Category: لاڑکانہ

میہڑ ،باغی ٹی وی(نامہ نگارمنظور علی جوئیہ) تھانہ اے سیکشن کی حدود میں واقع گاؤں دھامراہ میں ایک دل دہلا دینے والا واقعہ پیش آیا ہے جہاں 4 سالہ معصوم بچہ ایاز علی کھوسہ تالاب میں ڈوب کر جاں بحق ہو گیا۔

بتایا جاتا ہے کہ بچہ تالاب کے کنارے کھیل رہا تھا کہ اچانک اس کا پاؤں پھسل گیا اور وہ تالاب میں جا گرا۔ گاؤں والوں نے فوری طور پر بچے کو پانی سے نکالا اور اسے بے ہوشی کی حالت میں تحصیل ہسپتال میہڑ منتقل کیا لیکن ڈاکٹروں نے اسے مردہ قرار دے دیا۔

پولیس نے قانونی کارروائی مکمل کرنے کے بعد لاش ورثاء کے حوالے کر دی ہے۔ اس واقعہ سے پورے علاقے میں غم کی لہر دوڑ گئی۔

میہڑ ،باغی ٹی وی(نامہ نگار منظور علی جوئیہ) انڈس ہائی وے پر سیم نہر کے قریب ایک دل دہلا دینے والے حادثے میں 12 سالہ معصوم بچہ اویس گاڈھی شدید زخمی ہو گیا۔ یہ حادثہ اس وقت پیش آیا جب بچہ ہائی وے کراس کر رہا تھا اور ایک تیز رفتار کار نے اسے ٹکر مار دی۔

حادثے کے بعد کار سوار موقع سے فرار ہونے میں کامیاب ہو گیا۔ زخمی بچے کو لوگوں نے فوری طور پر تحصیل ہسپتال میہڑ منتقل کیا جہاں ابتدائی طبی امداد کے بعد اس کی حالت تشویشناک ہونے کے باعث لاڑکانہ ٹراما سینٹر منتقل کر دیا گیا۔

تاہم ابھی تک اس واقعے کا کوئی مقدمہ درج نہیں ہوا ہے۔

میہڑ،باغی ٹی وی (نامہ نگار منظورعلی جوئیہ)میہڑ اور گردنواح میں دوسرے دن بھی بارش کا سلسلہ جاری، زندگی معمول متاثر،نشیبی علاقے زیرآب آگئے

تفصیل کے مطابق میہڑ اور گردنواح کے علاقوں میں دوسرے دن بھی تیز ہواؤں اور گرج چمک کے ساتھ بارش کا سلسلہ جاری ہے۔ اس بارش نے شدید گرمی سے راحت تو فراہم کی ہے لیکن دوسری جانب معمولات زندگی کو بھی شدید متاثرکیا ہے۔

شہر کے مختلف محلوں، گلیوں اور چوراہوں کے علاوہ نشیبی علاقوں میں بارش کا پانی جمع ہوکر تالاب کی شکل اختیار کر گیا ہے۔ جبکہ میہڑ تحصیل کے پہاڑی علاقوں میں واقع ندی دلاں، ندی سگھرو اور ندی مرزانی میں پانی کا بہاؤ بڑھنے سے 10 سے زائد گاؤں زیر آب آ چکے ہیں۔

اس بارش کے باعث 25 سے زائد علاقوں کا فریدآباد سے زمینی رابطہ منقطع ہو گیا ہے۔ سیلابی پانی کے باعث راستے بند ہوگئے ہیں جس کی وجہ سے لوگوں کو آمدورفت میں مشکلات کا سامنا ہے۔

اس صورتحال سے نمٹنے کے لیے انتظامیہ کی طرف سے کوئی امدادی سرگرمیاں شروع نہیں کی جاسکیں اور نہ ہی متاثرہ علاقوں میں ریسکیو آپریشن کیا جارہا ہے اور نہ ہی متاثرین کو خوراک اور پانی فراہم کیا جا رہا ہے۔

دوسری طرف محکمہ موسمیات کی طرف نسے اگلے چند دنوں میں مزید بارش کی پیش گوئی کی ہے،جس سے علاقے کے لوگوں شدید متاثر ہونے کاخدشہ ہے.

میہڑ،باغی ٹی وی (نامہ نگارمنظورعلی جوئیہ) پاؤں پھسلنے سے 9 سالہ بچہ نہر میں گر کر جاں بحق

میہڑ کے نواحی گاؤں قاضی عارف میں سید نہر میں پیر پھسلنے کےباعث 9 سالہ معصوم بچہ علی رضا چانڈیو گر گیا

بچے علی رضا کو ورثاء نے بے ہوشی کی حالت میں نہر سے نکال کر فوری طور پر علاج کے لئے تحصیل ہسپتال میہڑ منتقل کیا ،جہاں پر ڈاکٹروں نے بچے علی رضا کے فوت ہونے کی تصدیق کےبعد بچے کی نعش کو ورثا کو حوالے کردیا گیا.

میہڑ،باغی ٹی وی (نامہ نگارمنظورعلی جوئیہ) تنیہ اور بروہی برادری میں فائرنگ کا تبادلہ، ایک شخص جاں بحق

میہڑ کےنواحی ساحلی علاقے مجھن میں زرعی زمین کے تنازعے پر تنیہ اور بروہی برادری کہ دو گروپ میں جھگڑا فائرنگ کا تبادلہ گولیاں لگنے سے 22سالہ نوجوان قدیر احمد جسکانی جاں بحق

علاقے میں فائرنگ کا سلسلہ جاری مزید جانی نقصان ہونے کا خدشہ ،علاقہ مکین سخت پریشانی کاشکار ہیں ،مقامی لوگوں نےایس ایس پی دادو سےنوٹس لینے کے اپیل کی ہے.

میہڑ،باغی ٹی وی (نامہ نگارمنظورعلی جوئیہ)گھرکی خراب بجلی ٹھیک کرتے ہوئےنوجوان کرنٹ لگنے سے جاں بحق

میہڑ کے نواحی گاؤں پٹیجی میں گھر کی بجلی ٹھیک کرنے کے دوران کرنٹ لگنے سے 24سالہ نوجوان ارشد سمیجو شدید زخمی ہوگیا ،زخمی نوجوان کو بے ہوشی کی حالت میں ورثاء نے تحصیل ہسپتال میہڑ منتقل کیا جہاں پر نوجوان ارشد سمیجو جاں بحق ہوگئے.

نوجوان کے جاں بحق ہونے کی ڈاکٹروں کی تصدیق بعد لاش ورثاء کی حوالے کی گئی ،لاش گھر پہنچتے ہی کہرام برپاہوگیا.

میہڑ،باغی ٹی وی (نامہ نگارمنظورعلی جوئیہ)مقدمہ درج نہ کرنے پر پولیس کیخلاف احتجاج،ٹائرجلاکرانڈس ہائی وے بلاک کردی گئی، مسافر سخت پریشان

کچھ روز قبل ڈھوٹ برادری کے دو گروپوں میں جھگڑا ہواتھا،اس جھگڑے میں نامزد ملزمان کے خلاف میہڑ پولیس کی جانب سے مقدمہ درج نہیں گیا،پولیس کی طرف مقدمہ درج نہ کرنے پر ڈھوٹ برادری کے مرد وخواتین سمیت انڈس ہائی وے اٹک پٹرول پمپ کے قریب ٹائر نظر آتش اور رکاوٹیں ڈال کر روڈ کو مکمل بلاک کردیا ہے

روڈ بند ہونے کے باعث لاڑکانہ سے کراچی آنے جانے والی ٹریفک معطل ہوگئی ہے مسافروں کو سخت گرمی میں باعث بے حد پریشانی کا سامناکرنا پڑا.

مظاہرین نے مطالبہ کیا ہے کہ جب تک ہمارےملزمان کے خلاف مقدمہ درج نہیں ہوگااس وقت تک انڈس ہائی وے پراحتجاج جاری رہے گا.

میہڑ،باغی ٹی وی (نامہ نگارمنظورعلی جوئیہ )پانی کے تنازع پر جھگڑے میں زخمی ہونیوالوں کا مقدمہ درج نہ کرنے پرپولیس کیخلاف احتجاج

تفصیل کے مطابق میہڑ میں چار روز قبل شہر کی گل محمد کالونی میں تنیہ برادری کہ دوگروپوں میں زرعی زمین کے پانی کے پرانے مسئلے پر جھگڑے میں زخمی ہونے والے افراد کا مقدمہ درج نہ ہونے اور پولیس کی زیادتیوں کہ خلاف تنیہ برادری کےافراد کا بھٹائی پریس کلب پہنچ کر معید تنیو،سرتاج تنیو ،ظہور تنیو ،ضامن تنیو ،نوید تنیو اور دیگر کی قیادت میں احتجاجی مظاہرہ کیا

میڈیاسے گفتگو کرتے ہوئے کہاکہ چار روز قبل ملزمان پولیس اہلکار عمران تنیو، پولیس اہلکار اعجاز تنیو،علی اکبر ،علی اصغر،مزمل، ارشاد تنیو اور دیگر ملزمان نے ہمارے سات افراد کو ڈنڈے اور کلہاڑیاں مار کرشدید زخمی کردیا تھاجبکہ پولیس ہمارے مخالفین سے بھاری رشوت لیکر الٹا ہمارے پانچ افراد کے خلاف مقدمہ درج کرکے زخمی دو افراد مرید اور وقار کو گرفتار کردلیا ہے اور ملاقات پر بھی پابندی لگادی ہے جسکی ہم سخت لفظوں میں مزمت کرتے ہیں

انہونں ے مزید کہاکہ ہم غریب اور عزت دار شریف شہری ہیں جبکہ ہمارے مخالفین بااثر افراد ہیں جنکو سیاسی افراد کی پشت پناہی حاصل ہے

متاثرین نے ڈی آئی جی حیدرآباد ،ایس ایس پی دادو اور دیگر اعلیٰ حکام سے مطالبہ کیا ہے کہ واقعے کا نوٹس لیکر ہمارے اوپر درج کئیے گئے جھوٹے مقدمے ختم کئے جائیں اور ہمارے مخالفین کیخلاف مقدمہ درج کرکے ملزمان کو گرفتار کیا جائے اور ہمیں تحفظ دلایاجائےدوسر ی صورت میں انصاف کےلئے عدالت کا دروازا کھٹکایا جائیگا.