Category: لاڑکانہ

میہڑ،باغی ٹی وی (نامہ نگارمنظورعلی جوئیہ)دوچنگچی رکشوں میں زوردار تصادم، ایک خاتون سمیت 5 افراد شدید زخمی ہوگئے ہسپتال منتقل کردیا گیا

گاجی کھہاوڑ لنک روڈ پر دو چنگچی رکشوں میں زوردار تصادم ہوا جس کے باعث گاؤں کنڈی کی رہائشی مسمات نوراں، عبدالغنی گاڈھی، فاروق گاڈھی ،لیاقت چانڈیو اور راشدگاڈھی شدید زخمی ہوگئے

زخمیوں کو دیہاتیوں نے اپنی مدد آپ کہ تحت تحصیل ہسپتال میہڑ منتقل کردیاہے زخمیوں کو طبیٰ امداد دیکر تشویشناک حالت ہونے کے باعث علاج کے لئے لاڑکانہ ہسپتال منتقل کردیا گیا ہے

یہ حادثہ تیزرفتاری کے باعث پیش آیاہے.

میہڑ،باغی ٹی وی (نامہ نگارمنظورعلی جوئیہ) عید کی خوشیاں ماتم میں تبدیل ،کتے کومارنے پر جھگڑا،مانموں کی فائرنگ سے 2 بھانجے ہلاک

تفصیل کے مطابق میہڑکے قریبی گاؤں سومرقمبرانی میں کتے کومارنے پر قمبرانی برادری کہ دوگروپ میں جھگڑا ہوا ہے ،اس جھگڑے میں وارث قمبرانی نے فائرنگ کرکے اپنے دو بھانجوں لکھمیر اور شہمیر کوقتل کردیا.

پولیس نے جائے وقوعہ پر پہنچ کر نعشوں کو پوسٹ مارٹم کے لئے ہسپتال منتقل کردیا ہے اور تفتیش شروع کردی ہے.

میہڑ،باغی ٹی وی (نامہ نگار منظورعلی جوئیہ کی رپورٹ)شرپسندو ںنے کھیت میں رکھی ہوئی گندم کی فصل کو آگ لگا کر جلادیا.

تفصیل کے مطابق کاچھو کے گائوں علی بخش تیونومیں کسان علی گوہر تیونو کی زرعی زمین میں رکھی ہوئی گندم کی فصل کونامعلوم شرپسندوںنے آگ لگادی

جس کے باعث گندم کی فصل کاڈھیر جل کر راکھ میں تبدیل ہوگیا ،کسان علی گوہر تیونو نے کہاکہ میں غریب کسان ہوں میری کسی کہ ساتھ کوئی دشمنی نہیں ہے، ظالموںنے میرے بچوں کے منہ کانوالہ چھین لیا ہے

متاثرہ کسان نے اعلی حکام سے مطالبہ کیا ہے کہ واقعے کا نوٹس لیکرمجھے انصاف دلایا جائے

میہڑ،باغی ٹی وی (نامہ نگارمنظورعلی جوئیہ)پلاٹ کے تنازعہ پر جھگڑا،فائرنگ، 4خواتین اور 3مرد شدید زخمی ،بی سیکشن تھانے کہ حدود میں گاؤں کہوندھی میں پلاٹ کے تنازعے پر تیونا برادری کہ دوگروپوں میں جھگڑا اور فائرنگ

گولیاں لگنے سے محمد عمر تیونو ،یاسینٰ تیونو ،رشید تیونو ،اکرم تیونو جبکہ تین خواتین جس میں یاسمین تیونو، سکینہ تیونو، نوربی بی تیونو شدید زخمی ہوگئیں، زخمیوں کو علاج کے لئے تحصیل ہسپتال میہڑ منتقل کردیا گیا ہے

زخمیوں کو فوری طبیٰ امداد دیکر تشویش ناک حالت ہونے کے باعث لاڑکانہ ہسپتال منتقل کردیا گیا ہے آخری اطلاع ملنے تک اس واقعہ کا کوئی بھی مقدمہ بی سیکشن تھانے پر درج نہیں ہوسکا ہے .

میہڑ،باغی ٹی وی (نامہ نگارمنظورعلی جوئیہ) پولیس کی سرپرستی میں رمضان المبارک کے مقدس مہینے کی تقدس کی دھجیاں اڑائی جا رہی ہیں سموسہ فروش، ڈرنک کارنر وجوس کی دکانیں اور ہوٹل سرعام روزہ خوری کرانے میں ایک دوسرے سے سبقت لیے ہوئے ہیں۔

رمضان آرڈیننس پر کوئی عمل نہیں ہوسکا ،ہوٹلوں اور دیگر اشیاء فروشوں کو میہڑ پولیس اور دیگر قانون نافذکرنے والے اداروں نے ریٹ مقرر کرکے رمضان المبارک کے مقدس مہینے میں کھلے عام ہوٹل ،سموسے پکوڑے بیچنے والوں کھلی چھٹی دی ہوئی ہے

عوامی وسماجی حلقوں نے اعلیٰ حکام سے نوٹس لینے کامطالبہ کیا ہے

میہڑ،باغی ٹی وی (نامہ نگارمنظورعلی جوئیہ)مچھلی کے تالاب سے نامعلوم شخص کی نعش برآمد

تھانہ بی سیکشن کی حدودگاؤں امیدیرو میں مچھلی کے تالاب سے نامعلوم شخص کی نعش برآمد ہوئی ہے

دیہاتیوں نے مچھلی کے تالاب میں نعش کو دیکھ کر پولیس کو اطلاع دی ،تھانہ بی سیکشن پولیس نے نعش کو تحویل میں لیکر شناخت کہ لئے تحصیل ہسپتال میہڑ منتقل کردیا ہے

تاحال نعش کی شناخت نہیں ہوسکی ہے.

میہڑ،باغی ٹی وی (نامہ نگارمنظورعلی جوئیہ)سندھ کےمختلف شہروں میں قتل ہونے والے اساتذہ کے قاتلوں کی عدم گرفتاری پرپرائمری سکول ٹیچرزایسوسی ایشن کا پریس کلب کے سامنے احتجاجی مظاہرہ اورے نعرے بازی

پرائمری سکول ٹیچرا ایسوسی ایشن کی جانب سے سندھ کےمختلف شہروں میں بے گناہ قتل ہونے والے اساتذہ کے قاتلوں کی گرفتاری کے لئے سیدعلی اصغرشاہ سکول سے پریس کلب تک اساتذہ نے پیدل مارچ کرکے احتجاجی مظاہرہ کیا

اور پریس کلب کےسامنے نعرے بازی کی گئی ، انہوں نے کہاکہ سندھ کے اساتذہ غیرمحفوظ ہیں ،انہیں سرے عام قتل کیا جارہاہے، سندھ میں لا قانونیت عروج پر پہنچی ہوئی ہے،

انہوں نے مزید کہاکہ سندھ کے روڈ راستے نوگوایریا بنے ہوئے ہیں بچوں کو تعلیم جیسے زیور سے اراستہ کرنیوالے اساتذہ کو قتل کو کے تعلیم کو قتل کیا جارہاہے

انہوں نے کہاکہ سندھ میں جوبھی اساتذہ قتل ہوئے ہیں انکے قاتلوں کو فوراََ گرفتار کرکے انکے ورثا ءکے ساتھ انصاف کیاجائے دوسری صورت میں پرامن احتجاج جاری رہیگا اور پوری سندھ میں احتجاجی تحریک چلائی جائیگی،

احتجاجی اساتذہ نے حکومت سے مطالبہ کیا کہ اساتذہ کو تحفظ فراہم کیا جائےاوراساتذہ کے قاتلوں کوگرفتارکیا جائے.

میہڑَ،باغی ٹی وی (نامہ نگارمنظورعلی جوئیہ)شادی کی تقریب میں فائرنگ ایک بچہ جاں بحق ایک شدید زخمی

میہڑکے قریب گاؤں سید پور میں شادی کی قریب میں فائرنگ ہوئی ،فائرنگ کے نتیجہ میں گولی لگنے سے ایک بچہ یاسین جاں بحق جبکہ حسین چانڈیو شدید زخمی

ایک بچہ جاں بحق ہونے سے شادی کی خوشیاں ماتم میں تبدیل ہوگئیں ،ابھی تک پولیس کی طرف سے کسی بھی قسم کی کارروائی کی اطلاعات نہیں ہیں