Category: ملتان

شجاع آباد (نمائندہ باغی ٹی وی)شوہر کی بیس سالہ قید اور تشدد سے بیوی ہلاک، پیسوں کی چمک کے باعث پولیس کی برائے نام کاروائی،ایوب رات کی تاریکی میں ہی رابعہ کو دفنانا چاہتا تھا،
بیٹی حمیرا ۔ہلاکت سے دو روز قبل ابو نے مکا مارکر امی کا جبڑا توڑدیا، شوگر کی مریضہ ہونے کے باوجوددو دن تک کوئی علاج نہ کرایا، حالت خراب ہونے پر ٹی ایچ کیو اور پھر نشتر ملتان لے گئے اور پھر امی کی لاش ہی گھر آئی
ا یوب اپنی بیوی اور بچوں کو تالا لگا کر قید رکھتا اور تشدد کرتا تھا،ایوب نے اپنے بچوں کو کبھی پولیو کے قطرے تک نہ پلوائے، نشتر لے جانے اور پھر لاش گھر واپس لانے تک بچوں کو گھر میں قید رکھا، ایس ایچ او تھانہ سٹی پیسوں کی چمک کے باعث ایوب کے خلاف کاروائی سے گریزاں ہے اور قتل کو طبعی موت میں تبدیل کررہا ہے،معاملہ ہیومن رائٹس فورم پر لے جائیں گے، پولیس کے اعلیٰ حکام سے نوٹس لینے کا مطالبہ، اہل محلہ
تفصیلات کے مطابق سندھی گیٹ سر کلر روڈ کے رہائشی ایوب کی 45 سالہ بیوی رابعہ کا جنازہ جب نشتر ہسپتال ملتان سے گھر پہنچا تو محلہ میں کہرام مچ گیا۔ ایوب رات کی تاریکی میں گیارہ بجے خاموشی سے جنازے کے بعد رابعہ کو دفنا دینا چاہتا تھا کہ اہل محلہ نے میڈیا کو اطلاع دی اور میڈیا کی نشاندہی پر ایس ایچ او تھانہ سٹی اشرف گل موقع پر پہنچ گئے۔ ایوب کی بیٹی حمیرا نے بتایا کہ ہلاکت سے دو روز قبل میرے ابو نے میری امی کو مکا مارا جس سے میری امی کا جبڑا ٹوٹ گیا۔ میری امی شوگر کی مریضہ ہیں اور دو دن تک شدید تکلیف کے باوجود ابو نے امی کا کوئی علاج نہیں کرایا۔ کل حالت زیادہ خراب ہونے پر امی کو ہسپتال لے کر گئے اور رات کو امی کی لاش گھر آئی۔ اس دوران بھی ہم لوگ گھر میں نظر بند تھے۔ میرے والد ہمیں گھر میں تالا لگا کر رکھتے ہیں۔ کسی کو ہمارے گھر اور ہمیں باہر جانے کی اجازت نہیں ہے۔ اہل محلہ اور قریبی رشتہ داروں نے پولیس اور میڈیا کو ایوب کے ظلم کی داستانیں سناتے ہوئے کہا کہ ایوب اپنی بیوی اور بچوں کو تالا لگا کر قید رکھتا اور تشدد کا نشانہ بناتا تھا۔خواتین سمیت کسی کو ایوب کے گھر آنے کی اجازت نہ تھی۔ ایوب نے اپنے بچوں کو کبھی پولیو کے قطرے تک نہیں پلوائے۔ اہل محلہ نے مزید بتایا کہ ایوب بہت ظالم انسان ہے اور اسی نے اپنی بیوی کو تشدد کرکے ہلاک کیا ہے۔اہل محلہ کے مشتعل ہونے پر ایس ایچ او تھانہ سٹی نے رابعہ کی لاش کا پوسٹ مارٹم کرانے کا کہہ کرلاش کو ٹی ایچ کیو ہسپتال منتقل کیا جہاں موقع پر موجود ڈاکٹر نے لاش کا سرسری معائنہ کرنے کے بعد لاش کو پولیس کے حوالے کردیا اور اہل محلہ کے اسرار پر ایس ایچ او تھانہ سٹی اشرف گل نے بتایا کہ کوئی اس کیس کا مدعی بننے کو تیار نہیں ہے لہٰذا کچھ نہیں کیا جاسکتا۔ ایس ایچ او نے مزید کہا کہ اس کیس میں مزید کاروائی کیلئے اگر کوئی عدالت سے رجوع کرے گا تو ہم عدالتی حکم کے پابند ہونگے۔ عوامی حلقوں اور سوسائٹی فار ہیومن رائٹس کے ممبر کا کہنا ہے کہ ایس ایچ او تھانہ سٹی پیسوں کی چمک کے باعث قتل کو طبعی موت میں تبدیل کررہا ہے اور اس وجہ سے ایوب کی بیٹیوں کی جان کو بھی خطرہ ہے۔ اہل محلہ نے وزیر اعلیٰ پنجاب، آر پی او اور سی پی او ملتان سے انصاف کی اپیل کرتے ہوئے ایوب کے خلاف کاروائی کا مطالبہ کیا ہے۔ رانا اظہر منیر باغی ٹی وی ملتان ۔شجاع آباد

ملتان (نمائندہ باغی ٹی وی) میں گھریلو تنازع پر ملزم نے باپ کے ساتھ مل کر فائرنگ اور گھر کو آگ لگا کر 10 افراد کو قتل کردیا جس پر دو ملزمان کو گرفتار کرلیا گیا۔

تفصیلات کے مطابق ملتان کے علاقے حسن آباد کے قریب داماد اور سسر کے درمیان جھگڑا ہوا جس میں داماد نے اپنے ساتھیوں کے ساتھ مل کر بیوی، ساس اور ان کے گھر کے دیگر افراد کو فائرنگ اور کمرے میں بند کرکے گھر کو آگ لگا کر 10 افراد کو جان سے مار دیا۔ امدادی ادارے کے مطابق لڑائی کے دوران تین افراد صائم حسن، علی رضا اور لعل محمد زخمی بھی ہوئے جنہیں نشتر اسپتال منتقل کردیا گیا رانا اظہر منیر باغی ٹی وی ملتان ۔شجاع آباد

شجاع آباد (نمائندہ باغی ٹی وی) گورنمنٹ کے فٹ پاتھوں پر قبضہ مافیاں اور دکانداروں کا راج انتظامیہ خاموش تماشائی بنی ہوئی ہے گورنمنٹ کی پراپرٹی کا دکاندار اپنی دکانوں کے آگے اسٹال لگوا کر کرایہ وصول کرنے لگے انتظامیہ نے آنکھوں پر پٹی باندھ رکھی ہے شجاع آباد کا مین بازار بیرون ریلوے روڈ 40 فٹ والا دکانداروں کے قبضہ اور 20 20 فٹ باہر اپنی دکانوں کے اسٹال لگا نے سے دو فٹ کا منظر پیش کرنے لگا اسکے برعکس شجاع آباد کی انتظامیہ غریب رہڑی بانوں پر 5 5ہزار روپے جرمانے کرکے اپنی نااہلی چھپانے لگی حالانکہ گورنمنٹ کی پراپرٹی پر دکانداروں نے سرکاری فٹ پاتھ کرایوں پر دیے ہوئے ہیں جن کا 20 20 ہزار روپے کرایہ وصول کیا جاتا ہے اہلیان شہر کی وزیراعلی پنجاب عثمان بزدار سے اپیل ہے کہ وہ قبضہ مافیاں سے سرکاری فٹ پاتھ واگزار کرائے اور اسسٹنٹ کمشنر صاحبہ کو برابری کی سطح پر آپریشن کرنے کے لیے تحریری حکم نامہ جاری کریں
رانا اظہر منیر باغی ٹی وی ملتان ۔شجاع آباد

بستی ملوک (نمائندہ باغی ٹی وی)دنیا پور روڈ پر تیز رفتار موٹرسائیکل سوار کی سڑک کراس کرنے والے بزرگ شہری کو ٹکر ریسکیو 1122نے فوری طور پر موقع پر پہنچ کر طبی امداد فراہم کی اور زخمی شخص کو ہسپتال منتقل کیا ریسکیو کی طرف سے زخمی کو طبی امداد فراہم کرتے ہوئے روڈ پر رش ہو گیا جبکہ پیٹرولنگ پولیس نے لوگوں کو ہٹانے کی بجائے اپنی گاڑی بھی روڈ پر کھڑی کرتے ہوئے ٹریفک کےلئے مشکلات میں مزید اضافہ کر دیا ۔ رانا اظہر منیر باغی ٹی وی ملتان ۔شجاع آباد

بستی ملوک (نمائندہ باغی ٹی وی) جعلی زرعی ادویات کا دھندہ عروج پرکئی ایکڑ فصل تباہ خستہ حال کسانوں کا احتجاج
بستی ملوک میں جعلی زرعی ادویات اور کھاد کی فروخت بے خوف جاری ہے انتظامیہ کنٹرول کرنے میں ناکام دکھائی دیتی ہے محکمہ زراعت کے افسران و فیلڈ آفیسر زرعی ادویات کے ڈیلرز کے پاس بیٹھ کر وقت پاس کرنے لگے زرعی ادویات کے ڈیلرز کا کہنا ہے کہ انسانی زندگی بچانے والی ادویات میں 63فیصد ملاوٹ ہورہی ہے ان سے کوئی پوچھنے والا نہیں اگر زرعی ادویات میں دو فیصد ملاوٹ ہوجاتی ہے ڈیلرزکے خلاف کاروائی کیوں کی جائے بستی ملوک کے ملحقہ علاقہ جات موضع ڈیسی چک نمبر 385/wb،چک سردار پور کے کسان حسنین ولد عاشق،محمد رفیق ولد محمد رمضان نے الزام عائد کیا کہ بستی ملوک ملٹی نیشنل کمپنی نیا سویرا کے برانچ پارٹنر حافظ یسین سے جڑی بوٹی مار زہر خرید کی جس کے استعمال سے گھاس کی بجائے فصل کپاس متاثر ہوگئی ان کہنا تھا کہ سپرے کرتے ہی 13ایکڑفصل کپاس جل گئی ہے متاثرہ کسانوں نے الزام عائد کیا کہ حافظ یسین ملٹی نیشنل کمپنی کی برانچ پر پرائیویٹ اور غیر معیاری ادویات فروخت کرتا ہے جس سے ہمارے جیسے سادہ لوح کسان ان کے چنگل میں باآسانی آجاتے ہیں حافظ یسین کے منشی کے مطابق نیا سویرا کی ادویات مہنگی ہیں حافظ یسین نے سستی ادویات خریدنے والے کسانوں کیلئے پرائیویٹ کمپنی کی شاپ ساتھ بنائی ہوئی ہے وہاں عام کمپنی کی ادویات کسانوں کو مہیا کی جاتی ہیں اس موقع پر درجنوں کسانوں نے احتجاج کرتے ہوئے وزیر اعلیٰ پنجاب سے اپیل کی ہے جعلی زرعی ادویات فروخت کرنے والوں کے خلاف کاروائی کرتے ہوئے ہمیں انصاف فراہم کیا جائے اس بارے جب حافظ یسین سے رابطہ کیا گیا تو اس کا کہنا تھا کہ دوائی زیادہ مقدار میں استعمال کی گئی ہے جس کی ذمہ داری ہم پہ عائد نہیں ہوتی مزید یہ کہ محکمہ زراعت کے آفیسر ادویات کا سیمپل چیک کریں گے ان کے ساتھ ہم کر لیں گے اگر ادویات غلط ہیں تو متعلقہ کمپنی ذمہ دار بنتی اس میں ہمارا کوئی جرم نہیں۔ رانا اظہر منیر باغی ٹی وی ملتان ۔شجاع آباد

شجاع آباد (نمائندہ باغی ٹی وی) جلال پور پیر والا کے قریب واقعہ دعا چونک پر APV وین کو ٹریفک حادثہ ۔وین میں موجود ایک چھوٹے بچے سمیت 5 افراد معجزا تی طور پر مکمل طور پر محفوظ رہے ۔ چھوٹا بچہ معمولی زخمی ھوا ہے ۔وین ڈرائیور کا کہنا ہے چلتی ہوئی وین کا ٹائر برسٹ ہونے کی وجہ سے وین کنٹرول سے باہر ھو گئی اور 40 فٹ گہری کھائی میں جا گری اس واقعہ کی اطلاح ملتے ہی ریسکیو 1122 سروس بر وقت موقع پر پہنچ گئی اور امدادی کاروائی کا آغاز کیا گیا ۔

رانا اظہر منیر باغی ٹی وی ملتان شجاع آباد

ملتان انٹر نیشنل ائیر پورٹ پر ایس ایف اہلکار اپنے عزیزوں کو پروٹوکول دینے لگے ۔اے ایس ایف اہلکار کے مبینہ پروٹوکول کی ویڈیو باغی ٹی وی نے حاصل کر لی۔فوٹیج میں اے ایس ایف اہلکار کو لفٹ سیکشن میں لفٹ آپریٹ کرتے ہوئے ہوئے بھی دیکھا جا سکتا ہے ۔اے ایس ایف اہلکار کی ائیر پورٹ پر پروٹوکول کی ویڈیو وزیراعظم سیٹیزن پورٹل کو موصول ہوئی جس کے بعد ڈی جی ائیرپورٹ سیکیورٹی نے معاملے کی تحقیقات کا حکم دے دیا۔

شجاع آباد (نمائندہ باغی ٹی وی) ریلوے اسٹیشن کے قریب جھکا ہوا بجلی کا کھمبا معصوم جانوں سے کھیلنے کے لئے تیار کھڑا ہے ۔بجلی کا یہے کھمبا جو کئ بار حادثات کا سبب بھی بن چکا ہے واپڈا اور انتظامیہ کی کار کردگی پر سوالیہ نشان ہے بارہا واپڈا والوں کو باور کرایا گیا لیکن ان کے کان پر جوں تک نہیں رینگتی ۔بار بار کمپلین کرنے کے باوجود غیر زمیداری کا مظاہرہ کیا جاتا ہے کئی حادثات کے علاوہ اس کھمبے پر لگے میٹرز بھی جلے ہوئے ہیں اور روز بجلی کا خراب رہنا معمول بن چکا ہے.اس کے علاوہ بھی شجاع آباد میں کئی ایسے علاقے ہیں جہاں پر جھولتی تاریں اور گرے ہوئے بجلی کے پول واپڈا کی کاریگری کا منہ بولتا ثبوت ہیں اہل علاقہ کا واپڈا اہلکاروں کے خلاف سخت کاروائی اور فوری طور پر نوٹس لینے کا مطالبہ تاکہ مزید حادثات سے بچا جا سکے