Category: ننکانہ

ڈی پی او سید خالد ہمدانی کی ڈی ایس پی ٹریفک اعجاز شاہ، ٹریفک پولیس افسران و سٹاف اور ہیڈ برانچز سے میٹنگ،ٹریفک پولیس کی کارکردگی کا تفصیلی جائزہ ٹریفک نظام کو مزید بہتر بنانے کے احکامات جاری.
باغی ٹی وی ننکانہ صاحب (احسان اللہ ایاز) ڈی پی او سید خالد ہمدانی نے کانفرنس ہال میں ڈی ایس پی ٹریفک ننکانہ اور ضلعی ٹریفک پولیس افسران و دیگر سٹاف سے میٹنگ کی ٹریفک پولیس افسران و سٹاف سے تفصیلی تعارف اور جائے تعیناتی دریافت کی ڈی پی او نے تمام ٹریفک پولیس افسران دیگر سٹاف کو تفصیلی بریف کیا۔ ڈی پی او کا کہنا تھا کہ ٹریفک پولیس سے میٹنگ کا مقصد ضلع بھر میں ٹریفک نظام کی بحالی اور ٹریفک پولیس کی کارکردگی کو مزید بہتر بنانا ہے۔ تمام ٹریفک سٹاف اپنی ڈیوٹی ایمانداری اور احسن طریقہ سے انجام دیں اسکولوں میں چھٹی کے اوقات کے دوران سڑکوں پر ہجوم ہوتا ہے جس سے شہریوں کو مشکلات کا سامنا کرنا پڑتا ہے لہذاسکول کے اوقات میں چوک پر ڈیوٹی اور پٹرولنگ کو یقینی بناتے ہوئے ٹریفک نظام کو رواں رکھا جائے لاری اڈوں، ویگن اسٹینڈز اور رکشہ اسٹینڈز کی ریگولیر بنیادوں پر چیکنگ کریں۔چوک چوراہوں میں ریڑھیاں، رکشے و دیگر گاڑیاں نہ کھڑی ہونے دی جائیں۔ شاہراہ عام پر ٹریفک کی بحالی اہم ذمہ داری ہے۔ ڈی پی او کا مزید کہنا تھا کہ ٹریفک پولیس کی کارکردگی کی چیکنگ کے لیے سپیشل ٹیمیں تشکیل دی جائیں گی جو روزانہ کی بنیاد پر مجھے رپورٹ دیں گی۔ روڈ ڈیوٹی یا لائسنسنگ برانچ میں کرپشن کی شکایت پر سخت محکمانہ کاروائی عمل میں لائی جائیگی۔ ڈی پی او نے آفس سپرنٹنڈنٹ میڈم ثمینہ کو لائسنسنگ برانچ کے آڈٹ کے متعلق احکامات جاری کیے۔ تمام ڈیوٹی پوائنٹس اور اڈوں پر فلیکسز آویزاں کریں جس پر افسران کے موبائل نمبرز تحریر ہوں تاکہ شہریوں کو ٹریفک کے متعلق مسائل اور دیگر امور میں مدد فراہم کی جا سکے۔ ٹریفک پولیس افسران و سٹاف ڈیوٹی پوائنٹس پر اپنی حاضری کو یقینی بنائیں۔ ڈی پی او کا مزید کہنا تھا کہ رشوت اور کرپشن میں ملوث اہلکار ناقابل معافی ہیں۔ محکمہ کی بدنامی کا سبب بننے والےپولیس افسران کو کسی صورت معاف نہیں کروں گا۔ دوران ڈیوٹی شہریوں سے حسن اخلاق اور نرمی سے پیش آئیں۔ فرض شناس اور ایماندار پولیس افسران محکمہ کے لیے قابل فخر ہیں۔ میٹنگ کے اختتام پر ڈی پی او نے تمام ٹریفک پولیس افسران و سٹاف سے مسائل دریافت کیے اور فوری حل کے احکامات جاری کیے

باغی ٹی وی : ننکانہ صاحب(احسان اللہ ایاز ):ناجائز منافع خورواورملاوٹ مافیا کوختم کرکے دم لیں گے،اشیائے ضروریہ کی گراقیمت وصولی اور ناپ تول میں کمی کرنے والوں کے خلاف مقدمات درج کروائے جائیں،شہریوں کوسرکاری نرخوں پر اشیائے خورونوش کی دستیابی کو ہرصورت یقینی بنایا جائے ۔ ایڈیشنل ڈپٹی کمشنر فنانس و پلاننگ رانا امجد علی
شہریوں کوسرکاری نرخوں پر اشیائے خورونوش کی دستیابی کو ہرصورت یقینی بنایا جائے ناجائز منافع خورواورملاوٹ مافیا کو نہیں چھوڑینگے،کم وزن اور زائد قیمت پراشیائے ضروریہ کی فروخت کرنے والوں کے خلاف مقدمات درج کروائے جائیں،پرائس کنٹرول مجسٹریٹس نان اور روٹی ودیگر اشیائے ضروریہ کے وزن پر خصوصی نظر رکھیں اورکریانہ مرچنٹس کی مقررہ نرخوں پر دستیابی یقینی بنانے کے لیے فیلڈمیں موجودرہیں ضلعی پرائس کنٹرول کمیٹی کے اجلاس کے دوران اشیائے خورد نوش کے پرچون نرخ مقرر کرنے کے حوالے سے منعقدہ اجلاس کی صدارت کرتے ہوئے کیاڈسٹرکٹ آفیسر انڈسٹریز رانا خاور حفیظ،،ڈپٹی ڈائریکٹر زراعت توسیع محمد اشرف، سیکرٹری مارکیٹ کمیٹیز ودیگر ضلعی افسران نے اجلاس میں شرکت کی اے ڈی سی فنانس وپلاننگ رانا امجد علی نے کہا کہ تمام پرائس کنٹرول مجسٹریٹس سرکاری نرخوں کے مطابق اشیائے ضروریہ کی فروخت پر عملدرآمدکو یقینی بنائیں تاکہ گرانفروشوں کے خلاف پرائس کنٹرول مجسٹریٹس کی کاروائیوں سے صارفین کو فوری ریلیف مہیا کیا جاسکے ۔اس موقع پر پرائس کنٹرول کمیٹی کے ممبران کی مشاورت سے مختلف اشیائے خورونوش کے ریٹ مقرر کیے گئے ہیں جن میں چاول سپر باسمتی پرانا 230،چاول ادھواڑ125روپے فی کلو،دال چنا موٹی 235،دال چنا باریک230 ، دال مسور (موٹی)250،دال ماش دھلی ہوئی 366، دال مونگ 215، سفید چنے (موٹے)چیکو295،چنے سیاہ موٹے232 ،چنے سیاہ باریک 226، بیسن245 چینی بمطابق گورنمنٹ پالیسی،آٹا 20کلو تھیلہ1295،آٹا 10کلو تھیلہ 648، گوشت چھوٹا 1300،گوشت بڑا600، روٹی (100گرام) 10، سادہ نان (100گرام) 15، دودھ لیٹر 100، دہی 110، سبزی ،پھل، چکن، گھی ،انڈے بمطابق ریٹ لسٹ مارکیٹ کمیٹی کے مطابق ہونگے

باغی ٹی وی ننکانہ صاحب (احسان اللہ ایاز کی رپورٹ) شاہ کوٹ جھمرہ روڈ چکنمبر 59 گاؤں میں نوجوان نے خود آگ لگا لی اطلاع پا کر ریسکیو 1122 کا عملہ وہاں پہنچا
آگ لگنے سے 32 سالہ شہباز بری طرح جھلس گیالواحقین نے بتایا کہ نوجوان کا ذہنی توازن درست نہیں جس کی وجہ سے خود کو آگ لگا لی ریسکیو عملہ نے فوری ابتدائی طبی امداد فراہم کرنے کے بعد تحصیل ہیڈ کوارٹرز ہسپتال شاہ کوٹ منتقل کر دیا

ننکانہ صاحب بچیانہ روڈ نزد کوٹ سادھو رام سٹاپ تیز رفتار موٹر سائیکل بے قابو ہو کر کھڑی ٹرالی سے ٹکرا گئی
باغی ٹی وی – ننکانہ صاحب(احسان اللہ ایاز)حادثہ کی اطلاع پا کر ریسکیو 1122کا عملہ وہاں پہنچا حادثہ کے نتیجہ میں 2 افراد زخموں کی تاب نہ لاتے ہوئے زندگی کی بازی ہار گئےریسکیو عملہ نے ضروری کاروائی کے بعد ڈیڈ باڈی لواحقین کے حوالے کر دیں حادثہ میں جاں بحق ہونے والوں کی شناخت 40 سالہ محمد ارشد اور 24 سالہ عمر عرفان عزیز کے نام سے ہوئی

ننکانہ:دریائے راوی میں نہاتے ہوئے 2 آدمی ڈوب کر جاں بحق
باغی ٹی وی :ننکانہ صاحب ( احسان اللہ ایاز) پرانا سیدوالا کے قریب دریائے راوی میں 4 دوست نہا رہے تھے کہ ان میں 2 دوست ڈوب گئے،اطلاع پا کر ریسکیو 1122 کا غوطہ خور عملہ وہاں پہنچا ، ریسکیو 1122 عملہ نے پیشہ ورانہ مہارت سے دونوں دوستوں کی ڈیڈ باڈیز دریائے راوی سے نکال لی دریائے راوی میں ڈوبنے والوں کی شناخت 25 سالہ حسیب اور 19 سالہ علی کے نام سے ہوئی جو کہ ضلع اوکاڑہ کے رہائشی تھے

منشیات فروشوں کے خلاف کریک ڈاؤن ، بدنام زمانہ منشیات فروش رانی سنیاری گرفتار
باغی ٹی وی : ننکانہ صاحب( احسان اللہ ایاز کی رپورٹ)ضلعی پولیس کا منشیات فروشی کے خلاف کریک ڈاون جاری ایس ایچ او تھانہ مانگٹاں والا محمد علی چدھڑ اور ہمراہی ٹیم نے منشیات فروشہ کو رنگے ہاتھوں گرفتار ڈی ایس پی سرکل بڑا گھر سید زاہد شاہ کی زیر نگرانی تھانہ مانگٹانوالہ پولیس نے بدنام زمانہ منشیات فروشہ رانی سنیاری کو رنگے ہاتھوں گرفتار کیا ملزمہ کے قبضہ سے چرس 1240 گرام برآمد کر کے مقدمہ درج کر لیا گیا۔ ڈی ایس پی سرکل بڑا گھر سید زاہد شاہ کا کہنا ہے کہ منشیات فروشوں کے خلاف موثر کاروائیاں بلا امتیاز جاری رہیں گی۔ جرائم پیشہ عناصر کی بیخ کنی کے لیے دن رات مصروف عمل ہیں

باغی ٹی وی – ننکانہ صاحب( احسان اللہ ایاز کی رپورٹ)ننکانہ صاحب موٹر وے ایم 3 نزد ٹھٹہ عیسیٰ سٹاپ موٹر وے پولیس مزدے والے کا چالان کر رہے تھے کہ پیچھے سے آنے والے آکسیجن سپلائی مزدے نے ڈرائیور کو ہٹ کیا ، حادثہ کی اطلاع پا کر ریسکیو 1122 کا عملہ وہاں پہنچا ، حادثہ کے نتیجہ میں مزدے کا ڈرائیور زندگی کی بازی ہار گیا جبکہ آکسیجن سپلائی مزدا موٹر وے سے نیچے جا گرا ،ریسکیو عملہ نے ضروری کاروائی کے بعد ڈیڈ باڈی موٹر وے پولیس کے حوالے کر دی. حادثہ میں جاں بحق ہونے والے نوجوان کی شناخت 20 سالہ محمد صابر کے نام سے ہوئی جو کہ ضلع رحیم یار خان کا رہائشی تھا

باغی ٹی وی – ننکانہ( احسان اللہ ایاز کی رپورٹ) سات ماہ قبل ڈی سی او آفس کے قریب ملزمان سابق انسپکٹر پولیس اور عاقل صدیق اور دیگر نے اکبر کو فائرنگ کرکے شدید زخمی کر دیا تھا اکبر لاہور میو ہسپتال میں زیر علاج تھا جو زخموں کی تاب نہ لاتے ہوئے جاں بحق ہو گیا ورثاء نے ڈیڈ باڈی تھانہ سٹی ننکانہ صاحب کے سامنے رکھ کر شدید احتجاج کیا اور پولیس کے خلاف نعرے بازی کی ورثاء نے بتایا کہ پولیس تھانہ سٹی ہمارے مقدمے میں نامزد ملزمان گرفتار نہیں کررہی ہمارے مخالفین ہمارے اوپر بوگس مقدمات درج کروا رہے ہیں اس موقع پر ڈی ایس پی ہیڈ کوارٹر مقصود بھٹی اور ایس ایچ او تصور منیر پولیس کی بھاری نفری کے ہمراہ موقع پر پہنچ گئے انہوں نے ورثاء سے مذاکرات کئے اور ڈیڈ باڈی کو ڈسٹرکٹ ہسپتال ننکانہ صاحب میں پوسٹ مارٹم کے لیے منتقل کر دیا اس موقع صحافیوں سے گفتگو کرتے ہوئے ضلعی پولیس ترجمان نے کہا کہ اس مقدمہ کے ملزمان ضمانت پر ہیں.