Category: لاہور

عوامی نیشنل پارٹی کے رہنما زاہد خان نے کہا ہے کہ عمران خان اور وزیر اعلیٰ کے پی محمود خان کو شدید تنقید کا نشانہ بنایا ہے-

باغی ٹی وی : سیلاب نے ملک بھر میں تباہی مچا رکھی ہے سینکڑوں گھر تباہ ہو چکے ہیں لوگ کھلے آسمان تلے رہنے پر مجبور ہیں سوشل میڈیا پر سیلاب سے تباہیوں کی دل دہلا دینے والی ویڈیوز گردش کر رہی ہیں ایسے ہیسوشل میڈیا پر زیر گردش ویڈیو میں کوہستان میں 5 افراد کو سیلاب میں پھنسے دیکھا جاسکتا ہے۔

جبکہ دوسری طرف وزیراعلیٰ کے پے محمود خان اور سابق وزیراعظم اور چئیرمین پی ٹی آئی عمران خان نے متاثرہ علاقوں کو بذریعہ ہیلی کاپٹر دورہ کیا- جس پر انہیں شدید تنقید کا سامنا ہے-

عوامی نیشنل پارٹی کے رہنما زاہد خان نے کہا کہ کوہستان میں 5 دوستوں کے ڈوبنے کی ویڈیو انتہائی تکلیف دہ ہے، جو کئی گھنٹے مدد کے منتظر رہے لیکن نااہل صوبائی حکومت بے خبر رہی۔

زاہد خان نے کہا کہ عمران خان اور وزیراعلیٰ خیبر پختونخوا مزے لوٹ رہے ہیں اور لوگ سیلاب میں بہہ رہے ہیں، عمران خان نے صرف اپنی پبلسٹی کے لیے ہیلی کاپٹر میں بیٹھ کر دورے کی خبریں چلوائیں۔

انہوں نے کہا عمران خان کو ہیلی کاپٹر فراہم کرنے کی بجائے ان پانچ بھائیوں کو ریسکیو کرنا چاہیے تھا، واقعے کا مقدمہ عمران خان اور محمود خان کے خلاف درج کیا جائے۔

دوسری جانب جماعت اسلامی سے تعلق رکھنے والے سینیٹر مشتاق احمد نے بھی پی ٹی آئی کی صوبائی حکومت کو سخت تنقید کا نشانہ بنایا۔

کوہستان،5افرادسیلابی ریلے میں 4گھنٹےزندگی اورموت کےدرمیان جھولتےرہے،درخواست کےباوجودصوبائی حکومت1ہیلی کاپٹرپشاورسےنہ بھیج سکی. @GovernmentKP ،ضلعی انتظامیہ @KP_Police1 @KPRescue1122 @pdmakpk کہاں ہیں؟نوجوانوں کوکئی گھنٹوں میں باوجوددرخواست کےکیوں نہیں بچایا؟#FloodsInPakistan pic.twitter.com/ZKpXkd3NeE

— Senator Mushtaq Ahmad Khan | سینیٹر مشتاق احمد خان (@SenatorMushtaq) August 26, 2022

ویڈیو کو شیئر کرتے ہوئے جماعت اسلامی کے رہنما نےکہا کہ کوہستان میں 5 افراد سیلابی ریلے میں 4 گھنٹے زندگی اور موت کے درمیان جھولتے رہے، درخواست کے باوجود صوبائی حکومت ایک ہیلی کاپٹر پشاور سے نہ بھیج سکی۔

انہوں نے سوال اٹھایا کہ صوبائی حکومت، ریسکیو 1122 سمیت دیگر سرکاری ادارے کہاں ہیں؟ انہوں نے پوچھا کہ نوجوانوں کو کئی گھنٹوں میں درخواست کے باوجود کیوں نہیں بچایا؟

اس دل خراش واقعے کی ویڈیو سوشل میڈیا پر وائرل ہو رہی ہے اور حکومت کی جانب سے نوجوانوں کو ریسکیو نہ کرنے پر شدید غم و غصے کا اظہار کیا جارہا ہے۔

ملک بھر میں سیلاب اوربارشوں سے مزید 45 افراد جاںبحق

5 people were stuck in Kohistan floods for 4 hours while PTI’s Chief Minister Khyber Pakhtunkhwa Mehmood Khan did not send Helicopter for rescue despite several requests. The location was 90 minutes away from the Helipad in Peshawar. Unfortunately all of them died. RIP pic.twitter.com/QJBT427Oti

— Ibrahim Qazi (@miqazi) August 26, 2022

دوسری جانب سابق وزیراعظم عمران خان اور کے پی کے وزیراعلیٰ محمود خان نے ٹانک اور ڈی آئی خان سمیت کے پی کے سیلاب زدہ علاقوں کا دورہ کیا دورے کے دوران عمران خان اور محمود خان نے متاثرہ اضلاع اور امدادی سرگرمیوں کا جائزہ لیا-

عمران خان نے میڈیا سے کہا کہ وہ مشکل کی اس گھڑی میں عوام کو تنہا نہیں چھوڑیں گے، لیکن عملی طور پر انہی آفت زدہ لوگوں نے سابق وزیراعظم اور کے پی کے چیف ایگزیکٹو کے ڈی آئی خان اور ٹانک کی آمد پر احتجاج کیا اور اسے ان کے لیے غیر نتیجہ خیز قرار دیا۔

سیلاب متاثرین میں سے ایک شخص نے میڈیا کو بتایا کہ عمران خان اور محمود خان نے ان سے ملنے کی زحمت نہیں کی اور خیبرپختونخوا میں سیلاب کی بدترین صورتحال کے باعث ان کے مسائل اور پریشانیوں کو بھی نہیں سنا سانحہ سے متاثرہ خاندانوں نے وزیراعلیٰ کے پی محمود خان کے رویے پربھی احتجاج کیا۔

سوات،کالام ،اور بحرین میں سیلابی ریلا راستے میں آنے والی ہر شے تنکوں کی طرح بہا لے گیا

نیشنل ڈیزاسٹر منیجمنٹ اتھارٹی (این ڈی ایم اے) کے مطابق سیلاب اور بارشوں کے باعث ملک بھر میں 24 گھنٹوں کے دوران مزید 45 افراد جاں بحق ہو گئے ہیں۔

باغی ٹی وی : این ڈی ایم اے کی جانب سے جاری کئے گئے اعداد وشمار کےمطابق سیلاب اوربارشوں کے باعث ہونے والے مختلف واقعات میں جاں بحق ہونے والے افراد کی مجموعی تعداد 982 تک پہنچ گئی جبکہ 14 سو 56 افراد زخمی ہوئے ہیں۔

خیبر پختونخوا میں منڈا ہنڈورڈکس کا پل ٹوٹ گیا،چار سدہ سے لوگوں کی نقل مکانی شروع

این ڈی ایم اے کے مطابق بارشوں اور سیلاب سے ہونے والی ہلاکتوں میں اب تک سب سے زیادہ اموات سندھ میں ہوئی ہیں اور سندھ میں جاں بحق ہونے والے افراد کی تعداد 339 ہوگئی ہے۔

این ڈی ایم اے کے مطابق ملک بھر میں بارشوں کے دوران 8 لاکھ 2 ہزارسے زائد مویشی ہلاک ہوئے ہیں جبکہ مجموعی طور پر 149 پلوں کو نقصان ہوا اور 6 لاکھ 82 ہزار سے زائد مکانات کو نقصان پہنچا ہے۔

کوئٹہ اور مستونگ میں 3 بچوں سمیت 7 افراد سیلابی ریلوں کی نذر ہوگئے، سیلابی پانی میں ڈوبنے والے ساتوں افراد کی لاشیں سول اسپتال منتقل کردی گئیں۔

کوئٹہ میں گذشتہ 24گھنٹوں کے دوران موسلادھار بارش کے بعد مختلف ندیوں میں آنے والے سیلابی ریلوں میں تین بچوں سمیت چھ افراد پانی میں ڈوب جانے کے باعث جاں بحق ہوئے۔

سیلاب سے متاثرہ علاقوں میں موبائل سے مفت کال کرنے کی سہولت

بلیلی، ہنہ اوڑک، چشمہ اچوزئی اور مشرقی بائی پاس پر ہونے والے واقعات میں جاں بحق ہونے والے افراد کی لاشیں سول اسپتال کوئٹہ منتقل کردی گئیں مستونگ کے علاقے دشت میں ڈوبنے والے شاہ زین نامی نوجوان کی لاش بھی اسپتال منتقل کردی گئی۔

دوسری جانب پاکستان میڈیکل ایسوسی ایشن(پی ایم اے)نے سیلاب متاثرین کے لیے ریلیف کیمپ قائم کرنے کا اعلان کر دیا ہے پی ایم اے لاہورکے سربراہ پروفیسر اشرف نظامی کا کہنا ہے کہ اسپتالوں میں بھی سیلاب متاثرین کے لیے امدادی اشیا اکٹھی کی جائیں گی۔

پروفیسر اشرف نظامی نے کہا کہ پاکستان ماحولیاتی تبدیلیوں سے متاثرہ ملکوں میں سرفہرست ہے،فلڈ انفارمیشن سسٹم کی موجودگی میں حکومت اور متعلقہ اداروں کی بے حسی سمجھ سے بالاتر ہے۔ ان اداروں کی غیر ذمہ داری کے باعث انسانی المیے نے جنم لیا ہے۔

ان کا کہنا تھا کہ سیلاب متاثرین کے لیے پی ایم اے آفس میں امدادی کیمپ قائم کیا جا رہا ہے، مصیبت کی گھڑی میں متاثرین کی ہر ممکن مدد کریں گے۔

سیلاب سے متاثرہ اضلاع میں امدادی کارروائیوں کے لیے فوج بھیجنے کا فیصلہ

ہرنائی میں مانگی کے مقام پر رابطہ پل سیلابی ریلے میں بہہ گیا،قومی شاہراہ مکمل بند ہو گئی

ریسکیو ذرائع کے مطابق مالاکنڈ میں خار کے مقام پرسیلاب میں پھنسے 15 افراد کو زندہ نکال لیاگیا،ریسکیو اورسول ڈیفنس کی ٹیموں نے آپریشن میں حصہ لیا تمام افراد کو محفوظ مقام پر منتقل کردیا گیا ہے-

سبی میں دریائے ناڑی کینال بپھرنے کے باعث ضلعی انتظامیہ کی جانب سے ریسکیو آپریشن مکمل ہو گیا ڈپٹی کمشنر سبی کے مطابق مختلف مقامات پر کٹ اور حفاظتی بند باندھنے کے بعد پانی کا رخ تبدیل کر دیا گیا ہے،عوام اطمینان رکھیں،شہر اب بالکل محفوظ ہے-

ڈپٹی کمشنر سبی کے مطابق دریائے ناڑی کینال میں پانی کی سطح میں کمی آئی ہے،سبی میں دریائے ناڑی کینال بپھرنے کے باعث متعدد دیہات زیر آب آ چکے ہیں،متاثرین کو محفوظ مقامات پر منتقل کر دیا گیا، کھانے پینے کی اشیاء فراہم کردی گئیں،کسی بھی سیلابی صورتحال سے نمٹنے کے لئے انتظامیہ الرٹ ہے،

ریسکیو حکام کے مطابق نوشہرہ میں دریائے کابل میں 274000 کا سیلابی ریلے ریکارڈ کیا گیا ڈپٹی کمشنر نوشہرہ کے مطابق دریائے کابل سے گزرنے والا سیلابی ریلہ نقصان کیے بغیر بحفاظت گزر جائے گا،دریائے کابل میں پانی کی میں مسلسل اضافہ ہورہا ہے، دریائے کابل میں 2 لاکھ 35 ہزار کیوسک سے زیادہ پانی کا ریلاہےدونوں ڈیمز سے پانی کے اخراج کو کم سے کم کیا جارہاہے-

ڈپٹی کمشنر نوشہرہ کے مطابق واپڈا حکام نے صوبائی حکومت اور ضلعی انتظامیہ کو ہرممکن تعاون کا یقین دہانی کرائی ہے،سیلاب کی شدت اور دریائے کابل میں بھی پانی کے بہاومیں کمی آئے گی،پانی کے اخراج کو کم کرنے سے سیلابی ریلہ اٹک کے مقام پر دریائےسندھ میں بحفاظت ڈسچارج ہوسکے گا-

وارسک اور تربیلا ڈیم سے پانی کے اخراج کو کم کرنے کیلئے بات چیت جاری، صوبائی حکومت اور ضلعی انتظامیہ کا نوشہرہ میں سیلاب کی شدت کو کم کرنے کیلئے واپڈا حکام سے رابطہ کیا گیا ہے خیر آباد تفریحی کنڈ پارک بھی سیلابی پانی میں ڈوب گیا،صوبے کے تیسرے بڑے اسپتال قاضی میڈیکل کمپلیکس میں طبی سہولیات عارضی طور پر ملتوی کر دی گئی ہیں-

ریسکیو ذرائع کے مطابق نوشہرہ میں مختلف علاقوں میں سیلابی الرٹ،مکینوں کیطرف سے غیر سنجیدگی کا مظاہرہ کیا جا رہا ہے آبادی میں پانی داخل ہونے کے باعث رہائشیوں کی نکل مکانی جاری ہے پیرسباق کے علاقے میں پانی کی سطح مزید بڑھنے لگی-

دریائے کرم میں گھڑی ہیڈ ورکس کے مقام پر نچلے درجے کا سیلاب ،دریائے ناگمان میں چارسدہ رو ڈ کے مقام پر نچلے درجے کا سیلاب
دریائے شاہ عالم میں تخت آباد کے مقام درمیانے درجے کا سیلاب ریکارڈ دریائے سندھ میں تربیلہ، چشمہ کے مقام پر نچلے، جناح بیراج میں نچلے درجے کا سیلاب ریکارڈ کیا گیا-

دریائے پنجکوڑہ میں دیر کے مقام پر اونچے درجے کا سیلاب، پانی کا بہاو 56ہزار کیوسک ریکارڈ کیا گیا دریائے سندھ میں اٹک خیر آباد کے مقام پر اونچے درجے کا سیلاب، بہاو 5 لاکھ 79 ہزار کیوسک دریائے جندی میں انتہائی اونچے درجے کا سیلاب، چارسدہ کے مقام پر بہاو 33 ہزار ریکارڈ دریائے سوات خیالی میں چارسدہ کے مقام پر انتہائی اونچے درجے کا سیلاب، بہاو ایک لاکھ 40 ہزار ریکارڈ کیا گیا-

دریائے سوات میں چکدرہ اور منڈا ہیڈ ورکس کے مقام پر اونچے درجے کا سیلاب ریکارڈ کیا گیا دریائے سوات میں خوازخیلہ کے مقام پر انتہائی اونچے درجے کا سیلاب ریکارڈ کیا گیا

ادیزئی کے مقام پر 79 ہزار 300 کیوسک ریلا گزر رہا ہے ،نوشہر ہ ،پانی کا بہاو 2 لاکھ 74 ہزار، ورسک ایک لاکھ 30 ہزار کیوسک ریکار ڈ دریائے کابل میں ورسک اور ادیزئی کے مقام پر اونچے درجے کا سیلاب

خانوزئی ڈیم اور مستونگ میں بولان ندی کے صبری ڈیم ٹوٹ گیا ،مکانات منہدم ،لوگ بے گھر ہو گئے ڈیرہ مرادجمالی کے دریاے لہڑی اور دریاے مولا میں طغیانی سے قریبی آبادی متاثر ہوئی مکران ڈویژن ،نصیر آباد صحبت پوراور کچھی میں بھی دیہات زیرآب آگئے ،متاثرین کی نقل مکانی ، ژوب ، موسٰی خیل، قلعہ سیف اللہ، قلعہ عبداللہ، قلات میں سیکڑوں دیہات ڈوب گئے-

بلوچستان میں بارش ، ندی نالوں میں طغیانی، رابطہ سڑکیں ٹوٹ گئیں،اندرون ملک سےرابطہ منقطع ہو گیا دریائے ناگمان میں چارسدہ رو ڈ کے مقام پر نچلے درجے کا سیلاب ریکارڈ کیا گیا-

لندن :اوورسیز پاکستانیوں کی ووٹنگ پر نہیں الیکٹرانک مشین پر اعتراض ہے:اطلاعات کے مطابق سابق وزیر خزانہ اسحاق ڈار کہتےہیں اوورسیز پاکستانیوں کی ووٹنگ پر نہیں الیکٹرانک ووٹنگ مشین پر اعتراض ہے، ان کے ووٹ کا غلط استعمال ہوسکتا ہے۔

اسحاق ڈار کی درخواست پرسماعت کل سپریم کورت میں ہو گی

نجی ٹی وی سے گفتگو کرتے ہوئے سابق وزیر خزانہ اسحاق ڈار نے کہا کہ اوورسیز پاکستانی بہن بھائیوں کو ووٹ کا حق تھا اور ہے، وہ جب چاہیں پاکستان جاکر اپنا ووٹ ڈال سکتے ہیں، انہیں کوئی بھی نمائندگی سے محروم نہیں کرنا چاہتا، اوورسیز پاکستانیوں کی ووٹنگ پر کوئی اعتراض نہیں۔

 

اسحاق ڈار نے مفرو ر قرار دیئے جانے کے فیصلے کیخلاف سپریم کورٹ سے رجوع کر لیا

ان کا کہنا ہے کہ ہمیں الیکٹرانک ووٹنگ پر اعتراضات ہیں، ان کے ووٹ کا غلط استعمال ہوسکتا ہے، آر ٹی ایس کی طرح کا کام ہوا تو اس کے نتیجے میں الیکشن چوری ہوگا۔

اسحاق ڈار کی سینیٹر شپ سے نااہلی کی درخواست، فریقین کو جواب جمع کرانے کی ہدایت

سابق وزیر خزانہ نے مزید کہا کہ بہتر ہے اوورسیز پاکستانیوں کو صحیح نمائندگی دی جائے، اوورسیز پاکستانیوں کیلئے کچھ سیٹیں پارلیمنٹ میں مختص کی جانی چاہئیں تاکہ یہ لوگ خود اپنے نمائندے منتخب کریں جو ان کے مسائل حل کرسکیں۔

مسلم لیگ ن کے قائد اور سابق وزیراعظم نواز شریف نے استفسار کیا ہے کہ میرے حق میں اور کتنی گواہیاں درکار ہیں؟ لندن میں صحافیوں سے غیر رسمی گفتگو میں سابق وزیراعظم نواز شریف نے کہا کہ ہر بات پر سوموٹو لینے والوں کو جسٹس شوکت عزیز صدیقی کے انکشافات نظر نہیں آتے۔انہوں نے کہا کہ میں پوچھتا ہوں کہ میرے حق میں جج ارشد ملک، جسٹس شوکت صدیقی کے بعد اور کتنی گواہیاں درکار ہیں؟

سابق وزیراعظم نے مزید کہا کہ میرا اور مریم نواز کا عدالتی فیصلوں کے ذریعے سیاسی قتل کیا گیا، میرے ساتھ ناانصافی ہوئی۔اُن کا کہنا تھا کہ پوچھتا ہوں مجھے اور مریم نواز کو کون انصاف فراہم کرے گا؟ ہے کوئی میرے اور مریم نواز کے کیس پر سوموٹو لینے والا؟

نواز شریف کا مذید کہنا تھا کہ وزیراعظم شہباز شریف پر مکمل اعتماد کا اظہار کیا اور کہا کہ وہ مشکل ترین حالات میں بہترین کام کر رہے ہیں۔انہوں نے کہا کہ پاکستان کے موجودہ حالات کے ذمہ دار سابق وزیراعظم عمران خان اور اُن کی سابقہ حکومت ہے۔

اس سے قبل مسلم لیگ ن کے قائد اور سابق وزیراعظم نواز شریف نے شہباز شریف اور ان کی حکومت کی کارکردگی کے حوالے سے قیاس آرائیاں غلط اور حقائق کے منافی قرار دیا تھا .سابق وزیراعظم نواز شریف نے سماجی رابطے کی ویب سائٹ ٹویٹر پر اپنے پیغام میں ایسی تمام خبروں کی تردید کر دی جن میں کہا گیا تھا کہ نواز شریف ،وزیراعظم شہباز شریف حکومت کی کارکردگی سے مطمئن نہیں ہیں .

مسلم لیگ ن کے قائد اور سابق وزیراعظم نواز شریف کا کہنا تھا کہ میں پر امید ہوں کہ جس طرح مشکل ترین حالات میں وزیراعظم شہباز شریف دن رات جدوجہد اور کوششیں کر رہے ہیں اس کا پھل انہیں ضرور ملے گا اور شہباز شریف سابو وزیراعظم عمران خان کی جانب سے پیدا کردہ ملکی بدترین حالات پر قابو پا لیں گے.

صوبائی وزیر تعلیم پنجاب مراد راس کا لاہور میں اہم پریس کانفرنس سے خطاب کرتے ہوئے کہنا تھا کہ محکمہ سکول ایجوکیشن پنجاب میں گزشتہ چار ماہ کے دوران تباہی مچائی گئی۔ اپنے لوگ لگانے کے لئے لوگوں کو بلاوجہ نوکریوں سے نکالا گیا۔

مراد راس نے کہا کہ مسلم لیگ ن جیسی جماعتیں چاہتیں ہیں کہ ہماری آنے والی نسلیں پڑھی لکھی نہ ہوں اور بیشعور رہ کر ان کو ووٹ ڈالتی رہیں۔ مراد راس نے یہ بھی کہا کہ 16000 ایجوکٹرز اور گریڈ 1 سے 4 تک کے 11 ہزار ملازمین کی بھرتی کے لئے سمری بھجوا دی گئی۔صوبائی وزیر نے کہا کہ پنجاب بھر میں کتابوں کی کمی فوری پوری کرنے کا حکم دے دیا ہے، اگلے جمعہ تک صوبے کے تمام سرکاری سکولوں میں مفت کتابیں پہنچا دی جائیں گی۔

مراد راس نے یہ بھی بتایا کہ پنجاب بھر کے ایس ٹی آئییز کو یکم ستمبر تک تنخواوں کی مکمل ادائیگی کر دی جائے گی۔ وزیر تعلیم پنجاب مراد راس نے محکمہ سکول ایجوکیشن سے متعلقہ شکایات کے ازالے کے لئے ٹول فری ہیلپ لائن کا آغاز کر دیا۔ عام عوام کسی بھی قِسم کے مسائل کی نشاندہی کے لئے محکمہ تعلیم کے ٹول فری نمبر 042 111112020 پر رابطہ کر سکتے ہیں۔

مراد راس نے مزید کہا کہ ہم نے گزشتہ حکومت کے منصوبے بند کرنے کی بجائے ان میں بہتری کے لئے اقدامات کئے۔ پنجاب ایجوکیشن فاؤنڈیشن میں طلبا کی تصدیق کے لیے بے فارم کی شرط متعارف کرائی گئی اور دانش سکولوں کو بھی پہلے سے بہتر بنایا گیا۔ انہوں نے کہا کہ گزشتہ حکومت نے چار ماہ میں ہمارے منصوبوں کو روکنے کے سِوا کوئی کام نہیں کیا۔

انصاف اکیڈمی کے قیام کے حوالے بات کرتے ہوئے مراد راس کا کہنا تھا کہ اس حوالے سے کام ختمی مراحل میں داخل ہو چکا ہے، چند ہفتوں میں آغاز کر دیا جائے گا۔ انہوں نے بتایا کہ آن لائن اکیڈمی کا یہ منصوبہ ہمارے بچوں کے لئے انتہائی مددگار اور کار آمد ثابت ہو گا۔

پریس کانفرنس سے خطاب میں سیاسی اظہار و خیال کرتے ہوئے مراد راس نے کہا کہ چیئرمین پی ٹی آئی عمران خان پی ڈی ایم کے کرپٹ لیڈران کی نبض پر حاوی ہو چکے اور موجودہ وفاقی حکومت کو ملکی نقصان، عوام کے حال کی کوئی پرواہ نہیں، یہ مخض سیاسی انتقامات کے لئے ملک پر مُسلط ہیں۔

مراد راس نے مزید کہا کہ کراچی این اے 245 میں پی ٹی آئی کی شاندار جیت عمران خان کی مقبولیت کا منہ بولتا ثبوت ہے۔ آج ہمارے عوام باشعور ہو چکے، اب یہ فاشست حکومت کچھ نہیں کر سکتی۔ مراد راس کا مزید کہنا تھا کہ سیاسی ورکرز اور عام عوام پر جس ظلم اور تشدد کا مظاہرہ 25 جولائی کو کیا گیا اس کی ماضی میں کوئی مثال نہیں ملتی۔ پی ڈی ایم جماعتوں کی ہر کوشش ناکام بنائیں گے۔

عمران خان کے تمام سپاہیوں کے حوصلے بلند ہیں، کسی سازش سے گھبرانے والے نہیں۔ صوبائی وزیر سکول ایجوکیشن پنجاب کا یہ بھی کہنا تھا گزشتہ چار ماہ میں فاشست حکومت نے ذاتی مفادات کے لیے ملُکی معشیت تباہ کر دی اور پی ڈی ایم ٹولے کی مشترکہ حکومت نے بین الاقوامی سطح پر بھی پاکستان کا تماشہ بنایا ہوا ہے۔

ملک بھر میں سیلاب کی صورتحال کے حوالے بات کرتے ہوئے مراد راس نے بتایا کہ پنجاب میں سیلاب کی بدولت 950 سکول بند ہوئے ہیں اور ان سکولوں میں زیر تعلیم طلباء کو وہاں کے قریبی سکولوں میں منتقل کیا جا رہا ہے تاکہ ان کا تعلیمی خرج نہ ہو۔ آخر میں مراد راس کا کہنا تھا کہ صوبے بھر میں سیلاب سے متاثرہ علاقوں میں موجود سکولوں کو ہونے والے نقصان کے ازالے کے لئے 2 کروڑ 80 لاکھ روپے مختص کئے گئے ہیں۔

لیسکو چیف چوہدری محمد امین کا کہنا ہے کہ لیسکو کے 21 لاکھ سے زائد گھریلو اور زرعی صارفین کو فیول پرائس ایڈجسٹمنٹ کی مد میں 3 ارب اٹھاسی کروڑ روپے کا ریلیف دے دیا گیا ہے۔

لیسکو چیف چوہدری محمد امین نے کہا کہ وزیراعظم پاکستان اور وزارت توانائی (پاور ڈویژن) کی ہدایات کے مطابق لیسکو ریجن میں صارفین کے بجلی بلوں سے فیول پرائس ایڈجسٹمنٹ کو ختم کرکے انہیں نئے بل جاری کئے جارہے ہیں۔ یہ بات لیسکو چیف چوہدری محمد امین نے آج لیسکو ہیڈکوارٹر میں میڈیا نمائندگان سے گفتگو کے دوران کہی۔

لیسکو چیف ایگزیکٹو نے بتایا کہ گورنمنٹ کی جانب سے فیول پرائس ایڈجسٹمنٹ کی کٹوتی کی سہولت 200 یا 200 سے کم یونٹس استعمال کرنے والے گھریلو اور زرعی صارفین پر لاگو ہوگی۔ان کا کہنا تھا کہ 200 سے زائد یونٹس استعمال کرنے والے صارفین پر اس سہولت کا اطلاق نہیں ہوگا۔

لیسکو چیف چوہدری محمد امین نے میڈیا کو بریفنگ دیتے ہوئے بتایا کہ صارفین کی سہولت کو مدنظر رکھتے ہوئے تمام بینکوں کو ہدایات جاری کردی گئیں ہیں کہ وہ تاحکم ثانی مینوئل طریقے سے تصیح شدہ بل کی وصولی کو یقینی بنائیں۔ ان کا کہنا تھا کہ ایسے 200 یونٹس استعمال کرنے والے صارفین جنہوں نے اس ماہ اپنے بل جمع کروادیئے ہیں ان کے اگلے ماہ کے بل سے یہ رقم نکال دی جائے گی۔ اس کے ساتھ ساتھ تمام صارفین کے ترمیم شدہ بلز کی تاریخ میں 31اگست تک کی توسیع کردی گئی اور یہ ترمیم شدہ بلز لیسکو کی ویب سائٹ پر بھی اپلوڈ کردیئے گئے ہیں۔

لیسکو چیف چوہدری محمد امین کا کہنا تھا کہ لیسکو اسٹاف صارفین کی سہولت کے لئے ہفتہ وار چھٹیوں کے دوران بھی کام کرئے گا تاکہ صارفین کو کسی قسم کی دشواری کا سامنا نہ کرنا پڑے۔ ان کا کہنا تھا کہ صارفین کو بہتر سے بہتر سروسز فراہم کرنا ہی ہمارا بنیادی مقصد ہے۔

وزیراعظم کے نمائندہ خصوصی برائے بین الامذاہب وہم آہنگی و مشرق وسطی اور چیئر مین پاکستان علماء کونسل حافظ محمد طاہر اشرفی نے کہا ہے کہ پاکستان کو امداد کی نہیں بلکہ سرمایہ کاری کی ضرورت ہے، سیاسی قائدین اپنے اختلافات بھلا کر سیلاب متاثرین کی امداد اور بحالی کے لئے مل کر کام کریں،پاک فوج سیلاب زدگان کی امداد کے لئے جنگی بنیادوں پر کام کررہی ہے،فلسطین کی مکمل آزادی تک ریاست پاکستان اور عوام اسرائیل کو تسلیم نہیں کریں گے۔

ان خیالات کا اظہار انہوں نے جامع مسجدبحریہ ٹائون میں پریس کانفرنس سے خطاب کرتے ہوئے کیا۔حافظ محمد طاہر اشرفی نے کہا کہ اس وقت ملک میں حالیہ سیلاب نے بڑے پیمانے پر تباہی مچا دی ہے اور بڑے پیمانے پرلوگ متاثر ہوئے ہیں۔انہوں نے کہا کہ انکی فوری امداد اور بحالی کے لئے ہمیں اپنے تمام کام چھوڑ دینے چاہیں اور ملک کی سینئر سیاسی قیادت کو اپنے اختلافات بھلاکر آل پارٹیز کانفرنس بلانی چاہئے۔انہوں نے کہا کہ وزیر اعظم محمد شہباز شریف نے تمام صوبوں کے وزرائے اعلی سے رابطہ کر کے اجلاس بلانے کا کہا ہے اور میں امید کرتا ہوں کہ ملک کے سب سے بڑے صوبے کے وزیر اعلی چوہدری پرویز الہی سیلاب متاثرین کی امداد کے لئے وزیر اعظم محمد شہباز شریف کے ساتھ مل کر کام کریں گے۔

انہوں نے کہا کہ ہمیں ناگہانی آفات سے بچنے کے لئے اللہ تعالی سے اجتماعی معافی مانگنی چاہیے اور اپنے گناہوں پر توبہ کرنی چاہئے۔طاہر اشرفی نے کہا کہ سیلاب زدگان کی امداد کے لئے مخیر خضرات کو بھی آگے آنا چاہیے اور وہ فلاحی تنظیمیں جو امداد میں مصروف عمل ہیں ان کو آپس میں باہمی رابطہ کرکے علاقے تقسیم کرلینے چاہئے تاکہ ضرورت مندوں کی یکساں امداد ہو سکے۔انہوں نے کہا کہ سیلاب متاثرین کی امداد کے لئے عرب ممالک نے بھی اعلان کیا ہے اور ہم خواہش مند ہیں کہ برادر اسلامی ممالک یہاں پر سرمایہ کریں ۔

انکا کہنا تھا کہ قطر حکومت نے بھی پاکستان میں دو سے تین ارب ڈالر کی سرمایہ کاری کرنے پر رضا مندی ظاہر کی ہے۔طاہر اشرفی نے کہا کہ سعودی عرب سمیت تمام مسلم ممالک نے ہر مشکل وقت میں پاکستان کا ساتھ دیا ہے اور ہم امید کرتے ہیں وہ اب بھی سیلاب متاثرین کی بھرپور امداد کریں گے۔

گورنر پنجاب محمد بلیغ الرحمان نے گورنر ہائوس لاہور میں سیلاب زندگان کی امداد کے لئے فلڈ ریلف فنڈ کے حوالے سے منعقدہ پریس کانفرنس سے خطاب کرتے ہوئے کہا کہ سیلاب زدگان کے لیے وفاقی حکومت اور صوبائی حکومتیں ایک ساتھ کام کر رہی ہیں۔اُنہوں نے کہا کہ سیلاب متاثرین کی مدد اور بحالی کے لیے سب کو سیاست سے بالاتر ہو کر بلا تفریق ساتھ چلنا چاہئے۔انہوں نے کہا کہ موجودہ حکومت سیلاب متاثرین کی حتی المقدور امداد فراہم کرنے کے لئے ہر ممکن اقدامات اٹھا رہی ہے۔انہوں نے کہا کہ وزیر اعظم محمد شہباز شریف نے متاثرہ علاقوں میں امدادی سرگرمیوں کو مزید تیز کرنے کی ہدایت کی ہے ۔انہوں نے کہا کہ وزیر اعظم شہباز شریف کی زیر نگرانی سیلابی ریلوں میں اپنی جانوں کی بازی ہارنے والوں کے لواحقین کو اب تک 80فیصد امدادی چیک دیئے جا چکے ہیں۔

گورنر پنجاب محمد بلیغ الرحمان نے کہا کہ اس وقت ہمارا ملک شدید بارشوں اور سیلاب کے باعث مختلف علاقوں میں تباہی اور بدحالی سے دوچار ہے ۔ انہوں نے کہا کہ صاحب ثروت افراد اور مالی وسعت رکھنے والے طبقے پر لازم ہے کہ وہ آزمائش اور مصیبت کی اس گھڑی میں اپنے بھائیوں کی بھر پور مدد کریں۔ انہوں نے کہا کہ قوموں پر مشکل وقت آتے رہتے ہیں وہی قومیں اپنی منزل حاصل کرتی ہیں جو اتحاد و یگانگت اور قوت ارادی کے ساتھ آگے بڑھتی ہیں۔انہوں نے کہا کہ مشکل کی اس گھڑی میں مخیر حضرات، فلاحی تنظیموں سمیت تمام لوگوں کو آگے آنا ہوگا اور ہم وطنوں کی بڑھ چڑھ کر مدد کرنا ہوگی۔
اس موقع پر گورنر پنجاب محمد بلیغ الرحمان نے مخیر حضرات کے سیلاب زدگان کی مدد اور بحالی کے حوالے سے کام کو سراہتے ہوئے کہا کہ کاروباری برادری نے ہمیشہ فلاح و بہبود کے کاموں میں اپنا حصہ ڈالا ہے ۔اس موقع پر گورنر پنجاب محمد بلیغ الرحمان نے 31مئی 2022سے اب تک اپنی تمام تنخواہ سیلاب متاثریں کے لئے دینے کا اعلان بھی کیا۔ انہوں نے کہا کہ بطور چانسلر انہوں نے یونیورسٹیوں کے وائس چانسلرز کو بھی ہدایت کی ہے کہ طلبا اور فیکلٹی ممبرز سیلاب زدگان کے لیے امدادی سامان اور ریلیف فنڈز اکٹھا کرنے میں کردار ادا کریں۔
گورنر پنجاب محمد بلیغ الرحمان نے آخر میں مخیر حضرات کے تعاون سے سیلاب زدگان کیلئے 14 امدادی ٹرک بھی روانہ کیے۔اس موقع پر حذیفہ رفیق اور شاہد حسن شیخ بھی موجود تھے۔
٭٭٭٭
دریں اثنا گورنر پنجاب محمد بلیغ الرحمان نے آج پبلک سیکٹر یونیورسٹیوں اور پرائیویٹ یونیورسٹیوں کو مراسلے کے ذریعے ہدایت کی ہے کہ جنوبی پنجاب اور بلوچستان کے سیلاب متاثرین کے لیے فوری فلڈ ریلیف مہم شروع کی جائے ۔انہوں نے تاکید کی ہے کہ یونیورسٹی فیکلٹی اور طلبا سیلاب متاثرین کے لیے فنڈز، کپڑے، خوراک اور ضروری سامان اکٹھا کریں۔گورنر پنجاب نے کہا کہ سیلاب متاثرین کے لیے اکٹھا کیا گیا فنڈ وزیراعظم پاکستان اور وزیراعلی پنجاب ریلف فنڈ میں جمع کرایا جائے۔انہوں نے مزید کہا کہ جامعات فنڈز اپنے ترجیحی میکنزم کے ذریعے بھی سیلاب زدگان کے لیے استعمال کر سکتی ہیں۔انہوں نے کہا کہ مشکل حالات کی اس گھڑی میں اپنے سیلاب زدگان بہن، بھائیوں کے ساتھ کھڑا ہونا ہمارا قومی فریضہ ہے۔