Category: لودھراں

کہروڑپکا (نمائندہ باغی ٹی وی) تھانہ صدر کہروڑپکا پولیس کے ایس ایچ او محمد اسماعیل اور اسسٹنٹ سب انسپکٹر امجد حسنین نے مختلف کارروائیوں کے دوران 9 منشیات فروش کو گرفتار کر لیا ہے 2 منشیات فروش کو شراب کشید کرتے ہوئے ،5 منشیات فروش شراب فروخت کرتے ہوئے اور 2 منشیات فروش چرس فروخت کرتے ہوئے گرفتار کر لیا گیا ہے ملزمان کے قبضے سے 285 لیٹر دیسی شراب،2 چالو بھٹیاں اور ڈیڑھ کلوگرام سے زائد چرس برآمد ہوئی ہے گرفتار منشیات فروشوں کے خلاف الگ الگ مقدمات درج کر لیے گئے ہیں

لودھراں (نمائندہ باغی ٹی وی) الیکشن کمیشن آفس لودہراں میں منعقدہ ڈسٹرکٹ ووٹر ایجوکیشن کمیٹی کا اجلاس ہوا اس اجلاس میں میں ضلعی صدر پی ٹی آئی ڈاکٹر شیرمحمد اعوان، صدر مرکزی انجمن تاجران تاصم مسعود بٹ، ملک شہباز اعوان، عفت سومرو ایڈووکیٹ، سٹی صدر پیپلزپارٹی شیخ طاہرالدین ایڈووکیٹ، ڈسٹرکٹ الیکشن کمشنر ابرار احمد جتوئی ، ادریس جامی ، ایس پی او کے نمائندہ زوہیب، مرزا مختار،راو وسیم اور عرفان اعوان سمیت دیگر کئی ممبران نے شرکت کی

جلال پور پیروالا (نمائندہ باغی ٹی وی) دریا میں نہاتے ہوئے چار افراد دریا میں ڈوب گئے تھے جن کی اطلاع پر ریسکیو ٹیم نے موقع پر پہنچ کر امدادی کاروائی کی ریسکیو ٹیم کے تیراکوں نے 3 افراد کو دریا سے زندہ نکال لیا جبکہ ایک شخص کی موت واقع ہوئی ہے ریسکیو آپریشن مسلسل کئی گھنٹے تک جاری رہا زندہ بچ جانے والے افراد کو ریسکیو ٹیم نے ابتدائی طبی امداد فراہم کی جبکہ جاں بحق ہونے والے شخص کی نعش کو اس کے لواحقین کے حوالے کر دیا گیا ہے

لودھراں (نمائندہ باغی ٹی وی) پرانے بازار میں سٹی پولیس لودھراں نے افغانسان اور بنگلہ دیش میچ پر جواء کھیلنے والے جواریوں پر مخبری پر چھاپہ مارا اور موقع پر پانچ جواری گرفتار کو گرفتار کر لیا گیا ہے ان کے قبضے سے نقدی، لیپ ٹاپ، موبائل فونز برآمد کر لیے ہیں اس کے علاوہ ملزمان کے قبضے سے داؤ پر لگے 7090 روپے، 11 موبائل فونز برآمد ہوئے، تھانہ سٹی پولیس لودھراں نے ایف آئی آر درج کر لی ہے

لودھراں (نمائندہ باغی ٹی وی) گلی امیر والی سے گم ہونے والے دو بچوں کو 10 گھنٹوں میں ڈھونڈ نکالا 4 سالہ اسد اور 5 سالہ کرتاالعین دن 12 بجے گھر کے قریب سے لاپتہ ہوئے تھے بچوں کے والد اصغر نے سٹی پولیس کو گمشدگی کی اطلاع کی سٹی پولیس کے سپیشل سکواڈ نے بچوں کو دریائے ستلج کے پل پر پریشان حال پھرتے ڈھونڈ نکالا بچوں کو والدین کے حوالے کردیا گیا ہے

دنیاپور (نمائندہ باغی ٹی وی) میلسی روڈ اڈا پیر جیونڑے پر تیز رفتار کار درخت سے ٹکرا گئی جس کی ااطلاع ملتے ھی ریسکیو 1122 ٹیم بروقت موقع پر پہنچ گئی-کار سوار ایک شخص موقع پر جاں بحق جبکہ ایک شخص زخمی ہو گیا ریسکیو ٹیم نے زخمی شخص کو ابتدائی طبی امداد فراہم کرنے کے بعد ملک طیب اعوان تحصیل ہسپتال ہیڈکوارٹر دنیاپور شفٹ کر دیا

لودھراں (نمائندہ باغی ٹی وی) کی تحصیل کہروڑپکا کے نواحی علاقہ بیلہ واگھہ میں گھڑے کا پانی پینے سے 7 افراد کی حالت غیر ہو گئی،اطلاع پر ریسکیو 1122 ٹیم نے بروقت موقع پر پہنچ کر متاثرین کو ہسپتال منتقل کر دیا ہے،متاثرین میں ایک ہی گھر کی پانچ خواتین ایک مرد اور ایک بچہ شامل ہیں،ریسکیو ذرائع کے مطابق گھڑے کے پانی میں چھوٹے بچے نے سپرے ڈال دی تھی جسے پینے پر 7 افراد کی حالت غیر ہو گئی-

لودھراں (نمائندہ باغی ٹی وی) ملتان بائی پاس پر آئل ٹینکر الٹ گیا ٹینکر میں 48 ھزار لٹر پٹرول موجود ہے جس سے پٹرول لیکیج شروع ھوگئی اطلاع ملتے ھی ریسکیو 1122 کی ٹیم بروقت موقع پر پہنچ گئی۔ ضلعی انتظامیہ سمیت موٹروے پولیس بھی موقع پر پہنچ گئی۔ ریسکیو ٹیم نے ایریا کووارڈن آف کرکے ریسکیو آپریشن شروع کردیا۔ریسکیو ٹیم لیک شدہ پٹرول پر پانی اور فوم کی تہہ بنا رھی ھے تاکہ کسی بھی ممکنہ نقصان سے بچا جاسکے۔ آئل ٹینکر کراچی سے ملتان جارھا تھا۔ حادثہ ڈرائیور کو نیند آنے کے باعث پیش آیا۔

لودھراں (نمائندہ باغی ٹی وی) حکومت پنجاب کی جانب سے صوبائی بجٹ میں ضلع لودھراں کی ترقی کے لئے 44 منصوبوں کے لئے خطیر رقم مختص کردی گئی۔لودھراں کہروڑپکا دورویہ سڑک کی تعمیر کے لئے 3ارب روپے مختص کیے گئے ہیں.۔ لودھراں سے جلالپور روڈ کی تعمیر کے لئے 1592ملین روپے مختص کردیے گئے۔کہروڑپکا میں نئے سٹیڈیم کی تعمیر کے لئے 95ملین روپے، دنیاپور میں نئے سٹیڈیم کی تعمیر کے لئے 77ملین روپے، دنیا پور میں تحصیل سپورٹس کمپلیکس کی تعمیر کے لئے 60ملین روپے کی رقم مختص کی گئی ہے۔ پرانے ڈی ایچ کیو ہسپتال کی جگہ چلڈر ن اینڈ فیملی ہسپتال کی تعمیر کے لئے 72.25ملین روپے کی رقم مختص کی گئی ہے۔ دنیا پور میں ٹی ایچ کیو ہسپتال میں ڈائلسز یونٹ کے قیام کے لئے 30ملین روپے کی رقم مختص کی گئی ہے۔لودھراں میں شیلٹر ہوم کی بلڈنگ کی تعمیر کے لئے 38.33ملین روپے کی رقم مختص کی گئی ہے۔کہروڑپکا سے حاصل والا روڈ کی تعمیر و مرمت کے لئے 1592ملین روپے مختص کیے گئے ہیں۔کہروڑپکا میں اسسٹنٹ کمشنر کے آفس اور رہائش گاہ کی تعمیر کے لئے 15ملین روپے کی رقم مختص کی گئی ہے۔ڈسٹرکٹ پبلک پراسیکیوٹر کے آفس کی تعمیر کے لئے 15ملین روپے کی رقم مختص کی گئی ہے۔لودھراں میں ڈسٹرکٹ جیل کی تعمیر مکمل کرنے کے لئے 65.078ملین روپے کی رقم مختص کی گئی ہے۔ضلع لودھراں میں یونین کونسل لیول پر ویٹرنری سروس کی فراہمی کے لئے 300ملین روپے کی رقم مختص کی گئی ہے۔اس کے علاوہ لودھراں میں سٹیزن فیسیلیٹیشن اینڈ سروس سنٹرز اور ملٹی سکٹورل نیوٹریشن سنٹر ز کے قیام کے لئے بھی رقوم مختص کی گئی ہیں۔لودھرا ں سمیت ملتان،شجاع آباد،جلالپور پیروالا،خانیوال کے مختلف سکولوں میں نئے کمروں اور بلاکس کی تعمیر کے لئے بھی2383.99ملین روپے کی رقم مختص کی گئی ہے اس کے علاوہ گورنمنٹ ڈگری کالج فار وومن میں سہولیات کی فراہمی کے لئے 34.62ملین روپے کے فنڈز مختص کیے گئے ہیں۔ ضلع لودھراں میں واٹرسپلائی کے منصوبوں کے لئے 296.8ملین روپے کی رقم مختص کی گئی ہے۔لودھراں سمیت جنوبی پنجاب کے مختلف اضلاع میں رورل ہیلتھ سنٹرز میں انفراسٹکچر اور آلات کی فراہمی کے لئے 149.95ملین روپے کی رقم مختص کی گئی ہے۔لودھراں سمیت جنوبی پنجاب کے مختلف اضلاع میں شہری علاقوں میں مراکز صحت میں سہولیات کی فراہمی کے لئے 151.26ملین روپے کی رقم مختص کی گئی ہے۔گیلے وال میں ٹف ٹائل اور سیوریج کے لیے 62.17ملین روپے کی رقم مختص کی گئی ہے۔ضلع بھر میں مختلف سڑکوں کی تعمیرو مرمت کی تعمیر کے لئے 584ملین روپے کی رقم مختص کی گئی ہے۔

لودھراں (نمائندہ باغی ٹی وی) ڈاکٹر سید ماجد احمد ڈسٹرکٹ ایمرجنسی آفیسر ریسکیو1122 لودھراں نے19 جون 2019 کی کارکردگی بتاتے ھوئے کہا کہ ریسکیو 1122 لودھراں نے 60ایمرجنسی کال پر اوسط ایکشن ٹائم 6.9منٹ برقرار رکھتے ھوئے ریسپانس کیا اور مریضوں کو فرسٹ ایڈ دیکر ھسپتال منتقل کیا۔ان ایمرجنسیز میں 41 میڈیکل 11روڈ ٹریفک ایکسڈینٹ ،02 الیکٹرک شاک ،01 کرائم اور 05دیگر قسم کی ایمرجنسیاں تھیں۔
جبکہ ریسکیو 1122 لودھراں نے22مریضوں کو بہتر میڈیکل کی سہولیات کی غرض سے چھوٹے ھسپتالوں سے بڑےھسپتالوں میں پیشنٹ ٹرانسفر سروس کے ذریعے شفٹ کیا.۔