Category: لاڑکانہ

میہڑ (باغی ٹی وی نامہ نگارمنظورعلی جوئیہ) تیز رفتار موٹر سائیکل کی ٹکر ، ایک شخص شدید زخمی

تفصیل کے مطابق میہڑ میں ایک بھیانک حادثہ پیش آیا ہے جس میں تیز رفتار موٹر سائیکل نے ایک شخص کو ٹکر مار دی۔ یہ حادثہ ہنڈا شو روم کے قریب ہوا۔ زخمی کی شناخت گل کالونی کے رہائشی ذوالفقار سیلرو کے نام سے ہوئی ہے، جو شدید زخمی ہوا ہے۔

ذوالفقار سیلرو کو فوری طور پر تحصیل ہسپتال میہڑ منتقل کیا گیا، لیکن تشویشناک حالت کے باعث اسے مزید علاج کے لیے لاڑکانہ ہسپتال منتقل کر دیا گیا ہے۔

شہریوں نے اس واقعے پر گہرے دکھ اور افسوس کا اظہار کیا ہے اور روڈ کی حالت اور ٹریفک قوانین کی خلاف ورزیوں پر انتظامیہ سے فوری کارروائی کا مطالبہ کیا ہے۔

میہڑ(باغی ٹی وی ،نامہ نگارمنظورعلی جوئیہ)گھریلوجھگڑا،خاوند کی فائرنگ سے خاتون زخمی

تفصیل کے مطابق میہڑ کے نواحی علاقے فرید آباد تھانے کی حدود میں واقع گاؤں چھٹو میروانی میں ایک دلخراش واقعہ پیش آیا ہے۔ اطلاعات کے مطابق گھریلو ناچاقی کے دوران ایک نوجوان خاتون سائرہ کو اس کے شوہر اللہ یار چانڈیو نے فائرنگ کرکے شدید زخمی کردیا۔

واقعہ کے فورا بعد ملزم موقع سے فرار ہونے میں کامیاب ہوگیا۔ زخمی خاتون کو فوری طور پر قریبی ہسپتال منتقل کردیا گیا ہے۔ پولیس کو واقعے کی اطلاع ملنے پر وہ موقع پر پہنچی تاہم اس وقت تک ملزم فرار ہوچکا تھا۔ پولیس نے قانونی کارروائی کاآغازکردیا ہے

میہڑ(باغی ٹی وینامہ نگار منظور علی جوئیہ کی رپورٹ)انڈس ہائی وے پر دبئی شادی ہال کے قریب تیز رفتار مسافر کوچ نے ایک موٹر سائیکل کو ٹکر مار دی جس کے نتیجے میں گاؤں سوجھرومیروانی کے رہائشی 6 ماہ کا معصوم بچہ مظہر بروہی، 4 سالہ اسرار بروہی، شازیہ بروہی اور ہمت بروہی شدید زخمی ہوگئے ہیں۔ زخمیوں کو فوری طور پر علاج کے لیے تحصیل ہسپتال میہڑ منتقل کیا گیا ہے۔

خاتون اور مرد کی حالت تشویشناک ہونے کے باعث انہیں لاڑکانہ ہسپتال منتقل کر دیا گیا ہے۔ پولیس نے حادثے کا سبب بننے والی مسافر کوچ کو اپنی تحویل میں لے لیا ہے جبکہ کوچ کا ڈرائیور فرار ہونے میں کامیاب ہو گیا ہے۔

میہڑ (باغی ٹی وی نامہ نگارمنظورعلی جوئیہ)جائیداد کے تنازع پر خونریز جھگڑا، 7 افراد زخمی

تفصیل کے مطابق میہڑکے نواحی گاؤں یوسف تیونو میں جائیداد کے تنازع پر تیونہ برادری کے دو گروہوں میں شدید جھگڑا ہو گیا۔ اس دوران دونوں گروہوں کے درمیان ڈنڈے اور کلہاڑیوں سے حملہ آور ہوئے جس کے نتیجے میں سات افراد زخمی ہو گئے۔ زخمیوں میں آندل تیونو، جاوید تیونو، کفایت تیونو، عبدالطیف تیونو، عبدالستار تیونو، محمد یعقوب تیونو اور غلام رضا تیونو شامل ہیں۔

زخمیوں کو ابتدائی طبی امداد کے لیے تحصیل ہسپتال میہڑ منتقل کیا گیا۔ تاہم، تین زخمیوں کی حالت تشویشناک ہونے کے باعث انہیں مزید علاج کے لیے لاڑکانہ ہسپتال منتقل کر دیا گیا ہے۔

اس واقعے کے بعد بی سیکشن تھانے میں دونوں گروہوں کے خلاف مقدمہ درج کر لیا گیا ہے۔ پولیس نے مزید تحقیقات شروع کر دی ہیں۔

میہڑ (رپورٹ: منظور علی جوئیہ): دریائے سندھ میں طغیانی کئی گاؤں زیر آب

تفصیل کے مطابق میہڑ تحصیل کے کچے علاقے میں مسلسل بارشوں کے باعث دریائے سندھ میں پانی کی سطح مسلسل بڑھ رہی ہے۔ جس کی وجہ سے نوں گوٹھ کے کئی گاؤں بشمول جاڑو کلھوڑو، دین پور، دودو کلھوڑو، بیدی لاشاری، ڈاڈو لاشاری، مٹھو لاشاری، جھنڈو لاشاری وغیرہ سیلاب کے پانی میں ڈوب گئے ہیں۔

آبپاشی عملہ غائب ہے اور بندوں کی مرمت نہ ہونے کی وجہ سے پکے علاقے کے کئی گاؤں بھی سیلاب کے خطرے سے دوچار ہیں۔ تل، جوار، گنا اور کپاس کی ہزاروں ایکڑ پر مشتمل فصلیں تباہ ہو رہی ہیں۔ غریب کسان شدید مشکلات کا شکار ہیں۔ کچے علاقے کے لوگ اپنے گھر بار چھوڑ کر محفوظ مقامات کی طرف جا رہے ہیں۔

میہڑ (باغی ٹی وی نامہ نگارمنظور علی جوئیہ): بجلی کا کرنٹ لگنے سے نوجوان خاتون جاں بحق

تفصیل کے مطابق میہڑ کے نواحی علاقے قاضی عارف میں ایک دل دہلا دینے والے حادثے میں بجلی کے بورڈ سے کرنٹ لگنے سے 20 سالہ نوجوان خاتون سائر شیخ شدید زخمی ہو گئی۔ زخمی خاتون کو فوری طور پر تحصیل ہسپتال میہڑ منتقل کیا گیا جہاں ڈاکٹروں نے اسے مردہ قرار دے دیا۔

ہسپتال کی قانونی کارروائی کے بعد لاش کو ورثا کے حوالے کر دیا گیا ہے۔

میہڑ ،باغی ٹی وی (نامہ نگارمنظورعلی جوئیہ) زہریلا کھانا کھانے سے2 بچے جاں بحق،غم سے والدہ بھی فوت

تفصیل کے مطابق ایک دل دہلا دینے والے واقعے میں میہڑ شہر کے کاسائی محلہ میں رہائش پذیر فوٹوگرافر سکندر شیخ کے دو معصوم بچے جنید شیخ (12 سال) اور طیبہ (16 سال) کسی ہوٹل سے لایا گیا زہریلا کھانا کھانے سے جاں بحق ہوگئے۔ اس المناک واقعے سے صدمے میں آکر بچوں کی ماں بھی جاں بحق ہوگئی۔

سکندر شیخ اور ان کا ایک بیٹا شدید بیمار ہوگئے ہیں اور انہیں مزید علاج کے لیے لاڑکانہ منتقل کیا گیا ہے۔ متاثرہ خاندان کے مطابق انہوں نے سالن گھر میں خود پکایا تھا لیکن روٹی ہوٹل سے لائی گئی تھی۔ کھانا کھانے کے فوراً بعد یہ سانحہ پیش آیا۔

ڈاکٹروں نے بتایا ہے کہ یہ واقعہ فوڈ پوائزننگ کی وجہ سے پیش آیا ہے۔