لودھراں (نمائندہ باغی ٹی وی) کے نواحی علاقے پل بازاری میں نوجوان نور محمد روڈ ایکسڈینٹ میں فوت ہو گیا
تفصیلات کے مطابق پل بازاری کا قریبی رہائشی نوجوان نور محمد موٹر سائیکل پر کہیں جا رہا تھا کہ اچانک تیز رفتار ٹرک کے نیچے آ گیا اور موقع پر ہی جاں بحق ہو گیا اطلاع پر ریسکیو 1122 کی امدادی ٹیم موقع پر پہنچ گئی اور نوجوان کی نعش کو پوسٹ مارٹم کے لئے ملک طیب اعوان تحصیل ہسپتال ہیڈکوارٹر دنیاپور منتقل کر دیا
دنیاپور (نمائندہ باغی ٹی وی) کے علاقے میں گزشتہ روز کچھ صحافیوں نے لاغر اور بیمار جانور جو گوشت کے لئے ملتان سپلائی کیے جاتے تھے ان کی ویڈیو اور فوٹیج بنا کر جاری کردی ہے
تفصیلات کے مطابق رات کے وقت دنیاپور سے قصائیوں کا ایک گروپ بیمار اور لاغر و کمزور جانور گوشت کے لئے ملتان سپلائی کرتا ہے رات کے وقت ہی جانور ملتان سپلائی کر دیئے جاتے ہیں یہاں پر ان کا گوشت کر کے لوگوں کو بیچا جاتا ہے کافی عرصے سے یہ کام تیزی کے ساتھ جاری ہے مگر اس مافیا پر ادارے ابھی تک ہاتھ نہیں ڈال سکے
لودھراں (نمائندہ باغی ٹی وی) کہروڑپکا میں میلسی چوک کے قریب شہ زور ڈالہ ڈرائیور کو اونگھ آنے کی وجہ سے روڑ سے نیچے اتر کر درختوں کے ساتھ بری طرح جا ٹکرایا جس وجہ سے ڈرائیور موقع پر ہی جاں بحق ہو گیا ریسکیو 1122 کی امدادی ٹیم نے موقع پر پہنچ کر نعش کو اٹھا کر ورثاء کے حوالے کر دیا
لودھراں (نمائندہ باغی ٹی وی) کے نواحی علاقے نئی والا خانیوال روڈ لودھراں کے قریب گھر کی دیوار گھر گئی اور ایک مکان کا سارا ملبہ سوئے ہوئے چھوٹے بچوں پر گر گیا واقعہ کی اطلاع پر ریسکیو 1122 کی ٹیم نے پہنچ کر فوری طور پر امدادی کاروائی کر کے مکان کا ملبہ اٹھا کر بچوں کو نیچے سے نکالا تاہم اس دوران ایک چھوٹا بچہ جاں بحق ہو گیا اور دو چھوٹی بچیاں زخمی ہوئی ان کو فوری طور پر ڈسٹرکٹ ہسپتال ہیڈکوارٹر لودھراں میں منتقل کر دیا گیا
لودھراں ( نمائندہ باغی ٹی وی) دنیاپور کے نواحی علاقے پل سرلہ کے قریب ڈکیتوں نے موٹر سائیکل چھین لی
تفصیلات کے مطابق دنیاپور کے نواحی علاقے پل سرلہ کے قریب نوید احمد نامی شخص اپنی موٹر سائیکل پر محو سفر تھا کہ راستے میں ناکہ لگائے کھڑے مسلح ڈاکوؤں نے اسلحہ کے زور پر موٹر سائیکل نمبری ملتان 4650 ، موبائل فون اور دیگر سامان و کاغذات چھین کر فرار ہو گئے
لودھراں (نمائندہ باغی ٹی وی) دنیاپور کے علاقے ہیڈکریاں والا میں مقامی بچہ کی لاش ملی ہے
تفصیلات کے مطابق مقامی لوگوں نے نہر میں نعش دیکھی تو ریسکیو اور پولیس کو اطلاع دی ریسکیو 1122 کی ٹیم نے موقع پر پہنچ کر بچہ کی نعش نہر سے نکال لی بچہ مرگی کا مریض تھا اور نہر کے کنارے اچانک مرگی کا دورہ پڑنے سے نہر میں ڈوب کر جاں بحق ہو گیا
لودھراں (نمائندہ باغی ٹی وی) کی ٹیلر ماسٹر مارکیٹ میں لڑائی درزی زخمی ہو گیا
تفصیلات کے مطابق گزشتہ روز تین عورتیں اپنے کپڑوں کی وصولی کے لئے درزی کے پاس آئیں درزی حیلے بہانے کر کے مسلسل ان عورتوں کے چکر لگوا رہا تھا گزشتہ روز بھی درزی نے دو دن کے بعد آنے کا کہا مگر اس دفعہ عورتوں نے درزی کو آڑے ہاتھوں لیا پوری مارکیٹ اس درزی کی چھترول ہوتی دیکھتے رہی دکان پر عورتوں کے ہاتھ جو کچھ بھی لگا وہ درزی کو مارتی رہیں درزی کو شدید زخم آئے جس کو فوری طور پر ڈسٹرکٹ ہسپتال ہیڈکوارٹر لودھراں میں منتقل کر دیا گیا
لودھراں (نمائندہ باغی ٹی وی) میں آج ٹرک حادثے میں ڈرائیور زخمی ہو گیا تھا جس ہر ریسکیو 1122 نے آ کر امدادی کاروائی کی
تفصیلات کے مطابق آج صبح سپر چوک لاتسکا ہوٹل لودھراں کے قریب ہونے والے حادثے والے ٹرک میں سرچ کے دوران ڈرائیور کیبن سے ملنے والے 2 لاکھ 10 ھزار 8 سو 50 روپے ڈرائیور سے تصدیق کے بعد ریسکیو نے بطور امانت رکھ لئے جو کہ زخمی ڈرائیور کے ہسپتال سے فارغ ھونے کے بعد اسکے حوالے کر د یئے گئے ہیں
میلسی (نمائندہ باغی ٹی وی) کے نواحی علاقے میں کمسن بچہ ٹرالی کے نیچے آ کر جان کی بازی ہار گیا
تفصیلات کے مطابق میلسی کے نواحی گاؤں میں شبیر نامی کسان کا بھانجا اس کے گھر آیا ہوا تھا ٹریکٹر ٹرالی کے نیچے بیٹھا کھیل رہا تھا شبیر نے جب گھر سے نکالنے کے لئے ٹریکٹر چلایا تو بچہ ٹرالی کے ٹائر کے نیچے آ کر کچلا گیا اور موقع پر ہی لقمہ اجل بن گیا
دنیاپور نمائندہ باغی ٹی وی) کے نواحی چک نمبر 343 ڈبلیو بی میں گیارہ کے وی تار ٹوٹ کر گر گئی،کرنٹ لگنے سے دس سالہ احمد 5 بہنوں کا اکلوتا بھائی شدید زخمی ہو گیا ہے جس کو فوری طور پر ملک طیب اعوان تحصیل ہسپتال ہیڈکوارٹر دنیاپور میں منتقل کیا گیا ہے اہل گاؤں نے شدید احتجاج کیا مظاہرہ کرتے ہوئے موقف پیش کیا ہے کہ کئی مرتبہ میپکو حکام کو ان تاروں کے متعلق آگاہ کیا گیا مگر اس پر کبھی بھی عملدرآمد نہیں ہو سکا مزید یاد رہے کہ کچھ دن پہلے لودھراں ہی کے علاقے حاصل والا میں اس طرح کا واقعہ رونما ہوا تھا جس کی وجہ سے 4 افراد لقمہ اجل بن گئے تھے