Category: لودھراں

لودھراں (نمائندہ باغی ٹی وی ) ارشد عرف اچھی پہلوان کے قاتلوں کو گرفتار کیا جائے

تفصیلات کے مطابق پہلوان ایسوسی ایشن کے ضلعی عہدیداران سمیت دیگر پہلوانوں نے پریس کلب لودھراں کے باہر احتجاج کیا ۔ احتجاج کرنے والوں نے پلے کارڈز اٹھا رکھے تھے جس پر مختلف نعرے درج تھے

پہلوانوں اور دیگر مظاہر ین نے مطالبہ کیا ہے کہ فوری طور پر مقتول اچھی پہلوان کیخلاف درج کیا گیا مقدمہ خارج کیا جائے اور اسکے بھائی کو رہا کیا جائے۔اگر انصاف نہ ملا تو ہم بھی احتجاج کا دائرہ کار وسیع کردیں گے۔ پہلوان ایسوسی ایشن کے عہدیداروں نے شرکاء سے خطاب بھی کیا

دنیاپور ( نمائندہ باغی ٹی وی ) میں ذخیرہ اندوزوں کے خلاف بڑے پیمانے پر کاروائی جاری ہے

تفصیلات کے مطابق اسپیشل برانچ ٹیم کی نشاندہی پر اسسٹنٹ کمشنر سید وسیم حسن نے اسپیشل پرائس کنٹرول مجسٹریٹ ڈاکٹر منصورالحق، اسپیشل برانچ ٹیم اور پولیس کی بھاری نفری کے ہمراہ ذخیرہ اندوزوں کے گوداموں پر چھاپے مارے، گوداموں سے ہزاروں من چینی برآمد ہوئی ہے اسسٹنٹ کمشنر نے ذخیرہ اندوزوں کو بھاری جرمانے کیے اور 7 گوداموں کو بھی سیل کر دیا ہے اسسٹنٹ کمشنر نے اس موقع پر کہا ہے وزیراعلی پنجاب کی ہدایت پر ذخیرہ اندوزی کے ذریعے مصنوعی مہنگائی کرنے والے مافیا کے خلاف کاروائی جاری رہے گی اسپیشل برانچ کی ٹیم ذخیرہ اندازوں کے گوداموں کو تلاش کر رہی ہیں

لودھراں (نمائندہ باغی ٹی وی) کے نواحی علاقے تھانہ قریشی والا کی حدود میں منشیات فروش کو ایس ایچ او کوثر شاہ نے کاروائی کرتے ہوئے گرفتار کر لیا ہے گرفتار ہونے والا شخص کافی عرصہ سے یہ مکروہ دھندہ کر رہا تھا گزشتہ روز کامیاب مخبری پر مقامی تھانہ قریشی والا کے ایس ایچ او نے چھاپہ مار کر منشیات فروش کو موقع پر گرفتار کر لیا جس کے قبضے سے ایک کلو گرام سے زائد چرس برآمد کر کے پرچہ درج کر لیا گیا ہے

کہروڑپکا ( نمائندہ باغی ٹی وی ) کے نواحی علاقے نوری لعل دربار کے قریب صبح 6 بجے کے قریب بزرگ خاتون ٹرین کے نیچے آ کر کچلی گئی اور موقع پر ہی جاں بحق ہو گئی تھانہ سٹی کہروڑپکا نے موقع پر پہنچ کر تحقیقات شروع کر دی ہیں ابھی تک خاتون کا پتہ نہیں چل سکا کہ وہ کون تھی پولیس نے ورثاء کی تلاش شروع کر دی ہے مقامی لوگوں کے مطابق انہوں نے مردہ حالت میں ہی خاتون کو دیکھا اور پولیس کو اطلاع کر دی تاہم خاتون کا چہرہ محفوظ رہا جس سے شناخت میں مدد مل سکتی ہے

لودھراں (نمائندہ باغی ٹی وی) ریسکیو 1122 لودھراں اور شاھدہ اسلام میڈیکل اینڈ ڈینٹل کالج کے مابین مفاہمت کی یادداشت پر دستخط

تفصیلات کے مطابق ڈاکٹر سید ماجد احمد ڈسٹرکٹ ایمرجنسی آفیسر ریسکیو 1122 اور ڈاکٹر محمد خالد مجید میڈیکل سپرنٹینڈنٹ شاھدہ اسلام میڈیکل اینڈ ڈینٹل کالج کی باہمی دلچسپی سے ریسکیو 1122 اور شاھدہ اسلام میڈیکل ڈینٹل کالج کے مابین مفاہمت کی یادداشت پر دستخط کیے گئے جس کے تحت دو سال تک ریسکیو 1122 شاھدہ اسلام میڈیکل اینڈ ڈینٹل کالج میں مختلف ٹریننگز کا انعقاد کروائے گا جبکہ شاھدہ اسلام میڈیکل اینڈ ڈینٹل کالج کی طرف سے ریسکیو اھلکاروں اور انکی فیملی کو فری لیبارٹری ٹیسٹ اورفری میڈیکل ٹریٹمنٹ دی جائگی۔تقریب کا انعقاد ریسکیو 1122 اسٹیشن لودھراں میں کیا گیا جس میں ڈاکٹر سید ماجد احمد ڈسٹرکٹ ایمرجنسی آفیسر، ڈاکٹر محمد خالد مجید میڈیکل سپرنٹینڈنٹ شاھدہ اسلام میڈیکل اینڈ ڈینٹل کالج،محمد عامر رشید ریسکیو اینڈ سیفٹی آفیسر، محمد شکیل ایڈمن آفیسر شاھدہ اسلام میڈیکل اینڈ ڈینٹل کالج اور صفدر ملک ڈسپیچ اینڈ مانیٹرنگ کوآرڈینیٹر ریسکیو 1122 موجود تھے۔

لودھراں (نمائندہ باغی ٹی وی) میں تھانہ سٹی لودھراں کی حدود میں منشیات فروش دھڑلے سے چرس کی فروخت کر رہے تھے جس کی مخبری پر لودھراں تھانہ سٹی پولیس کے ایس ایچ او غلام صابر قریشی نے دو مختلف جگہوں پر چھاپہ مار کر 2 منشیات فروشوں کو چرس فروخت کرتے ہوئے موقع پر گرفتار کر لیا ملزمان کے قبضہ سے اڑھائی کلو گرام سے زائد چرس برآمد ہوئی ہے جس کی ایف آئی آر پولیس کی مدعیت میں علیحدہ علیحدہ درج کر لی گئی ہے جبکہ برآمد ہونے والی چرس کے نمونے تصدیق کے لئے لیبارٹری روانہ کر دیئے گئے ہیں

لودھراں (نمائندہ باغی ٹی وی) شہر میں بچوں کے لئے صرف ایک اکلوتا پارک ہے جو انتظامیہ کی غفلت و لاپرواہی سے ویران ہوتا جا رہا ہے چلڈرن پارک میں درجنوں کی تعداد میں آوارہ کتوں کا ٹھکانہ ہے جو آنے والوں کے لئے بڑی رکاوٹ بن چکے ہیں کتوں کے خوف اور ڈر کی وجہ سے اکثر فیملیز نے پارک میں آنا ہی بند کر دیا ہے عرصہ دراز سے یہی صورتحال چل رہی ہے انتظامیہ نے آگاہ کرنے کے باوجود اس صورتحال پر کوئی کاروائی نہیں کی اگر یہی صورتحال رہی تو پارک مزید کچھ عرصے تک برائے نام رہ جائے گا

دنیاپور (نمائندہ باغی ٹی وی) کے نواحی علاقے چھتہ پہوڑ میں گذشتہ رات لڑکے اور لڑکی کا غیرت کے نام پر قتل

تفصیلات کے مطابق دنیاپور کے نواحی علاقے چھتہ پہوڑ میں 23 سالہ نوجوان لڑکا محمد شہباز اپنی 20 سالہ کزن پروین سے پسند کی شادی کرنا چاہتا ہے دونوں چچازاد کزن تھے اور ایک دوسرے کو پسند کرتے تھے شہباز نے کئی مرتبہ پروین کے گھر والوں سے رشتہ بھی مانگا مگر انہوں نے انکار کر دیا پروین کے بھائی اس بات پر سخت ناراض تھے اور ان کے تعلقات پر سخت پہرہ دے رہے تھے گزشتہ رات جب شہباز ملنے کی غرض سے پروین کے گھر آیا تو پہلے سے تیار پروین کے بھائی اور اس کے ساتھیوں نے سوٹوں کے شدید وار کر کے شہباز کو جان سے مار دیا پھر دوسری طرف پروین کو بھی سوٹوں کے سر پر وار کر کے خون میں نہلا دیا اس طرح شہباز اور پروین موقع پر فوت ہو گئے جن کی لاشیں پوسٹ مارٹم کے لئے 231 ڈبلیو بی کے ہسپتال منتقل کر دی گئی پولیس نے موقع پر پہنچ کر اپنی کاروائی کی آخری اطلاعات کے مطابق پروین کے بھائی کو تھانہ صدر دنیاپور نے گرفتار کر لیا ہے

لودھراں (نمائندہ باغی ٹی وی) ڈپٹی کمشنر آفس لودھراں میں بجلی چوری کے انسداد کی ضلعی کمیٹی کا اجلاس منعقد ہوا،ڈپٹی کمشنر لودھراں راؤ امتیاز احمد نے اجلاس کی صدارت کی،اجلاس میں ایس سی میپکو بہاول پور سید جواد منصور احمد، ایکسئین کہروڑپکا عبدالرؤف ، ڈی ایس پی سرکل صدر لودھراں ہمایوں افتخار و دیگر افسران بھی موجود تھے،ڈپٹی کمشنر راؤ امتیاز احمد نے افسران کو ہدایت کرتے ہوئے کہا کہ بجلی چوروں کا مسلسل تعاقب کیا جائے تا کہ بجلی چوری کا حقیقی طور پر خاتمہ ہو سکے،میپکو عملہ کسی کے رعب میں نہ آئے اور بڑے بجلی چوروں سے آہنی ہاتھوں سے نمٹا جائے،ہر بجلی چور کے کیس کی ملی جذبہ سے پیروی بھی کی جائے تا کہ بجلی چور سزا سے نہ بچ سکیں،ایس سی میپکو سید جواد منصور احمد نے بریفنگ دیتے ہوئے کہا کہ ضلع بھر میں بجلی چوری کی روک تھام کے لئے رات کو خفیہ گشت جاری ہے اور بجلی چوروں کے خلاف بلا امتیاز مقدمات بھی درج کرائے جا رہے ہیں۔