل توانائی اورواٹر مینجمنٹ کے شعبوں میں اصلاحات لارہی ہے۔ اس ضمن میں امریکہ کی تکنیکی معاونت کا خیر مقدم کریں گے۔ میرے سابقہ دور کے ایجوکیشن ریفارمز پروگرام کو عالمی سطح پر سراہا گیا۔ اب ہم نے آتے ہی ڈگری تک تعلیم اورکتابیں فری کردی ہیں۔ تعلیمی اداروں کو منشیات سے پاک کرنے کیلئے قانون سازی کا فیصلہ کیا ہے۔ امریکی معاونت منشیات سے پاک پنجاب کے مشن میں ممدومعاون ثابت ہوگی انسداد منشیات کیلئے خصوصی فورس بنے گی اورمنشیات کی خریدو فروخت کی اطلاع دینے والے کو انعام بھی دیا جائے گا۔ منشیات کی خریدو فروخت میں ملوث ملزمان کے ٹرائل کے لئے خصوصی کورٹس بنیں گی اورروزانہ کی بنیاد پر ٹرائل ہوگا۔ انسداد منشیات کے حوالے سے پنجاب حکومت سے امریکہ کے تعاون کا خیرمقدم کرتی ہے واٹر مینجمنٹ کا پروگرام 2002 میں شروع کیا لیکن بعد میں آنے والی حکومت نے اس پر کوئی کام نہیں کیا۔ اب ہم نے کوہ سلیمان کے پانی کوچینلائزڈ کرنے پر دوبارہ کام شروع کردیا ہے۔ کوہ سلیمان میں چھوٹے ڈیمز بھی بنائیں گے۔ دریائے چناب پر دو بڑے ڈیمز بنانے کا منصوبہ بنایا ہے۔ زرعی شعبہ کی پیداوار بڑھانے کیلئے ریسرچ اینڈ ڈویلپمنٹ میں امریکی تعاون کے مثبت نتائج برآمد ہونگے۔ کپاس کے نئے بیج کے لئے امریکی تعاون سے پیداوار میں خاطر خواہ اضافہ ہوگا توقع ہے کہ پنجاب حکومت اورامریکہ درمیان مختلف شعبوں میں شراکت داری کو فروغ ملے گا۔ ہماری حکومت لوگوں کی فلاح وبہبود کو محور بنا کرترقیاتی ایجنڈے پر عمل پیرا ہے۔

امریکی سفیر کا کہنا تھا کہ امریکہ پاکستان کے ساتھ اپنے تعلقات کو بہت اہمیت دیتا ہے۔پنجاب حکومت کے ساتھ مختلف شعبوں میں تعاون کو مزید فروغ دیں گے۔ امریکہ کے قونصل جنرل ولیم کے میکانیول(Mr.William K. Makaneole)، پولیٹیکل و اکنامک چیف کیتھلین گبیلیسکو(Ms. Kathleen Gibilisco)،سابق چیئرمین پلاننگ اینڈ ڈویلپمنٹ بورڈ سلمان غنی، چیف سیکرٹری عبداللہ سنبل، چیئرمین پنجاب سرمایہ کاری بورڈ فضیل آصف اور متعلقہ حکام بھی اس موقع پر موجود تھے

دھمکی آمیز خط کے بارے تہلکہ خیز انکشافات سامنے آ گئے

جب "باپ” ساتھ چھوڑ جائے گا تو پھر بچوں کی کیا جرات کہ وہ ساتھ رہیں

خاندان میں اختلافات، چودھری شجاعت نے بڑا سرپرائز دے دیا

گورنر پنجاب محمد بلیغ الرحمان سے امریکی سفیر ڈونلڈ بلوم کی ملاقات

وزیراعلیٰ پنجاب چودھری پرویز الٰہی کی زیر صدارت اعلی سطح کا اجلاس ہوا

سابق وفاقی وزیر مونس الٰہی اور ہائر ایجوکیشن کمیشن کے سابق چیئرمین ڈاکٹر عطاالرحمان نے خصوصی شرکت کی، اجلاس میں پنجاب میں ہائر ایجوکیشن کے فروغ اوربہتری کے لئے تجاویز کا جائزہ لیا گیا، وزیراعلیٰ چودھری پرویز الٰہی نے ہائرایجوکیشن کے معیاردورحاضر کے تقاضوں کے مطابق بہتر کرنے کی ضرورت پرزور دیا،

پنجاب میں ہائی ٹیکنالوجی ایجوکیشن کلچر متعارف کرانے کا فیصلہ کیا گیا، وزیراعلیٰ پنجاب چودھری پرویز الہیٰ کا کہنا تھا کہ یونیورسٹیز میں انڈسٹریل پراڈکٹ ڈویلپمنٹ کے لئے سپیشلائزڈ ڈسپلن متعارف کرائے جائیں گے گوجرانوالہ، گجرات اورسیالکوٹ کی انڈسٹریل ضروریات کے پیش نظر علاقے میں انجینئر نگ یونیورسٹی بنائی جائے گی یونیورسٹی آف اپلائیڈ انجینئر نگ اینڈ انجینئر نگ ٹیکنالوجیزکا دنیا کی بہترین سپیشلائزڈ یونیوسٹیز سے الحاق ہوگا۔ اس ضمن میں غیر ملکی ماہرین کی خدمات سے استفادہ کیاجائے گا۔ یونیورسٹی گورننگ باڈی میں متعلقہ شعبے کے فارن ایکسپرٹس شامل ہوں گے۔ نئی نسل کودور حاضر کے تقاضوں کے مطابق ٹیکنالوجی ایجوکیشن سے بہرمندکرنا وقت کی ضرورت ہے۔

ہاؤسنگ سوسائٹیز میں لوگوں کو لوٹا جا رہا ہے، سپریم کورٹ نے دی حکومت کو مہلت

فلمسٹار لکی علی کا فراڈ ہاوسنگ سوسائٹیوں سے عوام کو چونا لگانے کا اعتراف،نیب نے کی ریکارڈ ریکوری

وفاقی انٹیلی جنس بیورو آئی بی کے افسران کی جانب سے اسلام آباد میں پراپرٹی کا کام شروع کئے جانے کا انکشاف

صوبائی مشیر عامر سعید راں، سابق پرنسپل سیکرٹری وزیر اعلی پنجاب جی ایم سکندر، یو ای ٹی کے وائس چانسلر سید منصور سرور، ریکٹر پاک آسٹرین ہری پور پروفیسر مجاہد، پروفیسر وقار محمود، سیکرٹریز ہائرایجوکیشن،فنانس،سی اینڈ ڈبلیو اورپلاننگ اینڈ ڈویلپمنٹ نے اجلاس میں شرکت کی

عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

باغی ٹی وی کی رپورٹ کے مطابق مسلم لیگ ن کی رہنما ، عظمیٰ بخاری نے کہا ہے کہ ہمیں معلوم ہے کہ ہم آپس میں کیا باتیں کررہے ہیں،

عظمیٰ بخاری نے میڈیا ٹاک کرتے ہوئے کہا کہ مریم نواز کی فیملی میں عمران خان کے دور میں 60 فیصد مشینری آچکی تھی،عمران خان نے کہا کہ مجھے امریکا نے سازش سے نکال دیا،ملک کا وزیراعظم کس طرح عوام کو بےقوف بنا رہے تھے،پہلے بھی کہا عمران خان ایک سراب ہے عمران خان کہہ رہے ہیں ہم نے سائفر کے ساتھ کھیلنا ہے،اعظم خان نے کہا میٹنگ منٹس ہم خود بنا لیں گے،ان کی وجہ سے آئی ایم ایف ہم سے بات کرنے کو تیار نہیں تھا،قصور کس کا تھا، عمران خان کا، مریم نواز پی ٹی آئی والوں کے اعصاب پر سوار ہیں،اس آڈیو کے بعد بھی عمران خان یوٹرن لے سکتے ہیں،عمران خان نے بیرونی سازش کے معاملے پر ڈرامہ کیا،

عظمیٰ بخاری کا مزدی کہنا تھا کہ القادر یونیورسٹی، فارن فنڈنگ، آٹا چینی چوری کا جواب کیوں نہیں دیا جاتا، شوکت ترین خود بیڑہ غرق کر کے گئے، وزیراعظم سے مطالبہ کرتی ہوں جو کمیٹی بنائی جائے اس میں عمران خان کو بھی بلایا جائے، جب ہیرے کی انگوٹھیاں لی گئیں اورالقادر یونیورسٹی کی زمین ہتھیائی گئی توکیا عمران خان صاحب کو پتا نہیں لگا عمران خان کا جھوٹا بیانیہ آج عوام نے دیکھ لیا، عمران خان کہہ رہے ہیں ہم نے سائفر کے ساتھ کھیلنا ہے،

وزیراعظم شہباز شریف کی مبینہ آڈیو ٹیپ سامنے آگئی

کوئی سیاست کے لیے اتنا کیسے گر سکتا ہے؟ پی ٹی آئی رہنماؤں کی آڈیو لیک پر ردعمل‘

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

آڈیو لیکس کا معاملہ، وزیراعظم نے قومی سلامتی کمیٹی کا اجلاس طلب کرلیا

آڈیو لیکس، معاملے کی تہہ تک نہ پہنچے تو معاملات اس سے زیادہ بگڑجائیں گے

ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

، سابق وزیراعظم عمران خان کی بھی آڈیو لیک ہو گئی 

لاہور: 25 مئی آزادی مارچ کے دوران ہونے والے واقعات کی تحقیقات کیلئے وزیراعلیٰ پنجاب پرویزالہٰی کی ہدایت پرون مین ٹربیونل قائم کر دیا گیا-

باغی ٹی وی : پنجاب حکومت نے ٹریبونلز آف انکوائری آرڈیننس 1969 کی شق 3 کے تحت ٹریبونل قائم کیا ہے، جسٹس (ر) شبر رضا رضوی 25 مئی کے واقعات کی انکوائری کے لیے ون مین ٹریبونل مقرر کیے گئے ہیں، ون مین ٹریبونل 25 مئی کو ہونے والے واقعات کے حقائق اوروجوہات کا تعین کرے گا۔

کراچی اور خیبرپختونخوا میں ڈینگی کے وار مسلسل جاری

ٹریبونل واقعات سے نمٹنے کے لیے اقدامات کا جائزہ لے کر ذمہ داری کا تعین کرنے کے بعد مستقبل میں ایسے واقعات کے سدباب کے لیے سفارشات پیش کرے گا، کوئی بھی شہری 25 مئی کے بارے میں ون مین ٹریبونل کے سامنے پیش ہو کر بیان ریکارڈ کرا سکتا ہے-

پولیس تشدد سے متاثر یا زخمی ہونے والے افراد بھی ٹریبونل کو اپنا بیان ریکارڈ کرا سکتے ہیں۔

واضح رہے کہ رواں سال 35 مئی کو حقیقی آزادی کے لیے عمران خان کے مارچ سے قبل حکام نے اجتماعات کو روکنے کے لیے دفعہ 144 کا اطلاق کیا تھا اور ان کا راستہ روکنے کے لیے اہم شاہراہوں پر شپنگ کنٹینرز رکھے گئے تھے۔

حکومت کے ایسے اقدامات سے بے خوف ہوکر آزادی مارچ کے شرکا نے اسلام آباد پہنچنے کے لیے شاہراہوں پر رکھے کنٹینرز کو ہٹانے کی کوشش کی تو پولیس نے ان کو منتشر کرنے کے لیے آنسو گیس کا استعمال اور لاٹھی چارج بھی کیا تھا۔

سیلاب زدگان کی مدد کیلئے عسکری و سول انتظامیہ شانہ بشانہ متحرک. نیشنل فلڈ ریسپانس کوآرڈینیشن سنٹر

جس پر چئیرمین پی ٹی آئی عمران خان نے کہا تھا کہ آئین اور سپریم کورٹ کے احکامات کی خلاف ورزی کرتے ہوئے اس مجرمانہ امپورٹڈ حکومت نے ہمارے پرامن آزادی مارچ کے مظاہرین کو پولیس کے ذریعے بربریت کا نشانہ بنایا جو قابل مذمت اور ناقابل قبول اقدام ہے۔

عمران خان کے حقیقی آزادی مارچ سے قبل رات کو پولیس نے پاکستان تحریک انصاف کے رہنماؤں اور کارکنان کے گھروں پر گرفتاری کے لیے مسلسل چھاپے مارے تھے، اس کا ذکر کرتے ہوئے عمران خان نے ٹوئٹر پر لکھا تھا کہ ہمارے مارچ سے قبل رات کو سندھ اور پنجاب پولیس نے پی ٹی آئی کارکنان کے گھروں کا تقدس پامال کیا اور ان کے اہل خانہ کو ہراساں کیا۔

پولیس کی جانب سے پی ٹی آئی کارکنان کے گھروں پر چھاپے مارنے کے ایسے اقدام میں ایک پولیس اہلکار بھی جاں بحق ہوا تھا جس کا الزام پی ٹی آئی اور اتحادی حکومت ایک دوسرے پر لگا رہے تھے۔

بعد ازاں، تحریک انصاف کا مارچ ڈی چوک پر دھرنا دیے بغیر 26 مارچ کو ختم کردیا گیا لیکن سابق وزیر اعظم عمران خان نے اعلان کیا تھا کہ جب تک انتخابات کی تاریخ کا اعلان نہیں کیا جاتا یہ مارچ پھر ہوگا۔

لانگ مارچ کے اچانک ختم ہونے کے بعد ان حالات کے بارے میں قیاس آرائیاں شروع ہو گئیں تھیں جن کی وجہ سے مارچ ختم کیا گیا۔

تاہم عمران خان نے ایسی تجاویز پر ردعمل ظاہر کرتے ہوئے اصرار کیا تھا کہ ’اسٹیبلشمنٹ کے ساتھ کوئی ڈیل نہیں ہوئی‘، وہ ’خونریزی‘ کو روکنے کے لیے پیچھے ہٹ گئے ہیں کیونکہ پولیس کی جوابی کارروائی کے بعد ان کے حامی بالکل تیار تھے اور ان میں غصے کا احساس ابھر رہا تھا۔

بلاول کا عالمی وقار دیکھ کرعمران خان تڑپ رہے ہیں، شازیہ مری

پنجاب حکومت نے سیلاب متاثرین کیلئے امدادی رقم بڑھا دی،حکومت پنجاب نے سیلاب متاثرین کیلئے امدادی رقم میں دو لاکھ سے 3 لاکھ روپے اضافہ کردیا۔

اعلامیے کے مطابق جاں بحق افراد کے ورثا کو 8 لاکھ کے بجائے 10 لاکھ روپے دیے جائیں گے جبکہ شدید زخمی افراد، مکمل تباہ اور جزوی تباہ ہونے والے گھروں کے متاثرین کی امداد رقم میں بھی اضافہ کردیا گیا۔

سیلاب میں شدید زخمی ہونے والوں کی امداد 3 لاکھ مقرر کردی گئی جبکہ سیلاب میں مکمل تباہ ہونے والے گھروں کے افراد کی امداد ایک لاکھ سے بڑھا کر 4 لاکھ کر دی گئی۔جزوی متاثرہ گھروں کی مالی امداد 40 ہزار سے بڑھا کر دو لاکھ کر دی گئی،مویشیوں کی ہلاکت پر بڑے جانور کے فی کس نقصان کی مالی امداد 20 ہزار سے بڑھا کر 75 ہزار کر دی گئی ہے۔

خیال رہے کہ پنجاب میں سیلاب کے باعث 3 اضلاع راجن پور ،ڈی جی خان اور میانوالی سب سے زیادہ متاثر ہوئے، تینوں اضلاع میں 37 یونین کونسلز کے 236 موضع جات متاثر ہوئے۔حکام کے مطابق ان تین اضلاع میں 4 لاکھ ایک ہزار 977 ایکڑ رقبہ متاثر ہوا جبکہ ایک لاکھ 78 ہزار 186ایکڑ پر موجود فصلیں تباہ ہوئیں۔

دوسری طرف وزیراعلیٰ پنجاب چوہدری پرویزالہیٰ نے کہا ہے کہ پنجاب میں نئے سیاحتی مقامات متعارف کرائے جارہے ہیں۔وزیراعلیٰ پرویزالہیٰ نے سیاحت کے عالمی دن پر پیغام دیتے ہوئے کہا کہ پاکستان قدرتی خوبصورتی، مذہبی سیاحت اور تاریخی مقامات سے مالامال ہے۔‘عالمی یوم سیاحت منانے کا مقصد پنجاب میں سیاحت کا فروغ ہے’

انہوں نے کہا کہ عالمی یوم سیاحت منانے کا مقصد پنجاب میں سیاحت کا فروغ ہے، پنجاب میں نئے سیاحتی مقامات متعارف کرائے جا رہے ہیں، پنجاب کے سیاحتی مقامات غیر ملکی اور ملکی سیاحوں کے لئے یکساں دلچسپی کا باعث ہیں۔

پرویزالہیٰ نے کہا کہ سیاحت سے نہ صرف مقامی ثقافت بلکہ معیشت بھی فروغ پاتی ہے، سیاحت کے فروغ سے مقامی لوگوں کو روزگار کے مواقع ملتے ہیں۔