لودھراں (نمائندہ باغی ٹی وی) میں ویجی لینس اجلاس منعقد کیا گیا
تفصیلات کے مطابق ایڈیشنل ڈپٹی کمشنر ریونیو میڈم حمیرا ارشاد نے ڈسٹرکٹ ویجی لینس کمیٹی کے اجلاس کی صدارت کی ڈی او لیبر ، ڈی او سوشل ویلفئیر سلیم شاہ ، ایس ایچ او صدر راو حامد ، این جی اوز کے نمائندہ عرفان اعوان ، ڈپٹی ڈائریکٹر انفارمیشن رحیم طلب ، صدر بھٹہ جات یونین حاجی اللہ ڈتہ ودیگر نے شرکت کی
لودھراں نمائندہ باغی ٹی وی) شہر میں ملتان روڈ پر قرآن محل کے زیراہتمام دیوار مہربانی بنائی گئی ہے جس پر شہری دوسروں کی مدد کیلئے ضروریات زندگی کی اشیاء رکھ سکتے ہیں جبکہ حقدار لوگ وہاں سے ضروریات زندگی کی اشیاء اٹھا سکتے ہیں شہریوں نے بڑی تعداد میں کپڑے جوتی وغیرہ رکھے ہوئے ہیں جس سے مستحق افراد مستفید ہو رہے ہیں
لودھراں (نمائندہ باغی ٹی وی) کے نواحی علاقے قریشی والا میں والد کی بے عزتی کا بدلہ لینے کے لئے بہنوئی نے اپنے بھائی کے ہمراہ فائرنگ کر کے برادر نسبتی کو قتل کر دیا،تھانہ قریشی والا پولیس نے مقدمہ درج کر کے ایک ملزم کو گرفتار کر لیا ہے اور دوسرے ملزم کی گرفتاری کے لئے چھاپے مارے جا رہے ہیں
لودھراں (نمائندہ باغی ٹی وی) کام کے دوران ایک شخص 70 فٹ گہرےکنویں میں گر گیا
تفصیلات کے مطابق لودھراں شجاع آباد روڈ سمرا مائنر کے قریب ایک شخص کام کرتے ھوئے 70 فٹ گہرے کنویں میں گر گیا اطلاع ملتے ھی ریسکیو 1122 کی ٹیم موقع پر پہنچ گئی ریسکیو ٹیم نے دو گھنٹے کے طویل ریسکیوآپریشن کے بعد متاثرہ شخص کو ذندہ باہر نکال لیا 30 سالہ رمضان کام کرنے کے دوران اچانک کنویں میں گرگیا متاثرہ نوجوان کو ھیڈ انجری ھوئی جبکہ بائیں کندھے کا جوڑ بھی متاثر ھوا ھے ریسکیو ٹیم نے متاثرہ شخص کو ابتدائی طبی امداد فراہم کرنے کے بعد ڈسٹرکٹ ھیڈ کوارٹر ہسپتال لودھراں شفٹ کر دیا۔
لودھراں (نمائندہ باغی ٹی وی) ذخیرہ اندوزی کے خلاف کریک ڈاؤن سے بڑے بڑے انکشافات اور حقائق سامنے آ رہے ہیں
تفصیلات کے مطابق دو روز قبل لودھراں میں عقب ڈی سی آفس گودام پر سپیشل برانچ کی نشاندہی پر اسسٹنٹ کمشنر لودھراں نے چھاپہ مارا ۔ اس دوران گودام میں موجود ذخیرہ کی گئیں ہزاروں چینی کی بوریاں برآمد کرلی گئیں ہیں
ذخیرہ اندوز عمیرانور کو موقع پر گرفتار کر لیا گیا ہزاروں کی تعداد میں چینی کی بوریاں ہیں گنتی کی جاری ہے اس کا یہ ایک بڑا گودام تھا مزید بھی بہت کچھ سامنے آنے کے امکان ہیں
لودھراں (نمائندہ باغی ٹی وی) دنیاپور میں رمضان بازار کے سامنے دو موٹرسائیکل آپس میں بری طرح ٹکرا گئے جس کی وجہ سے موٹر سائیکلوں پر سوار تین افراد کو گہری چوٹیں آئی ہیں ریسکیو سنٹر دنیاپور کی ریسکیو 1122 کی امدادی ٹیم موقع پر پہنچ گئی اور زخمیوں کو فوری طور پر دنیاپور تحصیل ہیڈکوارٹر ہسپتال میں منتقل کر دیا گیا ہے
لودھراں (نمائندہ باغی ٹی وی) سے ایم این اے ، حلقہ این اے 161 میاں محمد شفیق آرائیں مشیر برائے مواصلات نے جہانگیر خان ترین کے ہمراہ لالہ موسی میں پیپلز پارٹی رہنما قمر زمان کائرہ سے ان کی رہائش گاہ پر ان کے جواں سالہ نوجوان بیٹے اسامہ قمر کی وفات پر اظہار تعزیت کیا
لودھراں (نمائندہ باغی ٹی وی) میں ممکنہ سیلاب سے حفاظتی اقدامات کی موک ایکسر سائز کا اہتمام ریسکیو 1122 لودھراں نے منعقد کیا جس میں لودھراں کے ڈی سی او راؤ امتیاز ، ڈی او ایمرجنسی ڈاکٹر ماجد ریسکیو 1122 ، اے ڈی سی آر حمیرا ارشاد نے شرکت کی
ریسکیو 1122 کی چاق و چوبند ٹیم نے عملی طور پر ایکسر سائز کا مظاہرہ کیا ۔ تقریب میں سیلاب کی صورتحال کے دوران استعمال ہونے والے ساز و سامان کے بارے تفصیلات کے ساتھ آگاہ کیا گیا
دنیاپور (نمائندہ باغی ٹی وی) میں آج مختلف جگہوں پر ڈی سی او لودھراں کی ہدایت پر سول ڈیفینس کی ٹیم نے مختلف آئل اور گیس کی ایجنسیوں پر چھاپے مار کر ان کو سیل کر دیا ہے دانش علی ولد محمد اجمل گجر 6 چک غیر قانونی طور پر فلنگ کر رہا تھا اس کو موقع پر گرفتار کر کے زیر دفعہ 26/44 مقدمہ درج کر لیا گیا ہے انچارج ٹیم سول ڈیفینس نے بتایا کہ کسی بھی صورت انسانی جانوں کو جس چیز سے خطرہ ہے اس پر ہرگز سمجھوتہ اور رعایت نہیں کی جائے گی غیر قانونی آئل و گیس ایجنسیوں کے خلاف کریک ڈاؤن جاری رہے گا
دنیاپور (نمائندہ باغی ٹی وی) میں آج علی الصبح اسسٹنٹ کمشنر دنیاپور وسیم حسن شاہ نے سبزی منڈی کا دورہ کیا وہاں پر سبزیوں اور فروٹ کے حوالے سے قیمتوں اور صفائی ستھرائی وغیرہ کے انتظامات کا جائزہ لیا صدر انجمن آڑھتیان راؤ سعید احمد بھی موقع پر موجود تھے انہوں نے سبزی منڈی کی موجودہ صورتحال پر اسسٹنٹ کمشنر کو آگاہ کیا اور ضروری اقدامات کی طرف توجہ دلائی اسسٹنٹ کمشنر وسیم شاہ نے اس بات کی یقین دہانی کروائی کہ بہت جلد سبزی منڈیوں کو اپ گریڈ کیا جائے گا