دنیاپور (نمائندہ باغی ٹی وی) سپر ہائی وے پر تھانہ صادر کے قریب تیز رفتار ٹرالر کی موٹر سائیکل کو ٹکر ۔
تفصیلات کے مطابق حادثہ میں ایک نوجوان حسن جان بحق تین موٹرسائیکل سوار زخمی ہو گیا زخمیوں اور جان بحق نوجوان کا تعلق منڈی یزمان سے ہے ۔
حادثے کی اطلاع ملتے ہی ریسکیو ٹیم نے موقع پر پہنچ کر امداد کاروائی کی
زخمیوں کو بہاولپور ہسپتال منتقل کردیا گیا۔ حادثہ تیز رفتاری کے باعث پیش آیا ۔
لودھراں (نمائندہ باغی ٹی وی) ڈپٹی کمشنر راؤ امتیاز اور ایس پی انوسٹی گیشن سید محمد عباس کی ڈپٹی کمشنر آفس میں مشترکہ کھلی کچہری کا انعقاد
کھلی کچہری کا مقصد لوگوں کے مسائل سن کر ان کا فوری ازالہ کرنا ہے، سید محمد عباس
ایس پی انوسٹی گیشن سید محمد عباس اور ڈی سی راؤ امتیاز نے لوگوں کے مسائل سنے،درخواستیں متعلقہ افسران کو مارک کرکے ہدایت کی کہ مقررہ وقت کے اندر لوگوں کی دادرسی کو یقینی بنایا جائے.ترجمان پولیس
لودہراں (نمائندہ باغی ٹی وی) تھانہ سٹی لودھراں پولیس کو جالپور موڑ سے 5/6 سالہ بچی ملی جس کو فوراً حفاظتی تحویل میں لے لیا گیا. بچی نے اپنا نام ثانیہ بتایا. بچی کے والدین کے لئے فوری ٹیم تشکیل دی گئی اور سوشل میڈیا کا سہارا لیتے ہوئے بچی کے والدین کی تلاش شروع کر دی گئی اور پولیس کی محنت اور کوشش سے بچی کے والدین کی تلاش ایک گھنٹے میں کر لی گئی اور بچی کو والدین کے حوالے کر دیا گیا. والدین نے سٹی پولیس لودہراں کا بہت شکریہ ادا کیا اور لوگوں نے سٹی پولیس کو خراج تحسین پیش کیا.
دنیاپور (نمائندہ باغی ٹی وی) ملک بھر کے دیگر شہروں کی طرح دنیاپور میں بھی یوم جشن آزادی جوش و جذبہ کے ساتھ منایا گیا،میونسپل کمیٹی کے سبزہ زار میں صوبائی وزیر جیل خانہ جات چوہدری زوار حسین وڑائچ،اسسٹنٹ کمشنر سید وسیم حسن و دیگر نے پرچم کشائی کی ۔
اس موقع پر میونسپل کمیٹی کے سبزہ زار میں شجر کاری بھی کی گئی،صوبائی وزیر جیل خانہ جات چوہدری زوار حسین وڑائچ،اسسٹنٹ کمشنر سید وسیم حسن و دیگر نے پودے لگائے،میونسپل کمیٹی ہال میں جشن آزادی اور کشمیریوں سے اظہار یکجہتی کی تقریب کا انعقاد کیا گیا ۔
لودھراں (نمائندہ باغی ٹی وی) میں یوم آزادی 14 اگست یکجہتی کشمیر کے نام سے منایا گیا
تفصیلات کے مطابق یکجہتی کشمیر ریلی کے پروگرام میں چوہدری زوار حسین وڑائچ ڈی پی او لودھراں ملک ظفر جمیل ، ڈی سی او لودھراں راؤ امتیاز سمیت مختلف نیوز گروپس کے نمائندہ اور تاجر و وکلاء نے بڑی تعداد میں شرکت کی ریلی کی قیادت وزیر جیل خانہ جات چوہدری زوار حسین وڑائچ نے کی
لودھراں سبز و زار میں یکجہتی کشمیر کے حوالے سے باقاعدہ تقریب کیلئے پنڈال بنایا گیا تھا جس میں مختلف شعبہ ہائے جات اور دیگر عوامی نمائندوں نے یکجہتی کشمیر کے حوالے سے پیغام دیا اور یہ بات واضح کی ہم کشمیریوں کے ساتھ ہیں اور ان کی ہر طرح کی مدد و نصرت کریں گے
لودھراں (نمائندہ باغی ٹی وی) تھانہ قریشی والا کی حدود سوڈھل والی پل قاسم ہوٹل کے قریب نا معلوم شخص کی لاش برآمد-
تفصیلات کے مطابق مقامی لوگوں نے اچانک جب لاش دیکھی تو متعلقہ پولیس اسٹیشن اطلاع کی لاش کی شناخت ابھی نہیں ہوئی – پولیس تھانہ قریشی والا نے موقع پر پہنچ کر لاش تحویل میں لے لی-
لودھراں (نمائندہ باغی ٹی وی) ملک بھر کے دوسرے شہروں کی طرح ضلع لودھراں میں بھی نماز عیدالاضحیٰ مذہبی عقیدت و احترام اور جوش و جذبے کے ساتھ ادا کی گئی،عید کے اجتماعات میں ملک و قوم کی سلامتی اور کشمیریوں کی آزادی کے لئے خصوصی دعائیں مانگی گئیں
عید نماز کی ادائیگی کے بعد شہری ایک دوسرے کے گلے ملے اور عید کی مبارکبادیں دیں،نماز عید میں بچے،بڑے اور بوڑھوں نے جوش و جذبے کے ساتھ شرکت کی ڈسٹرکٹ پولیس آفیسر ملک جمیل ظفر کی ہدایت پر سیکیورٹی کے سخت ترین انتظامات کئے گئے
عیدالاضحیٰ کے تمام بڑے اجتماعات پر ریسکیو 1122 کے اہلکاروں نے ایمرجنسی ڈیوٹی کے فرائض سر انجام دئیے،ڈپٹی کمشنر راؤ امتیاز احمد کی ہدایت پر میونسپل کمیٹیوں کا عملہ قربانی کے جانوروں کی آلائشوں کو بر وقت ٹھکانے لگانے اور کوڑا کرکٹ اٹھانے میں مصروف رہے
لودھراں (نمائندہ باغی ٹی وی) ڈی پی او ملک جمیل ظفر نے عید الاضحٰی پر عید کی سیکورٹی ڈیوٹی کو چیک کیا
تفصیلات کے مطابق ڈی پی او ملک جمیل ظفر نے ہمراہ ڈی سی راؤ امتیاز جاوید اسلام شہید پولیس لائن میں نماز عید ادا کی بعداز نماز پولیس لائن میں ملازمین کے لئے بڑے کھانے کا انتظام کیا گیا تھا.
دنیاپور (نمائندہ باغی ٹی وی) کے نواحی علاقہ گورنمنٹ نان فارمل بیسک ایجوکیشن سکول چک نمبر 267 ڈبلیو بی میں جشن آزادی کے حوالے سے پروقار تقریب منعقد ہوئی،ننھے منے طلباء و طالبات نے جشن آزادی کی مناسبت سے ملی نغمے پیش کئے اور مختلف اقسام کے ٹیبلو بھی پیش کئے،طلباء و طالبات نے کشمیریوں سے اظہار یکجہتی کے لئے نعرے لگائے اور کشمیری بھائیوں پر ڈھائے جانے والے مظالم کی پرزور مذمت بھی کی-
لودھراں (نمائندہ باغی ٹی وی)سندھ ایکسپریس کا لودھراں میں سٹاپ مقرر -تفصیلات کے مطابق سٹاپ کی افتتاحی تقریب ایڈیشنل ڈپٹی کمشنر لودھراں ہدایت اللہ ، اسٹیشن ماسٹر انور رشید انجم ، چیف ایگزیکٹو روزنامہ لہر ساحل لودھراں ملک شفیق آرائیں ، مبشر لودھی، سید اظہر بخاری ، مختیار لنگاہ اور ملک سعید اور سول سوسائٹی کے نمائندوں ملکر افتتاح کیا – اعوم میں خوشی کی لہر دوڑ گئی –