Category: لاڑکانہ

میہڑ (باغی ٹی وی ،نامہ نگار منظور علی جوئیہ)دریا ئے سندھ سے نئی نہریں نکالنے کے خلاف مختلف سیاسی، سماجی اور مذہبی تنظیموں نے آج میہڑ میں ایک بڑی ریلی نکالی۔ اس ریلی میں جی ڈی اے، پی ٹی آئی، جماعت اسلامی، شہری اتحاد اہلسنت و الجماعت، وکلا برادری سمیت دیگر تنظیموں کے کارکنان نے شرکت کی۔

شہری اتحاد کے چیئرمین نیاز علی برڑو کی قیادت میں دعا چوک سے شروع ہونے والی یہ ریلی میہڑ پریس کلب پہنچی۔ ریلی کے دوران احتجاجیوں نے حکومت کے خلاف سخت نعرے بازی کی اور سندھو دریا کو بنجر بنانے کی سازش کو ناکام بنانے کا عزم ظاہر کیا۔

مقررین نے کہا کہ سندھ کی عوام پہلے ہی بھوک اور بدحالی کی زندگی گزار رہی ہے اور اوپر سے سندھو دریا سے 6 نئے کینال نکال کر سندھ کی زرعی زمینوں کو بنجر بنانے کی سازش کی جا رہی ہے۔ انہوں نے کہا کہ سندھ کی عوام کسی صورت میں سندھو دریا سے نئے کینال نکالنے کی اجازت نہیں دے گی اور یہ پرامن احتجاج جاری رہے گا۔

میہڑ (باغی ٹی وی نامہ نگارمنظور علی جوئیہ) میلاد جلسہ، 14 سالہ لڑکا ٹریکٹرٹرالی کی زد میں آکر جاں بحق

تفصیل کے مطابق میہڑکے قریبی گاؤں ٹھارو ڈیپر میں منعقد ہونے والے ایک میلاد کے جلسے میں ایک دلخراش حادثہ پیش آیا ہے جس میں 14 سالہ قاسم ڈیپر نامی ایک لڑکاٹریکٹر ٹرالی کی زد میں آکر جاں بحق ہو گیا۔

اطلاع کے مطابق میلاد کے جلسے کی ریلی کے دوران ٹریکٹر ٹرالی نے قاسم کو کچل دیا۔ موقع پر موجود افراد نے زخمی لڑکے کو فوری طور پر میہڑ تحصیل ہسپتال منتقل کیا جہاں ڈاکٹروں نے اسے مردہ قرار دے دیا۔

قانونی کارروائی مکمل کرنے کے بعد لاش ورثا کے حوالے کر دی گئی۔

میہڑ(باغی ٹی وی نامہ نگارمنظورعلی جوائیہ) انڈس ہائی وے پر تھانہ خدا آباد کے قریب ایک افسوسناک حادثہ پیش آیا ہے جس میں پولیس موبائل الٹنے سے دو پولیس اہلکار جاں بحق ہوگئے ہیں اور تین دیگر شدید زخمی ہوگئے ہیں۔

حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں اور زخمیوں کو فوری طور پر سول اسپتال دادو منتقل کیا گیا۔ زخمیوں کی حالت تشویشناک بتائی جاتی ہے اور انہیں طبی امداد فراہم کی جا رہی ہے۔

دادو میں انڈس ہائی وے پر پیش آئے روڈ حادثے میں پولیس اہلکار روشن ڈیپر اور سائین رکھیو جانبحق ہوگئے۔ جبکہ اے ایس آئی سولنگی اور موبائل ڈرائیور ایاز کولاچی شدید زخمی ہوگئے ہیں۔

حادثے کی اصل وجہ ابھی تک معلوم نہیں ہو سکی ہے۔ پولیس اس واقعے کی تفتیش کر رہی ہے اور حادثے کے ممکنہ اسباب کا پتہ لگانے کی کوشش کر رہی ہے۔

میہڑ (باغی ٹی وی نامہ نگارمنظورعلی جوئیہ) تیز رفتار موٹر سائیکل کی ٹکر ، ایک شخص شدید زخمی

تفصیل کے مطابق میہڑ میں ایک بھیانک حادثہ پیش آیا ہے جس میں تیز رفتار موٹر سائیکل نے ایک شخص کو ٹکر مار دی۔ یہ حادثہ ہنڈا شو روم کے قریب ہوا۔ زخمی کی شناخت گل کالونی کے رہائشی ذوالفقار سیلرو کے نام سے ہوئی ہے، جو شدید زخمی ہوا ہے۔

ذوالفقار سیلرو کو فوری طور پر تحصیل ہسپتال میہڑ منتقل کیا گیا، لیکن تشویشناک حالت کے باعث اسے مزید علاج کے لیے لاڑکانہ ہسپتال منتقل کر دیا گیا ہے۔

شہریوں نے اس واقعے پر گہرے دکھ اور افسوس کا اظہار کیا ہے اور روڈ کی حالت اور ٹریفک قوانین کی خلاف ورزیوں پر انتظامیہ سے فوری کارروائی کا مطالبہ کیا ہے۔

میہڑ(باغی ٹی وی ،نامہ نگارمنظورعلی جوئیہ)گھریلوجھگڑا،خاوند کی فائرنگ سے خاتون زخمی

تفصیل کے مطابق میہڑ کے نواحی علاقے فرید آباد تھانے کی حدود میں واقع گاؤں چھٹو میروانی میں ایک دلخراش واقعہ پیش آیا ہے۔ اطلاعات کے مطابق گھریلو ناچاقی کے دوران ایک نوجوان خاتون سائرہ کو اس کے شوہر اللہ یار چانڈیو نے فائرنگ کرکے شدید زخمی کردیا۔

واقعہ کے فورا بعد ملزم موقع سے فرار ہونے میں کامیاب ہوگیا۔ زخمی خاتون کو فوری طور پر قریبی ہسپتال منتقل کردیا گیا ہے۔ پولیس کو واقعے کی اطلاع ملنے پر وہ موقع پر پہنچی تاہم اس وقت تک ملزم فرار ہوچکا تھا۔ پولیس نے قانونی کارروائی کاآغازکردیا ہے

میہڑ(باغی ٹی وینامہ نگار منظور علی جوئیہ کی رپورٹ)انڈس ہائی وے پر دبئی شادی ہال کے قریب تیز رفتار مسافر کوچ نے ایک موٹر سائیکل کو ٹکر مار دی جس کے نتیجے میں گاؤں سوجھرومیروانی کے رہائشی 6 ماہ کا معصوم بچہ مظہر بروہی، 4 سالہ اسرار بروہی، شازیہ بروہی اور ہمت بروہی شدید زخمی ہوگئے ہیں۔ زخمیوں کو فوری طور پر علاج کے لیے تحصیل ہسپتال میہڑ منتقل کیا گیا ہے۔

خاتون اور مرد کی حالت تشویشناک ہونے کے باعث انہیں لاڑکانہ ہسپتال منتقل کر دیا گیا ہے۔ پولیس نے حادثے کا سبب بننے والی مسافر کوچ کو اپنی تحویل میں لے لیا ہے جبکہ کوچ کا ڈرائیور فرار ہونے میں کامیاب ہو گیا ہے۔

میہڑ (باغی ٹی وی نامہ نگارمنظورعلی جوئیہ)جائیداد کے تنازع پر خونریز جھگڑا، 7 افراد زخمی

تفصیل کے مطابق میہڑکے نواحی گاؤں یوسف تیونو میں جائیداد کے تنازع پر تیونہ برادری کے دو گروہوں میں شدید جھگڑا ہو گیا۔ اس دوران دونوں گروہوں کے درمیان ڈنڈے اور کلہاڑیوں سے حملہ آور ہوئے جس کے نتیجے میں سات افراد زخمی ہو گئے۔ زخمیوں میں آندل تیونو، جاوید تیونو، کفایت تیونو، عبدالطیف تیونو، عبدالستار تیونو، محمد یعقوب تیونو اور غلام رضا تیونو شامل ہیں۔

زخمیوں کو ابتدائی طبی امداد کے لیے تحصیل ہسپتال میہڑ منتقل کیا گیا۔ تاہم، تین زخمیوں کی حالت تشویشناک ہونے کے باعث انہیں مزید علاج کے لیے لاڑکانہ ہسپتال منتقل کر دیا گیا ہے۔

اس واقعے کے بعد بی سیکشن تھانے میں دونوں گروہوں کے خلاف مقدمہ درج کر لیا گیا ہے۔ پولیس نے مزید تحقیقات شروع کر دی ہیں۔

میہڑ (رپورٹ: منظور علی جوئیہ): دریائے سندھ میں طغیانی کئی گاؤں زیر آب

تفصیل کے مطابق میہڑ تحصیل کے کچے علاقے میں مسلسل بارشوں کے باعث دریائے سندھ میں پانی کی سطح مسلسل بڑھ رہی ہے۔ جس کی وجہ سے نوں گوٹھ کے کئی گاؤں بشمول جاڑو کلھوڑو، دین پور، دودو کلھوڑو، بیدی لاشاری، ڈاڈو لاشاری، مٹھو لاشاری، جھنڈو لاشاری وغیرہ سیلاب کے پانی میں ڈوب گئے ہیں۔

آبپاشی عملہ غائب ہے اور بندوں کی مرمت نہ ہونے کی وجہ سے پکے علاقے کے کئی گاؤں بھی سیلاب کے خطرے سے دوچار ہیں۔ تل، جوار، گنا اور کپاس کی ہزاروں ایکڑ پر مشتمل فصلیں تباہ ہو رہی ہیں۔ غریب کسان شدید مشکلات کا شکار ہیں۔ کچے علاقے کے لوگ اپنے گھر بار چھوڑ کر محفوظ مقامات کی طرف جا رہے ہیں۔