Category: ملتان

شجاع آباد,(نمائندہ باغی ٹی وی )
زمیندار کے وحشی درندے بیٹے کی 10 سالہ بچے کے ساتھ بدفعلی مقدمہ درج کرانے پر زمیندار کے ساتھیوں کابچے کے گھر پر دھاوا پولیس ملزمان گرفتارنہیں کررہی انصاف نہ ملا تو آرپی او آفس کے سامنے خودکشی کرلوں گا متاثرہ بچے کے والد کا اہل علاقہ کے ہمراہ احتجاج
تفصیلات کے مطابق
موضع گردیز پور کے رہائشی محمدیوسف کا10سالہ بیٹا محمدعمیر گلی میں کھیل رہاتھا کہ زمیندار کے جوانی کے نشے میں مست درندہ صفت بیٹے کیف نے دس سالہ بچے کو چیز دہانے کے بہانے ویرانے میں لے گیا اور اس کی ساتھ بدفعلی کرڈالی بچے کے شور پر اہل علاقہ جمع ہوئے تو ملزم کیف دھمکیاں دیتا ہوا فرار ہوگیا متاثرہ بچے کے والد محمدیوسف نے تھانے میں ملزم کیف کے خلاف بدفعلی کامقدمہ درج کرایا تو زمیندار کے ساتھی رانا شوکت حیات, شوکت حسین, رانا صاحب یار, لیاقت حسین, رانا صفدر حسین, رانا عاشق حسین سمیت 15سے 20 افراد نے محمدیوسف کے گھر پر دھاوا بول دیا اور دھمکیاں دی کہ اگر مقدمہ وا پس نہ لیا تو ہم تمہیں مار دیں گے متاثرہ بچے کے والد محمدیوسف نے اہل علاقہ کے ہمراہ احتجاج کرتے ہوئے کہاکہ پولیس ملزم کو گرفتار نہیں کررہی اور ملزم کے رشتہ دار ہمیں مسلسل جان سے مارنے کی دھکمیاں دے رہے ہیں ہمارا گھر سے نکلنا بھی محال ہوگیا ملزم گرفتارنہ ہوا تو میں آرپی او آفس ملتان کے سامنے خودکشی کرلوں گا انہوں نے اعلیٰ احکام سے بھی فوری نوٹس لینے کامطالبہ کیاہے

شجاع آباد(نمائندہ باغی ٹی وی )
پنجاب ہائی وے پٹرولنگ پولیس ملتان ریجن ۔
پنجاب ہائی وے پولیس اور ایمرجنسی سروس1122 کاٹریفک حادثات کے پیش نظرمشترکہ طور پرطبی امداد کے سلسلے میں آگاہی سیمینار کا انعقاد ۔
تفصیلات کے مطابق
ایس پی ہما نصیب پنجاب ہائی وے پیٹرول ملتان ریجن کی ہدایت اور زیر نگرانی موبائل ایجوکیشن یونٹ انچارج اسسٹنٹ سب انسپکٹر جاوید اقبال نے ایمرجنسی سروس کے اسٹاف سے خطاب کرتے ہوئے بتلایا ۔شاہراوں پر سفرکو محفوظ بنانے کے لیے پٹرولنگ پولیس نے حادثات کی روک تھام کے لیےٹریفک قوانین پر عمل درآمد کو یقینی بنایا ہوا ہے ۔مذید ایمرجنسی سروس 1122 کے سینئر ڈاکٹر محمدعثمان نے بتلایاپاکستان میں ہر سال ہزاروں افراد ٹریفک حادثات میں لقمہ اجل بن جاتے ہیں ان حادثات کی وجوہات میں 92 فیصد انسانی غلطی ہوتی ہے جبکہ باقی آٹھ فیصد میں ہماری گاڑی کی خرابی ،موسم کی خرابی اورروڈ اسٹرکچر کی خرابی شامل ہوتی ہے۔پٹرولنگ پولیس کے قیام کے بعد سے روڈ پر حادثات کی صورت میں بروقت طبی امداد کی وجہ سے قیمتی جانوں کا ضیاں ہونے میں کمی آئی ہے اس ضمن میں سب سے بڑی ذمہ داری ہرفرد پر عائد ہوتی ہے کہ وہ ٹریفک قوانین اور روڈ سیفٹی اصولوں پرعمل یقینی طور پرکریں اور ایک باشعور شہری ہونے کا ثبوت دیں ۔ہر شہری حادثات کی صورت میں ہیلپ لائن 1124 اور ہیلپ لائن 1122 سے بروقت مدد لیں اور دوسروں کی مدد کرنے میں اہم کردار ادا کریں تاکہ بروقت طبی امداد ملنے سے قیمتی جانوں کا ضیاع کم سے کم ہو سکے ۔

پریس ریلیز
شجاع آباد (نمائندہ باغی ٹی وی )جے یو پی آج 14 فروری یوم حیاء کے طور پر مناۓ گی غیر شرعی تہوار پر پابندی عائد کی جاۓ تحفظ ختم نبوت ص کے لئے ہر میدان میں امام نورانی کے کارکن کھڑے ہونگے اور منکرین ختم نبوت ص کے سامنے سیسہ پلائی دیوار ثابت ہونگے جمعیت علماء پاکستان کے مرکزی رہنما مولانا حاجی عاشق علی خان قادری. ضلعی سیئنر نائب صدر علامہ عرفان قادری. عبدالوھاب قادری. حافظ شیراز حیدری. حبیب الرحمان مہروی نے اپنے مشترکہ بیان میں کہا پوری قوم آج 14 فروری کو یوم حیاء کے طور پر مناۓ یہ ملک سیدہ خاتون جنت بی بی فاطمہ الزھرہ رضہ کی حیاء کا پیکر ملک ہے یہاں پر ویلنٹائن ڈے جیسے بہودہ تہواروں کی کوئی گنجائش نہیں حکومت اس غیر شرعی تہوار پر پابندی عائد کرے اور آج کے دن کو یوم حیاء کے طور پر منانے کا سرکاری سطع پر اعلان کرے جمعیت علماء پاکستان آج کے دن کو یوم حیاء اور دعا کے طور پر مناۓ گی عاشق علی قادری نے مزید کہا جے یو پی نظام مصطفئ صلی اللہ علیہ وسلم کے نفاظ کے لئے جدو جہد کرنے والی ملک کی سب سے پہلی اور ملک گیر جماعت ہے تحفظ ناموس رسالت ص کے لئے ہم کسی قسم کی قربانی دینے سے دریخ نہیں کرے گے فرانسی گستاخی پر ہمارے دل آج بھی رنجیدہ ہیں حکومت فرانسی گستاخی پر سرکاری سطع پر دنیا بھر میں سخت ترین احتجاج کرے اور فرانس سے تعلقات کو فوری طور پر ختم کرنے کا اعلان کرے فرانسی سفیر کی بے دخلی ہر مسلمان کا ایمانی مطالبہ ہے جس کی ہم ہمیشہ حمایت جاری رکھے گے

کھوکھراں( نمائندہ باغی ٹی وی ) پرانا شجاع آباد ایکسپریس روڈ پر ہائی ایس اور ٹرک کے ساتھ تصادم
تفصیلات کے مطابق ملتان سے شجاع آباد جاتے ہوۓ پل بلیل کے ساتھ نشتر 2 کے سامنے ہائی ایس ٹرک سے ٹکرا گئی جس کے نتیجے میں تقریباً 5افراد زخمی ہوگئے یہ واقع تیز رفتاری اور ڈرائیور کو نیند آنے کی وجہ سے ہوا 1122شجاع آباد نے زخمیوں کو ٹی ایچ کیو شجاع میں شفٹ کر دیا ہے چوکی بلیل اور پٹرولنگ پولیس سکندرا آباد نے موقع پر پہنچ کر ٹریفک کی روانی کو بحال کیا

بستی ملوک(نمائندہ باغی ٹی وی )پریس کلب سال 2021انتخابات چوہدری وحید اخترصدر,ملک انصر عباس جنرل سیکرٹری منتخب۔بستی ملوک پریس کلب کے انتخابات سال 2021 کےلئے الیکشن کمیشن کے فرائض سینئر صحافی ضلع لودھراں چوہدری عرفان فرحت نے سر انجام دئیے جبکہ ان کے ہمراہ معاونت کےلئے بانی فورٹ پبلک سکول بستی ملوک چوہدری عبدالحفیظ,پرنسپل مجاہد ماڈل سکول بستی ملوک راؤ توفیق,مرکزی صدر انجمن تاجران بستی ملک راؤ مقیم انجم,سر پرست اعلی انجمن تاجران مہر نواز,صدر ایل پی جی گیس ایسوسی ایشن رانا ہارون,سیاسی,سماجی و کاروباری شخصیت چوہدری مختیار احمد, میاں قاسم آرائیں اور اخبار فروش یونین کے صدر عبدالحق بھی موجود تھے ووٹنگ دن 1بجے سے دن 3بجے تک جاری رہی گںتی کے بعد کامیاب امیدواران کا اعلان کیا گیا کل ووٹ 12 میں سے صدارت کے امید وار چوہدری اشفاق احمد نے 5جبکہ مد مقابل چوہدری وحید اختر نے 7ووٹ حاصل کئے اورصدر پریس کلب بستی ملوک سال 2021منتخب ہوئے اسی طرح نائب صدر کے امید وار طیب فاروق جٹ نے 4ووٹ جبکہ ثاقب ممتاز ملک نے 8ووٹ حاصل کرتے ہوئے کامیابی حاصل کی جوائنٹ سیکرٹری کےلئے چوہدری شوکت نے 5جبکہ رانا ارشد جعفر 7ووٹ لے کر کامیاب ہوئے اور دیگر امیداور جن میں جنرل سیکرٹری ملک انصر عباس,سینئر نائب صدر ملک عبدالرشید,فنانس سیکرٹری چوہدری افتخار احمد,نفارمیشن سیکرٹری رانا تصور علی بلا مقابلہ منتخب ہوئے۔تھانہ بستی ملوک کی طرف سے انتخابات کے دوران سیکورٹی کے بہترین انتظامات کئے گئے تھے جیسے ہی نتائج کا اعلان ہوا کامیاب امیدواران کا اعلان ہوا ممبران پریس کلب کی طرف سے ڈھول کی تھاپ پر بھنگڑا ڈالا نومنتخب عہدیداران کو پریس کلب سے بہت بڑی ریلی کی صورت میں بستی ملوک کا چکر لگایا پورے راستے پھولوں کی پتیاں نچھاور کی جاتی رہی ممبر بستی ملوک پریس کلب چوہدری رضوان یوسف نے نومنتخب عہدیداران کو کامیابی پر عشائیہ دیا