Category: ننکانہ

باغی ٹی وی ، ننکانہ صاحب ( احسان اللہ ایاز )سانحات سے آگاہی کے قومی دن کے حوالے سے ضلعی ہیڈ کوارٹر پنجاب ایمرجنسی سروسز ڈیپارٹمنٹ ریسکیو 1122ننکانہ صاحب میں سیمنار اور واک کا اہتمام کیا گیا جس میں ڈسٹرکٹ ایمرجنسی آفیسر محمد اکرم پنوار، ریسکیو افسران، ریسکیو سکاؤٹس سول ڈیفنس کے اہلکار، طلباء اور ریسکیو اہلکاروں کی کثیر تعداد نے شرکت کی۔ سیمینار سے خطاب کرتے ہوئے ڈسٹرکٹ ایمرجنسی آفیسر محمد اکرم پنوار نے کہا کہ آفات سے محفوظ پاکستان کی طرف کے مشن کو پایہ تکمیل تک پہنچانے کے لیے حادثات و سانحات کو کنٹرول کرنے اور نقصان میں کمی لانے کے لیے لئے بنیادی ضروری اقدامات اہمیت کے حامل ہیں حادثات سے سانحات تک کے عمل کی روک تھام کے لیے لئے درپیش محرکات و اسباب کو ختم کرنا ہوگا آخر میں اس عزم کا احد کیا گیا کہ بطور ذمہ دار شہری ہر فرد ریسکیو کی بنیادی تربیت، بروقت تیاری اور احساس ذمہ داری اپنائے تو قیمتی انسانی جانوں کے نقصان میں خاطر خواہ کمی لائی جا سکتی ہے سیمینار کے بعد آگاہی واک کا اہتمام کیا گیا جس میں شرکاء نے پلے کارڈز اور بینرز اٹھا رکھے تھے۔ وا ک کے اختتام پر 8 اکتوبر 2005 کے زلزلہ میں شہداء کی بلندی درجات اور ملک و قوم کی سلامتی کے لیے دعا کی گئی

باغی ٹی وی ننکانہ صاحب (احسان اللہ ایاز)تیز رفتار موٹر سائیکل ٹریکٹر ٹرالی سے ٹکرا گئی، بیٹا جاں بحق ، ماں شدید زخمی
تفصیل کے مطابق منڈی فیض آباد روڈ نزد بھٹہ چوک تیز رفتار موٹر سائیکل ٹریکٹر ٹرالی سے ٹکرا گئی، حادثہ کی اطلاع پا کر ریسکیو 1122 کا عملہ وہاں پہنچا، حادثہ کے نتیجہ میں ماں شدید زخمی جبکہ بیٹا زخموں کی تاب نہ لاتے ہوئے زندگی کی بازی ہار گیا،حادثہ میں جاں بحق ہونے والے نوجوان کی شناخت 22 سالہ توصیف کے نام سے ہوئی جبکہ 45 سالہ رانی بی بی شدید زخمی ہوئی، ریسکیو عملہ نے ضروری کاروائی کے بعد ڈیڈ باڈی ورثاء کے حوالے کر دی جبکہ زخمی خاتون کو طبی امداد فراہم کرنے کے بعد ہسپتال منتقل کر دیا

باغی ٹی وی ننکانہ صاحب (احسان اللہ ایاز) ڈی پی او سید خالد ہمدانی کی ہدایت پر ضلعی پولیس ننکانہ صاحب کی ماہ ستمبر کی کارکردگی رپورٹ جاری کر دی گئی۔ تفصیلات کے مطابق ضلعی پولیس نے ماہ ستمبر میں 4 خطرناک ڈکیت گینگز گرفتار کیے۔ ملزمان سے 8 لاکھ 65 ہزار روپے کا مسروقہ مال اور نقدی برآمد کی گئی۔ مختلف کاروائیوں کے دوران قتل، ڈکیتی و چوری سمیت مختلف مقدمات میں مطلوب 90 مجرمان اشتہاری گرفتار کیے۔ 103عدالتی مفروران اور 24 سابقہ ریکارڈ یافتگان گرفتار کیے۔ چوری اور ڈکیتی کے مختلف مقدمات میں ملزمان سے 13 لاکھ 91 ہزار 680 روپے سے زائد مالیت کی نقدی اور مال ریکور کیا گیا۔ مزید کاروائیوں میں ناجائز اسلحہ قبضہ میں رکھنے، ہوائی فائرنگ اور اسلحہ کی نمائش کرنے پر 82 مقدمات درج کیے اور ملزمان سے 64 پسٹل، 5 کلاشنکوف، 7 رائفل، 7 بندوقیں اور 616 گولیاں اور کارتوس برآمد کیے۔ منشیات و شراب فروشی کے خلاف کریک ڈاون میں 61 مقدمات درج کیے اور ملزمان سے 23 کلو سے زائد چرس اور 573 لیٹر شراب برآمد کی۔ ڈسٹرکٹ پولیس ننکانہ صاحب نے پتنگ بازی ایکٹ کی خلاف ورزی پر 7 مقدمات درج کر کے 5 پتنگ بازوں اور 3 دوکانداروں کو گرفتار کیا۔ ملزمان کے قبضہ سے 443 پتنگیں برآمد کیں۔ دریں اثناء مزید کاروائیوں کے دوران کرایہ داری ایکٹ کی خلاف ورزی پر 5 جبکہ ساونڈ سسٹم ایکٹ کی خلاف ورزی پر 1 مقدمہ درج کیا۔ پکار 15 پر بوگس اور جھوٹی کال کرنے والوں کے خلاف 8 مقدمات درج کیے۔ ننکانہ صاحب پولیس نے خدمت مراکز پر آنے والے 1246 شہریوں کو سہولیات فراہم کیں جبکہ ٹریفک پولیس ننکانہ نے 576 شہریوں کو ڈرائیونگ لائسنس جاری کیے۔ ڈی پی او سید خالد ہمدانی کا کہنا ہے کہ ضلعی پولیس عوامی جان و مال کے تحفظ اور سماجی خدمت کو یقینی بنانے میں دن رات مصروف عمل ہے۔جرائم پیشہ عناصر کی بیخ کنی اولین ترجیح ہے

باغی ٹی وی ننکانہ صاحب(احسان اللہ ایاز)ضلعی ہیڈ کوارٹر پنجاب ایمرجنسی سروس ڈیپارٹمنٹ ریسکیو 1122ننکانہ صاحب نے موٹر بائیک ریسکیو سروس کی افتتاحی تقریب کا اہتمام کیا گیاجس میں ڈپٹی کمشنر ننکانہ احمر نائک نے بطورِ مہمان خصوصی شرکت کی تقریب میں ڈپٹی کمشنر احمر نائیک نے فیتہ کاٹ کر موٹر بائیک ریسکیو سروس کا باقاعدہ افتتاح کیا اس موقع پر ڈسٹرکٹ ایمرجنسی آفیسر محمد اکرم پنوار کے ساتھ دیگر ریسکیو افسران اور ریسکیورز بھی موجود تھے تقریب سے خطاب کرتے ہوئے ڈپٹی کمشنر احمر نائیک نے کہا کہ موٹر بائیک ریسکیو سروس پنجاب گورنمنٹ کا ایک احسن منصوبہ ہے کسی بھی ایمرجنسی کی صورت میں فوری طور پر شہریوں کو ان کی دہلیز پر ریسکیو سروس دستیاب ہوگی مزید برآں ریسکیو 1122 کی خدمات اور کارکردگی عوام الناس کے لئے مثالی ہیں اور ریسکیورز کا جذبہ اور پیشہ ورانہ انداز قابلِ ستائش ہے یقیناً موٹر بائیک ریسکیو سروس ننکانہ صاحب میں مددگار اور معاون ثابت ہوگی ، اس موقع پر ڈسٹرکٹ ایمرجنسی آفیسر محمد اکرم پنوار کا کہنا تھا کہ موٹر بائیک ریسکیو سروس سے اوسطاً ریسپانس ٹائم 7 منٹ سے کم کرکے 4 منٹ پر لانا ممکن ہوگا گنجان آباد، زیادہ ہجوم، تنگ گلیوں اور دشوار گزار راستوں میں بروقت ریسکیو سروس کی فراہمی کو یقینی بنایا جائے گا۔ریسکیو افسران اور ریسکیورز نے موٹر بائیک ریسکیو سروس کے آغاز پر فلیگ مارچ بھی کیا فلیگ مارچ ڈسٹرکٹ ایمرجنسی آفیسر محمد اکرم پنوار کی قیادت میں ضلعی ہیڈ کوارٹرز پنجاب ایمرجنسی سروس ڈیپارٹمنٹ ریسکیو 1122 ننکانہ صاحب سے شروع ہوکر ریلوے روڈ سے براستہ دھولر چوک، یادگار چوک، لاری اڈا اور کشمیر روڈ سے ہوتا ہوا سنٹرل سٹیشن ریسکیو 1122 پر اختتام پذیر ہوا آخر میں ایمرجنسی آفیسر محمد اکرم پنوار نے میڈیا نمائندگان کا شکریہ ادا کیا گیا

باغی ٹی وی ننکانہ صاحب (احسان اللہ ایاز ) ننکانہ صاحب موڑ کھنڈہ بھائی پھیرو روڈ نزد جاتری سٹاپ تیز رفتار کوسٹر بے قابو ہو کر کی قلابازیاں کھا کر دور جاگری حادثہ کی اطلاع پا کر ریسکیو 1122 کا عملہ 5 ایمرجنسی وہیکلز کے ساتھ جائے حادثہ پر پہنچ کر حادثہ کے نتیجہ میں 4 خواتین سمیت 10 افراد شدید زخمی ہوئے زخمیوں کو ریسکیو 1122 عملہ نے فوری ابتدائی طبی امداد فراہم کرنے کے بعد ہسپتال منتقل کر دیا حادثہ تیز رفتاری کے باعث پیش آیا زخمیوں میں شان ، مہرین بی بی ،نذیر ،تعجبین ،رحمت ،سنی بی بی ،نسرین ،ممتاز ،خورشید شامل ہے