Category: لاڑکانہ

میہڑ،باغی ٹی وی (نامہ نگارمنظورعلی جوئیہ)بڑھتی ہوئی بدامنی اور زرعی پانی کی قلت کی خلاف آبادگار اتحاد اور سندھ یونائیٹیڈ پارٹی کی جانب سے احتجاج اورٹائر نذر آتش انڈس ہائی وے بلاک، ٹریفک معطل.

میہڑمیں برھتی ہوئی بدامنی اور نہروں میں زرعی پانی کی قلت کے خلاف آبادگار اتحاد اور سندھ یونائیٹیڈپارٹی کی جانب سے آبادگار کنوینر سکندر سوڈھر اور دیگر کی قیادت میں تپتی دھوپ میں انڈس ہائی وے بلاک کرکے ٹائرنذر آتش کئے اور سخت نعرے بازی کی گئی

دھرنے کے باعث لاڑکانہ سے کراچی آنے جانے والی ٹریفک معطل ہوگئی، مسافروں کو سخت پریشانی کا سامنا مظاہرین نے کہاکہ بدامنی نے پورے شہر کو اپنی لپیٹ میں لے لیا ہے، شہری اپنے گھروں میں بھی محفوظ نہیں ہیں،پولیس انتظامیہ کے کان پر جوں تک نہیں رینگتی ہے

امن امان مکمل بحال کروایا جائے اور نہروں کی صفائی کرواکر زرعی پانی کی قلت کو ختم کیا جائے دوسری صورت میں پرامن احتجاج جاری رہیگا.

میہڑ،باغی ٹی وی (نامہ نگارمنظورعلی جوئیہ)صحافی نصراللہ گڈانی اورجان محمد مہر کے قاتلوں کی عدم گرفتاری پرصحافی احتجاجاََسڑکوں پر نکل آئے اور شدید نعرے بازی.

میرپور ماتھیلوکےصحافی نصراللہ گڈانی اور صحافی جان محمد مہر کے قاتلوں کی گرفتار کے لئے نیشنل پریس کلب کی کال پر مختلف صحافی تنظیموں اور سیاسی وسماجی تنظیموں سندھ یونائیٹید پارٹی ،جماعت اسلامی، عوامی جمہوری پارٹی، سندھ ترقی پسندپارٹی ،جی ڈی اے ،ینگ سٹوڈنس، سبزی وفوروٹ یونین، آبادگار اتحاد اور دیگر کی جانب سے گھنٹہ گھر چوک سے پریس کلب تک احتجاجی مظاہرہ کیاگیا.

مظاہرین کا کہناتھا کہ عوام کی آواز کو دبانے کہ لئے سندھ کے صحافیوں کو قتل کیا جارہاہے اور حکومت کی جانب سے صحافیو ں کو کوئی بھی تحفط نہیں دیا جارہاہے اور حق اور سچ لکھنے پر صحافیوں کو سرِ عام قتل کیا جارہاہے، سندھ سرکار صحافیوں کو تحفظ دینے میں مکمل ناکام ہوچکی ہے

مظاہرین نے حکومت سے مطالبہ کیاکہ صحافی نصراللہ گڈانی اور صحافی جان محمد مہر کےقاتلوں کو فوراََ گرفتار کرکے کیفر کردار تک پہنچایا جائے اور صحافیوں کو مکمل تحفظ دیاجائے.

میہڑ،باغی ٹی وی (نامہ نگار)بااثرشخص مکان کی بقایا رقم دینے سے انکاری،رقم مانگنے پرجان سے مارنے کی دھمکی،نوید حسین جویو

صرافہ بازار کا بیوپاری گولڈ شاپ کا مالک نوید حسین جویو بااثر شخص کے خلاف پریس کلب پہنچ گیا،نوید حسین نے میڈیا کو بتاتے ہوئے کہاکہ فردوس کالونی نزد ککول نہر میں نے اپنا مکان بااثر اختیارکوڈرانی چانڈیو کو 43لاکھ 50ہزار روپے میں فروخت کر دیاتھا، جس میں سے اختیار چانڈیو نے مجھے 33لاکھ50ہزار روپےدیئے تھے باقی رقم 13لاکھ روپے بعد میں دینے کاوعدہ کیا تھالیکن اب میری رقم دینے سے انکاری ہے

اس نے مجھے ایک 6لاکھ روپے کا چیک دیا تھاجوابھی تک بنک سے پاس نہیں ہوا، نوید جویو نے کہاکہ میں شریف شہری اورکاروباری آدمی ہوں اورجس نے مجھ مکان خریدا تھا وہ بااثر آدمی باربار رقم ماگنے پر مجھے جان سے مارنے کی دھمکیاں دے رہاہے

نوید حسین جویو نے کہا کہ اگر مجھے اور میرے گھر کے کسی بھی فرد کو کوئی بھی جانی ومالی نقصان ہواتو اس کاذمہ داربااثر شخص اختیار چانڈیو ہوگا
انہوں نے مزید کہاکہ اس کی شکایت میں نے چانڈیہ قوم کے سردار سردار نواب احمد چانڈیو کو بھی کی ہوئی ہے مگر وہ ملک سے باہرگیا ہواہے.

نوید جویو نے اعلیٰ حکام سے مطالبہ کیا ہے کہ میرے ساتھ انصاف کیا جائے

میہڑ،باغی ٹی وی (نامہ نگارمنظورعلی جوئیہ کی رپورٹ) تھانہ فریدآباد کی علاقہ میں گائیچو برادری کہ دوگروپوں میں پرانے تنازعہ پر جھگڑا ہوا ہے ،اس جھگڑے میں گائیچو برادری ایک شخص ملا عبدالغفارگائیچو گولیاں لگنے سے ہلاک ہوگیا

جاں بحق ہونے والے شخص کی لاش گذشتہ روز شام 5 بجے سے کاچھو کہ پھاڑے علاقہ باجک میں پڑئی ہوئی ہے ،اطلاع کہ باوجود فریدآباپولیس جائے وقوعہ پر نہیں پہنچی

دونوں گروپوں میں فائرنگ کا سلسلہ جاری ہے مزید جانی نقصان ہونے کا خدشہ ہے

دیہاتیوں کی جانب سے ڈی آئی جی لاڑکانہ اور ضلع دادو کے ایس ایس پی سےاس واقعہ کا نوٹس لینے کا مطالبہ کیا ہے تاکہ مزیدنقصان سے بچاجاسکے.

میہڑ،باغی ٹی وی (نامہ نگارمنظورعلی جوئیہ )اپنے ہی گھر کی بیٹھک سے ایک شخص کی تشدد زدہ لاش برآمد

تفصیل کے مطابق تھرڑی محبت تھانے کہ حدود گاؤں بٹ سرائی میں 45سالہ شخص پیر مظفر شاہ راشدی کی اپنی بیٹھیک سے تشدد شدہ لاش برآمد ہوئی ہے

اطلاع ملتے ہے تھرڑی محبت تھانے کی پولیس جائے وقوعہ پر پہنچ کر لاش کو پوسٹ مارٹم کے تحصیل ہسپتال منتقل کردیا ے

جاں بحق ہونے والے شخص کے ورثاء نے میڈیا کو بتایاہے کہ ہماری اپنی ہی بیٹھک پر ہمارے بھائی کو قتل کیا گیا ہے، جاں بحق ہونے والے ہمارے بھائی کہ جسم پر تشدد کے نشان اس کاظاہری ثبوت ہے کہ یہ قتل ہے،

متاثرین نے آئی جی سندھ، ڈی آئی جی حیدرآباد، ایس ایس پی دادو اور دیگر اعلیٰ حکام سے مطالبہ کیا ہے صاف شفاف انکوائری کرکے ہمارے ساتھ انصاف کیا جائے.

میہڑ،باغی ٹی وی (نامہ نگار منظورعلی جوئیہ)خیرپور ناتھن شاہ انڈس ہائی وے پر مسافر کوچ اور کار میں تصادم، 3 افراد جاں بحق، 2 زخمی ہوگئے،حادثے میں جاں بحق ہونے والوں میں 2 مرد اور ایک خاتون شامل ہے اور 2 زخمیوں کا تعلق موروشہر سے ہے

ریسکیو 1122 کے مطابق زخمیوں کو تشویشناک حالت میں سیہون ہسپتال منتقل کیا گیا ہے،حادثے کا شکار خاندان مورو سے خیرپورناتھن شاہ کے قریب فوتگی کی تعزیت پر جارہے تھے تو حادثے کا شکار ہو گئے

زخمیوں میں ایک خاتون اور کار ڈرائیور نویدآرائیں شامل ہیں ،مسافر کوچ کو پولیس نے تحویل میں لے لیا ہے، کوچ ڈرائیور اور کنڈیکٹر موقع سے فرار ہو گئے

ریسکیو ذرائع کے مطابق حادثہ کی شکار کار مکمل تباہ ہوگئی ہے ،ہلاک افراد اور زخمیوں کو کار کے دروازے توڑ کر نکالا گیا ہے

میہڑ،باغی ٹی وی (منظورعلی جوئیہ کی رپورٹ)نوجوان کی مبینہ خودکشی، پاگل کتے کے کاٹنے سے 15افراد

میہڑ کے نواحی علاقے رادھن میں گھریلو پریشانی کے باعث نوجوان نے خودکشی کرلی ،خودکشی کرنے والا نوجوان 2بچیوں کا باپ تھا،نوجوان نے خودپر رپیٹر کا فائرکرکے خود کشی کرلی

خودکشی کرنے والے 22سالہ نوجوان کا نام شعبان سولنگی بتایا گیاے.

ایک اور واقعہ میں میہڑ کی مدینہ کالونی میں پاگل کتے کے کاٹنے سے 15افراد زخمی ہوگئے جنہیں علاج کیلئے لاڑکانہ اور دادو منتقل کیاگیا ہے ،کتے کے کاٹے سے زخمی ہونے والوں 2 خواتین اور 3 بچے شامل ہیں

کتے کے کاٹنے سے احمد تنیو، ریحان تنیو، مسمات روبینہ، ہارون، غلام اللہ، ایان، وقاص، قربان ودیگر شامل

میہڑ کی تعلقہ کے ہسپتال کے ڈیوٹی ڈاکٹر کے مطابق پانچ زخمیوں کو ویکسن لگائی گئی ہے،باقی ویکسن نہ ہونے کی وجہ سے 10زخمیوں کو دادو اور لاڑکانہ منتقل کیا ہے ،ان زخمیوں کی ایک حالت تشویشناک ہے

میہڑ،باغی ٹی وی (نامہ نگارمنظورعلی جوئیہ)کئی گھروں کو اچانک آگ لگ گئی،سامان جل کر خاکستر ہوگیا

گاؤں سید جو گوٹھ میں اچانگ گھروں کو آگ لگ گئی، آگ نے گلاب خاصخیلی اور ساجد چانڈیو کوگھروں لپیٹ میں لے لیا، آگ لگنے کے باعث گھروں میں رکھا ہوا گھریلوسامان اناج اور دیگر اشیاء مکمل جل کر خاکستر ہوگئیں.

دیہاتیوں نے اپنی مدد آپ کہ تحت آگ پر قابو پاکر مزید نقصان ہونے سے گاؤں کو بچالیا ،اطلاع دینےکے ایک گھنٹے کہ بعد فائربریگیڈ پہنچی.

متاثرین نے الزام لگایا کہ کچھ شرپسندوں نے ہمارے گھروں کو آگ لگائی ہے، آگ لگنے کہ باعث ہمارا لاکھوں روپے کا نقصان ہوگیاہے، گھر جل کر خاکستر ہونے کی وجہ سے کھلے آسمان تلے بیٹھے ہیں

متاثرین نے اعلیٰ حکام سے مطالبہ کیا ہے کہ ہمارے گھروں کو آگ لگانے والے نامعلوم شرپسندوں کو تلاش کرکے ان کے خلاف قانونی کارروائی کی جائے اور ہمیں انصاف دلایاجائے اور ہمارے ہونے والے نقصان کا بھی ازالہ کیا جائے.