Category: لاڑکانہ

میہڑ،باغی ٹی وی (نامہ نگار منظور علی جوئیہ)میہڑ کے نواحی علاقے متھی عالیوال میں دیرینہ تنازعہ پر چانڈیہ برادری کے دو گروہوں میں پرتشدد جھگڑا اور فائرنگ کا واقعہ پیش آیا ہے۔ اس افسوسناک واقعے میں دلبر علی چانڈیو موقع پر ہی جاں بحق ہو گئے، جبکہ ان کے بھائی سینگار علی چانڈیو شدید زخمی ہو گئے۔

واقعے کی اطلاع ملتے ہی دونوں افراد کو فوری طور پر تحصیل ہسپتال میہڑ منتقل کیا گیا۔ سینگار علی کی حالت تشویشناک ہونے کے باعث انہیں مزید علاج کے لیے لاڑکانہ ہسپتال منتقل کر دیا گیا ہے۔

آخری اطلاعات آنے تک پولیس اطلاع کے باوجود موقع پر نہ پہنچ سکی اور نہ ہی دلبر علی چانڈیو کی لاش کو قانونی کارروائی اور پوسٹ مارٹم کیا گیا ہے پولیس کے غیرذمہ دارانہ رویہ اور تساہل پر ورثاء اضطراب کی کیفیت میں مبتلا ہیں .

میہڑ ،باغی ٹی وی(نامہ نگارمنظورعلی جوئیہ)مقدمہ قتل میں پولیس کی جانب سے انصاف نہ ملنے پر متاثرین کابھٹائی پریس کلب کے باہر احتجاج

دولتپور میں 6 ماہ قبل قتل ہونے والے نزاکت علی ٹھوڑو کے خاندان نے قاتلوں کی گرفتاری نہ ہونے پر شدید احتجاج کیا۔ متاثرین کا کہنا ہے کہ پولیس بااثر ملزمان کو بچا رہی ہے۔

احتجاجی مظاہرے میں محمد رمضان ٹھوڑو، ارباب خاتون، حمیدہ خاتون، اور حضوراں خاتون سمیت دیگر افراد نے شرکت کی۔ انہوں نے میڈیا کو بتایا کہ نزاکت علی کو اس کی بیوی ضمیراں نے نوشہر فیروز کے قریب گل چانڈیو گاؤں میں بلایا تھا جہاں اس کے بھائی اور دیگر ملزمان نے مل کر اس کا قتل کردیا۔

متاثرین کا الزام ہے کہ مقتول کی بیوی اور اس کے بھائی ہی اس قتل کے اصل مجرم ہیں۔ تاہم، مقتول کی بیٹی بلقیس نے ان الزامات کو مسترد کرتے ہوئے کہا کہ اس کی شادی اس کے والدین کی رضامندی سے ہوئی تھی اور وہ اپنے شوہر کے ساتھ خوش ہے۔

مظاہرین نے ہائی کورٹ سندھ، وزیر اعلیٰ سندھ، گھر و معاملات کے صوبائی وزیر، آئی جی سندھ، اور ڈی آئی جی حیدرآباد سے اپیل کی ہے کہ وہ اس واقعے کا نوٹس لیں اور قاتلوں کو جلد از جلد گرفتار کرکے انصاف فراہم کریں۔

میہڑ،باغی ٹی وی (نامہ نگارمنظورعلی جوئیہ)میہڑ میں بھیانک حادثہ، چار افراد زخمی

تفصیل کے مطابق گاجی کھاوڑ لنک روڈ پر سم نالے کے قریب دو تیز رفتار موٹر سائیکلوں میں آمنے سامنے تصادم ہوگیا۔ اس حادثے میں گاؤں بلیدائی کے رہائشی چار افراد، شبیر سولنگی، رمضان سولنگی، حسین سولنگی اور گاؤں عبدالحمید تنیو کے رہائشی سلیم لاشاری شدید زخمی ہوگئے۔

زخمیوں کو فوری طور پر طبی امداد فراہم کرنے کے لیے ورثانے تحصیل ہسپتال میہڑ منتقل کیا ۔ تاہم، دو زخمیوں کی حالت تشویشناک ہونے کے باعث انہیں مزید علاج کے لیے لاڑکانہ ہسپتال منتقل کر دیا گیا ہے۔

میہڑ ،باغی ٹی وی(نامہ نگارمنظور علی جوئیہ) تھانہ اے سیکشن کی حدود میں واقع گاؤں دھامراہ میں ایک دل دہلا دینے والا واقعہ پیش آیا ہے جہاں 4 سالہ معصوم بچہ ایاز علی کھوسہ تالاب میں ڈوب کر جاں بحق ہو گیا۔

بتایا جاتا ہے کہ بچہ تالاب کے کنارے کھیل رہا تھا کہ اچانک اس کا پاؤں پھسل گیا اور وہ تالاب میں جا گرا۔ گاؤں والوں نے فوری طور پر بچے کو پانی سے نکالا اور اسے بے ہوشی کی حالت میں تحصیل ہسپتال میہڑ منتقل کیا لیکن ڈاکٹروں نے اسے مردہ قرار دے دیا۔

پولیس نے قانونی کارروائی مکمل کرنے کے بعد لاش ورثاء کے حوالے کر دی ہے۔ اس واقعہ سے پورے علاقے میں غم کی لہر دوڑ گئی۔

میہڑ ،باغی ٹی وی(نامہ نگار منظور علی جوئیہ) انڈس ہائی وے پر سیم نہر کے قریب ایک دل دہلا دینے والے حادثے میں 12 سالہ معصوم بچہ اویس گاڈھی شدید زخمی ہو گیا۔ یہ حادثہ اس وقت پیش آیا جب بچہ ہائی وے کراس کر رہا تھا اور ایک تیز رفتار کار نے اسے ٹکر مار دی۔

حادثے کے بعد کار سوار موقع سے فرار ہونے میں کامیاب ہو گیا۔ زخمی بچے کو لوگوں نے فوری طور پر تحصیل ہسپتال میہڑ منتقل کیا جہاں ابتدائی طبی امداد کے بعد اس کی حالت تشویشناک ہونے کے باعث لاڑکانہ ٹراما سینٹر منتقل کر دیا گیا۔

تاہم ابھی تک اس واقعے کا کوئی مقدمہ درج نہیں ہوا ہے۔

میہڑ،باغی ٹی وی (نامہ نگار منظورعلی جوئیہ)میہڑ اور گردنواح میں دوسرے دن بھی بارش کا سلسلہ جاری، زندگی معمول متاثر،نشیبی علاقے زیرآب آگئے

تفصیل کے مطابق میہڑ اور گردنواح کے علاقوں میں دوسرے دن بھی تیز ہواؤں اور گرج چمک کے ساتھ بارش کا سلسلہ جاری ہے۔ اس بارش نے شدید گرمی سے راحت تو فراہم کی ہے لیکن دوسری جانب معمولات زندگی کو بھی شدید متاثرکیا ہے۔

شہر کے مختلف محلوں، گلیوں اور چوراہوں کے علاوہ نشیبی علاقوں میں بارش کا پانی جمع ہوکر تالاب کی شکل اختیار کر گیا ہے۔ جبکہ میہڑ تحصیل کے پہاڑی علاقوں میں واقع ندی دلاں، ندی سگھرو اور ندی مرزانی میں پانی کا بہاؤ بڑھنے سے 10 سے زائد گاؤں زیر آب آ چکے ہیں۔

اس بارش کے باعث 25 سے زائد علاقوں کا فریدآباد سے زمینی رابطہ منقطع ہو گیا ہے۔ سیلابی پانی کے باعث راستے بند ہوگئے ہیں جس کی وجہ سے لوگوں کو آمدورفت میں مشکلات کا سامنا ہے۔

اس صورتحال سے نمٹنے کے لیے انتظامیہ کی طرف سے کوئی امدادی سرگرمیاں شروع نہیں کی جاسکیں اور نہ ہی متاثرہ علاقوں میں ریسکیو آپریشن کیا جارہا ہے اور نہ ہی متاثرین کو خوراک اور پانی فراہم کیا جا رہا ہے۔

دوسری طرف محکمہ موسمیات کی طرف نسے اگلے چند دنوں میں مزید بارش کی پیش گوئی کی ہے،جس سے علاقے کے لوگوں شدید متاثر ہونے کاخدشہ ہے.

میہڑ،باغی ٹی وی (نامہ نگارمنظورعلی جوئیہ) پاؤں پھسلنے سے 9 سالہ بچہ نہر میں گر کر جاں بحق

میہڑ کے نواحی گاؤں قاضی عارف میں سید نہر میں پیر پھسلنے کےباعث 9 سالہ معصوم بچہ علی رضا چانڈیو گر گیا

بچے علی رضا کو ورثاء نے بے ہوشی کی حالت میں نہر سے نکال کر فوری طور پر علاج کے لئے تحصیل ہسپتال میہڑ منتقل کیا ،جہاں پر ڈاکٹروں نے بچے علی رضا کے فوت ہونے کی تصدیق کےبعد بچے کی نعش کو ورثا کو حوالے کردیا گیا.

میہڑ،باغی ٹی وی (نامہ نگارمنظورعلی جوئیہ) تنیہ اور بروہی برادری میں فائرنگ کا تبادلہ، ایک شخص جاں بحق

میہڑ کےنواحی ساحلی علاقے مجھن میں زرعی زمین کے تنازعے پر تنیہ اور بروہی برادری کہ دو گروپ میں جھگڑا فائرنگ کا تبادلہ گولیاں لگنے سے 22سالہ نوجوان قدیر احمد جسکانی جاں بحق

علاقے میں فائرنگ کا سلسلہ جاری مزید جانی نقصان ہونے کا خدشہ ،علاقہ مکین سخت پریشانی کاشکار ہیں ،مقامی لوگوں نےایس ایس پی دادو سےنوٹس لینے کے اپیل کی ہے.